انا في حيره شديده

[وردة_85]

السلام عليكم ... انا عضوه جديده في هذا المنتدى الرائع ..

وان شاء الله اكون اخت خفيفه عليكم... ^_^

ابدأ بموضوعي الا وهو ان في شاب تقدم لي من معارفنا عن بعد

واهله وايد زينين وطيبين

وهو ماشاالله عنده طموح وشغله اوكي ودينه واخلاقه كل شي تمام الحمدلله

بس المشكله مب قادره اتقبل شكله ..ان شاالله تتفاهمون وتحسون فيني ...ودي اتقبل شكله بس

مب قادره حتى مع الاستخاره ونفس الوقت مب قادره ارفضه حاسه بتأنيب الضمير

وكل يوم اقول حق عمري الجمال والشكل مب كل شي ...وياما حلوين خذوا مب حلوين

بس بعد في شي يخليني ما اوافق ....وحالتي النفسيه رايحه فيها بسبة هالموضوع

علما بأن اهله يبوني ومتمسكين فيني ...بس ماعرف شو اسووي

يارب تسامحني



وانتظر رايكم ونصايحكم لي بصدر رحب

 

[ماتغير شي]

اهم شي دينه واخلاقه


انتي استخيري ثاني وثالث مره وان شالله الله يكتبلج اللي فيه الخير

 

[لمى الهاجري]

تر ا لالجمال مو كل شي ياما ناس حلوين بس لاسف تعاملهم مع زوجاتهم زفت والعكس صحيح دام الرجال زين ويخاف الله فيج هاي اهم شي وانتي عقب تقدرين تغريينه بلوكه تشترين له بدلات واشياء او تقولين سو جي سو جي

 

[amorah1]

اختي نصيحه من اختج اذا الشاب زين واخلاق ويخاف الله توكلي على ربك

ترى الشكل ما يفيد

شنو الفايده خذيتي واحد حلو وطلع عيونج

فكري بعقلج اهم شي انك تكوني عايشه ومرتاااااحه

واذا صار نصيب صدقيني مع الايام راح تحبينه وتشوفينه احلى الناس بعيونج

عسى ربي يكتب لج الخير​

 

[Pinky -cat]

الاستخارة اول وتالي وترا مو كل شي الشكل صج شي مهم بس انتي زين سوو خطوبة وشوفي شنو اهوا من انسان بالتعامل
عقب حكمي عليه بعدين ترا تقدرين تغيرين من ستايله او قصة شعره او الللحية يعني هالسوالف مع الوقت تقدرين تقولين
له سو جذي او جذي بيكون عليك حلو ، او البس هالشي بيكون عليك روعه ومن هالكلام المنمق

 

[Lady_q8]

اذا انتي مو حابته من البدايه لاتوافقين .. لاتخلينه يتعلق فيج وانتي مو قادره تبادلينه الشعور .. انا حاسه فيج لان صار معاي نفس الموقف و انفصلت .. وحسيت بتانيب الضمير لاني خليته يدفع ويحط و انا ما ابيه .. حتى اهله كانوا طايرين فيني .. نصيحه اذا مو حابته ارفضيه

 

[وردة_85]

اهم شي دينه واخلاقه


انتي استخيري ثاني وثالث مره وان شالله الله يكتبلج اللي فيه الخير

جريب شهر ونا استخير ..ومب حاسه بشي يعني بموافقه او من هالقبيل

وصدقتي الدين والاخلاق هم اساس الزواج بس الله كريم ...ومشكورة وايد ^^

 

[وردة_85]

تر ا لالجمال مو كل شي ياما ناس حلوين بس لاسف تعاملهم مع زوجاتهم زفت والعكس صحيح دام الرجال زين ويخاف الله فيج هاي اهم شي وانتي عقب تقدرين تغريينه بلوكه تشترين له بدلات واشياء او تقولين سو جي سو جي

والله كلهم قالوا لي نفس الكلام اقصد خالتي وامي بس ماااااااادري محتاره جدا جدا :eh_s(16):

ثانكس عزيزتي على الكلام الحلو

 

[وردة_85]

الاستخارة اول وتالي وترا مو كل شي الشكل صج شي مهم بس انتي زين سوو خطوبة وشوفي شنو اهوا من انسان بالتعامل
عقب حكمي عليه بعدين ترا تقدرين تغيرين من ستايله او قصة شعره او الللحية يعني هالسوالف مع الوقت تقدرين تقولين
له سو جذي او جذي بيكون عليك حلو ، او البس هالشي بيكون عليك روعه ومن هالكلام المنمق

والله استخير ...ترى اقول حق اخوي اعزمه على بيتنا خلني اشوفه عدل واراقب تصرفاته

اخوي قالي لا ماله معنى نعزمه وخوفي ترفضينه بعد ....هو صح كلامج الاغلب قالي نفس الكلام

والله يقدرني على اتخاذ القرار ....

اشكرج حبيبتي :eh_s(17):

 

[وردة_85]

اذا انتي مو حابته من البدايه لاتوافقين .. لاتخلينه يتعلق فيج وانتي مو قادره تبادلينه الشعور .. انا حاسه فيج لان صار معاي نفس الموقف و انفصلت .. وحسيت بتانيب الضمير لاني خليته يدفع ويحط و انا ما ابيه .. حتى اهله كانوا طايرين فيني .. نصيحه اذا مو حابته ارفضيه

ايواااااااااااا هاللي ابي اوصل له....انزين عقب ما نفصلتي تقدم لج شاب غير ولا ؟

تراني مب صغيره وايد عشان ارفض وارفض ...وبنفس الوقت اتخاذ القرار عندي وايد

صعب

 

[يجازيك بحبك]

أهم شيء أختي الاستخارة و رأيج اهلج

والله يوفقج

 

[خطوتي حلمهم]

انتى استخيري كثير وفوق هذا وش تستفيدين زوج حلو يدمر جمالك وهشي بعد مو قاعده كل حلو سئ العشره بقدر ماتحللين الموضوع بعقلك وحاولى بخيالك تجملينه وتتقبلينه واذ مررره ماتقبلتى لاتقدمي على شي ماحبته يمكن انتى تكوني سبب تعاسته وتعاسه نفسك

 

[روجَ آحمرَ ..×]

خليك من شكله
وطالعي اخلاقه ودينه وطيبت قلبه
اذا تبين تعيشين ملكه

 

[شبيهة ديمة بشار]

حبيبتي اذا استخرتي ومو مرتاحه بعدالاستخاره خلاص ارفظي مع ان الجمال مومهم

وياما رجال جميلين وتدلعون و يتكبرون على زوجاتهم

والله
يرزقك
الزوج
الصالح
في
دينه
ودنياه
وخلقه
وخلوقه

 

[^^ ǺГฬα]

وعليكم السلام ورحمه الله وبركاته

حبيبتي اهو حييل قبيح لدرجه انه ماتتخييلين انج بتقعدين معاه ويكون زوجج !!!!

والا مقبول شكله بس انتي تبين واحد مزيون وحلو ؟؟

اذا الاول من حقج

وهم ترا الجمال موكل شي ياما ناس حلوين بس اخلاقهم وتعاملهم x

وتكرهينهم بسبة اخلاقهم

وياما ناس موحلوين بس من تعاشرينهم اخلاقهم وتعاملهم

يحليهم ربي بعيون عباده

واستخيري اكثر من مره

والله يكتب لج اللي فيه خير

ونشوفج بقسم العروس تجهزين

​

​

 

[بنت والنعم فيني]

ماراح أقول اكثر من اللي قالوه خواتي
والله سبحانه وتعالى شرع النظرة للخاطب عشان يكون في ارتياح وتوافق من الطرفين

أنا مثلك رفضت ولد عمي مع انه متدين واخلاق بس شكله ماكان عاجبني وكنت صغيرة وتفكيري سطحي اني اتزوج انسان جميل وسوالف الرومانسية
والحين من تزوج وحده ثانية مدللها آخر حد وتحسفت ..بس سبحان الله كل شي قسمة ونصيب


فأنتي قارني بين ميزاته وسيئاته من خلال السؤال عنه وان اكتشفتي انه انسان صالح وتقي توكلي على الله
بس اهم شي تكونين مقتنعه فيه وبقرارج عشان ماتندمين بعدين

واللي الله كاتبه بيصير يعني بيصير

الله يوفقج حبيبتي ويسعدج

 

[zozo.7ob]

حبيبتي الجمال جمال الاخلاق مو الشكل
و هو يخاف الله و كل شيء قبل لا تاخذينه لازم تختبريه عشان في ناس في البداية زينين و بعد الجواز الله لا يوريك بس اذا جد يخاف الله توكلي على الله و تقدرين تغيرين من شكلة اهم شيء الاخلاق

 

[وردة_85]

اهلا فيكم خواتي ....واشكر كل عضوه بأسمها دخلت وشاركت وعطتني رايها ما قصرتوا حبيباتي جعله الله في ميزان حسناتكم


بخصوص الاستخاره مازلت استخير واهلي مرتاحين له ولأهله ...



اما شكله لا مب قبيح ....ولا انه في منتهى الوسامه ...انما هو عادي يعني ويهه مدور

وابيضاني واشقر ولحيته خفيفه مثل ما يقولون (بيبي فيس)

...انا مشكلتي كنت اتمنى انسان اسمر او حنطي شوي وفيه طول

وضخامه لكن الحمدلله على كل حال ...اللي مشجعني فيه انه طموح واخلاق ودين ونا شايفه بعيني هالشي كذا صور..واحيانا يحطونه بالجريده


والله يكتب اللي فيه الخير ....ومشكورين وايد على ردودكم اللي تريح والله ارتحت الحين فديتكم كلكم :eh_s(17):

 

[لآلئ وردية]

حبيبتـي انتي

الحلاة موب كل شيء

ترى اللي بيـدوم لج الروح و الأخـلاق

+ الجمال احيانا يكون نقمة مو نعمه

سبحان الله و الحمدلله

بس ما تدرين يتمون البنات حاطين عينهم علييه و الغيره تشتغل

و يمكن يشوف روحه علييج

فسبحان الله

دام الكل يمدحه ليش ترفضين

ردي استخيري

و إذا حسيـتي انج ابدا مو متقبلته ارفضي

و لا تظلميـن نفسج و تظلمينه و توافقيـن بس عشان تحمليـن لقب متزوجه

الله يوفقـج و يسخر لج الخيـر يا رب​

 

[معزوفة عشق&]

​

وعليكم السلام ورحمه الله وبركاته

حبيبتي اهو حييل قبيح لدرجه انه ماتتخييلين انج بتقعدين معاه ويكون زوجج !!!!​

والا مقبول شكله بس انتي تبين واحد مزيون وحلو ؟؟​

اذا الاول من حقج ​

وهم ترا الجمال موكل شي ياما ناس حلوين بس اخلاقهم وتعاملهم x​

وتكرهينهم بسبة اخلاقهم ​

وياما ناس موحلوين بس من تعاشرينهم اخلاقهم وتعاملهم ​

يحليهم ربي بعيون عباده​

واستخيري اكثر من مره ​

والله يكتب لج اللي فيه خير​

ونشوفج بقسم العروس تجهزين

​

​

معاها :rerrerek::rerrerek:

فكري قبل لاتقرري من كل النواحي ومافي مانع من استشارة اقرب الناس
واعرف كثير متزوجين حلووين ووسيمين لكن استغفر الله الاخلاق ميييح صفر%
والامر راجع لك ..استخيري وخاصه ف الثلث الاخير ولو تم الموضوع ع خير اعرفي ان هذي خيرة من ربي
وبالتوفيق لك