موظفات وزارة العدل واللي لها خبرة ي ليت تفيدوني

[عذبة السجآيآ]

السلام عليكم

شلونكم ي الغوالي عساكم بخير


حبايبي اللي موظفة بوزارة العدل هالسنه او لها خبرة ي ليت تفيدني

انا قبلوني بالوزارة وتخصصي سكرتاريه وادارة مكتبيه دبلوم سنتين

ابي اعرف شنو احلى قسم فيها

وجم معاش الدبلوم اول تعيين

ووين اقدم اوراقي وين مكانهم بالضبط


وانا اقرب لي محكمة الرقعي ....اللي موظفه فيها ي ليت تفيدني بالاقسام

وشلون اختار القسم اللي يكون زين ؟ سمعت احلى شي شؤون الموظفين

ي اللي عندها خبرة بكل شي تفيدني حتى عن العلاوات


وماتقصرررون

 

[عذبة السجآيآ]

الله شدعوه عليكم 22 مشاهده ولا وحده ردت بكلمة

 

[عادت ذكرياتي]

وزارة العدل بمجمع الوزارات


أما باجي الأمور كان ودي أفيدج بس ما أعرف ^-*


أب


أب

 

[زين ودلال]

اب

اب

 

[غـلآوي ّ ~]

up

لـعيووونجّ يّ آلـغلآآ

 

[Huda alotaibi]

مساء الخير وكل وانتي بخير سررت بانضمامك معنا في وزاره العدل

تخصص سكرتاريه اداره اعمال مكتبيه افضل عمل هو شؤون الموظفين
حيث لا شآن بآحد سوى امور الموظفين
اما اذا كنتي تودين العمل مع الجمهور والمراجعين افضل اداره رغم تردي تقاريري بالبدايه بسبب
عدم استعابي لامور القانون كوني تخصص اعمال مكتبيه ويعتمد اساسا على اداره الهيئه
وبعد سنه من اتمام عملي الوظيفي في اداره التنفيذ اصبحت الامور تمام وتحسنت تقاريري
فانا مرتاحه بالعمل وخاصه فيما يتعلق بشؤن القانون والتعامل مع الجمهور على الساحه التنفيذيه

فاقتراحي لك جربي كل شي الى ان تستوعبي طبيعه العمل وتتكيف مع الكثير من الفئات العمريه
اجمل مافي الوظيفه الانضباط والتجربه كل مافي الامر ان تتقبلي وتحبي العمل الذي تقومين به

 

[عذبة السجآيآ]

بعد عمري كل من رد فديتكم والله


اختي هيدا <<اتمنى قريت الاسم صح

هلافيج ومرحبااا وماقصرتي ي قلبي


بس بسالج انتي وين بالعدل بالوزارات او الرقعي

وماقلتيلي جنم معاش اللي مثل شهادتنا دبلوم وهل فيها علاوات وكوادر ولا لا

 

[Huda alotaibi]

بعد عمري كل من رد فديتكم والله


اختي هيدا <<اتمنى قريت الاسم صح

هلافيج ومرحبااا وماقصرتي ي قلبي


بس بسالج انتي وين بالعدل بالوزارات او الرقعي

وماقلتيلي جنم معاش اللي مثل شهادتنا دبلوم وهل فيها علاوات وكوادر ولا لا

مســـــــــــــاء الخيـــــر :eh_s(17): اهلا باللي مغلط باسمي :eh_s(7):
معاج هدى محكمه الاحمدي اداره التنفيذ تخصص سكرتاريا اداره اعمال مكتبيه
راتبي يا محفوظه السلامه تقريبا 700 د.ك فقط لاغير امل ان يكون في زياده بعد سنه :yaaaaaarb:

 

[عذبة السجآيآ]

مسااء الانوار والسموحه منج اختي هدى


اذيتح معاي وبالاسئله بس بسالج جم صارلج متوظفه واول تعيين لج جم معاشج



وانا سمعت عن الشؤون الوظيفيه شلون اخليهم يحطوني فيها اذا ابيهاا ولا اهم يقررون

وعساااااج عالقوه وربي يبارك لج بمعاشج وحياتج يارب

 

[عذبة السجآيآ]

هدى اليوم زوجي راح يكمل اوراقي بس صدموني بشغله


قالوا لازم اول سنتين اداوم بمجمع الوزارات وبعدين تنقل

يعني لازم اطبق اول سنتين بعدين انقل ولا بالمقابلة يحددون المكان القريب لمنطقتي

 

[Huda alotaibi]

مسااء الانوار والسموحه منج اختي هدى


اذيتح معاي وبالاسئله بس بسالج جم صارلج متوظفه واول تعيين لج جم معاشج



وانا سمعت عن الشؤون الوظيفيه شلون اخليهم يحطوني فيها اذا ابيهاا ولا اهم يقررون

وعساااااج عالقوه وربي يبارك لج بمعاشج وحياتج يارب

مساء الخير :eh_s(17): اهليييييين انا متوظفه من سنه 2010 وتمنيت 6 اشهر وقدمت استقالتي
وتعينت مره ثانيه شهر 5 سنه 2012 والحين صارلي سنه على الوظيفه والراتب نفسه تقريبا 700 فقط
كنت بشؤون الموظفين قسم الخدمات بس ملل ماكو شغل بس كان وناسه بالنسبه لي حسيت مكان غرفتي الثانيه كنت حاطه كل وسائلل الترفيه بعكس الان قسم التنفيذ ممنوع لابتوب نظرا لان الموقع حساس
ومشغول بالمراحعين .


اما انج تقدمين كتاب الى مجمع الوزراه او تنطرين سنه من وظيفتج يعني بعد 6 اشهر وتسوين نقل اداره من خلال موافقه الرؤساء وبس >>>>>>>>> اذا عندج واسطه يكون النقل اسرع حسب ما شفته من بقيه الزملاء



اجمعين ياقلبي :eh_s(17): كل التوفيق اتمناه لك

 

[وحيدة امى]

مبروك يافديتج ياغلا كله عذوب يعطيج من خيرها ويكفيج شرها وعلي فالها الولد اامين

 

[Huda alotaibi]

هدى اليوم زوجي راح يكمل اوراقي بس صدموني بشغله


قالوا لازم اول سنتين اداوم بمجمع الوزارات وبعدين تنقل

يعني لازم اطبق اول سنتين بعدين انقل ولا بالمقابلة يحددون المكان القريب لمنطقتي

:eh_s(17): مساء الخير انتي بمجمع الوزراه عدل >>>>> بس من، قال انا يوم كنت ابي انتقل قالي مراقب
تروحين للوزراه ولا مايتم النقل الا بعد اكمال 6 اشهر والنقل من اداره الى اداره من شهر 1 > 7
مجمع الوزراه مخسبقينا عدل اول مره اسمع ان سنتين يمكن مجمع الوزراه يختلف عن المحاكم

 

[عذبة السجآيآ]

وحيدة امي يعمري عمرج والله

الله يجزاج خير ي الغاليه واللهم امين

 

[عذبة السجآيآ]

مساء النور هلا ي الغاليه

لا هدى انا للحين مادري وين ييحطوني للحين ماتعينت

بس الموظفه قالت حق زوجي لازم اول سنتين عندنا بمجع الوزارات وبعدين تنقل
حق اي مكان نبيه او قريب من بيتي


وانا مابيهم يحطوني بالوزارات لان الرقعي اقرب لي حيل

 

[M!SS.LOBY]

بالتوفيق

 

[Huda alotaibi]

مساء النور هلا ي الغاليه

لا هدى انا للحين مادري وين ييحطوني للحين ماتعينت

بس الموظفه قالت حق زوجي لازم اول سنتين عندنا بمجع الوزارات وبعدين تنقل
حق اي مكان نبيه او قريب من بيتي


وانا مابيهم يحطوني بالوزارات لان الرقعي اقرب لي حيل

صباح الخير يمكن فتره تدريب لأن انا أول ما تعينت قالولي تدريب
في قصر العدل ولاكن بفضل الله ورعايته لي تم التدريب يوم واحد من أصل 3 أيام

وبعدها تعينت في الاحمدي
بس سنتين كأول تعين أول مره اسمع يمكن انتداب الله واعلم
كل التوفيق لك اختي الغاليه *

 

[عذبة السجآيآ]

ي حياتي والله ي هدى ماقصرتي

الله يجزاج كل خير ويرزقج ويطمن بالج يارب

 

[Huda alotaibi]

ي حياتي والله ي هدى ماقصرتي

الله يجزاج كل خير ويرزقج ويطمن بالج يارب

:yaaaaaarb: شصار عليييج :eh_s(7):

شششلون الدوام