السسلآم عليكم .. مسسسآء الخير ع الجميع والله يشفي الجميع ويسهل امورهم :eh_s(7):
صصراحه جذبني الموضوع وسجلت بالمنتدى اقول تجربتي وافيد الي يبي يسسون العمليه او يسستفسرون عنها
بـدخل بالموضوع من النص
..
انا كان عندي تأخر بـ الفك العلوي يعني راجع للخلف والفكين ما كانت تتطابق بشكل طبيعي واذا سكرت الاسنان بينهم فراغ طبعا اللي عنده خلفيه عن الموضوع عارف ان نطق بعض الحروف مثل س , ص , ج يكون صعب شوي وما يطلع بالنطق المعروف بشكل واضح لكن مو لدرجة انه ما ينعرف لا لكن فيه شوي تشويش وعدم وضوح بنطقه .. هذا من جهه
والشي الثاني انه شكل الوجه كان برضه يعني غير ملائم ومبين فيه مشكله بالاسنان ..
قررت ابدأ العلاج بشكل رسمي قابلت جراح متخصص فعمليات الفكين والتجميل وعنده خبره عاليه ومجاله و عملياته تشهد له ما شاء الله عليه .. قالي انت الحين تحتاج لـ فترة تقويم يرتب الاسنان ويأهلها لـ انتقال فترة العمليه بحيث انها تكون مطابقه لما نقدم الفك العلوي يكون الفك بمكانه الطبيعي اللازم .. ونصحني اروح لـ دكتور تقويم بينهم تواصل وكان يرسل الحالات الي تجيه لـ هالدكتور ويستقبلها اذا جهزت للعمليه بكشل كامل ..
والحمد لله بديت بالتقويم وجلست فتره مابين السنتين بالتقويم لـ حد ما جاء اليوم الي قالي الحين انت يا ابراهيم جاهز للعمليه وبـ استطاعتك تكلم دكتور الجراحه ويشوفك واذا عنده نقاط ولا اي ملاحظات نسويها و بعدها تسوي العمليه بكل بساطه واريحيه .. طبعا كلمة عمليه لحالها تخلي الوآحد يتلخبط .. رحت و صار بيني و بين دكتور الجراحه تواصل وشافني وقال الامور سليمه وجاهز بالكامل ما ناقصنا إلا تحديد موعد العمليه ..
قالي قبل العمليه بكم يوم يمكن نحتاج نسوي لك تقديم لـ الذقن وهذا نقرره في نفس العمليه ولا تخاف ولا تقلق من هالشي .. طبعا الاكل ممنوع بعد العمليه لـ فترة ست اسابيع ( بس اشياء خفيفه سوائل ) وعصيرات , اول اسبوعين من العمليه بيكون ممنوع عنك شرب اي شي حار او دافي
كل شي بارد او متوسط البروده , وحدد لـي موعد مقابله مع دكتور التخدير وموعد بنفس اليوم لـ سحب الدم
طبعا مشيت على الي طلب مني .. وتحدد موعد عمليتي بتاريخ 13\12\2012 يوم الخميس الساعه 8 الصبح مدة العمليه اربع ساعات فـي مستشفى المملكه بـ الرياض
ليلة العمليه صوموني من الساعه 12 وقالولي تجي المستشفى الساعه 6 الصباح تكون موجود
سويت العمليه وبفضل الله نجحت طبعا اليوم الاول راح اغلبه نوم حتى اللي اهلي والي جو يزوروني ما لحقت اعطيهم وجه .. وجهي كآن متورم بشكل يضحححكك هههههههههههههه
الحمد لله راحت الدوخه من ثاني يوم وخف آثر البنج والورم صار واضح والدكتور كل ما دخل علي هو والوالد يجلسون يضحكون علي وانا لي الله ههههههههههههههههههههههههههههههههههههههههههههههههههه
ما علينا اصلا عادي .. والحين انا لـي 3 اسسابيع مسوي العمليه والحمد لله كثير امور تحسنت مو زي قبل والفضل يرجع لله الي وفقني ونجحت العمليه ثم لـ الدكتور ..
ممممممممممم استقبل اسألتكم والي يبي يقول اي شي ويسأل حياه ربي بكل اريحيه اتقبل اسألكتم واستفساراتكم هذا الي قدرت اكتبه عن تجربتي واذا نسيت شي او راح شي عن بالي ذكروني فيه بـ اسألتكم حبايبي ..
