منو يعرف نوادي بعطلة الربيع

[لوزين]

مرحبا بنات

بغيت نوادي بالفتره الصباحيه وتكون بالمنطقه العاشره

والف شكر

 

[ام عماري]

وانا بغيت نوادي او اي شي حق تاسيس اولي ابتداي بس منطقة العاصمة ويجزاها الله الف خير اللي تدلني

 

[غـــنـــوجـــه]

وانا الي تعرف بالجهراء تكتب التفاصيل ..

\
\
\

ودمتي بود ..~

 

[M!SS.LOBY]

احس شي نادي السباحة

 

[سيدة الذوق]

رفع

بنات حتي انا ابي حق بنتي عطلت وانا اداوم لازم اوديها نادي صبح

ابي بالمنطقة العاشرة

 

[لوزين]

اب



اب




بليز اللي يعرف لايبخل علينا

 

[ناصر حياتي]

في نادي الصبح في حضانه سمارت كير
في فهد الاحمد
انا دخلت ولدي فيه
اتمنى اني افدتكم

 

[om janoona]

قوه بنات
انا قريت بالجريدة قبل اسبوووع
ان في نادي بإجازة الربيع حق البنوتات
بس النادي بالسالمية
ويعلمون الرسم و الاكسسوارات و اشغال فنية

 

[A boss]

my gym ili ib discovary mall imsawe nade li36lat il rabe3 il 9b7 tara its nice

 

[لوزين]

مرحبا صبايا


ادري اختفيت عن الموضوع مره وحده
بس كنت احوس بالنت والانستقرام ادور نوادي ولقيت بس اغلبها داخل«حقدت عليهم

لقيت مخيم ربيعي بالشاميه تبع الاصلاح الاجتماعي
وحضانة رينبو انقلش قروب وميزتها ان في نادي بعد الظهر طول السنه شي حلو ويونس الصغار ويخفف ضغط الدراسه
ونادي بنان بالشهداء هالنادي يبلش مع المدارس ويومين بالاسبوع بس النادي كلمة روعه شويه عليه شوفوه بالانستقرام حبيته حيل بس بعيد علي حيل وماكو باصات»ببجي
والمشرفين شباب وبنات كويتين

مدرسة الرساله مسويه برنامج ديني اعتقد 3 ايام بالاسبوع بس ايام الدراسه
حضانة جنتي بمنطقة العدان عندهم برنامج لعطلة الربيع ويستقبلون للحين وعندهم مواصلات والعصر بشهر مارس يبلشون بدروس تقويه لطلبة المدارس
حلقة الارتقاء بالعدان برنامج لتلاوة القرآن والدروس الاسلاميه وشغالين طول السنه



ماحطيت ارقام لاني مستعجله وسوا بحث بقوقل وبتلقونهم بسرعه


دعواتكم لي

 

[لوزين]

وفي لتل انجنيرز
وجونيورز انجنيرز

المهندس الصغير بس بلشوا برامجهم حبيت اذكرهم للافاده

والاكاديميه العربيه لدعاء الراوي تلقونها بتويتر ومسويه برنامج كيف تصنع وجبتك بالاشتراك مع بيتزا هت


واي استفسار انا حاضره


انا ماسجلت فيهم للعلم بس هذا نتيجة بحثي بالنت وحبيت افيدكم

 

[ام _خلودي]

وانا بغيت نوادي او اي شي حق تاسيس اولي ابتداي بس منطقة العاصمة ويجزاها الله الف خير اللي تدلني

حبيبتي عندك استاذ جواد ملا جمعه بالجابريه