عندي سؤال بخصوص الغسيل

[مولاي الفرج]

السلام عليكم

بنات انا غسالتي عاديه

يعني احط ماي وصابون واقط الملابس وتالي احطهم بالنشافه

بس ابي اعرف اذا برد احط ملابس مرة ثانيه شسوي بالماي والصابون اللي ظلو داخل ؟؟

اغسلهم عادي يعتبر نظيف ولا ارد اغسله واحط ماي وصابون مرة ثانيه

امبيي دخت من هالسالفه بروحي وسواسيه شرايكم :eh_s(7):

 

[**ام نايف**]

يسعدج اختي،،
لاموجذيه تقطين بالغسالة وبس..اول شي تفرزين لثياب الملابس الداخلية البيضا..ملابسج الداخليه..الملون..والفامج كل شي بروحه..طبعا الشراريب عز ج الله بروحهم..الفوط نفس الشي..
الملابس الداخلية + الفوط + الشراريب..يفضل غسلهم بصابون مبشور(الوزير)
الباقي حطي ماي فاتر وحطي الصابون شغلي الغسالة لين يرغي الصابون وحطي الملابس مثلاا لملون بروحه بس خلي الغسالة تغسله فرتين بالساعة ..بعدين شيليه ..حطي بعده الغامج ونفس الشي فرتين وبدلي الماي حق الي بعده مثلا..
الملابس الي بصابون الوزير اول شي الملابس الداخلية..بعدها حطي الله يعزج الشراريب..وغيري الماي..

اتمنى اني افدتج واي استفسار ثاني حاضرين..

 

[مولاي الفرج]

ام نايف يسلموو انا سؤالي بس عقب ماطلع الملابس شلون اغير الماي يعني عقب كل لبس احط تشطيف ولا شنو

وبس

 

[**ام نايف**]

ام نايف يسلموو انا سؤالي بس عقب ماطلع الملابس شلون اغير الماي يعني عقب كل لبس احط تشطيف ولا شنو

وبس

حياج الله..
عن نفسي الحين غسالتي تغسل وتشطف وتنشف بروحها..بس قبل كانت عندي نفسج..كنت احط تب فيه ماي بعد مايغسلون اشيلهم واحطهم بالتب ازيل الصابون واحطهم بالنشافة..
او تحطين هوز الماي بفتحة النشافة تشيلين الملابس من الحوض وتحطينهم بالنشافة وتبطلين الماي وهي تلف عاد تلاحظين خروج الصابون من خرطوم الغسالة لين يصير صافي بندي الماي وخليها تنشفهم

 

[مولاي الفرج]

مشكووورة وماقصرتي :**********

 

[شطانه طفله]

اب لعيونج ما اقدر افيدج لان انا اتوماتيك وانصحج بالاوتوماتك اريح واحسن

 

[أم يزيد &سديم&]

معقووولة ما عندك أتوماتيك

 

[orange blossom]

بالنسبه لي
انا اغير الماي
لأن احسه صار وسخ من بعد تنظيف الملابس