هنا يوميات رشيقات 2013

[تووته البسكوته]

اخترت الاخضر حق الفريق الثاني لوووول
امس تغديت همبورغر مشوي مع جم بطاطا ماقدر اقاوم وبلسل كنت معزومه كليت تبوووله
الصبح عصير فرش مع فطيره وسناك شوي سبال


انا اقترح ان نخلي ارسال الاوزان لي يوم الاحد الظهر ؟؟شرايكم ؟؟

 

[زعفرانة_73]

شنو سبب الجوع زعفرانه ديري بالج لاتخربين الريجيم خالي ارادتج قويه وعسى ربي ينحفج وينحفنا كلنا وحنا بصحه وعافيه ونفرح بالرشاقه يارب

حياتى حساسه لا تحاتين ان شاء الله مانى مخربه الدايت ،آمين حياتى الله يثبتنا.:hjy5jewf:​

 

[زعفرانة_73]

بسم الله
====
يومى 22/1
الفريق الأول
الفطور


الغدا
وانا بجيان ماركت لفت انتباهى هالعلبه( طبعا لمحبى البذنجان) فيها 300 جم ومجموع الكالورى252 سعره حراريه وتنفع اذ ما كان عندج وقت وتبين شى سريع ( طعمها عجبنى)


واهنيه بعد ما سخنتها بالمكرويف

ان شاء الله أكمل بعدين
​

 

[Zoozie]

بنات متى النتايج؟؟

 

[غلا غدير]

الفريق الاول

قعدت الساعه 1

فتريقت شوية عصيدة وقهوى عربيه

لظروف صحيه:eh_s(22)::eh_s(22):

 

[جنة الابرار]

اليوم قاعدة الساعة ١١ الظهر وشربت كوب نسكافيه ومن شربته سد نفسي وللحين مااكلت شي

 

[Ryami_q8]

انا ريوقي كان صمون الهمبرجر بالنخاله وبيضه مسلوقه وجبن سلفايد و كوب ماء
لا يتعدى ٣٠٠ سعره


و الغدا
صمون همبرجر و برقر لحم بقري و شريحة طماط و أناناس كي دي دي
لا يتعدى ال ٤٠٠ سعره تقريبا


والعشا شابورة وشاي

و طبعاً الماي والشاي الاخضر شي أساسي

و الرياضه بشتغل سَـآ۶ــهْْ
ع الغزال الطائر والدانس و جذي

و بالتوفيق جميعاً

 

[الوردة المكنونة]

السلام عليكم انا حابه اكون معاكم بما ان التسجيل لي 30/1

بس مادري راح اكون مع اي فريق

طولي 170
وزني 80

الهدف الاول 75

زيادة الوزن بسبب الحمل والولاده

ان شاء الله من باجر ببدي اكتب يومياتي

 

[امـ خــزامـى]

ان شاءالله بكررا اول يوم رجييييم ومششي

بنااات وش تتوقعون انا من بعد رمضاان سمنت وسمنتي غريبه
اشك انه هرمووون
انا طبعا عندي غده بس حاليا هي نشطه يعني المفرووض انحف؟

صدرري كبر وطلعتلي كريشه مع انه نوع جسمي اسمن من تحت وفوق داائما نحيفه !!!

هالمره لاعكس سمنت من فوق

ماادري محتااااره

 

[زعفرانة_73]

مساكم خير وبركه ان شاء الله
===
الفريق الأول
أخذت سناك
حبة افندى وقرص عقيلى من المطاحن فيه 200 كالورى


وشربت كوب قرفه

​

 

[am rakan]

مرحبا انا صحيت 4 واكلت خبز بر وشوي جبن وكوب شاي

 

[زعفرانة_73]

بسم الله
===
الفريق الأول



العشا


شرب الماء مفتوح
الحمد لله​

 

[منـــوه]

مساالخير حبيباتي ..

اليوم مر بسلام والحمدلله

ريوقي توست جبن وشريحة مرتديلا + كوب حليب

غداي همبرجر بالمشروم وشريحة جبن سلايس

سناك تفاحة وكوب حليب

العشا توست بالبيض وجبن ..

والحمدلله ..

.
.
في نقطة مضايقتني وهي اني من بديت بالتخفيف ورضاعتي خفت حيل واضطريت اعطي ولدي مساعد صناعي ..

وانا توني والدة لي ثلاث شهور بس ..

افكر اقطع الرضاعة موليه والتزم بالرجييم حيييل عدل عدل عشان ما احسر بعمري ووليدي ..

ووزني كل اسبوع اما واقف او نازل نص كيلو وبالكثير كيلو واحد 
.
.
شووركم لا هنتوا

 

[مايم]

السلام عليكم
كيفكم ان شالله بخير
الحمدالله اليوم معناوياتي كانت عاليه والله الحمد
الفطور \بيض وخبز بر وكوب كركديه
الغداء\كااااااان شوي اندومي عن الخاطر
العشاء\زبادي اكتفياء لايت وحبه كيوي
الماء وخلطه الكمون والزنجبيل......الخ شي اساسي




توتة البسكوتة فكر حلوه الوزن يكون الاحد اذ قطوووة ماعندها مانع

 

[*جوود*]

مرحبا
الحمد لله لازلت مستمره بالرياضة لمدة ساعه تقريباً:yaaaaaarb:
الأكل شوية خربطه:eh_s(4):
أنا من الفريق الثالث ..أرسل الوزن لمنو ؟؟؟​

 

[الكلثوم]

الريوق : ٣ تمرات و٦ لوز ني وجم قفشه شوفان وبذرة كتان بحليب قليل الدسم ونتفة عسل
الغدا : مرق هامور ماكثرت وخس وجرجير
سناك : موزة وافندية و٣ جوز ني
العشا : بيضه مسلوقه وحليب قليل الدسم محلى بالعسل وجبن ابيض بزيت الزيتون والزعتر ونص حبز اسمر محسن
بما ان اليوم سويت رياضه بعد انقطاع طويل :: ٢٥ دقيقه ع الغزال الطائر قبلها تسخين وعقب رقص نص ساعه
فأكلت مكافأة : كاكاو الميني الي كبر الظفر جم حبه ومقدار ملعقه كبيرة حب مصري =")

 

[فرزاشيهـ]

صباااح الخير


اول يوم رجيم بحياتي كان امسس لاني ماكنت احتاج بس عقب الحمال زاد وزني 23

المهم

ريوقي >> كورن فلكس & حليب low fat

غدااي. << ستيك دجاج مشووي مع شويه كتشب و 3 حبات فرنش فرايز

العشا << بطاطا مشوويه بالفرن بالجبنه

و 30 دقيقه fitness dance ك بدايه

"" بلبش بالسنااك مثلكم من باجر وو ملاحظه تاكلون لوز ني شسالفته ?

 

[امـ خــزامـى]

نفس السؤال ؟

وش سالفة اللوز الني ؟

 

[مسك إلمحآسن]

اليوم تقريبا ماكليت شي ادري مو زين بس النوم متخربط و احس جسمي يعورني من المشي يمكن !!!


بقوم اسويلي حليب ونسكافيهه

 

[مـذهـلـه]

أمس 2 شريحة توست وحلوم مع حليب لايت وكاكاو لايت

والعشا نفس الشي بس قفشتين صغار نسكويك

الرياضه 10 دقايق الغزال