تقرير رحلتي الشتاء - تركيا

[سميرة العوضي]

و كملنا تمشي

و بعدها قررنا نتغذا

و بعدين رحنا تقسيم - شارع استقلال - ما عجبني المكان نهائيا زحمه على الفاضي

العاب كأنها حقيقية تتنفس

ورحنا مجمع

 

[سميرة العوضي]

الفن بالزجاج و الكرستال

حبي الابدي

فكره حلوه بالسوبرماركت ان تقدرين تحاسبين لنفسج

مرشملوا تركي

و تعشينا في برجر

صورة مجمع اخر



رجعنا الفندق و حبينا نسوي مفاجأه لأمي بمناسبة عيد ميلادها و طلبنا كيكه و الفندق قالنا هديه منهم للوالده






و حياكم على الريدبول و الموز المجفف المملح




تصبحون على خير



و انتهينا اليوم الثاني كان خفيف و ممتع
رحنا فيه اكثر من مجمع و طزيقة التنقل كانت تاكسي

للعلم التكاسي مو غالية لكن فاصلوا في ناس تنصب يعني مشوار يعطيكم ياه ب 50 و احنا رحنا له 20
و في ناس تخفي الفلوس سريع و تقول ما عطيتوني مني لوول
بس الحمد الله احنا ما حاشنا الا واحد طول السفره
و كان في ناس وايد امينين يعني نزيدهم يركضون ورانا انتوا معطينا زيادة ليش
و في ناس تسولف معانا و تعطينا اماكن و مجمعات


و الحين اقولكم مع السلامة و اشوفكم بالجزء الياي بأذن الله بيكون عن رحلتي الي ارض البياض اكثر مكان استمتعت فيه بورصه و فوق اعلى جبال تركيا

اختكم : سميرة العوضي

 

[بخـــارى]

تو الناس عالنوم
ليش تنامين مبجر؟

 

[منيرة خالد]

روووووعه تصويرج حلمي ازور تركيا ان شاء الله هالصيف اذا الله كتب


تقريرج راح يفيدني بالمعلومات


تشكرااااات هانم

 

[غالتيدا]

ي حبيلك

تصويرك روووووعه

 

[هدوء العالم]

هلا والله بأختي الغالية سميرة العوضي

من زمان ماشفت نكج بالكويتيات

واليوم بتقرير

واااو ذكرتيييني بتركيا العجيبة إلي تدخل القلب من أول مرة

يعطيج العافية على الصور إلي تحسسنا بالبروودة

جربتها بالصيف والجو كان حلووو وإن شاءالله بالشتاء

متاااابعة

 

[سـلام العـشق]

حبيبتي ياليت تكتبين اسامي المجمعات والمطاعم

 

[noor salam]

الله الله الله على تركيا جميييييييله جدا
عليكم بالعافية

 

[لوكريسيا]

عليكم بالعافية

 

[ashwaaq]

عليكم عاافيه

انا سكنت ب المنطقتين تقسم حلوه ووسيعة صدر

والسلطان احمد هدوء ورومانسيه اكثر على حسب الشخص وش يفضل عاده

كملي حبيبتي منتظرينك

 

[بخـــارى]

وينج:bbbiu:

 

[Vanilia]

تقريرج يونس حبيبتي الحمدلله على سلامتج انتي والوالده

 

[سميرة العوضي]

تو الناس عالنوم
ليش تنامين مبجر؟

ان قصدج هني بالكويت لان دوامات مرات انام من مبجر و مرات اواصل

و ان قصدج هناك لا ما انام من مبجر بس وقتهم بعد 7 فضاوه -- و انا انام على 11 او 12

روووووعه تصويرج حلمي ازور تركيا ان شاء الله هالصيف اذا الله كتب


تقريرج راح يفيدني بالمعلومات


تشكرااااات هانم

تسلمين .. و ان شاء الله تروحين لها و تستانسين

عفوا

ي حبيلك

تصويرك روووووعه

تسلمين

هلا والله بأختي الغالية سميرة العوضي

من زمان ماشفت نكج بالكويتيات

واليوم بتقرير

واااو ذكرتيييني بتركيا العجيبة إلي تدخل القلب من أول مرة

يعطيج العافية على الصور إلي تحسسنا بالبروودة

جربتها بالصيف والجو كان حلووو وإن شاءالله بالشتاء

متاااابعة

حبيبتي تسلمين

الله يعافيج

و مشكوورة على المتابعه

حبيبتي ياليت تكتبين اسامي المجمعات والمطاعم

المجمعات وايد رحت و مو حافظتهم كلهم لان كنت ضمن السوالف مع التاكسي نقوله يقترح لنا اسم مجمع و يودينا

اللي حفظتهم اوليفيم و جواهر و ستيس و فوم و ماما فوم

و في واحد انا حاطه اسمه من برا
و رحنا بعد شارع كله ماركات و رحنا شارع في اشياء جمله

و المطاهم نفس الشي مو حافظتهم كلهم لكن في بعضهم مصوره اسمه و حاطتهم بالتقرير

الله الله الله على تركيا جميييييييله جدا
عليكم بالعافية

الله يعافيج

عليكم بالعافية

الله يعافيج

عليكم عاافيه

انا سكنت ب المنطقتين تقسم حلوه ووسيعة صدر

والسلطان احمد هدوء ورومانسيه اكثر على حسب الشخص وش يفضل عاده

كملي حبيبتي منتظرينك

الله يعافيج

صح من جذي ذكرت ان تقسيم لويه اما سلطان هدووء

وينج:bbbiu:

موجودة بس تأخرت على ما صفيت لكم الصور لليوم الثالث و هو بورصه ان شاء الله بيكون 140 صوره

تقريرج يونس حبيبتي الحمدلله على سلامتج انتي والوالده

الله يسلمج

تسلمين

 

[سميرة العوضي]

و اكمل لكم التقرير و نوصل لليوم الثالث

و اهو يوم ارض البياض بورصه

و نفس ما ذكرت لكم ان الرحله تم حجزها من تركيا و شامله وجبة الغذا

كان الاتفاق ان يكون القايد ساعه ٦.٣٠ بالفندق ياخذنا
و بالفعل بنفس الوقت ييه
و عرفنا على نفسه

كان واااااااايد يونس القايد اسمه مصطفى اصله تركي احنا قلنا مانبي عرب و كان مصطفى حيييل يونس و من كثر ما كنا ميننينه علمناه عربي
كل شوي يقول لنا تعالوا تعالوا بدال كام لووول و وايد مواقف مضحكه صارت معاه وايد استانسنا معاه طلع معانا ييوم بورصة و المتاحف ونص يوم البسفور و كان معاه مساعده بنت طلعت معانا ببورصه و البسفور كانت بعد تهبل و اول مرا تلتقي بكويتيين و كانت مستانسة وو قعدت سولفت معانا و حيييل حبوبه تساعد امي مرات بالمشي و تحظنهم و حتى اخذت لي صوره معاها تذكاريه

المهم ركبنا الباص و كان معانا عائله اسيويه و كانت تهبل هالعائله و صرنا كأنه عائله وحده مع ان تونا ملتقين

و بدينا بالرحله

بالبدايه كان الريوق منزلي لوول لان الفطور يبدي ٧.٣٠ و احنا مشينا ٦.٣٠ فكلينا بالغرفة اشياء يبناها من سوبر ماركت



تقريبا ٧ وشي بدى يطلع الشمس











و وصلنا للباخره لننتقل للجهه الاخرى و لازم للسلامه نطلع من الباص و نروح فوق



























و وصلنا و ردينا الباص << كان الماي بالباص مجاني



يتبع >>>>

 

[سميرة العوضي]

و ضمن الرحله ودونا محل حلويات و الحلو فيه ان نظيف جدا و رخيص
و صعدنا بالطابق الثاني كان في ناس تسوي الحلوى جدامكم من ورا الجام نشوفه صورتهم بس ماني حابه احطهم لأن صورت بنت مو ولد











و بعد ما شرينا كملنا المشوار























و هني وقفونا و نزلنا









يتبع ،>>>

 

[سميرة العوضي]

دخلونا مسجد و في مؤذن قرأ لنا قرآن

















و بعدين طلعنا رحنا صوب الثاني و قرينا فاتحه على قبور بس نسيت منو كانوا



شوفوا القبور كلها ثلج





و بعد ما طلعنا و دونا محل يبيع صوغه و لبس و اشياء وايد حلوه و احنا شرينا بعد منه صوغه

و بعدين تمشينا شوي







و بدينا نكمل المشوار و نصعد لأعلى قمه في جبل تركيا للغذا







الحياة سعيده لوول







يتبع >>>>

 

[سميرة العوضي]

هني وقفنا قالوا بيسوون التواير و احنا حدنا خفنا حسبالنا ان انفجر





لكن صار عندي فضول و نزلت من السياره اشوف شنو فيه طلع الله يسلمكم علشان لا تتزحلق السياره يحطون حديد على التاير الباصات تواير اللي ورا و الملاكي جدام







جيكو على هذا سبحان الله اللي نبهني عليه مصطفى القايد و هو صوره لي بعد و بعدين صورنا داخل الثلج









و رجعنا للباص







و نكمل المشوار للأعلى سر







وصلنا للمطعم و هو عباره عن لحوم و احنا نشويهم ب شوايه بنص المطعم انا عن نفسي ما حبيته نهائيا و شويت و ما كليت لووول












يتبع >>>

 

[سميرة العوضي]

و خلصنا اكل و كملنا المشوار و ركبنا الباص رايحين للتزلج



























وصلنا للمتعه -- التزلج

اول ما وصلنا نزلنا و قالوا لنا لكم ساعه تتزلجون
عاد رحنا نبي نحجز ايس كار انا ورفيجتي جان يقولنا عرب جان نقوله اي جان يصارخ ارب ارب كام ولا ايي لنا واحد ولا يقولنا ب 200 ليره للشخص قلنا لا مانبي
رحنا للثاني ولا نفس الشي جان نقوله لا جان يقول اوكي 180 و قعد يكاسر معانا لما وصلناها 100 ليره للشخص

تخيلوا النص فيها فرق 100 ليره اي 15 دينار كويتي
و بعدين صورونا بغى يعطينا الصوره ب 10 و صورنا اكثر من 200 صوره
جان نقوله نبي كلهم ب 100 تبي اوكي ماتبي خلهم لك و عطانا و كان جدامنا عرب باعلهم ياه على 20

الصور هذي وانا بالايس كار صورتهم










يتبع >>>

 

[سميرة العوضي]

هذا اللي كان يدلينا الطريج بالايس كار





يالله نرد خلصت الساعه للاسف









صعدنا ناخذ الصور











و بدينا نرجع قبل لا تظلم الدنيا















يتبع >>>>

 

[سميرة العوضي]

و رجعنا للباخره لنرد اسطنبول



شوفوا شكل الماي جنه متجمد



و تعشينا شي خفيف من الكافتريا مالت الباخره



رجعنا اسطنبول







و من التعب نمنا بالباص على ما وصلنا الفندق



كان يووووم رووووعه و ممتع
ما شبعنا من الثلج و كنا ناويين نروح مرا ثانية لكن ما حالفنا الحظ و للاسف التلفريك قافل لمده سنه بس الفاتح مال التزلج

و انتظروني بتقرير الرحله لليوم الرابع و اهو يوم رحله التراث و التاريخ