بنات قروب التلقيح الصناعي ......حياكم الله 2013

[عسل حدي]

السلام عليكم

م بدايه السنه 2013 الله يجعلها سنه خير يارب وافراح

حبيت افتح هاذا التجمع للمقبلات علي التلقيح الصناعي او الي مسوينه

نبي نستفيد من بعض بالخبرات

لان بصراحه تعبت وانا ادور احد استفيد منه مالقيت الا ربعنا الاجانب كل شي حاطينه مابخلو بشي بمعلومه ماشاء الله عليهم


اي وحدة حتي لو تبي تسال او تقول لنا معلومه تكسب فيها اجر تحطها هنا

طبعا الي حملو بالتلقيح ياليت يحطون خبرتهم انا بسهل عليكم والي تدخل تعرفنا عن نفسها وان شاء الله نساعد بعض وندعم بعض

بحط اسئله عجبتني من منتدي اجنبي وحبيت نستفيد منها احنا

1- كم عمليه تلقيح سويتي وبعد كم مرة نجحت ؟
2- شنو كانت مشكله تاخر الانجاب ومن مين الزوج او انتي ؟
3- كم بويضه طلعت معاج بالتنشيط وشنو حجمها ؟
4- شنو نوع المنشطات الي خذتيها ؟
5- عينه زوجج بعد غسيل العينه كم العدد والحركه ؟
6- متي حللتي وطاع عندج التحليل موجب؟
7- كم بيبي حملتي ؟

شعارنا ان شاء الله عن قريييييييييب راح نكون امهات وحوامل ياارب


نكمل اهني بنات اهناك وايد صفحات ومو قادره اركز واتابع وهذاك نخليه كمرجع للبنات الجدد

وحياكم الله

 

["*آآآنؤؤؤقهـ*"]

مبروك التجمع الجديد

وان شاااءالله خير عليكم

 

[شقاوة هداوي]

ماعرف عنه شي ابد ابد الله يرزقنا ياارب عندي امنيه واعرف انها مادري ايش اقول نفسي اروح للمستشفئ ويقولو كذب فيه نبض ياااارب يارب لكن متوقف

 

[حبي راشد]

اب لعيييونج ومبرؤك التجمع ..

 

[عسل حدي]

شقاوي حبيبتي الله ينولج الي في بالج يارب

 

[kly 7ala]

سويتها 3 مرات وما نجحت والسبب من زوجي عنده مشكله بالحركه اخر مره سويتها شهر 12 وما نجحت والحمد الله على كل حال

 

[شقاوة هداوي]

يااارب ياعسل ان يسعدك ويرزقك يااارب وربي تعبااانه لكن الحمدلله انتي ايش سويتي حكيني عنك رحتي لدكتور ايش قالولك ولا نفس قبل

 

[مرا111حب]

انا اللحين مبلشه تحاليل وانشاءالله بسويهاالشهر الياي والله كريم بنات عفيه تجاربكم للتفاؤل

 

[عسل حدي]

انا بطلت تلقيح صناعي لانه سويته ٤ مرات وفشل
انا مع الحقن المجهري نسبة نجاحه اكثر
وصحيح غالي يبيله اقعد اجمع سنه علشان علاج شهر ويمكن يضبط او لا بس شنسوي لجل الحمال نسعى ونحاول وكله على الله

 

[الجووري]

انا نفس حالة عسل حدي مرة وحدة سويت تلقيح صناعي وماحبيت اضيع وقت رحت لتلقيح المجهري وانشاللة ينجح معاي بعدني اخذ ادوية واللة كريم مع انة غالي بس نسبة النجاح اكبر من نسبة التلقيح صناعي وكلة بامر ربج بالنهاية

 

[عسل حدي]

الله يرزقج قريب يالجوري ولا يضيع تعبج انا ائيدج ١٠٠٪
لاتضيعين وقت وتوكلي عالرحمن الي عينه ماتنام

 

[أمة الجليل]

مبروك التجمع الجديد عسل وجزاك الله خيراً

 

[فتونه نونه]

السلام عليكم بنات اشكركم على هذا التجمع وان شاء الله سنه خير عليكم وانتمنى من الله عزوجل ان يرزق كل محرومه الذريه الصالحه اني بصراحه متابعه الكروب وقريت الصفحات مال2012 كلهن وشفت قصصكم وتفائلت والله يرزق المظبط معاها والله يتمم على الحامل ان شاء الله اني سويت التلقيح اول مره بلبدايه الدكتوره اعطتني ادويه للالتهابات لي ولزوجي
والشهر البعده اعطتني كلوميد2 حبه بليوم من ثالث يوم الدوره وفولك اسيد بعدها اخذتلي سونار يوم 13 من الدوره نزلن بيضتين 23 22 نتهت بعدها اعطتني الابره التفجيريه وقالت ننتظر 24ساعه يله نبدي بلتلقيح بعدها في يوم التلقيح اخذو عينه من زوجي ونسبته كانت زينه بس الحركه كانت16/ سووها بلمختبر 43/ وقالت الدكتوره جيد فبدات بلتلقيح واني كنت مشنجه فاعطتني ابره وتاذيت شويه من انتهت قالت استريحي خمس دقائق وقومي فرجعت للبيت ونزلت سوائل مني مااعرف شي فنمت ساعتين وبعد خمس ايام بدا صدري بلنغزات والم قليل مثل مال دوره ولكنه يذهب واني اليوم 10 يوم من التلقيح ولسه تنزل علي سوائل وان شاء الله خير انتظر 15 يوم واحلل والله يرزقني ان شاء الله بيده سبحانه اذا اراد شئ فانما يقول له كن فيكون والحمد لله رب العالمين

 

[أمة الجليل]

السلام عليكم بنات اشكركم على هذا التجمع وان شاء الله سنه خير عليكم وانتمنى من الله عزوجل ان يرزق كل محرومه الذريه الصالحه اني بصراحه متابعه الكروب وقريت الصفحات مال2012 كلهن وشفت قصصكم وتفائلت والله يرزق المظبط معاها والله يتمم على الحامل ان شاء الله اني سويت التلقيح اول مره بلبدايه الدكتوره اعطتني ادويه للالتهابات لي ولزوجي
والشهر البعده اعطتني كلوميد2 حبه بليوم من ثالث يوم الدوره وفولك اسيد بعدها اخذتلي سونار يوم 13 من الدوره نزلن بيضتين 23 22 نتهت بعدها اعطتني الابره التفجيريه وقالت ننتظر 24ساعه يله نبدي بلتلقيح بعدها في يوم التلقيح اخذو عينه من زوجي ونسبته كانت زينه بس الحركه كانت16/ سووها بلمختبر 43/ وقالت الدكتوره جيد فبدات بلتلقيح واني كنت مشنجه فاعطتني ابره وتاذيت شويه من انتهت قالت استريحي خمس دقائق وقومي فرجعت للبيت ونزلت سوائل مني مااعرف شي فنمت ساعتين وبعد خمس ايام بدا صدري بلنغزات والم قليل مثل مال دوره ولكنه يذهب واني اليوم 10 يوم من التلقيح ولسه تنزل علي سوائل وان شاء الله خير انتظر
15 يوم واحلل والله يرزقني ان شاء الله بيده سبحانه اذا اراد شئ فانما يقول له كن فيكون والحمد لله رب العالمين

السلام عليكم فتونه
ان شاء الله خير حبيبتى والافرازات دى عاديه البتنزل منك كان المفروض دكتورك تبلغك انه هتنزل منك افرازات بس الدكتوره ليه ما كتبت ليك مثبت تحاميل او اقراص حبيبتى انبذان الرحمن هذا الشهر انتى حامل واعراضك اعرض حمل كلنا قرينا ان اعراض الدوره هيا اعراض الحمل والبيفصل بينهم ان دورتك متجيش بيمعادها وان شاء الله متشوفهاش غير بعد 9 شهور ويرزقنى ويرزقق الحمل السليم المعافى وكل الاخوات يارب اللهم امين

 

[BaЯBya]

السلام عليكم


1- كم عمليه تلقيح سويتي وبعد كم مرة نجحت ؟

مرة وحده وللحين ناطره النتيجه ..

2- شنو كانت مشكله تاخر الانجاب ومن مين الزوج او انتي ؟

من زوجي بس تحسن حيل وصارت الحيوانات المنويه 29 مليون والحركه 45 . وقلت بسوي تلقيح صناعي قبل ما ينزل العدد مره ثانيه ..
3- كم بويضه طلعت معاج بالتنشيط وشنو حجمها ؟

ما نشطت ولا شي ..ألتبويض عندي زين والبويضه حجمها كان 18 فا عطتني الدكتوره على طول ابره تفجيريه
4- شنو نوع المنشطات الي خذتيها ؟

.. عصير اناناس .. اعشاب مرميه .. اكل زين وابتعد عن الوجبات
5- عينه زوجج بعد غسيل العينه كم العدد والحركه ؟

العدد لاحسن حيوانات منويه كان 20 مليون والحركه صارت 70 ما شاء الله .. لانه يحطونهم بسائل ينشط الحيوانات المنويه للي مسويه تلقيح راح تعرف هالشي ..
6- متي حللتي وطاع عندج التحليل موجب؟

للحين ناطره وان شاء الله خير
7- كم بيبي حملتي ؟

...

وعسى ربي يرزق كل محرومه بالذريه الصالحه ..

 

[عسل حدي]

الله يرزقكم يارب ولا يضيع لكم تعب يارب وتفرحونا قريب

 

[EL-bawarah]

مبروووك التجمع الجديد و عساها سنة خير علينا كلنا

آنه سويت تلقيح السنه اللي فاتت بس الله ماقسملي إنه ينجح و وقفنا عشان زوجي يستمر على العلاج
و هالشهر رحت حق ام فيصل مشيت على ادويتها و سويت تحاليل و اشعة الصبغة و الحين ناطره الدوره تنزل عشان ابلش تلقيح مره ثانيه
و إذا الله ماكتبلي راح اسوي حقن مجهري بالصيف عشان نقدر انجمع تكاليفه

هاذي كل اخباري والله يرزقنا بالذريه الطيبه و يفرح قلبنا دوووم

 

[مرا111حب]

السلام عليكم


1- كم عمليه تلقيح سويتي وبعد كم مرة نجحت ؟

مرة وحده وللحين ناطره النتيجه ..

2- شنو كانت مشكله تاخر الانجاب ومن مين الزوج او انتي ؟

من زوجي بس تحسن حيل وصارت الحيوانات المنويه 29 مليون والحركه 45 . وقلت بسوي تلقيح صناعي قبل ما ينزل العدد مره ثانيه ..
3- كم بويضه طلعت معاج بالتنشيط وشنو حجمها ؟

ما نشطت ولا شي ..ألتبويض عندي زين والبويضه حجمها كان 18 فا عطتني الدكتوره على طول ابره تفجيريه
4- شنو نوع المنشطات الي خذتيها ؟

.. عصير اناناس .. اعشاب مرميه .. اكل زين وابتعد عن الوجبات
5- عينه زوجج بعد غسيل العينه كم العدد والحركه ؟

العدد لاحسن حيوانات منويه كان 20 مليون والحركه صارت 70 ما شاء الله .. لانه يحطونهم بسائل ينشط الحيوانات المنويه للي مسويه تلقيح راح تعرف هالشي ..
6- متي حللتي وطاع عندج التحليل موجب؟

للحين ناطره وان شاء الله خير
7- كم بيبي حملتي ؟

...

وعسى ربي يرزق كل محرومه بالذريه الصالحه ..

الله يرزقج ي رب بس حبيت اسالج شنو اللي حسن العدد والحركه عند زوجج ومنو دكتورتج ؟؟؟

واسفه على الاطاله

 

[عسل حدي]

الله يرزقكم يارب

 

[BaЯBya]

الله يرزقج ي رب بس حبيت اسالج شنو اللي حسن العدد والحركه عند زوجج ومنو دكتورتج ؟؟؟

واسفه على الاطاله

يعالج عند احمد الانصاري ووصف له ابرتين ياخذهم يوم وترك واستمر عليهم لين وصل لعدد زين بس مشكلته بالحركة ماتزيد الا شي بسيط وقررنا نسوي تلقيح صناعي بعياده ماجده اليتامى بس عند الدكتوره شيرين وان شاء الله يتم الحمل باقي 3 ايام على التحليل