طبيب بيطري كويتي

[دكتور كويتي]

اي صيدلية بيطرية موجود عندها دواء ديدان طبعا شركات كثيره اي واحد أخذي . كلهم نفس المفعول .

 

[Loloki]

ابي احسن شركه حق كاسكو ديدان ؟؟

 

[دكتور كويتي]

هذا الدواء ممتاز

 

[Loloki]

دكتور ادري اذيتك اخوي منو يقدر ايبه لي في احد يوصله

 

[دكتور كويتي]

موجود بالري صيدلية اورنالدو . بس لا تتأخرين لازم تعالجين الطير بسرعه .

 

[Loloki]

صباح الخير يادكتور ان شاءالله اي عرفت شارع صيدلات الي جدام سوق الحمام

دكتور الكاسكو الخروج اسهال واسود. شنو الاكل الي احطله انا كنت احطله فواكه الي من zupreem وخلص ومارحت اشتريت والحين شمسي مخلوط

يعني اهو الخروج اهو ليب الحشرات ودود شنو اوكله انا حطيت قفشه كبيره ليمون بماي الي سويته زين ولا لا اهو وحق امازون يلوناب عادي ولا في خطر

<<<< لولو حرام عليج السوال من الصبح هههههه

 

[دكتور كويتي]

صباح النور . بس عطي حبوب لمدة كم يوم عشان يوقف الاسهال . ما انصح تعطين ليمون المشكله انتي تتأخرين بالعلاج شي طبيعي يصير معاه إسهال .

 

[Loloki]

ويييييي صج اي مو هذي مشكله وايد اتاخر صح كلامج انزين شنو اكل الي يوقف اسهال بطال حبوب

مابي اعود كيري على لطويا توها صغير لاحق على شقا هههههههههه

 

[3washen]

السلام عليكم

دكتور عندنا سمجه مزاجيه فجأه تطق اللي وياها لمن تخليهم يموتون ..كان معاها وايد سمج بس تدريجيا ماتوا لمن بقت معاها سمجه وحده مع العلم انها صغيره مو عوده

فشنو الحل مع هالمشكله اللي انعادت جم مره..شلون نخليهم يتأقلمون مع بعض؟؟؟

و لا هذي طبيعة حياتهم و طريقة عيشتهم مع اي كائن غريب عليهم؟؟

و يعطيك العافيه

 

[meyou]

مرحبا .. دكتور لوسمحت ابي حل للقطو اللي عندي اي احد يدخل البيت يشم ريوله ولازم يشم هذي قول ماعليه عادي بس واهو يشم ياويله اللي يتحرك عادي يعضه بعكس الثانيه اللي عندي عاديه طبيعيه واخر مره خدامه امي اول مره يشوفها يوم طنشت فيه عضها عضه قويه هل اهو طبيعي ولا يبيله كف على عينه والله يقص الوي =\

 

[دكتور كويتي]

رد loloki . الاكل اللي يوقف الاسهال مثل بطاط أو رز .

 

[دكتور كويتي]

رد 3washen . شنو نوعها ؟ يمكن يكون المكان صغير عليها . حطي كم شغله داخل الحوض مثل بيت صغير أو أنفاق .

 

[دكتور كويتي]

meyou . فيها عاده سيئه . اي وحده تدخل تعتبر غريبة عليها وتخاف منها . لازم تعاقبينها عشان تعرف انها غلطانه .

 

[meyou]

مشكور دكتور بجرب العقاب عيل معاه .. الله يعطيك العافيه ... اهو شكله ناسي عمره انه قطو مرات يعيش عباله ادمي ههههههه بس خلني اضحكم عليه شويه يموووووووت على النسكافيه 3in1 غراااااااااااامه الفيكس و بس مابي اصدمكم اكثر و اذا تذكرت شي دكتور برجعلك والله يعينك علينا

 

[miss roro]

دكتور عندنا كتكوت كان وايد يتجرك فجاه كاه قاعد شكلها انكسرت ريله شنو علاجه !!!

 

[دكتور كويتي]

رد miss roro . اذا مكسوره الرجل لازم جبس .

 

[miss roro]

شلون اقدر اجبسه؟ وسؤال ثاني في احد يربي كتكوت او محل نقدر نعطيه الكتاكيت يهتمون فيهم اكثر؟

 

[تاليا باقادر]

دكتور القطوة مالت اختي حبست نفسها داخل الصندوق حق الطلعات مادرينا عنها الا لما قامت اختي من النوم وهي كانت في الصندوق طول الليل وتبرزت وتبولت على نفسها داخل الصندوق الحين هي ضعفانة ورافضة الاكل والشرب وماتقدر توقف على ريولها وتطلع صوت غريب ومافي مجال نوديها لبيطري لانو ماكو بيطر بس محل بيع حيوانات اليفة وقال ما يعرف احد في الديرة شنو نعطيها تكفى دكتور كل البيت نفسيته تعبانة

 

[تاليا باقادر]

القطوة ماتت الحين

 

[دكتور كويتي]

رد miss roro . لازم واحد يعرف . مافي احد يهتم فيهم اكثر منج .