طبيب بيطري كويتي

[دكتور كويتي]

 

[tnkora]

دكتور عندي قطوه عمرها شهر و3اسابيع
ما ني عارفه شلون اعلمها علتر بوكس مع اني ما قاعده اغير مكان اللتر بوكس

 

[tnkora]

دكتور اليوم شفتها وانته بالكرامه مسويتها باللتر بوكس بس ما تنضف عمرها شسوي معاها

 

[لوولوو_88]

السلام دكتور ..

شنو العلامات الي نعرف انه فيهم ديدان ولا لا

عندي قطوين ذكور الاول عمره سنه ونص و الثاني سنه ..

مطعمين ولا عمرهم مرضو الحمدلله .. بس الصغير بالصدفه وديته اطعمه ولا في ديدان و عالجته .. اما الكبير ولا مره صار فيه

هل الديدان ضروري تطلع بالقطاوه و شنو الاعراض ؟؟

و في سوال ثاني قطوي الكبير كان ياكل وايد و متعافي فجاه ضعف والله يا دكتور بطنه ترهل جنا الي يسوون تكميم شلون الجلد يسيح .. هل معناته في شي مع العلم انه ياكل و اذا ياع يحن بسما ياكل وايد ؟؟

و اسفه قرقت وايد

 

[لوولوو_88]

تنكورا قطوتج صغيره نطري عليها و اهما بالفطره يتعلمون و ينظفون روحهم
عندي قطو ينني ما يحفر بعد ما يسوي الشي بس لمن كبر تعلم
طولي بالج على الصغير و نظفيه لين يكبر شوي و بترتاحين

 

[دكتور كويتي]

رد لولو . بالنسبه للديدان ضروري كل ٦ شهور تعطين دواء للديدان كوقايه . علامات الديدان ضعف عام وهذا اكبر دليل على وجود الديدان . الاصابه بالديدان كثيره منها الاكل الملوث والادوات وغيرها . بس عموما اذا القطو ضعيف وياكل ومايبين عليه لازم تاخذين عينه عشان تتأكدين مافيه طفيليات .

 

[kha6eri]

عندي قطو شيرازي عيونه كله تدمع! ولي مشيت عيونه يكون لونه على بني او احمر غامج شي جي

هل هذا شي طبيعي :s؟

 

[كنافة بالبصل]

صباح الخير
انا قطي من امس الليل بدا ما ياكل واللحين
بس منسدح ومتكسل ويرفض الاكل وحرارته مرتفعه
حتى تنفسه بصعوبه وانفه تسيل وبطنه يطلع صوت ):
مدري هذي اعراض برد او شي ثاني
هو جاه العام نفس هالوقت افلونزا وعطيته
علاج بنفسجي محلول من الصيدلية البشريه
نسيت اسمه بس كان مفيد له
ابي علاج له والله يحزن ):

من شوي عطيته حليب بالسرنجه وشربته
وعطيتها علاج بيتاموكس مرتين

 

[بنت الوفا]

دكتور عندي طيور كل شوى يحك ريشه وحركتهم زينه وبلليل نايمين نا خايفه مصابين بالفاش ؟الق جنه قشره لونه ابيض بالقفص شلون اعرف لو اغسلهم بخل تفاح زين اولا

 

[Galaty]

انا عندي نثيه هملايا ومشكلتي بعيونها... اول الوقت بدت بدموع وحساسيه مثل ماقلتي ورحت البيطري مافادني وايد قالي نظفيها وعطاني مرهم وقطره لكن ماكو فايده الحين مع الوقت بدا تصير مثل قرحه دار مدار العين!!! وبدت تنزل دار مدار الشفايف واعتقد انها التهاب او فطريات مادري شنو بس كل ماروح طبيب يقولي عادي الهملايا جذي.؟ مع اني كنت اربي شيرازيين من قبل بس مو هملايا اول مره اصادف هالمرض..
والمشكله الثانيه ان القطوه عمرها 10 شهور وتوها والده.. ويوم يت تولد ماعرفت تولد نفسها مادري ليش وانا ساعدتها وكان الموضوع جدا متعب وبعد عناء يابت 5 وماكانت ترضعهم ولا تدير بالها عليها فا ماتو 2.. وبعدين قمت انا وشريت حليب وصرت ارضعهم والحين صار عمرهم 18 يوم.. لكن لي الحين مافتحو عيونهم! وانا خايفه ان فيهم نفس مشكله الام.. مع العلم ان المفروض الام تلحس عيونهم وتنظفها كل يوم عشان يفتحون لكن اهي ماتسوي ولا شي غبيه جدا جدا جدا ماجنها ام!!! فا قمت انا انظفهم كل يوم بقطنه وجذي لكن مادري شالحل او شسوي ... واضح ان العنايه بالهمالايا تحتاج مجهود اكبر من العنايه بالشيرازي العادي..
اتمنى تقرين تعليقي وتردين علي لو عندج خبره بالموضوع مع الشكر

 

[anwaarsandrilla]

دكتور انا اخوي شرا فرخ دياية من 3 ايام و ابوي (الله يطول عمره) يقوله مينون لانه انا حاطتله كرتونه و فيها من النص نفس الحجز بس مو قد القص فكل ما اناديله يقفز فوق الحاجز ما يلف
و لمن ياكل ياكل من الارض مو من الطبق
و لمن ايي امسكه ما يرضى بس يرضى على ابوب بليز ساعدني :eh_s(16): :eh_s(16): :eh_s(16):

 

[*مطبخ الذواقة*]

السلام عليكم ورحمة الله

دكتور عندي بلبل عضه طائر حب بين اصابعه ولله الحمد قدرت اوقف الدم بس بعد فترة لاحظة انه يرفع نفس

الرجل وما يوقف عليها ولما فحصتها وجدت ورمة باعلا الساق وردية ولا اعرف سببها ولا يوجد اي جرح فيها

والطير ياكل عادي ويطير ما في مشكلة بس بالوقوف انا ارسلت لك على الواتس اب الصورة بس ما رديت

على ارجو منك الافادة

جزاك الله عنا كل الخير​

 

[كاتي كات]

يعطيك العافية دكتور.
متابعة أكاونتك على الانستغرام ... عجيب. الله يعطيك ألف عافية .

ممكن تفيدني وين أقرب عيادة حكومية في محافطة حولي والعاصمة؟
وما هي مواعيد الدوام؟

وهل لو لقيت قطط أو طيور مصابة ممكن أجيبها وتعالجونها؟
هل العلاج مجاني؟

 

[canadiannh]

السلام عليكم دكتور
جزاك الله الف خير عندي استفسار ضروري يا ريت تساعدني فيه جزاك الله الف خير

عندي مشكلة كيف احلها وهي انه عندي قططتين ذكر وطبعا يوجد اناث وكان الذكور يتشاجروا باستمرار ويؤذوا بعضهم فعملت عملية لواحد لاجل ان لا يطلب زواج ويوقفوا الشجار ولم استفيد شيئا لا زالوا يتشاجروا بشراسة وحاولت اعزلهم كل واحد بغرفة فترة وعندما يلتقوا يتشاجروا مع ان الصغير يكون ابن القط الكبير وانا احبهم الاثنين ولا استطيع الاستغناء عن واحد فيهم فرجاء ما هو الحل جزاكم الله الف خير

 

[eme-eme]

دكتور بليز ممكن تدز لي رقمك عندنا قطوه تعبانه