متى اوقف المهاد عن بنتي؟

[Shop Girl]

صباح / مساء الخير بنات





بنتي صار عمرها صار عمرها اربع شهور

وماتقدر تنام نومه طويله بالليل الا بمهاد

بدون مهاد كل شوي قايمه علي من حركات ايدينها ماتنام نومه عميقه

متى اوقف المهاد عنها واذا وقفته شلون اخليها تنام نومه طويله

ومشكوراااات :eh_s(7):

 

[أم يزيد &سديم&]

لا تحاتين أختي
عيالي لعمر 9 أشهر أوقف الممهاد عنهم لما يكبر جسمهم

 

[أم يزيد &سديم&]

لأن عمرها صغير كل شوي تتفزز وومن طفل لطفل يختلف
ومن ام لأم كمان لأن كل وحدة على تربيتها وتعودها لعيالها

 

[أم يزيد &سديم&]

ويسعدني أول وحدة ردييت عليكِ ....
الله يجعل بنتك قرة عين لك ولأبيها
ويحعلها من حفظة كتابه ويلبسكم تاج الوقار

 

[نور دنياه]

اااااب

 

[مشتطـه]

خخخخ ما احب المهاد احس خرابيط

ولدي طلعت من النفاس وقطيت المهاد عنه

وامي وخالتي يزفوني
يقولون يطلع رخو


مافيه الا العافيه ومشى مبجر تبارك الرحمن لا اله الا الله

 

[.. Ro3a ..]

الله يخلي لج بنتج انا سبحان الله كنت مخططه اقط المهاد عن بنتي
من اطلع من الاربعين اللحين الحلوه تممت خمس شهور ما تقدر تنام الا لافين ايدينها لانها تفزفز منهم ًتقعد تبجي
بس انا ما اربطها كلش بس لفه .. اضم ايدينها بدون الرباط ،،
والله اريح لي تنام بدون ما احاتي هي فيها طبع تحب تسحب كل شي ع وجهها اخاف تقمت روحها ،،
ان شاء الله البنات يفيدونا ،،

 

[جلاكسي 77]

انا بعد ولدي اربع شهور حزة النوم امهدة عل الخفيف

 

[الأميرة جوري]

علي 6 شهور

 

[M!SS.LOBY]

المهاد ينقطع 8شهور او9 شهور عشان يلتم عظامه ويشرب المميه عدل افضل .

 

[اذوب بكلامه]

والله انا بنتي من اول يوم ما كنت احب الفها بس أمي كانت تهاوشني وتلفها لف وتربطها مسكينه تكسر خاطري
وبس رحت بيتي الفها بس من غير ما اربطها احس حرام مسكينه وتقريبا بعد ماكملت شهرين خلاص ماقمت الفها
حتى وهي نايمه تتفزز مرات وهي نايمه بس ترجع تنام

 

[بشكوشة]

انا كنت امهد على ول وريلي يرفض المهاد وبمراجعة ولدي للدكتور قبل ما اطلع من الاربعين ريلي سأل اذا المهاد ضروري قاله الدكتور لا تمهدون الياهل واا تبون لفوه بس من غير حبل

 

[عروس فبراير]

انا 5 شهور بطلت المهاد عنه

 

[M!SS.LOBY]

وقفي المهاد ل يكون عمرها 9شهور

 

[اسبــانيــة]

اوووله شنو هالاعمار حق المهاد

غلطانين

بالعكس لما يتحرك الياهل هني تقوى عظامه

نفس الجبس

تخيلي مجبسه ريلج شهر

ولا ايدج

واذا شلتيه ماتقدرين تمشين عدل ولا اتحركين ايدج عدل تكون عضلاتج مترخيه

نصيحه قطعيييه

انا قطعته من عمرها ٣ شهور

وفي دكتور عراقي تكلم عن القماط وان ماله فايده ونصيحه شوفيه اسلوبه كان عجيب

قطعي المهاد

وانا بنتي كانت اتفزز من ايدها اول يوم بس عقب لا عادي صار

ككلش كل المهادات قطيهم خلاص انسي المهاد خليها تنطلق وتقوي عضلاتها

ولبسيها البدل الحين لزوووم الكشخه

 

[اسبــانيــة]

المهاد ينقطع 8شهور او9 شهور عشان يلتم عظامه ويشرب المميه عدل افضل .

لا عاد مو جذي حرام عليج شنو هذا

وترا الياهل عالتعليم ولا تقوليلي ما يفهم

بنتي 4 شهور وصارت تتهاوش وياي عالمميه تبي اهيا تمسكها

بالعكس علموو اعيالكم يرضعون بروحهم من تقوى عضلاتهم

 

[PinkLulu]

ولدي وقفت عنه المهاد وكان عمره 3 أو 4 أشهر

كنت مسافرة معاه...ونام أول يوم من غير مهاد

وشفته نام فترة أطول

فقررت ما أمهده وأخليه ينام على راحته...وكان ينام فترة أطول يوم عن يوم

 

[$special$]

انا ولدي الكريم ماتمهد غير اسبوعين ولا ثلاث ماكان يرضى ينام بمهاد والحين 9 شهور اسم الله عليه يتهاوش مع خشب السرير واهو نايم يكفخ بالخشب ويقوم يبجي مع ان في حمايه بس ماتنفع خلي المهاد ابرك لج :d

 

[امـ خــزامـى]

انا عني بنتي عووووووبا هههههههههههه

من اول ماولدتها وهي صعنوونه وخدج بعد
ماااتبي امهدها وكل مامهدتها تصيح وشوي الا تطلع ايدهااا

انا فكرتي للمهاد مو عشان مايصير الطفل رخو ويكبر لالالا
بس فكرتي انه شي يلمها عشان ماتفز اذا خافت

واللحين بنتي يالله خوااااااااااااااااااااااااااااااافه تخاف من المكنسه وصوت الخلاط والصوت العالي
وبس تفز على اقل حركه