تجمع مراجعات مستشفى لندن التخصصي

[شيخه عرب]

قطر الندى ...شاطره بس ما تحب تعلم مبجر ...

 

["قطر الندى"]

قطر الندى ...شاطره بس ما تحب تعلم مبجر ...

اهليييييييييين

يعني ماتقول الااا شي متاكده منه؟

 

[شيخه عرب]

اييييييي ثقه لا تحاتين

 

[STILL G L A M ~]

بنات انا والده فيه قيصري وانا مولده نفسي بنفسي رحت وقلت ولدوني لان كنت تعبانه ماكنت اتنفس ولا اكل والم
وي بجنبي اليمين وماقدر امشي ريلي تخدرت وليلحين ماعرف السبب من شنو

المهم عن المستشفى زين ولحمدلله بس بنات نصيحه نصييييييييييييييييييحه لوجه الله
الي تولد اهناك لاتخلين طفلج عندهم حتى لو قالو بنسبحه خلي خواتج عندج اكثر شي تقعدين 3 ايام خل يستحملون اهلج ماعليه لان بنتي صادها التهاب رئوي منهم بيسبحونها ويصكها البرد كنا بشتا شهر 2 وشكله السسترات الاطفال باردين نصيحه فقط وكل وحده وضميرها ياهل صغير
خافو ربكم من تولدون اخذو لبيبي بس ينظفونه ويخلصون تحاليله تالي اخذوه عندكم ..

واذا عندكم فلوس نصيحه غيرو المستشفى روحو دار الشفا او الهادي وبكيفكم
انا كنت بازمه ماليه واضطريت ولحمدلله الحين تعدل كل شي ولو دار الزمن ماطبيته لان كله
هنود ومصاروه ..

 

[روزماري]

انا تجربتي فيه فااااشله واكرره هالمستشفى عساني مااطبه

 

[أميرة 22]

انا اول مرة اروح للمستشفى كنت بعرف
متى بدأ حملي وبسمع نبص جنين

رحت ولما كنت عند استقبال سمتلي اسامي دكتورات
سوفييت وامينة مصرية وكذا اسم نسيتهم

قلت ابي دكتورة امينة .. عشان بسوي سونار
يوم دخلت عليها فتح ملف 20 دك
قلت ابي سونار قالت تحت بطوارىء ! قلت اوكي
وكتبتلي تحاليل عن سكر وانيميا اذا بتسوين هني او برا
قلت اوكي برا بس اكتبي اسماء تحاليل ..

سونار غير فتح ملف 15 دك
سويت سونار وقالت في نبص الحمدلله وحجمه 4
وانتي داشه ثاني والحمدلله .. وطلعت وخلصت منهم

مستشفى هدوء ومافي احد ! يخوف صراحة ..

حبيت اعرف وين اسوي تحاليل انيميا وسكر والبول ؟
انا تبع العدان ..
جذي عادي اروح للعدان وادخل قسم امراص نساء ويسون
على طول او شلون ؟!

انا يوم حللت دم حق الحمل لاول مرة بالرقة لاني تبعه
وسويت موعد فتح ملف نص شهر 2 حطولي
يعني بالرقة اسوي تحاليلي او اروح للعدان ؟

واذا بسوي مجلس طبي لدوامي بالتربية وين ؟
بالعدان ؟! .. اخلي دكتورة تكتب تقرير عن حالتي
اذا سويت تحاليل انيميا وسكر والبول ؟
عشان مابي اداوم كورس ثاني برتاح بالبيت
وبجهز ...

بليز فيدوني للي تعرف !

 

[روحي محمد]

التحاليل تقدرين تروحين المستوصف وتدشين على الطبيب العام تقولين له ابي اسوي هالتحاليل ويكتبها لج من كمبيوتره وتسوينها عندهم انا اسوي جذي
ان شاء الله اكون فدتج
ادعولي ربي يسخرلي زوجي ويخليلي بنتي والي ببطني

 

[كتالونيه]

انا سوويت سونار عندهم بصراحه ماعجبني
قطيت فلوسي عالفاضي
انا سويت عند مصريه صغيره
كل شوي اسالها شنو فيني تقول ولد
اقول جم حجمه تعلمني واقول شلون الماي
بالعربي ماتعطي من نفسها
وطبعا رحت سويت عند مستشفى عاليه الفضلي
سونارهم حلو يعلموونج التفاصيل ونفسيتهم حلوه
طبعا بالنسبه لندن كنت ابولد فيه الغرف ماشاء حلوه وراهيه
والجناح نظيف
بس باخر لحظه تراجعت من تجارب البنات
والله يسهل عليكم

 

[*مطبخ الذواقة*]

الاسبوع اللي طاف رفيجتي ولدت فيه تمدحه والله وتمدح اهتمامهم.....

 

[آهات الليل]

شلونكم حبايبي انا عندي ملف بمستشفى لندن ووالده فيه من قبل وتجربتي حمدالله يهبلون
والحين حامل بغيت اسال جم اسعار المراجعات عندهم دشت الدكتوره جم؟ والسونار معروف 15 واللي مسوسه تحاليل وجذي فيدوني

 

[شيخه عرب]

للحين اسعارهم ممتااازه لا تحاتين ...

 

[حياة ريلي]

انا والده قيصرية فيه باول يوم بالتاسع عند حبيبة قلبي ايفا. تجربتي ممتازة مع المستشفى لو شقول ممتازه و انا مو رايحه عشان الرخص رايحه لان كل اهل ريلي والدين فيه و يمدحونه . و كنت ماخذة ابرة الظهر. المهم عقب ست اشهر من ولادتي دكتورتي سافرت و قالتلي اراجعها شهر 12 و يوم رحت قالولي مو موجوده قلت لهم متى تيي ما ردوا علي يطالعون بعض @@ بعدين جان تييني ممرضه كانت مجابلتني بالجناح و خاصه حق غرفتي لاني كنت ماخذه ملكي يحطونلج ممرضه حقج بروحج. المهم جان تقولي سوري ترا ايفا توفت باجازتها و هي فو بولندا !!! انا دموووووع لاني كنت احبها اموت عليها و اذكر يوم كانت تسوي لي سونار تمسح على ريلي و عقب ما ولدت لما يمرون على في الجناح مع باقي الدكاتره الصبح و هي طالعه اسمعها تحاجي باترك بره تقوله
I love this couple, and they have a beautiful baby. They are so nice

 

[شيخه عرب]

اي توفت الله يرحمها ..
الحين زادو اسعارهم بس مو وايد هم للحين معقوله ...

 

[Mrym]

اي توفت الله يرحمها ..
الحين زادو اسعارهم بس مو وايد هم للحين معقوله ...

الله ييسر ولادتنا ويرزقنا الذرية الصالحة المعافاة

حبيبتي إذا اهيا مو مسلمة ما نترحم عليها ،، و الله يوفقنا لمرضاته

 

[شيخه عرب]

امين يا مريم الله يقومنا بالسسلامه

 

[أثير88]

ايفااا يا حلوووها سويت عندها سونار بحمالي
والحين انا والدة عندهم قيصرية عند سوفييت المستشفى روووعة وخدمتهم
تهبل واسعاااارهم تفس باقي المستشفيات والعناااية لا يعلى عليهااااا

 

[Mrym]

ايفااا يا حلوووها سويت عندها سونار بحمالي
والحين انا والدة عندهم قيصرية عند سوفييت المستشفى روووعة وخدمتهم
تهبل واسعاااارهم تفس باقي المستشفيات والعناااية لا يعلى عليهااااا

الحمدلله على سلامتج وسلامة النونو والله يجعله من الذرية الصالحة

اختي بسألج شنو سبب القيصرية؟ وينطرون عالوحده تولد طبيعي ولا يستعيلون؟

 

[دلال و غلا]

^^^^^

لا ما يستعجلون انا والده عندهم كنت ع آخر شي مع طلعة الراس تعبت ما عرفت شلون اشد و قعدت اترجى الدكتوره تولدني قيصيري بس رفضت و صبرت علي كثيييير و الحمدلله ولدت طبيعي

 

[Mrym]

^^^^^

لا ما يستعجلون انا والده عندهم كنت ع آخر شي مع طلعة الراس تعبت ما عرفت شلون اشد و قعدت اترجى الدكتوره تولدني قيصيري بس رفضت و صبرت علي كثيييير و الحمدلله ولدت طبيعي

الحمدلله على السلامة

وجزاج الله خير عالرد مشكوره ماقصرتي

و الله ييسر ويهون علينا آمين

 

[شيخه عرب]

اثير الحمد لله ع سلامتج ومبروك ما ياج ...انا بعد والده عندها مرتين بالعكس هاااااديه وتصبر لابعد حد ...بس شنو ظروفج ليش قيصريه؟؟

مريم الله يقومج بالسلامه حياتي لا تحاتين ...