** تجمع الي مسوين جراحة الفك**

[هلااوي]

انا سويت عمليتي عند نائل هزيم وابي اقولكم شي العمليه متعبه والله يستر لما يفتح الفك اكيد بعد في عوار صراااااحه مو قادره اتحمل اكثر وراح احطلكم صوري قبل وبعد العمليه انشالله لما اخف واصير زينه بل كامل عشان للحين مو باين اي شي وياريت اسرا اتقوليلي لما فتحو الفك كان في الم وقدرتي تاكلين علي طول عشان ودي اكل مجابيس ����

 

[هلااوي]

انا عمليتي كانت الفكين والحنج والقامي سمايل يعني رحت فيها من الم وتعب بس انشالله نتيجه اتكون مرضيه والحمدالله علي كل شي

 

[هلااوي]

بناات بخبركم سالفتي و ابا راايكم بلييز والله انا كنت مسوية حشرة عشان يفعلون اشتراكي عشان اشاوركم بناءا على خبرتكم
انا من سنواااااات و انا احس في شي غلط ف ابتسامتي وماخليت عيادة ف دبي و الشارجة و لا عيمان مارحت ( عيادات التقويم ) المهم العيادات الخاصة يبون فلوس و حرام يطيرون الفلوس من ايدهم و كلهم كانو يقولون بنسويلج تقويم و بنرجع اسناني لورا و ماكنت ارتاح لهم و لا لكلامهم يعني ماكنت اقتنع ونسيت اقولكم انا اعاني من برووز يعني المنطقة اللي تحت الخشم نفس نص دائري لما اسكر حلجي المهم سنة 2008 رحت عيادة في عجمان و قال انا مابركبلج تقويم انتي علاجج ف مستشفى خليفة محتاجة عملية عند دكتور توماس

من غبائي الزائد تميت ادور و الف ع العيادات ابا علاج ثاني غير العملية و ف الاخير اضطريت ايي بوظبي و و اقابل اي دكتور جراحة الفك و اللي فيها فيها

قبل كم شهر حولوني على دكتور حسان نابلسي و دكتورة التقويم مزينة الخطيب
لما الدكتور جافني قال انتي عندج مشكلة بس بسيطة بس انا اجوف مشكلتي كبيرة و بروز اسناني و قمي سمايل و شفت ف الفك السفلي و مافيني حنج ( الذقن) راجع لوراء قال بنرجعلج الفك العلوي و بنطلع الذقن و دكتورة التقويم قالت بحطلج تقويم ما بين 6 شهور الى سنة و عقب بتسوين العملية كنت مستانسة و كل شي تمااام

صح الدكتور ماراواني ولا صورة و لا حسيت انه مهتم او انه شرحلي بضميير يعني انا اللي كنت اسحب منه الرمسة غصب بس استانست اني بسوي العملية بعد معانااااة و قال لازم تشلين ضروس العقل


المهم امس كان موعد تركيب التقويم و دكتورتي ماكانت موجودة امها مرضت و مسافرة و حولوني على دكتور ثاني دكتور سراج متخصص التقويم قبل الجراحة اول ماجافني قالي اشياااااااا غيييييييييييييييير عن اللي قالت الدكتورة قال عشان نرجع فكج لازم نجلع ضرسين من النص و نرجع بالتقويم قد مانقدر و الباقي بالعملية و قال غيري دكتورج توماس عنده خبره و انا شغال وياه من زماان و وصل المساعد وكمل عنه قال سراج هو ماسك كل حالات التقويم ماقبل الجراحة و توماس احسن انا انصحج تغيرينه عشان نسويلج موعد و نسويلج خطة مع توماس و سراج بيراويج صور قبل و بعد و انتي بيرجعون فكج العلوي لورا و بيطلعون السفلي و عقب 6 شهور بيجوفون الوضع النهائي و اذا كنتي محتاجة بيطلعون الذقن

رجعت عند دكتور نابلسي و خبرته قلتله ليش خطة التقويم تغيرت قال يمكن دكتورة التقويم تتحراج انتي تعانين من قمي سمايل بس شان جي ماياب طاري خلع السن . والله كنت بتخبل قلتله راوني كم صورة بس ماكان في تغيير كبير ف الصور يعني حسيته يرجع الفك بس شوووي

واللي صدمني انه كل شي غيرررررررر عن اللي قالولي اياه قبل و قال التقويم يباله سنتين و عقب 6 شهور قبل العملية يعني باختصار عقب 3 سنين بخلص علاجي والله انه دموووووعي ف عيني يوم جي قال يعني حراام عمري بيكون 28 سنة كبيررة ع الزواج ( اهم شي ههههه )
انا حاطة ف بالي سنة و بخلص كل شي و عقب بوافق على اللي يخطبوني حرام مابي اخرب البوم عرسي بهالابتسامه البشعة و الويه الغلط خخخخخخخخ

بناااات بليييييييييييييز ساعدوني شو الصح في حد تم سنتين حاط التقويم قبل العملية ؟ قولولي منو الصح تعبت من التفكير انا مابي اطول مدة العلاج ابا افتك بسرعة
اغير دكتوري و لا استقر على هااا اذا غيرت دكتوري معناته العلاج بيطول و بسوي عمليتي مرة حق الفكين و مرة حق الذقن ( هاي خطة دكتور التقويم انا للحين ماجفت دكتور توماس )

و اذا ابا اغير الدكتور لازم احول ملفي يعني مافي مجال ارجع لدكتوري القبلاني


ادري طولت عليكم ادري ازعجتكم والله محد يقدر يساعدني غيركم بليييييييييز صليت الاستخارة و بعدني محتارة :eh_s(16):والله ليل و نهار افكر . كل يوم اقرا ردودكم يمكن احصل حد نفس حالتي

ساعدووووووووووووني اخذ قراري :yaaaaaarb:

حبيبتي انا نفس حالتج صارلي 9 ايام مسويه العمليه ودكتر نايل هزيم قالي مو محتاجه حق تقويم عشان انا كنت حاطه من قبل بس انا قتله ابي ووحطيت تقويم. وبعد اسبوع سويت العمليه وللحين ناطره نتيجه وانشالله تختارين طبيب الصح وتسوين العمليه. بس فيها تعب والم لازم تتحملين وايد وعلي فكره انا بعد قالولي بتقويم انعالج مشكلتج بس ما كان في ااي نتيجه والله يوفقج

 

[fa6amy_uae]

حبيبتي انا نفس حالتج صارلي 9 ايام مسويه العمليه ودكتر نايل هزيم قالي مو محتاجه حق تقويم عشان انا كنت حاطه من قبل بس انا قتله ابي ووحطيت تقويم. وبعد اسبوع سويت العمليه وللحين ناطره نتيجه وانشالله تختارين طبيب الصح وتسوين العمليه. بس فيها تعب والم لازم تتحملين وايد وعلي فكره انا بعد قالولي بتقويم انعالج مشكلتج بس ما كان في ااي نتيجه والله يوفقج

لاتقولين في الم الله يخليييج انا اللي حمسني حق العملية اكثر كلام البنات انه مافي الم لاني وحدة جبااانة اخاف من الم الابرة حتى لما اسوي تحليل دم اطلب ابرة فراشة مال اليهال

 

[قوة قلب]

بنات شحالكم

رحت امس المستشفى وقالولي لازم اسوي عمليتين العمليه الأولى لازم يوسع الفك العلوي وعقب سنه اوسنه نص العمليه
الثانية منو سوولها جذه وياليت ت**ديني وهل خشمها فرش من العمليه الأولى؟؟
وبعد العمليتين أقدر أمارس حياتي واسوي رياضه إللي أبغيها حتى لو كانت مجهده ؟؟

 

[ثري جي]

السلام عليكم بنات
اخباركم
ابشركم سويت العملية يوم الخميس عند الدكتور الطويرقي
طبعا
وامس طلعت من المستشفى
بس حاسه روحي تعبانه واواجه مشكله
بالتنفس كل شوي الى متى بيستمر هالشي
ونفس الم الفكين الى متى

انا افمي مقفل من بعد العمليه ومن امس بديت ابلع
ريقي بنفسي واواجه التثاؤب احيانا واكبحه بصعوبه
طمنوني هل هالشي لا سويته وكمان لا شفطت ريقي بقوه
يتاثر الفكين؟؟؟ خايفه مره

والسوال الاخير كيف قدروتوا تنظفون اسنانكم
عطاني الدكتور حقن طوال بس ما عرفت كيف

الحمدلله على سلامتك والله يشا**ك عاجلا غير اجل
ياليت تعطيني تفاصيل عمليتك وكم كلفتك دامها بعيادته الخاصه انا بسويها باذن الله عند الطويرقي بالحرس وابي اعرف كل شي ممكن يسويه وكم قعدتي مدة التقويم وقدرتي تاكلين عقب كم يوم؟ وترتاحين بالنوم او لا ؟ ماعليس اسئلتي كثيره بس متوتره ودي اعرف كككككككل شي

 

[رعشة الخفوق]

مرحبا بنااات
شخباركم ...☺
من زماااان عنكم ، شنو مسوين.��
اابشركم الحمدلله تحددت عمليتي، بس حيييل متوتره جداً.��
ههه كنت متوقعه اني بسوي العملية بعد التقويم الجراحي ب ٦ شهور ع كلام دكتورتي
ولي الحين مم تقريباً سنه ونص..

اذا سويتها بأوافيكم بالتفاصيل ان شاء الله
دعواتكم حبايبي❤

 

[Esraa.a]

الحمدلله على سلامتك ماتشوفين شر

بغيت أسالك ايش حالتك وبكم كلفتك العمليه ؟
__


بنــــات اللي سوو العمليه عندي سؤال مصيري
بعد العمليه احتجتوا تغيرون جوازاتكم وبطاقاتكم؟؟
عندي سفره ضروريه بعد العمليه اذا ربي يسرها ان شاءلله وابغى اعرف اخاف يصير لي مشاكل بالمطار ولا يمديني اغير لضيق الوقت : (
في احد مر بتجربه مشابهه؟ياريت يفيدني

لاااااااااااااا مو لهالدرجه عاااااد !!!


أوكي النتيجه فيها تغيير .. بس مو لدرجة انج تتغيرين 180 درجه ومحد يعرفج !!


أصلا بعد العملية وجهج راح يكون متورم وتعباااان إلى جانب كلامج مو مفهوم وأسنانج مربطه .. يعني واضح إنه فيه شي مو طبيعي >> عملية .. حادث لا سمح الله ... إلخ

راح يتم مراعاة هالنقطة أكيد .. لا تحاتين

 

[Esraa.a]

بنات شحالكم

رحت امس المستشفى وقالولي لازم اسوي عمليتين العمليه الأولى لازم يوسع الفك العلوي وعقب سنه اوسنه نص العمليه
الثانية منو سوولها جذه وياليت ت**ديني وهل خشمها فرش من العمليه الأولى؟؟
وبعد العمليتين أقدر أمارس حياتي واسوي رياضه إللي أبغيها حتى لو كانت مجهده ؟؟

توسيع الفك بعملية ولا عن طريق جهاز يتركب بالتقويم ؟؟


تقدرين تمارسين الرياضة وتكملين حياتج الطبيعية بعد شهر عالأقل من العمليه

أول أسبوعين من العمليه إلى شهر تحسين نفسج هزيله .. زين تقدرين تتحركين >> شي أكيد ما تقدرين تمارسين الرياضة

أول أسبوع .. صعوبة التنفس من الأنف لأنه بقايا الدم مترسبة و متحجرة بالخشم


يعطيج الدكتور بخاخات تفتح التنفس


و الأكل صعب جدااا

أنا أول أسبوع من العمليه نزلت 5 كيلو


بس رديتهم دبل الحين :eh_s(3):

 

[Esraa.a]

لاتقولين في الم الله يخليييج انا اللي حمسني حق العملية اكثر كلام البنات انه مافي الم لاني وحدة جبااانة اخاف من الم الابرة حتى لما اسوي تحليل دم اطلب ابرة فراشة مال اليهال

دوخه .. صداع .. ألم خفيف أول أسبوع .. صعوبة الأكل .. صعوبة التنفس .. تورم الوجه


لكن ألم لا يحتمل >> لااااااا والله ما حاشني ولله الحمد
أخذت حبة مسكن بعد ما طلعت من المستشفى مره إلى مرتين .. وإن كثرت ثلاث


وأصلا الجزء السفلي من الوجه متخدر ما تحسين فيه أبد

وحتى مكان الخياط داخل الفم مااااااااا تحسن فيه أبداااا ,, الاحساس يحتاج وقت على ما يرجع


وإذا صار معاج ألم .. الحبوب المسكن تأدي الغرض



طبعا كل حالة تختلف عن الثانيه
بس بشكل عام .. الألم محتمل وما يتقارن نهائيا بألم تجميل الأنف أو ألم عمليات الشفط والشد

 

[Esraa.a]

مشكلتي مب بس الفترة المشكلة انه هو بيسويلي عملتين مرة الفكين و مرة الذقن بتعب واايد

ليش ما تسوين العملتين بنفس الوقت ؟؟ علشان ترتاحين


أنا عمليتي فكين + ذقن بنفس الوقت

 

[Esraa.a]

انا سويت عمليتي عند نائل هزيم وابي اقولكم شي العمليه متعبه والله يستر لما يفتح الفك اكيد بعد في عوار صراااااحه مو قادره اتحمل اكثر وراح احطلكم صوري قبل وبعد العمليه انشالله لما اخف واصير زينه بل كامل عشان للحين مو باين اي شي وياريت اسرا اتقوليلي لما فتحو الفك كان في الم وقدرتي تاكلين علي طول عشان ودي اكل مجابيس ??

لاااااااااااااااا يا قلبي مطوله عالمجابيس واااااااااااااايد


حتى إذا فتحوا الفك .. مضغ الأكل صعب حيييل أول فتره

اعتمادج عالأكل المهروس والشوربات .. الهريس .. الجريش


أو أي شي تشتهينه حطي بالخلاط واكليه


مابي ألوع جبدج .. بس مرة غدانا كان مجبوس وحددددي كنت مشتهيته
الله وكيلج حطيته بالخلاط وأكلته هههههههههههههههههههههه عالأقل بحس بنكهته


بالنسبه للألم .. ولله الحمد ما حاشني

 

[Esraa.a]

هلا بنات انا سويت عمليتي يوم الخميس 7 فبراير واليوم الخميس 14 فبراير طلعت من مستشفي سيف قعدت بل مشفي حوالي 8 ايام ودمتر نائل قالي قعدي بس 3 ايام بس ماقدرت اتحمل العوار والحين اخدت مسكن بس وايد تعبانه وغير جذي مو قادره اكل شي وابيكم تنصحوني شنو اكل ،وانا كنت مسويه تجميل حق خشمي من قبل والحين صاير عوي ? ودكتر نائل اقول انطري بعد اسبوعين يصير زين والاحد عند عندي موعد معاه بل عياده قالي يبي يحطلي نفس الحديده بخشمي عشان يصير سيده بس خايفه انجبر اسوي عمليه تجميل ثانيه حق خشمي عشان وايد صاير عوي

ما تشوفين شر حبيبتي

لهالسبب .. تجميل الأنف يفضل بعد جراحة الفك وليس قبلها


بس ان شاء الله يرجع على كلام الدكتور

 

[Esraa.a]

القائمه الحديديه








1- أحب أمي ( انتهت من العمليه 18-5-2010) الكويت >> د.عماد النجاده
2-antonya ( انتهت من العمليه 12-8-2010) الكويت >> د. ناجي ابوشبل ( لبنان)
3- emo princess ( انتهت من العمليه 28-11-2010) الكويت >> د.أحمد الدنف
4- صدى صوت ( انتهت من العمليه10-12-2010) السعوديه >> د.عبدالعزيز الوتيد
5 - e7sas.majro07 (انتهت من العمليه 24-1-2011) الإمارات >> د.ميشيل
6- maha al (انتهت من العمليه3-3-2011 ) السعوديه >> اشرف ابو كركي ( الأردن)
7- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
8- غلااا الروح (انتهت من العمليه 3-2011) الكويت >> د.نائل الهزيم + د.عادل العصفور
9- jnona (انتهت من العمليه 8-3-2011) الكويت >> د.عماد النجاده
10- غلاااااه (انتهت من العمليه 20-4-2011) السعوديه >> د.حامد البارقي
11- دلوعة شيوخها (انتهت من العمليه 3-5-2011) السعوديه
12-عبير الصباح ( انتهت من العمليه 6-5-2011 ) السعوديه >> د.مازن المصري
13- ego-girl (انتهت من العمليه 6-5-2011) الإمارات >> د.مارك كراش
14- black & white (انتهت من العمليه 24-5-2011) الكويت >> د.بيتر
15- nenna92 ( انتهت من العمليه 1-6-2011 ) الكويت >> د.نائل الهزيم + د.عادل العصفور
16- reem.m ( انتهت من العمليه 8-6-2011) السعوديه >> د.صالح البازعي
17- دموع منسيه ( انتهت من العمليه 30-6-2011) السعوديه
18- innocence ( انتهت من العمليه6-7-2011 ) السعوديه >> صالح البازعي
19- كتكوته 2010 ( انتهت من العمليه14-7-2011) السعوديه >> د.أحمد اليماني
20- miss l ( انتهت من العمليه 5-7-2011) الكويت >> د.عادل العصفور
21- عصي الدمع (انتهت من العمليه 14-8-2011) السعوديه >> د.عثمان الطويرقي+د.فراس الخيال
22- barbie girl (انتهت من العمليه 10-9-2011) الكويت >> د.نائل الهزيم + د.عادل العصفور
23- ساره ( انتهت من العمليه 1-10-2011) السعوديه >> د.ناصر النوح
24- فطامي ( انتهت من العمليه18-10-2011 ) الامارات >> د.لويس (لندن)
25- جمانة الرياض ( انتهت من العمليه 19-11-2011) السعوديه >> د.ناصر النوح
26- princess.78 ( انتهت من العمليه 20-11-2011) السعوديه >> د.بيشي القرني
27- سيزر تفاح ( انتهت من العمليه 3-12-2011) السعوديه >> د.عبدالله العتل
28- noona 12 ( انتهت من العمليه 1-1-2012 ) عمان >> د.محمد النبهاني
29- لينك ( انتهت من العمليه 5-1-2012) السعوديه >> د.أحمد اليماني
30- Esraa.a ( انتهت من العمليه 22-1-2012) الكويت >> د.عادل العصفور + د.نائل الهزيم
31- خوخة1990 ( انتهت من العمليه 30-1-2012) الإمارات >> د.توماس
32- سمنه ع عسل ( انتهت من العمليه 4-2-2012) السعوديه >> د.عثمان الطويرقي
33- الحمدلله ( انتهت من العملية 16-2-2012) السعودية >> د.بدر الجندان
34- الامل القريب ( انتهت من العملية21-2-2012) السعوديه >> د.عبدالعزيز الوتيد
35-reematy ( انتهت من العملية 26-3-2012) الامارات >> د. ناجي ابوشبل ( لبنان)
36- أم الفاتنات ( انتهت من العملية2-4-2012) الامارات >> د.توماس
37- توتة بنوتة ( انتهت من العملية 11-4-2012) الامارات >> د.ميشيل
38- الوفاا.. ( انتهت من العملية 18-4-2012) الامارات >> د.مارك
39- ملامح ناعمة ( انتهت من لعملية29-4-2012) البحرين >> د.غسان ضيف
40- Ms.PinK ( انتهت من العملية 4-6-2012) الكويت >> د. عماد النجادة
41- حبيبة الحسن ( انتهت من العملية10-6-2012) السعوديه >> د.عبدالله العتل
42- asmaz ( انتهت من العملية 16-7-2012 ) السعوديه >> إيهاب شحاته
43- الهاجريه ( انتهت من العمليه 1-8-2012) الإمارات >> د.ميشيل
44- براونا ( انتهت من العمليه 13-8-2012) اليمن >> د.حامد شاهين ( مصر)
45- q6ryah ( انتهت من العملية 21-8-2012) قطر >> د. نوبرت ان (ألمانيا) praxis
46- da3doda ( انتهت من العمليه 18-9-2012)الكويت >> د.عادل العصفور
47- ابتسامة حلوه ( انتهت من العملية 31-9-2012) السعودية >> د.منصور القضاة
48- هديل جداوي ( انتهت من العملية 3-10-2012) السعودية >> د. حامد البارقي
49- hope ( انتهت من العملية 9-10-2012) السعودية >> د. عبدالعزيز الوتيد
50- روح_( انتهت من العملية 6-1-2013) الكويت >> د. بشار رجب
51- purity22 ( انتهت من العملية 7-2-2013) السعودية >> د.عثمان الطويرقي
52- هلااوي ( انتهت من العملية 7-2-2013) الكويت >> د.نائل الهزيم








53-لابيرلا
54- دنيا الحب
55- قهوة تركي
56- شتآآت
57- ليلى
58- توته مربربه
59- ستايلك
60-نرجس
61-ريهام
62-sendrila
63- miss_o
64- رعشة الخفوق
65- مس لزيزه
66- s h o u g
67- diana*
68- هتانة الغيمة
69- اخت الرجال 29
70- كوكب..
71- روان المؤدبه
72- طبيبة أسنان
73- ذكرى الحبيب
74- robyrose
75-خوووخه 1
76-roun
77- Bero777
78- أمورة كل حد
79- ترتيل
80- morningtulips
81- فستان أحمر
82- dalal12




العدد قابل للزيادة بإذن الله ​

 

[Esraa.a]

بناات بخبركم سالفتي و ابا راايكم بلييز والله انا كنت مسوية حشرة عشان يفعلون اشتراكي عشان اشاوركم بناءا على خبرتكم
انا من سنواااااات و انا احس في شي غلط ف ابتسامتي وماخليت عيادة ف دبي و الشارجة و لا عيمان مارحت ( عيادات التقويم ) المهم العيادات الخاصة يبون فلوس و حرام يطيرون الفلوس من ايدهم و كلهم كانو يقولون بنسويلج تقويم و بنرجع اسناني لورا و ماكنت ارتاح لهم و لا لكلامهم يعني ماكنت اقتنع ونسيت اقولكم انا اعاني من برووز يعني المنطقة اللي تحت الخشم نفس نص دائري لما اسكر حلجي المهم سنة 2008 رحت عيادة في عجمان و قال انا مابركبلج تقويم انتي علاجج ف مستشفى خليفة محتاجة عملية عند دكتور توماس

من غبائي الزائد تميت ادور و الف ع العيادات ابا علاج ثاني غير العملية و ف الاخير اضطريت ايي بوظبي و و اقابل اي دكتور جراحة الفك و اللي فيها فيها

قبل كم شهر حولوني على دكتور حسان نابلسي و دكتورة التقويم مزينة الخطيب
لما الدكتور جافني قال انتي عندج مشكلة بس بسيطة بس انا اجوف مشكلتي كبيرة و بروز اسناني و قمي سمايل و شفت ف الفك السفلي و مافيني حنج ( الذقن) راجع لوراء قال بنرجعلج الفك العلوي و بنطلع الذقن و دكتورة التقويم قالت بحطلج تقويم ما بين 6 شهور الى سنة و عقب بتسوين العملية كنت مستانسة و كل شي تمااام

صح الدكتور ماراواني ولا صورة و لا حسيت انه مهتم او انه شرحلي بضميير يعني انا اللي كنت اسحب منه الرمسة غصب بس استانست اني بسوي العملية بعد معانااااة و قال لازم تشلين ضروس العقل


المهم امس كان موعد تركيب التقويم و دكتورتي ماكانت موجودة امها مرضت و مسافرة و حولوني على دكتور ثاني دكتور سراج متخصص التقويم قبل الجراحة اول ماجافني قالي اشياااااااا غيييييييييييييييير عن اللي قالت الدكتورة قال عشان نرجع فكج لازم نجلع ضرسين من النص و نرجع بالتقويم قد مانقدر و الباقي بالعملية و قال غيري دكتورج توماس عنده خبره و انا شغال وياه من زماان و وصل المساعد وكمل عنه قال سراج هو ماسك كل حالات التقويم ماقبل الجراحة و توماس احسن انا انصحج تغيرينه عشان نسويلج موعد و نسويلج خطة مع توماس و سراج بيراويج صور قبل و بعد و انتي بيرجعون فكج العلوي لورا و بيطلعون السفلي و عقب 6 شهور بيجوفون الوضع النهائي و اذا كنتي محتاجة بيطلعون الذقن

رجعت عند دكتور نابلسي و خبرته قلتله ليش خطة التقويم تغيرت قال يمكن دكتورة التقويم تتحراج انتي تعانين من قمي سمايل بس شان جي ماياب طاري خلع السن . والله كنت بتخبل قلتله راوني كم صورة بس ماكان في تغيير كبير ف الصور يعني حسيته يرجع الفك بس شوووي

واللي صدمني انه كل شي غيرررررررر عن اللي قالولي اياه قبل و قال التقويم يباله سنتين و عقب 6 شهور قبل العملية يعني باختصار عقب 3 سنين بخلص علاجي والله انه دموووووعي ف عيني يوم جي قال يعني حراام عمري بيكون 28 سنة كبيررة ع الزواج ( اهم شي ههههه )
انا حاطة ف بالي سنة و بخلص كل شي و عقب بوافق على اللي يخطبوني حرام مابي اخرب البوم عرسي بهالابتسامه البشعة و الويه الغلط خخخخخخخخ

بناااات بليييييييييييييز ساعدوني شو الصح في حد تم سنتين حاط التقويم قبل العملية ؟ قولولي منو الصح تعبت من التفكير انا مابي اطول مدة العلاج ابا افتك بسرعة
اغير دكتوري و لا استقر على هااا اذا غيرت دكتوري معناته العلاج بيطول و بسوي عمليتي مرة حق الفكين و مرة حق الذقن ( هاي خطة دكتور التقويم انا للحين ماجفت دكتور توماس )

و اذا ابا اغير الدكتور لازم احول ملفي يعني مافي مجال ارجع لدكتوري القبلاني


ادري طولت عليكم ادري ازعجتكم والله محد يقدر يساعدني غيركم بليييييييييز صليت الاستخارة و بعدني محتارة :eh_s(16):والله ليل و نهار افكر . كل يوم اقرا ردودكم يمكن احصل حد نفس حالتي

ساعدووووووووووووني اخذ قراري :yaaaaaarb:

كل دكتور له راي وله وجهة نظر .. وبناء عليه يحطلج خطة علاج


يعني لو أنا معاج نفس الحاله بالبضبط .. ممكن خطة علاجي تختلف عن خطة علاجج عند دكتورين مختلفين
وفي الغالب كلا الخطط سليمة .. لكن تكنيك العمليه يختلف


فترة علاج التقويم سنتين ( في حال أول مره تحطينه) سلييييييييييم جدا
وممكن سنه ونص انتي خالصه بس قالج سنتين خوفا لأي ظرف طارئ


وفيه بعض البنات الله يهديهم ياخذون كلام الدكتور كأنه قرآن غير قابل للتغيير
يعني مثلا قالها علاجج سنه >> بعد السنه تتضايق وتعاتبه وقد تعتبره دكتور فاشل ومو عند كلمته


بنات حجطوا ببالك فترات العلاج تختلف من حالة للثانيه .. فيه أسنان سهلة الحركة وفيه أسنان صعبة الحركه
طبعا اللي أسنانها قوية وجذورها طويله .. تصير صعبة الحركة نوعا ما وممكن تطول بالتقويم شوي



صلوا استخارة و وكلوا الموضوع لله .. واللي الله كاتبه لكم راح يصير

ولا تستعجلون لأنه بالعجلة الندامه

ولا تندمون على أي شي ,, لأنه ما تدرون وين الخيرة

 

[purity22]

الحمدلله على سلامتك ماتشوفين شر

بغيت أسالك ايش حالتك وبكم كلفتك العمليه ؟
__


بنــــات اللي سوو العمليه عندي سؤال مصيري
بعد العمليه احتجتوا تغيرون جوازاتكم وبطاقاتكم؟؟
عندي سفره ضروريه بعد العمليه اذا ربي يسرها ان شاءلله وابغى اعرف اخاف يصير لي مشاكل بالمطار ولا يمديني اغير لضيق الوقت : (
في احد مر بتجربه مشابهه؟ياريت يفيدني

الله يسلمك يا رب
حالتي قمي سمايل وسويت انا كل الفكين والعمليه كلفت 90

الحمدلله على سلامتك والله يشا**ك عاجلا غير اجل
ياليت تعطيني تفاصيل عمليتك وكم كلفتك دامها بعيادته الخاصه انا بسويها باذن الله عند الطويرقي بالحرس وابي اعرف كل شي ممكن يسويه وكم قعدتي مدة التقويم وقدرتي تاكلين عقب كم يوم؟ وترتاحين بالنوم او لا ؟ ماعليس اسئلتي كثيره بس متوتره ودي اعرف كككككككل شي

امين الله يسلمك ويجزاك خير
سوالك الاول جاوبت عنه فوق
قعدت التقويم سنه
اكلت من وانا بالمستشفى ايس كريم ذايب يعني مثل الملك شيك
وعقب بالبيت بديت بالشوربات والعصاير ومن السوائل يعني بس الايام الاولى احرصي ع الاشياء الباردة
النوم معروف بيكون حوسه الاسبوعين الاولات عشانك تنامين مرتفعه عشان النفس والاحتقان لكن كلها مرحله وتعدي
ان شاء الله

 

[قوة قلب]

توسيع الفك بعملية ولا عن طريق جهاز يتركب بالتقويم ؟؟


تقدرين تمارسين الرياضة وتكملين حياتج الطبيعية بعد شهر عالأقل من العمليه

أول أسبوعين من العمليه إلى شهر تحسين نفسج هزيله .. زين تقدرين تتحركين >> شي أكيد ما تقدرين تمارسين الرياضة

أول أسبوع .. صعوبة التنفس من الأنف لأنه بقايا الدم مترسبة و متحجرة بالخشم


يعطيج الدكتور بخاخات تفتح التنفس


و الأكل صعب جدااا

أنا أول أسبوع من العمليه نزلت 5 كيلو


بس رديتهم دبل الحين :eh_s(3):

هلا الغالية قالي لازم انسويلج عملية الأولى مال ساعه تقريباً نوسع الفك العلوي+ نشيل ضروس العقل كلهن
وعقب اركب الموسع للفك + التقويم لمدة سنة ونص تقريباً
وعقب العملية الرئيسية وعقبه زراعة ضرسين تحت +تكملة التقويم
أنا محتارة وايد كنت اسوي مواعيدي عند ميشيل قبل موعدي بيوم دقولي وقالولي استقال وحولوني عند توماس ومن جهه ثانيه خايفة من سالفة الخشم لانه قالي بيستون الفتح مدورات يعني تتوقعين حلو شكله ولا لو يربط الخشم يكون أفضل؟
وقالي بعد أنه بعد العملية بتغيرين 180 درجه وبتغيرين صورة الجواز

شورايج اسراء

 

[انوفه]

قوة قلب دكتور توماس وين اي عياده ؟

 

[fa6amy_uae]

كل دكتور له راي وله وجهة نظر .. وبناء عليه يحطلج خطة علاج


يعني لو أنا معاج نفس الحاله بالبضبط .. ممكن خطة علاجي تختلف عن خطة علاجج عند دكتورين مختلفين
وفي الغالب كلا الخطط سليمة .. لكن تكنيك العمليه يختلف


فترة علاج التقويم سنتين ( في حال أول مره تحطينه) سلييييييييييم جدا
وممكن سنه ونص انتي خالصه بس قالج سنتين خوفا لأي ظرف طارئ


وفيه بعض البنات الله يهديهم ياخذون كلام الدكتور كأنه قرآن غير قابل للتغيير
يعني مثلا قالها علاجج سنه >> بعد السنه تتضايق وتعاتبه وقد تعتبره دكتور فاشل ومو عند كلمته


بنات حجطوا ببالك فترات العلاج تختلف من حالة للثانيه .. فيه أسنان سهلة الحركة وفيه أسنان صعبة الحركه
طبعا اللي أسنانها قوية وجذورها طويله .. تصير صعبة الحركة نوعا ما وممكن تطول بالتقويم شوي



صلوا استخارة و وكلوا الموضوع لله .. واللي الله كاتبه لكم راح يصير

ولا تستعجلون لأنه بالعجلة الندامه

ولا تندمون على أي شي ,, لأنه ما تدرون وين الخيرة

مشكورررررة حياتي اسراااء انا بالاحد بروح اجوف دكتور توماس بجوف شو بيقوول و بختار اللي خطته تناسبني و ان شاء الله خير و بخبركم شو بيستوي


اتمنى تشجعوني انتي و البنات قبل العملية و ادري بكم ماتقصرووون:eh_s(2)::hjy5jewf:

 

[Esraa.a]

هلا الغالية قالي لازم انسويلج عملية الأولى مال ساعه تقريباً نوسع الفك العلوي+ نشيل ضروس العقل كلهن
وعقب اركب الموسع للفك + التقويم لمدة سنة ونص تقريباً
وعقب العملية الرئيسية وعقبه زراعة ضرسين تحت +تكملة التقويم
أنا محتارة وايد كنت اسوي مواعيدي عند ميشيل قبل موعدي بيوم دقولي وقالولي استقال وحولوني عند توماس ومن جهه ثانيه خايفة من سالفة الخشم لانه قالي بيستون الفتح مدورات يعني تتوقعين حلو شكله ولا لو يربط الخشم يكون أفضل؟
وقالي بعد أنه بعد العملية بتغيرين 180 درجه وبتغيرين صورة الجواز

شورايج اسراء

والله ليش لأ .. كل شي جايز مع جراحة الفك


انتي خطة علاجج وايد فيها شغل .. يعني راح تتغيرين وايد

توسيع الفك >> هذا بروحه راح يعط عرض للوجه من فوق .. يعني ان شاء الله راح تطلع لج خدود ( وجنتين)
توسيع الفك غالبا يعطي نتيجة حلووووووووه

إلى جانب شغل العملية نفسها


الخشم وماااااااااا أدراك ما الخشم

بصراحة هذا أسوأ جانب بجراحة الفك .. إنه الخشم ممكن يفرش

حتى إذا ربطه راح يفرش

لأنه الخشم ساند على عظم الفك
و بما إنه الدكتور راح يقص الفك العلوي و وضعية الفك العلوي راح تتغير .. إذا راح تتغير تبعها وضعية الأنف


نسبة التغيير مرتبطة بنسبة تحريك الفك وتثبيته
خصوصا البنات اللي يعانون من القمي سمايل
كل ما يقص الدكتور أكثر من الفك العلوي .. كل ما فرشة الخشم تزيد ( يتغير الخشم)


أنا الحمدلله الحين ( بعد سنه من العملية) أحس خشمي قاعد ينلم ويرجع بس طبعا مو مثل قبل

أول ما سويت العمليه فتحات خشمي صارت مدورة .. الحين الحمدلله ردت شوي طويله بس مثل ما قلت لج مو نفس قبل العملية