ريلي بطق جبده مني .. شسوي؟؟

[mi corazon]

مسالخير

يزاكم الله خير كلامكم يجبر الخاطر ومشكورين اللي ارسلولي عالخاص ماتقصرون

 

[mi corazon]

ام خزامى حياتي تسلمين عالكلام الطيب

تصدقين عاد اهو اللي متشفق عاليهال من الملجه وانا اناقشه بمسألة تاجيل الحمل واهو يقول خليها على الله حيل يحب اليهال ومانعني من اي موانع

حتى لما اجهضت كنت اترجاه مابي احمل وابي اخذ حبوب ماكان يرضى وكان يحكرني بعد العلاقه علشان ما اقوم اغسل .. اهو يبي الحمال اكثر مني

وهم ما انكر اني ماكنت ابي احمل بس من تحرك البيبي في بطني ولما اجهضته حطوه بحضني يتحرك قلبي انشلع عاليهال عسى ربي يعوضني خير

ويكفي الناس فزة قلبي .. يارب مااحسد ولا اغبط احد على ذريته


مشكوره حياتي

 

[mi corazon]

بدوني تضايقون

تسلمين حبيبة قلبي

عاد تدرين اغلب الطرق اللي كتبتهم قبل في موضوعي عن الحركات الزوجيه طبقتهم واحاول اونسه بالطرق المختلفه واهو باليالله تجاوب معاي حده دقه قديمه وماتييب راسه الا الطريقه القديمه الكامله فا يتجاوب معاي بس يقول ستل ما طاح اللي براسي واحس بعد بهالشي مع اني ابذل كل مجهودي وجم مرهتيني تقلصات وانا حامل بسبة هالسوالف .. ماكو جماع بس جذي وهم تيني تقلصات


الحين ميلادي عقب جم يوم وانا ماصارلي ٦ ايام من طرحت يعني ماكو مجال احجز فندق ولااطلع معاه خصوصا اني حاشتني صخونه لما طلعتايب اغراضي من شقتي فا امي حرمت علي الطلعه لين اتم عشرين يوم

شسوي

 

[انثى عاشقة]

البنات كفوو ووفو
قالو الي بقوله =)

الله يسخركم لبعض ويرزقكم الذرية الصالحة يارب ​

 

[mi corazon]

تسلمين انثى عاشقه وكل من كتبت لي رد

 

[يتيمة جابر العز]

سبححاااااااان الله وانا اقرأ موضوعج كأني اقرأ حياتي بالضبط بس الفرق أني أجهضت على شهر ونص


أختي انتي مريتي نفس معاناتي بكتب لج الي سويته وانتي طبقيه بحذافيره


انتي تعانين بضعف عظلة بالرحم وااااضح نفسي لان سويت تحليل أجسام مضاده وطلع كلشي سليم


دقي على الرداده ام ناصر تجيج البيت ٩٩٧٥٠٩٣٠ وراح تشوف علتج وتعطيج دوا ب ٢٠٠ دينار اخذيه وانتي مغمضمه دواها يكرب الرحم وبشهادة دكتورتي خالده المجيبيل وقالتلي بعد ما أكلت الدوا بطانة رحمج سليمه ،،،


بعد ماتاكلين الدوا لمده شهر روحي سيدا للدكتوراه خالده المجيبيل وراجعي عندها لانها تخصص اجنه وتعرف لج ،،


لان اول ماجيتها وانا نفسيتي صفر قالتلي ماعليج بإذن الله راح تحملين ويثبت وتقر عينج فيه سالم معافى وقالتلي انسي تفكرين بالحمل حاليا بعد ٦ شهور وتعطيج طريقه بحيث ان زوجج مايحملح ،،،


وفعلا بهالفتره عوضت زوجي وصرتله عروس من اول وجديد


وربي بيرزقج ان شاءالله

 

[orange blossom]

حبيبتي والله
الله يعينج و يصبرج و يعوضج خير يارب
توج حبيبتي بأول الزواج لا تفكرين وايد بالحمال الحين
لاحقه على شقا العيال
عادي حبيبتي سوي نفس ما البنات يسوون
روحي الصالون و سوي لج لوك يديد
قصي شعرج....صبغيه
اشتري لج قمصان نوم يديده
و سوي لج من اللي عندنا بالمنتدى
اللي يسوون شغل الليالي الرومانسية
انا مسوية من قبل
و كان شي خياااال... ريلي وايد عجباه
حبيبتي كشخي بالبيت و بره البيت
و حاولو كثر ما تقدرون تطلعون
انتي حبيبتي بعدج عروس
و موفقه انشالله

 

[mi corazon]

سبححاااااااان الله وانا اقرأ موضوعج كأني اقرأ حياتي بالضبط بس الفرق أني أجهضت على شهر ونص


أختي انتي مريتي نفس معاناتي بكتب لج الي سويته وانتي طبقيه بحذافيره


انتي تعانين بضعف عظلة بالرحم وااااضح نفسي لان سويت تحليل أجسام مضاده وطلع كلشي سليم


دقي على الرداده ام ناصر تجيج البيت 99750930 وراح تشوف علتج وتعطيج دوا ب 200 دينار اخذيه وانتي مغمضمه دواها يكرب الرحم وبشهادة دكتورتي خالده المجيبيل وقالتلي بعد ما أكلت الدوا بطانة رحمج سليمه ،،،


بعد ماتاكلين الدوا لمده شهر روحي سيدا للدكتوراه خالده المجيبيل وراجعي عندها لانها تخصص اجنه وتعرف لج ،،


لان اول ماجيتها وانا نفسيتي صفر قالتلي ماعليج بإذن الله راح تحملين ويثبت وتقر عينج فيه سالم معافى وقالتلي انسي تفكرين بالحمل حاليا بعد 6 شهور وتعطيج طريقه بحيث ان زوجج مايحملح ،،،


وفعلا بهالفتره عوضت زوجي وصرتله عروس من اول وجديد


وربي بيرزقج ان شاءالله

تسلمين حياتي ماتقصرين

بس شدراج ان عضلة الرحم ضعيفه انا العنق عندي موضعيف وتم الطلق خمس ايام والعنق مسكر

كل اللي قاله الدكتور ان الرحم عندي يتقلص ويدفع البيبي لي بره لو كان ضعيف ماظنتي يقدر يدز


تراني عليميه فهميني ولي يعافيج

وانا عندي موعد عند ناهده العلي باجر مادري هل اغير واروح حق خالده؟

 

[mi corazon]

اورانج بلوسم حياتي تسلمين

اي انا ناويه ان شالله اعوضه من قلب وربي يقدرني

ومن الحين خليت خواتي ايبون لي شغلات من ايكيا حق غرفة النفاس اللي عند امي ونزلت شغلاتمن داري الحبيبة

ربي يعيني ويصبره علي

 

[hend6363]

يا اختي
الحين كم يوم مر علي اجهاضك
خلاص مو لازم 40 يوووم و انتي فبيت اهلك
اشربي فيتيمانات و دوا يخليكي زينه
و باجر روحي الصالون و خديلك بيجامه حلوة
مو لازم قميص نوم
و بس ارجي بييتك
و بلاش حماال عيشي حياتك
انا استغربت من هالاطباء ما منعوك من الحمل بعد الاجهاض

 

[احلى ديما]

حبيبتي اجلي موضوع الحمال جم شهر واستانسي بحياتج بعدج عروس والنفاس فترة بسيطة وبتعدي انسي موضوع الاجهاضات وونسي عمرج لا تقولين انا تعبانه وانا كذا وكذا بالعكس قولي قدر الله وماشاء فعل صدقيني احساسج الداخلي اهو اللي بينعكس على ريلج لبسي وكشخي وتمكيجي لي جاج البيت عند اهلج وشوفي شلون كل شي بيتغير

 

[bnt_kwt]

البنات كلهم ما قصرو كفو ووفوا يزاهم الله الف خير
كل اللي ابي اقوله لج عسى الله يسعدج ويوفقج ويهنيج ويسخر لج زوجج
ويعوضج خير عن اللي فقدتيهم ويرزقج الذريه الصالحه بالقريب العاجل

 

[امـ خــزامـى]

ام خزامى حياتي تسلمين عالكلام الطيب

تصدقين عاد اهو اللي متشفق عاليهال من الملجه وانا اناقشه بمسألة تاجيل الحمل واهو يقول خليها على الله حيل يحب اليهال ومانعني من اي موانع

حتى لما اجهضت كنت اترجاه مابي احمل وابي اخذ حبوب ماكان يرضى وكان يحكرني بعد العلاقه علشان ما اقوم اغسل .. اهو يبي الحمال اكثر مني

وهم ما انكر اني ماكنت ابي احمل بس من تحرك البيبي في بطني ولما اجهضته حطوه بحضني يتحرك قلبي انشلع عاليهال عسى ربي يعوضني خير

ويكفي الناس فزة قلبي .. يارب مااحسد ولا اغبط احد على ذريته


مشكوره حياتي

يابعد قلبي انت رضا الزوج وااجبه مااانكر الله يرزقكم ويفرحكم
وحسبي الله عليهم ليش يحطووونه بحظنك

امي توفى لها ولد من بعد انتظار 4 بنات ومات بوقت الولاده تخيلي
وجابوووه لها مسكينه انمرضت نفسيا وكل حمل بعده صار يجيها اكتئاااب وبس تصيح
كله بسبتهم روووعوووها تقول بس اتخيل اني بيصير فيني ماصار بالولد

الله يستر عليك ويطمن قلبك اقرائي وردك وعاهدي نفسك ماتخلينه لا هو ولا اذكار الصباح والمساااء وقراءه يوميا للقران

الله يعوووضكم خير وبميزان حسناتكم وان شاءالله انكم صابرين ومتوكلين على الله
وربي مايخيب رجاااكم قولي امين :yaaaaaarb:

 

[امـ خــزامـى]

وعلى فكررره
انت قلبك طيييييييييييييييييييييييييب صدقيني ربي بيعطيك على نيتك البيضااء
ووربي اذا احب عبده ابتلاااااااااه

 

[عزيز قلبي]

الله يعينج ويعوضج خير حبيبتي
بس اهم شي روحي للدكتوره واخذي مانع جم شهر
استانسي وعيشي حياتج مع زوجج وعوضي اللي راح
ولاحقين علي الياهال

 

[نـعـومـه]

الحمدالله على سلامتج

الذنب موذنبج

والشي ثاني دام اجهضتي مرتين يبيلج انتي راحه مو بس حقه واخذيلج مانع مؤقت بس موحبوب حرام عروس لاتعفسين هرموناتج

اذا ريلج متفهم خليه يستخدم واقي متى ماتبون تمنعون وروحي فندق شاليه سفره

 

[برنسيسة2007]

بخصوص اجهاضاتج:
حبيبتي عليج بالرقيه الشرعيه واذكار الصباح والمساء ترا الموضوع مو هين يمكن عين او حسد او *** ديري بالج
ترا البنات يحملون ويستمتعون بمرحلة الحمل مع ازواجهم
ولازم تاخذين مانع ثلاث شهور عشان الرحم يرتاح قبل لاتحملين بعد اجهاضج وخلال هالثلاث اشهر اخذي فولك اسيد وبيبي اسبرين هذولي زينين في حال حملتي بعد3شهور باذن الاه ماتجهضين

بخصوص زوجج:
حبيبة قلبي لاتقولين ماتهنيتي بالعكس يمكن هالضروف قربته منج وحس بفرجتج وفراغ حياته بدونج ومشتاااقلج حيييل
لذلك روحي السوق واتجهزي وروح صالون كل اللي سويتيه بعرسج سويه الحين وقولي عندي مفاجئه ابيك تحجز غرفه في الفندق الفلاني
وخليه يحجز قبله بيومين او ثلاث واخذي رقم الغرفه وحجزي سوالف واحتفلي بكل المناسبات اللي طافتج
بس ما احبذ اعياد الميلاد
اولا :لان بالشرع مايجوز
ثانياً:لاتخلينه يحسب عمرج ?

احتفلي بيوم ملكتج ويوم زواجج وجيبيله هديه ولبسي قميص النوم اللي لبستيه بيوم زواجج وجددي الايام

والعمر قدامكم وتهنين ياااارب كل شي معوض
وكل اللي مريتي فيه يمكن خييييره

اييييه ونسيت اقولج اذا ماجاب هديه لج لاتتضايقين لانج مفاجئه بس حسسيه انج شوي تضايقتي انه ماتذكر هالايام نفسج واذا تضايق وقام يتأسف قولي ادري انك بتعوضني وكل ايامنا احتفالات باجر وبعده وطول العمر>>>هههههه زهبة الدوا قبل الفلعه ?
موفقه ي الغاليه

 

[قـــمـــرهم]

اللي صارلج تقريبا نفس اللي صارلي

انا صارلي متزوجه سنه و 3 شهور بالضبط

و اول عرسي كنت استحي وما اتكلم وكاشه من زوجي
وفوق هذا كنت كارهه الزواج ومابي اتزوج وبعد اداوم بالكليه
ماوقفت قيدي خووش عروس هههه

بعدها ب3 شهور حملت ووحامي كان حيل حيل متعب
مأساااااة وبس منسدحه وترجيع وتعب ولوعه
وانا ابداية الخامس اجهضت
وتخيلي عروس واجهضت بالمستشفى وزوجي شافني
شكله حده غلللللط

و قعدت نفاس 40 يوم واول ماطلعت من النفاس والا باجر
رمضااان ههههههههه

يعني شهر ماكو طلعات وصيام كلش مووو جو معاريس

وعقبها ب3 شهور تقريبا حملت الحمدلله
و هم تعب ولوعه وفوق هذا من بداية حملي دكتورتي تقولي
انسدحي ع ظهرج وماكو جماع هههههه

والحين صارلي 4 شهور قاعده ابيت اهلي وبس منسدحه وسويت عملية ربط

حتا ذكرى زواجنا كنت حدي تعبانه والدكتوره مانعتني من الحركه ماسويت ولااااشي

ولا حتا قدرت اروح شقتي ..


صج احس طول فترة زواجي وانا قاعده في بيت اهلي او تعبانه الحمدلله على كل حال ..



وانا بصراحه ما اايد اللي تاكل حبوب مانع واهي توها عروس
يعني انتي شدراج متا بتحملين !!!!


ومو زين تلعبين بنفسج بهالحبوب!!

يعني حملتي الحمدلله نعمه من رب العالمين

وسبحان الله الحمال يفرق من وحده لوحده

في بنات حيل يتعبون وبنات يعيشون حياتهم طبيعيه




والله يعوضج خير يارب

وانتي بعد ماتطلعين من النفاس عطي نفسج راحه
واستانسي واستمتعي بكل يوم بهالفتره وسويلكم
جدول اطلعوا تمشوا
فندق شاليه منتجع والا سافروا ..

وعقبها باذن الله اذا ارتاح جسمج احملي واذا الله كاتبلج تحملين
بتحملين باذن الله

 

[ماكواسم2]

حالتج مثل بنت خالي .. ماشاءالله بعدين يابتهم 4 اولاد وراا بعض فلا اتحاتين مع العلم الكل قالها ارتاحي بعد الاجهاض حتى الدكتوره وهي احملت على طول ..

 

[mi corazon]

حبيبتي اجلي موضوع الحمال جم شهر واستانسي بحياتج بعدج عروس والنفاس فترة بسيطة وبتعدي انسي موضوع الاجهاضات وونسي عمرج لا تقولين انا تعبانه وانا كذا وكذا بالعكس قولي قدر الله وماشاء فعل صدقيني احساسج الداخلي اهو اللي بينعكس على ريلج لبسي وكشخي وتمكيجي لي جاج البيت عند اهلج وشوفي شلون كل شي بيتغير

كلامج صح اللي احسه ينعكس على زوجي مع انه اهوا اللي ينسيني الهم ربي يحفظه لي وياجره خير عاللي يسويه وع صبره

مشكوره حبيبتي ماتقصرين

البنات كلهم ما قصرو كفو ووفوا يزاهم الله الف خير
كل اللي ابي اقوله لج عسى الله يسعدج ويوفقج ويهنيج ويسخر لج زوجج
ويعوضج خير عن اللي فقدتيهم ويرزقج الذريه الصالحه بالقريب العاجل

حبيبتي ماتقصرين يالغاليه

يابعد قلبي انت رضا الزوج وااجبه مااانكر الله يرزقكم ويفرحكم
وحسبي الله عليهم ليش يحطووونه بحظنك

امي توفى لها ولد من بعد انتظار 4 بنات ومات بوقت الولاده تخيلي
وجابوووه لها مسكينه انمرضت نفسيا وكل حمل بعده صار يجيها اكتئاااب وبس تصيح
كله بسبتهم روووعوووها تقول بس اتخيل اني بيصير فيني ماصار بالولد

الله يستر عليك ويطمن قلبك اقرائي وردك وعاهدي نفسك ماتخلينه لا هو ولا اذكار الصباح والمساااء وقراءه يوميا للقران

الله يعوووضكم خير وبميزان حسناتكم وان شاءالله انكم صابرين ومتوكلين على الله
وربي مايخيب رجاااكم قولي امين :yaaaaaarb:

حبيبتي والله ام خزامى تسلمين ع كل كلمه قلتيها وربي يجازيج خير

وان شالله بطبق اللي قلتوه وببدي اقرا البقره بس يوقف الدم لان الحين بس اسمعها

الله يعينج ويعوضج خير حبيبتي
بس اهم شي روحي للدكتوره واخذي مانع جم شهر
استانسي وعيشي حياتج مع زوجج وعوضي اللي راح
ولاحقين علي الياهال

حياتي ماتقصرين

كنت افكر بالموانع بس اليوم ناهده العلي صدمتني قالت لاتاخذين موانع خلج عالموانع الطبيعيه لانج بدشين الثلاثين والموانع بهالعمر ممكن تسبب صعوبات بالحمل بعدين

الحمدالله على سلامتج

الذنب موذنبج

والشي ثاني دام اجهضتي مرتين يبيلج انتي راحه مو بس حقه واخذيلج مانع مؤقت بس موحبوب حرام عروس لاتعفسين هرموناتج

اذا ريلج متفهم خليه يستخدم واقي متى ماتبون تمنعون وروحي فندق شاليه سفره

:eh_s(7): :eh_s(7): شالله ماتقصرين يابعد عمري