** تجمع الي مسوين جراحة الفك**

[قوة قلب]

قوة قلب دكتور توماس وين اي عياده ؟

هلا الغاليه سوري مانتبهت على السؤال

دكتور توماس في مدينة خليفة الطبيه

 

[قوة قلب]

السلام عليكم

خواتي بغيت استفسر بخصوص شغله ,, الدكاتره تناقشت وياهم بخصوص عمليتي وطلبت منهم تعديل اضافي صغير على الفك قالولي ok لاكن بياخذون عظمه من خصري ويمكن اكون غلطانه ماذكر من وين بالضبط !

هل تشوفون الموضوع يسوى ولا مايحتاج و اسوي العمليه بشكل طبيعي بدون اضافات ؟ وهل عندكم فكره بخصوص العظمه و اذا كان لها تاثير سلبي ومضاعفات لانه نسيت اسالهم !



و اسمحولنا على الازعاج

هلا الهاجريه شحالج..
عند منو بتسوين العمليه الثانية لانه ميشيل استقال؟
ويوم سويتي العمليه توسيع الفك هل غيرت ف خشمج وكان في تعب بعد العمليه وكيف الأكل والنتيجه حلوه وهل ربطوا خشمج؟
أنا عمليتي بتكون شراتج توسيع الفك العلوي والعمليه الثانية بتكون الرئيسيه ف أجباري يحطون لي عظمه شراتج؟

واسمحليلي ع الازعاج

 

[ثري جي]

ايه صح وهذا المفترض بس انا سويت تقويم عادي مختلف عن التقويم الجراحي
وتفاجأ الدكتور عثمان قال خطا ذا وراحت علي سنه هباء واضطريت اسوي التقويم من جديد
عند نفس العيادة مع اني من خارج االرياض بس عشان اتطمن ان تقويمي ان شاء الله صح
خاصة انهم ع اتصال دائم مع بعض د عثمان الطويرقي وفراس الخيال
واللي طول التقويم بالمره الثانيه بعد ان اسناني كانوا داخلين خاصة اللي فوق فبصعوبه زينت وضعهم
بالتقويم الجراحي

اهاااااا طيب ياعمري كيفك الحين راضيه عن شكلك؟وقادره تستقبلين ضيوف؟
وخشمك تأثر؟

 

[ذكرى الحبيب]

زززززززين اشوى روعتيني بهالثلاث
انا اسناني سليمه مافيها شي ابد بس التقويم عشان العمليه فقط
ماشاءالله اجل انتي بتسوين عمليتك قبلي وانتي اللي بتخبريني كيف كانت عمليتك هههه
بس سين سؤال وش شوهك فيه التقويم؟
ودكتوري التقويم اردني الظاهر بس نسيت اسمه الحين :eh_s(10):

ليش انتي كم لك الحين بتقويم؟
التقويم الجراحي يبرز مشكله الفك عنك بشكل واضح يعني انا عندي تقدم الفك السفلي كان بسيط شوي بس بعد مدة من تركيب التقويم تقدم زياده يعني صار واضح مره حتى قبل ماركب قالت لي الدكتوره معليش تحملي لان أسنانك بتلاحظين انها تتقدم
وبتوفيق يارب للجميع:yaaaaaarb:

 

[ثري جي]

ليش انتي كم لك الحين بتقويم؟
التقويم الجراحي يبرز مشكله الفك عنك بشكل واضح يعني انا عندي تقدم الفك السفلي كان بسيط شوي بس بعد مدة من تركيب التقويم تقدم زياده يعني صار واضح مره حتى قبل ماركب قالت لي الدكتوره معليش تحملي لان أسنانك بتلاحظين انها تتقدم
وبتوفيق يارب للجميع:yaaaaaarb:

مالي شهر مركبته
كيف يعني يتقدم هههه وش الحكمه ؟ «ليتني قاعده على عماي كل شوي مصدومه بشي ليتني قا

 

[غصون ق]

السلام عليكم
انه عندي مشكله ب الفك السفلي متقدم عندي انزين وي عورني من اكل
رحت ٣ دكاترة واحد قالي سافري لل خارج واحد قالي عمرج يكون ١٨ لازم يا الله أنسوين تقويم و الثالث قالي يعورج بسبب ضرس العقل
شسوي تره محتاره

 

[ذكرى الحبيب]

مالي شهر مركبته
كيف يعني يتقدم هههه وش الحكمه ؟ «ليتني قاعده على عماي كل شوي مصدومه بشي ليتني قا

ايوه احس احسن للوحده ماتسال كثير:eh_s(16): ذيك اليوم اسال الدكتورة قلت كيف يقص الفك اللي فوق وتجلس تشرح لي بطريقة مرعبه:eh_s(11):وتقول فاحسن لك ما تسألين وكيف وايش بيسوي خليك ماشية معنا وبس:eh_s(10):
شرحت لي الدكتورة ليش الاسنان تتقدم بس مافهمت عليها ومشيتها
شوفي انا يوم صرت اسال وعرفت اشياء كثيرة بديت اخاف وارتحت في نفس الوقت ان فيه ناس كثير سووها وراضين عن نتيجتهم

 

[ثري جي]

ايوه احس احسن للوحده ماتسال كثير:eh_s(16): ذيك اليوم اسال الدكتورة قلت كيف يقص الفك اللي فوق وتجلس تشرح لي بطريقة مرعبه:eh_s(11):وتقول فاحسن لك ما تسألين وكيف وايش بيسوي خليك ماشية معنا وبس:eh_s(10):
شرحت لي الدكتورة ليش الاسنان تتقدم بس مافهمت عليها ومشيتها:d
شوفي انا يوم صرت اسال وعرفت اشياء كثيرة بديت اخاف وارتحت في نفس الوقت ان فيه ناس كثير سووها وراضين عن نتيجتهم

ههههههه شاطره واضح انك مهتمه «تطنز
بظل أسأل انا خبلا

 

[ثري جي]

السلام عليكم
انه عندي مشكله ب الفك السفلي متقدم عندي انزين وي عورني من اكل
رحت 3 دكاترة واحد قالي سافري لل خارج واحد قالي عمرج يكون 18 لازم يا الله أنسوين تقويم و الثالث قالي يعورج بسبب ضرس العقل
شسوي تره محتاره

عملية الفكين لازم يكون عمرك 19 وفوق عشان النمو يتوقف عندك
وضرس العقل اذا عندك مشكله فيه اخلعيه
وروحي لدكتور موثوق فيه حتى يبين لك وش المشكله ؛ماينفع كل واحد له كلام

 

[كوكب ..]

أخيرًا ولله الحمد أرسلوا لي كلمة مرور بديلة

شكرًا إسراء على إيصال السلام لـ purity الغالية، والتقينا في العيادة والحمدلله()
عمليتي قريبًا بإذن الله مع دكتور عثمان الطويرقي، حفظه الله.

 

[ثري جي]

أخيرًا ولله الحمد أرسلوا لي كلمة مرور بديلة

شكرًا إسراء على إيصال السلام لـ purity الغالية، والتقينا في العيادة والحمدلله()
عمليتي قريبًا بإذن الله مع دكتور عثمان الطويرقي، حفظه الله.

مرحبا كوكب
وش السالفه الاغلبيه عند الطويرقي
الله يتمم لك على خير
وممكن تشرحين لنا وين بتسوين العمليه وكم لك بالتقويم وعلى طول حددو العمليه قريب ولا ماطلوا فيك؟

 

[كوكب ..]

مرحبا كوكب
وش السالفه الاغلبيه عند الطويرقي
الله يتمم لك على خير
وممكن تشرحين لنا وين بتسوين العمليه وكم لك بالتقويم وعلى طول حددو العمليه قريب ولا ماطلوا فيك؟

هلا والله
أنا سالفتي ساااالفة
كنت أراجع في الحرس(مركز الأعمال) ماعندي ملف، المهم خلصت حشوات وتنظيف أسنان وهالشغلات، وقال لي الدكتور، يابنتي فكك مو زي الناس، وأنا كنت عارفه هالشي لأن عندي عضة مفتوحة، وتقدم بالفك السفلي، قلت له أدري، قال أجل بحولك على قسم الجراحة الشغلة ما تآخذ سنة وماتكلف كثير! قلت كم قال يمكن عشرين ألف، فرحت لهم وشافني دكتور التقويم(ناصر الهملان) واخترت الطويرقي كجراح، بعد استخارة واستشارة، وقلت خلاص نبدأ تقويم، وكل ما سألت موظف مركز الأعمال عن السعر قال ابشري ونعطيك تصور كامل وما أدري إيش، طنشت الموضوع، لين قال طبيب التقويم إنك تهيأتي للعملية، بعد ستة شهور من التقويم ولله الحمد، فكلمت موظف المركز بآخذ موعد مع الطويرقي قال إن الطويرقي ترك مركز الأعمال روحي لعيادته! استغربت مره! واتصلت على عيادة دكتور عثمان وكلمني بنفسه وقال ماتركتهم، وكلمهم وصاروا مخطئين بالاسم، ماعلينا، سبحان الله هذا الخطأ صار من صالحي، لأن مركز الأعمال صارت أسعارهم بالهبل حول ميتين ألف! وحجز غرفة العمليات يطول! فقلت للطويرقي خلاص بجي عندك في صوان.
صراحة تعاملهم راقي جدا وواضحين وصريحين في الأسعار، والمواعيد على كيفك.
تدرين للحين مدري كم كلفني التقويم بالحرس؟ هم قالوا إما 15 ألف أو 17 أو عشرين !
أما صوان فسعرهم 20 ألف للتقويم، والعملية دفعت الحين قبل العملية عشان حجز الغرفة، 80 ألف.
والله يسهل ويجعل هالعملية سبب مبارك علينا جميعا
حالتي تعتبر كلاس ثري، لكن الجراح بيشتغل ع الفكين
تقديم العلوي، وترجيع السفلي. والله يسهل

 

[كوكب ..]

أما بالنسبة ليه اخترت الطويرقي، فهو ماشاءالله طبيب صريح وواضح، ويهتم بالناحية الجمالية، ويربط الأنف في نفس وقت العملية عشان ماينفرش، وسمعته ممتازة، وهو أقدم طبيب في هذا المجال ماشاءالله تبارك الله.
بسوي العملية في مستشفى المملكة إن شاءالله.
دعواتكم أخواتي()

 

[ثري جي]

أما بالنسبة ليه اخترت الطويرقي، فهو ماشاءالله طبيب صريح وواضح، ويهتم بالناحية الجمالية، ويربط الأنف في نفس وقت العملية عشان ماينفرش، وسمعته ممتازة، وهو أقدم طبيب في هذا المجال ماشاءالله تبارك الله.
بسوي العملية في مستشفى المملكة إن شاءالله.
دعواتكم أخواتي()

ماشاءالله الله يتمم لك على خير
ودعواتي لك

 

[ahoud]

السلام عليكم .. لي سنه عنكم بس حبيت ابلغكم اني خلصت العمليه الحمدلله مع دكتور بدر الجندان مستشفي الرعايه في الخبر
مدة العمليه 8 ساعات
وفي اشيااااء وااجد ابي افيد فيها خواتي المقبلين عالعمليه
انا مشكلتي كانت ارتخاء في مفصل الغك اليسار وظهور اللثه ( القمي سمايل ) وتراجع الفك السفلي شي بسيط << شامله كل مشاكل الفك ههههههه يارب لك الحمد اللهم لااعتراض

......

المهم حبيباتي الحين لي تقريبا عشر ايام اول خمس ايام صعبه جدااا جدااا نفسيا وجسديا تعب تعب لازم تهيئين نفسك لهالشي عشان ماتتعبين بعدها تدريجيا يبدا الورم يخف والالم اول الايام بالنسبه لحالتي كان شديد والمسكنات ماتلحق وخشمي كان يالمني وااجد مدري وش سوو فيه بغرفة العمليات المسكين
حسيت خشمي ارتفع التب حقه شوي وصار احلا من اول .. بس ثاني يوم انصدمت فيه انتفخ واجد كانه ورم وفرش شوي ( بس اتوقع من الورم )
المطاطات : ماحطلياها الدكتور ولاسكر فمي بعد العمليه .. سالته ليه ؟.. قال عضتك ممتازه وتقدرين تسكرين فمك فمايحتاج !!! (لين الحين مش مقتنعه بكلامه احس المطاطات مهمه .. بس الدكتور افهم طبعا )

اممممم نجي للاكل والشرب .. اول ماتطلعين من غرفة العمليات وجهك كااامل ماتحسين فيه ومايشربونك الا بعد ساعتين عشان ماترجعين .. بس مع ذلك الله يكرمكم رجعت اكثر من مره ( دم ) اللي بلعته وقت العمليه .. عطوني في المغذي دوا للغثيان والترجيع

كنت مااقدر ابلع من الالم اللي بحلقي ( لان انبوب التخدير مجرح حلقي مررره ) ومااستطعم االعصيرات زين بس حاولت اتغصب
ابتعدو اول يومين عن الحليب واللبن لانهم ثقال عالمعده خلكم عالعصيرات والماي اريح
ثالث يوم بديت اشرب شوربه شوي شوي لاني مقدر افتح فمي واجد بس كنت اجووع واكثر شي عجبني في المستشفي شوربة الشوفان البيضا ...والكريم كراميل
رابع حاولت اكل زبادي يريح المعده واشرب عصير منقا فقط الباقي ماحبيت طعمهم الله يديم النعمه .. اممم طلعت البيت رابع يوم وفالبيت بديت اشرب حليب حلبه + شوربات ماجي+ شوربة عدس + شوربات الكريمه البيضا لانها تشبع
بعد العمليه باسبوع حاولت ابتكر اكلات هههههه دايجستف اذوبه بحليب حار لين يصير مهروس واحاول اكله ماش بوتيتو واحط معاه ملعقة جبن كرافت .. ملوخيه واقطع فيها بريد صغار واكلهم يكونون ذايبين.. كورن فليكس وحليب بالخلاط واشربه كانه كوفي بكوب الصباح يعني حاولت منا ومنا قد مااقدر مااخلي بخاطري شي
انا وزني 62 ومااحب النحف كنت خايفه انحف
امس اشتهيت رز ههههههه سويت لي رز ابيض وكثرت الماي لين صار لينننن وسويت لي مرق دجاج قطعتهم صغاار مع خضار وبطاطس صغار خليتهم يطبخون وقت طووويل يلن ذابو لاني تعقدت من الخلاط يضيع طعم الاكل

وطبعا لازم مع كل وجبه لك تحرصين على ان الباب مقفول عليك ههههههه لان الشكل بيكون ماسااه اكل في كل مكان الحمدلله علي نعمة الصحه والعافيه يارب
واحط فوطه بحضني تحسبا لاي لقمه تسقط سهوا

يتبع ...
​

 

[ahoud]

نجي للنوم .. ماساااااااااااااااااه وربي يابنات ماابالغ بالمستشفى كنت ماانام الا بابرة الترامال اللي بالعضل .. وه§ي ممنوع تنعطي اكثر من مره او مرتين للحاجه القصوي بس المي كان شديد والصداع النصفي ملازمني ويشتد وقت النوم ( يتسلط )
بس انا مقويه قلبي وعارفه انها بتفرج من عند الله فكنت اصبر واتحمل والحمدلله كل يوم عن يوم احسن لكن لازلت اعاني من مشاكل وقت النوم ... ماتدرين وين تحطين راسك تبلشين فيه ههههه ان حطيته يمين تالمني العضمه ويسار كذالك انسدح علي ظهري ظهري يذبحني ماعرفت وش اسوي ... اقدر اقول لين الحين مانمت نومه كويسه احس اني انام نوم خفيف مايشبع ولا يريح .. الحمدلله

اول ماتقومين من النوم بتحسين وجهك متخشب ومتورم وفيه الم كانه الم رضوض او كدمات ( في حل اكتشفته يهدي التخشب هذا كثيييير ويخفف الورم الي بالوجه ويساعدك تتنفسين بصوره احسن .. فوطه صغيره مستطيله تغسلينها بماي وتعصرينها وتحطينها بالمكرويف دقيقه وبعدها بتكون حاره لاتحاتين غمضي وانسدحي وحطيها علي وجهك ليييين تبرد .. كرري العمليه اكثر من مره الصبح والمسا قبل النوم وادعيلي )

بالنسبه للادويه رفضت اخذ ادويه سايله واكتفيت بالكبسولات وكان يساعدني عالبلع عصير المنقا لانه لزج فالحبه تنبلع اسرع ..
عانيت وقت النوم من جفاااف الفم ماادري ليه مع اني قبل العمليه بعد كنت انام فمي مفتوح ماكنت اصحي فمي جاف كذا مع العلم اني اشرب كميه كبيره من الماي قبل النوم

صار معاي مشكله من الهوكس الي ركبوها عالتقويم ،، بعد العمليه دخلت في شفايفي من فوق وماحسيت فيها بس ثاني يوم شفتها بالمرايه ،طلبت من الدكتور يشيلهم فسوالي موعد مع دكتور التقويم يعد ماطلعت من المستشفي رحلته ،قال مقدر اشيلهم اخاف االمك بقصهم ووافقت وياليتني ماوافقت لما قصهم حطلي علي اطرافهم كرات من الصمغ عشان مايجرحوني بس بعد يوم من التفريش طاحت كرات الصمغ وبقا الحديد يجرح بشفايفي من داخل وانسجة خدي وانا ماااحس لانه كله منمل بس التهببت الشفايف من داخل والخد من داخل وسببولي بعدها الم رهيييب مع حرقان كان شفايفي مسلوخه من داخل ( باطن الشفه والخد ) رحت للدكتور وعطاني مرهم كان يريحني بس مافي فايده الحدايد ترجع تخدش اللحم وتالمني .. طلبت من الجراح يشيلون السير نهائيا ويحطون لي غيره عطوني موعد الاحد باذن الله افتك منه اففف



عموما النتيجه عاجبتني الحمدلله .. وجهي اول طويل ونحيف وملامحي حااده وخشمي نحيف بس طويل بزياده.. حاليا وجهي اقصر بس من الورم مو قادره احكم علي ابتسامتي ولا خشمي لان الشفه اللي فوق مع منطقة الشنب كلهم منملين مااحس فيهم،الخشم واارم حيل

اشجع اي بنت مقبله علي هالعمليه بقوووه لانها تجربه جديده بحياتك والدكتور يقول 90 بالميه النتايج اكيد للاجمل والافضل لانهم يصححون اخطااء عظيمه بالفك وتكوينته .. توكلو علي الله وحاولو تقرون كثيييير عن العمليه افضل عشان تكونون بالصوره .. اي شي جديد بحاول اكتبه واتمني اللي عندها اي سؤال ماتتردد وتسالني .. انا استفدت من البنات الي هنا وسووها قبلي اشياااء كثيره وجا دوري افيدكم.. ​

 

[ahoud]

نسيت اقولكم تاريخ عمليتي ١٦/٢/٢٠١٣ يوم السبت الساعه ٧ صباحا .. دكتور بدر الجندان .. الخبر ،، المملكه العربيه السعوديه مع العلم عمري ٢٥ سنه وخسرت لتر دم بس ماعطوني دم لان وضعي كان مستقر ..​

 

[ثري جي]

عهووووووود شرحك اتعبني نفسيا «يارب تعديهاااااااا
والحمدلله على سلامتك

 

[uae222]

ملفكم وايد شجعني انا من الامارات عندي تراجع ف الفك السفلي وتقدم في العلوي المهم رحت مستشفى خليفه كنت ابا دكتور ميشيل بالذات لانه مسوي لربيعتي انصدمت انه استقال وحطوني عمد حسان النابلسي للامانه ارتحتله بس كلام وجده هني خوفني شوي ف ترددت الحين انا سجلت ف المنتدى عشان اشارك بتجربتي واستفيد منكم ،،، امممم الخين سؤالي حد مجرب عند النابلسي وحد مجرب عند النابلسي؟ او توماس

 

[Esraa.a]

ثري جي انتي نفس حالتي يعني تقديم العلوي وترجيع السفلي بس أبسالك جابو لك طاري في زراعه عظم لاني بديت اوسوس اخاف يطلعون علي الموعد الجاي بسالفه زراعه العظم:eh_s(11): وايه وبخصوص الخشم معقول راح يتغير اسراء تقديم الفك العلوي احس بيرفع الخشم ممكن قصدك ترجيع الفك العلوي هو اللي يفرش الخشم ولا التقديم بعد نفس الشي بسال الدكتور في هالشي:eh_s(16):
ثري جي متى عمليتك وكم جلستي تنتظرين الدور في العلميه لان اذا المده طويلة بحاول ادور لي واسطه صراحه
بنات ابسالكم يعني انا شفت باليوتوب ناس تغيرت اشكالهم مره وبعد اختنا توته بنوته شفت صورها يعني احس تغير كامل وانا في دوام اخاف اذا سويتها ورجعت ارجع لهم انسانه ثانيه وايه 4 شهور تكفي بعد العلمية ان الواحد يتلكم عادي بدن محد يلاحظ شي في طريقة كلامه
ثر جي اذا سويتي العلمية طمنينا لان انتي نفسي وبعد انا راح اسويها بالحرس
الله يسرها يارب انا بديت اخاف من تغير الش:krkrkr:كل

في كلا الحالات .. الخشم راح يفرش

إذا تقديم الفك العلوي .. الخشم راح يرتفع شوي + يفرش

إذا ترجيع الفك السفلي .. الخشم راح ينزل شوي + يفرش




بالنسبة للتغيير

اوكي أنا معاكم فيه تغيير .. وبعض الحالات تغيير كبير
لكن تغيير 180 درجة ومحد يعرفج >> أحس هالشي مبالغ فيه