واخيرا تقرير رحلتي (المصور) لماليزيا ودبي 2012

[موله الكويت]

رد: واخيرااا تقريري لرحلتي الثالثه لماليزيا وجزرها 2012

نكمل ..

وصلنا مطار لنكاوي العنونو وخصلنا الاجراءات بسرعه واخذنا تاكسي لفندق لنكاوي لاقون يبعد عن المطار 5 دقايق ب 18 رنجت

سوينا الجيك ان وقدموا لنا عصير الضيافه اينن ادمنته طول قعدتي بالفندق وخذوا مبلغ للتأمين 200 رنجت الصراحه الفندق متواضع توقعته احلا من جذي بس يكفي الجزيره حلوه ورووووووووووعه بالليل واهم شي الحشرات خفيفه شوي لان السنه الي طافت مت من الحشرات مع ان كنا حاجزين بفندق بيلانجي بيتش التعيس وكانت ليلته ب 80 تخيلوا نظام كوخ بس يماااااااااا رعب من الحشرات والخفافيش هذا في بس اخف بوايد من بيلانجي وهذا المهم عندي مع هذا حرصوا يكون معاكم مبيد حشرات ومرهم الناموس والبلام عرفتوه الي يشتغل بالطوفه حق البق ضروووووووري

الغرفه زينه مو واسعه وايد بس مناسبه وعندهم غرف اكبر انا حجزت هذي لان الوقت كله بالبحر وبالمسبح جزيره جوها عجيب انصح فيها بس مو اكثر من يومين بعدين تصير ممله

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

ريحنا اول ما وصلنا وعقب قبل المغرب قعدنا رحنا البقالات شرينا الادويه وخط ماليزي وخفايف للفندق والماي وحجزنا رحله المانجروف وكان في باربيكيو بالفندق الريحه خننننه والشكل روووووووعه والناس ذبحه بس للاسف انصدمت بالطعم ظيم استغفر الله يلوع الجبد لاطعم ولا بهارات ولا شي اكل بحري سمج وروبيان من غير طعم موشي وغااااااااالي

وقعدنا باللوبي شبكنا لان مافي بالغرف مافي نت عكس بورت ديكسون يعطونا باسورد خاص بكل غرف يبطل النت

وصعدنا ريحنا علشان باجر ورانا رحله مبجر للمانجروف والاورينتال فيلج
( القريه الشرقيه )

قعدنا تريقنا بالفندق وريوقهم حليو وحركنا لرحله المانجروف

وترا ما صورت وايد لان رايحتلها وايد الرحله وباجي الصور شخصيه والرحله تشمل اطعام النسور وكهف الخفافيش والقرود وكهف التماسيح وياخذ فيكم لفه لمده ساعتين تقريبا لغايه حدود تايلند الرحله وااااااااااااو ماتتطوف احلا مافي الجزيرة .

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

وعقب رحله المانجروف لمده ساعتين تقريبا رحنا بنفس التاكسي للقريه الشرقيه يما فطيسه مووووت حر ورطوبه موووصج قصينا تذاكر تلفريك ب 30 رنجت ودور شطوله من الحر خفت على ولدي ووانا وريلي فطسنا كنسلنا التذاكر وتمشينا شوي بالحديقه وطلعنا ماطولنا ماتسوا الصراحه مافيها شي زود

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

ردينا الفندق ب 24 رنجت وريحنا شوي والقارص مكتسح المكان لاززززززززم مبيد اغرق الغرفه وننزل باللوبي تحت لين تخف الريحه شوي ..

ثاني يوم بعد الريوق تمشينا عالبحر برا وقضينا الوقت كله بالمسبح رووووووووعه مسبح الفندق ونظيف وماشاء الله الفندق مليان من اخوانه من السعوديه ماشاء الله عليهم ..

وتغدينا بمطعم اسمه ليالي الشام موجود بنفس الفندق اكله حلو وسعره مناسب ونظيف

وقعدنا باللوبي لي وقت متأخر الهوا عليل والمكان والبحر ماشاء الله ولا اروع ونمنا عقب لان ورانا طياره ورحله مبجر عالساعه 7 الصبح

وقعدنا مبجر تريقنا وسوينا الجيك اوت واخذنا تاكسي لمطار لنكاوي

و 5 دقايق ووصلنا المطار ونزلنا وخلصنا الاجراءات وطارت الطياره لكوالالمبور ورحلتنا الثالثه بصن واي لاقون بفندق البرايميد

وبجذي خلصت الحزء الثاني من الرحله نطروني بالجزء الياي بمنطقه الصن واي لاقون
بحفظ الله​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

بنات كلمه ولو لجبر خاطر شدعوه كل هالمشاهدات عالاقل كلمه عالطاير
ومشكورييين كل الي ردوا تسلمون لي والله​

 

[خوووخه w]

رد: واخيرااا تقريري لرحلتي الثالثه لماليزيا وجزرها 2012

تسلم ايدينج حبيبتي عاد انا سكنت فندق لنكاوي بس انا اخذت الاكواخ روعه


يلا كملي ناطرينج حبيبتي

 

[noor salam]

رد: واخيرااا تقريري لرحلتي الثالثه لماليزيا وجزرها 2012

ماشاءالله الله تقريرك روووووووعة
بالنسبة للفندق الي في بورت ديكسون أنا سكنته رروووووووعة water international chalets وأكلهم الهندي روعة وفي سوق بسيط تروحين له حلو وفي بسطات

بس لي ملاحظة ما يمديكم يومين في كل مكان قصدي ما يمدي تسترخون لانها مكان للاسترخاء

الله يوفقكم وبانتظار التكملة يا عسل

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

تسلم ايدينج حبيبتي عاد انا سكنت فندق لنكاوي بس انا اخذت الاكواخ روعه


يلا كملي ناطرينج حبيبتي

الله يسلم حبوبه وصج الاكواخ روعه المنظر الي تطل عليه بس انا مشكلتي الحشرات ماتحمل اموت نوم ماقدر انام علشان جذي فضلت الغرف هالمره
تابعيني :eh_s(17):​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

ماشاءالله الله تقريرك روووووووعة
بالنسبة للفندق الي في بورت ديكسون أنا سكنته رروووووووعة water international chalets وأكلهم الهندي روعة وفي سوق بسيط تروحين له حلو وفي بسطات

بس لي ملاحظة ما يمديكم يومين في كل مكان قصدي ما يمدي تسترخون لانها مكان للاسترخاء

الله يوفقكم وبانتظار التكملة يا عسل

عيونج الحلوه :eh_s(22):
معاج حق متعبه الرحلات الي جذي تخيلي بكل جزيره يومين يعني قعدنا ب 4 فنادق ب اسبوعين بس كنت حابه اشوفهم كلهم .. وبصراحه القعده فيهم اكثر من هالمده تصير ممله المره اليايه اذا الله كتب بروح بورت ديكسون 4 ايام او لنكاوي 4 ايام مثل ماقلتي حق الريلاكس عقب كوالالمبور
خلج متااااااااااااابعه تشجيعكم يونس اليوم بكمل الجزء الثالث ان شاء الله​

 

[سماء الاحساء]

رد: واخيرااا تقريري لرحلتي الثالثه لماليزيا وجزرها 2012

روووعه بالتوفيق والحمد لله على سلامتكم عقبال مترو حين والولد كبير ويمشي

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

نكمل
هذي صورة من الجو واحنا فوق لنكاوي ..​

وصلنا المطار وخلصنا الاجراءات بسرعه واخذنا تاكسي من المطار ب 87 رنجت لان شوي بعيده نص ساعه تقريبا الطريج من المطار لفندق البريميد .. وطبعا هذا سعر سياره فان كبيره

ووصلنا فندق البريميد ... اينن نظيييييييييف والاكل والخدمه والستاف كله روعه انصح فيه

وعقب ماريحنا بالفندق عقب شقله الجناط بالمطار وتعب الطيران قعدنا الظهر واخذنا تاكسي للماينز مول قريب منه بنفس المنطقه ب 40 رنجت وتغدينا بماكدونالدز باجي المطاعم طقه اندومي ونودلز وتمشينا بالمجمع اهو ما في شي زود اللهم رحله القارب البحريه

وهذا اشهر محل دونات بشرق اسيا طيروه للسماء بس عادي مو ذاك الزود وشوفوا الدونات من الرطوبه مع ان المجمع مكيف بس الرطوبه مو صصصج ساحت الدونات واهي بالكرتون

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

روووعه بالتوفيق والحمد لله على سلامتكم عقبال مترو حين والولد كبير ويمشي

اسمله عليه اهو يمشي سنه ونص كان عمره بس يعتبر رضيع لان اقل من سنتين
بعد قلبي تسلمين لي على هالدعوه :eh_s(17)::eh_s(17):​

 

[noor salam]

رد: واخيرااا تقريري لرحلتي الثالثه لماليزيا وجزرها 2012

تسلمين على الرد
وان شاء الله إحنا متابعين تقريرك

 

[كارلوفي فاري]

رد: واخيرااا تقريري لرحلتي الثالثه لماليزيا وجزرها 2012

يعطيييج العافيه تقريير مشوووق ورحله مرتبه. تتهنييين وعقبال كل سنه تسافيرين وتستانسين

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

تسلمين على الرد
وان شاء الله إحنا متابعين تقريرك

تسعدني متابعتج
:eh_s(7)::eh_s(7)::eh_s(7):​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

يعطيييج العافيه تقريير مشوووق ورحله مرتبه. تتهنييين وعقبال كل سنه تسافيرين وتستانسين

الله يعافيج حبوبه تسلمين لي
ومشكوووووووووره عالمتابعه والدعوه الحلوه لج مثلها يارب

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

واهني ركبنا الكروز للرحله البحريه تكون برا المول وتلف لمده ساعه لين فندق الخيول الذهبيه ويردكم لي داخل المول

وبعدين رحنا عرض النوافير ب 15 رنجت الشخص ووووويع ما يسوا والجو مايساعد مافيه زود بنص العرض طلعنا
سوري الصور صايره ظلمه شوي


هذا الجسر الي يوديكم لمكان العرض ..

واخذنا تاكسي ب 40 رنجت وردينا الفندق بدلنا وطلعنا نتعشى رحنا فرايديز بنفس الفندق اهو مجمع عوووووود وروعه كل الماركات والمحلات موجوده فيه



هذ سلسله بقالات 7 ديز او شي جذي مو ذاكره بس وايد مشهوره عندهم بكل مكان موجوده

وهذي صور الفندق

واهني يوم قعدنا نتعشى بفرايديز لذيييييييذ ونظيف

وهذي الساعات الي صورتهم ماصورت باجي الاغراص المجمع روعه ومايكفي يوم واحد تفرونه كله

وصعدنا الغرفه نريح وطلبت سرير بيبي اضافي وفروه لي بسرعه ..

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

وقعدنا الصبح وجهزنا اغراضنا وشغلنا لصن واي لاقون طبعا لاصق بالفندق خطوتين
ريوق الفندق

القريه تبطل الساعه 10الصبح واحنا اول الناس الي دخلوا انصحكم تروحون مبجر والايام الي ماتكون عطله علشان مايكون زحمه حدا وناسه بلا تشخلع ومناظر ماتسر ودور شطووووووله عالالعاب والمطاعم لاتروحون ايام يمه وسبت واحد خلكم بنص الاسبوع وايد افضل

البيبي اقل من سنتين فري ماعليه تذكره واحنا الاثنين ب 160 رنجت + 20 تأمين يردونهم لكم بطلعتكم لي رديتوا لهم الساعه

قعدنا فيها من الساع 10 الصبح لغايه 3 ونص العصر ولدي استانس وايد بشلعه من الحوض مو قادره على قوله ريلي طلعتلي زعانف من طول المده الي قعد فيها بالحوض لووووووووووووووووول والقريه كبيره فيها العاب عاديه جنه حديقه الشعب وفيها القريه المائيه وحديقه حيوان ومطاعم ومساج السمج فش سبا وكلشي يخطر فبالكم

وبعد ما ريحنا ونمنا شوي نزلنا المول وتعشينا ببرجر كنج

​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

تشجيعكم الصراحه يحمس وايد ...؟؟؟
​

 

[موله الكويت]

رد: واخيرااا تقريري لرحلتي الثالثه لماليزيا وجزرها 2012

عموما بكمل علشان خاطر البنات المتابعين وعلشان يكون تقريري مرتب ..

عقب العشى تسوقنا بالمول كبير واااااايد وشريت مكياج وعظور والشغلات المخلصه اهني بسنتر بوينت تلاقون كل الماركات متوفره هناك وفي محل اسمه sasa وايد حلو عجيب ميك اب وعطور واكسسوار وعدسات فضيع لاتطوفونه

ونزلنا بالسرداب نلعب ولدي بالالعاب

وصادفنا الاتراك النصابين في المجمع انتبهوا منهم يكون واحد ومرته مادري شتصيرله المهم يسوون روحهم يلعبون مع البيبي والله وشحلاته من هالخرابيط المره تلف علي والريال لف على ريلي وطلع بوكه ومتروس فلوس دولارات يوري ريلي ويقوله شفت هذيل ويخربط على راسه وعقب يقوله عطني اشوف عملتكم واعلا عمله عندكم وريلي على النيه انا استوعبت وصرخت عليه والله والله راحوا ركض جنه في احد لاحقهم انا اصلا قاعده احاجي ريلي .. اشكالهم ظيم والنصب من عيونهم انتبهوا انتهبوا منهم ويزاهم الله خير البنات الي نبهونب منهم

ردينا الفندق ريحنا وقعدنا الصبح بعد الريوق طلبنا تاكسي ب 70 رنجت وردوا لنا مبلغ التأمين 200 رنجت.. والطريج للعاصمه تقريبا 25 دقيقه وحركنا كوالالمبور العاصمه ..

ووصلنا فندقنا التعيييييييييس ( رويال بينتانج )

علشان ريلي تهاوش مع الاستقبال واحد ماليزي حيوان مشى الصينيات كلهم مع ان ريلي ياي قبلهم ريلي زفه فحقد النذل قام وعطانا اسوء غرفه بالفندق .. لا مكيف وحااااااااااره والماي الي بالحمام مصوفر يلوع الجبد وريحه الله لايوريكم

ونزلنا مسبح الفندق الشي الوحيد الي حبيناه بالفندق ..

\

​