اللي اعرفه واللي قالي اياه دكتوري الأسنان
إن أي علاج للأسنان إذا كان فيه شي يدخل الجسم
مثل ابرة البنج او غيرها هذا اللي ما يصير
وحتى تبييض الأسنان هذي تضر بعد
اما التنظيف عادي من الشهر الرابع لي السادس من الحمل
انا سويت تنظيف ببداية الرابع بس درت بالي ما ابلع شي بالغلط
الألم بالأسنان انصحج حيييل انج ما تهملينه علبو حامل
بالعكس جيكي عليه يمكن يبيلج شي بسيط قبل لا يطور ويوصل لي العصب
لا سمح الله
أما بالنسبة للعيادات بشكل عام انا اروح المستوصف العادي اذا الم بسيط
بس اذا تبين عيادات خاصة في عندج يمدحون الميدان وبيان
انا شخصياً اراجع عيادة لؤلؤة الأسنان بالجابريه واهما اللي سويت
عندهم التنظيف ببداية الرابع وبالنسبة لي خوش. عيادة انا اتعامل وياهم
من زمان كنت مركبة تقويم وشلته
وبشكل عام الدكتور لي شخص المشكلة بأسنانج راح يقولج شنو العلاج
وشنو اللي تسوينه خلال حملج وآمن وشنو اللي تسوينه عقب ما تولدين اهو اللي يحدد
