تجمع مراجعات مستشفى رويال حياة

[غارقة بأحزانها]

واي حطمتوني انا قيصريه وتوام وكنت مفكره اخذ الليلي يومين وثالث يوم اسوي اب قريد ل الكاميليا
بس جذي صعب بروحها القيصريه مع التوام بروحها تقريبا ١٥٠٠ بالليلي شكلي ماراح اسوي استقبال ولا شي

 

[يتيمة جابر العز]

صاجه لان هالمستشفى أسعارهم غاليه شوي عن باقي المستشفيات

حتى تحاليلها شوي غاليه

 

[sara 777]

صباح الخير
بنات منو كانت اليوم برويال الساعة تقريبا 3 الا او ثنتين ونص الظهر
لان صار موقف وحدي متضايقة ودي اعرف شسالفة

 

["*آآآنؤؤؤقهـ*"]

الله يهون علييييكم

 

[الملكة فيكتوريا]

صباح الخير
بنات منو كانت اليوم برويال الساعة تقريبا 3 الا او ثنتين ونص الظهر
لان صار موقف وحدي متضايقة ودي اعرف شسالفة

خير الللهمم اجعله خير

شنو صار وقتها ....؟

:eh_s(10):

 

[شيخه_البيض]

مرحبا


انا احس اسعارهم زينه بالنسبه للفخامه والنظافه والدلع

الله يسهل علينا ولادتنا ياااارب

 

[يتيمة جابر العز]

سارا

شنووو صاير ؟؟!

 

[يتيمة جابر العز]

صبايا الي ولدوا برويال وجربوا ولادتهم


صج يقولون كمامهم مؤ قوي ؟؟

احسها اشاعه مؤ صج كلام رفيجتي

 

[sara 777]

مادري فيه ريال قام يسب دكتورة خالدة حيييييل شالقصة ماعرفت وتركت المكان وطلعت بسرعة ماحبيت اتأثر بروحها نفسيتي تعبانة
الحين اللي مضايقني بعرف ليش قال عنها هالكلام شمسوية اهيا خاصة ان اهيا دكتورتي اللي بتولدني ولان حالتي خاصة ماقدر اراجع عند غيرها
محتاااارة ومتضايقة الله المستعان

 

[يتيمة جابر العز]

انا مثلج ما أراجع الا عندها

بس شنو كان يسبها شنو فهمتي منه ؟

 

[الملكة فيكتوريا]

عادي هذا ثاني خلااف اسمعه عنها

ورجال يهاوشها

بس الاسباب الله اعلم


توكلي ع الله يختج والسهالات تجي من ربج موو من الدكتوره

 

[الملكة فيكتوريا]

يتيمه جابر العز

فعلا الكمام بولاده اختي مافاادها ولا خدرها ابد

تقول اشم ولا جني اشم

حست بكل شيء


واحيانا مو من كمااام احيانا من الجسم نفسسه

وايد بناات قالوا طقينا ابره الظهر بالولاده ولا فاد

لانه تجيج الحاامل بالشهر التاسع مدمنه قهووه وبيبسي وجاي

وهيه كلها منبهاات تمنع التخدير لو شنو كانت قوته

فامتنعي وانت بنص الثامن عن المنبهااات

 

[يتيمة جابر العز]

اهاااا يعني صاجه رفيجتي ان كمامهم مؤ قوي

وعلى قولتج يمكن من تأثير المنبهات ومواد النيكوتين

الله يسهل ولادتنا يارب

 

[شيخه_البيض]

الملكه فيكتوريا

صاجه طبيعه جسم الانسان تاثر على مفعول الكمام والادويه وكل شي

وصح المفروض من اول الشهور تقطعون المنبهات

مرت حماي ولدت بالسلام تقول كمامهم مو شي واهيا مدمنه قهوه

مع ان حمواتي ولدوا فيه ويمدحون الكمام حيييل بالسلام

 

[روعة خيال]

يتيمه جابر العز

فعلا الكمام بولاده اختي مافاادها ولا خدرها ابد

تقول اشم ولا جني اشم

حست بكل شيء


واحيانا مو من كمااام احيانا من الجسم نفسسه

وايد بناات قالوا طقينا ابره الظهر بالولاده ولا فاد

لانه تجيج الحاامل بالشهر التاسع مدمنه قهووه وبيبسي وجاي

وهيه كلها منبهاات تمنع التخدير لو شنو كانت قوته

فامتنعي وانت بنص الثامن عن المنبهااات

ماكو بالكويت مدمن قهاوي و ستاربكس و قهوه عربيه و بيبسي و شغلات الكافيين كثري

اخذت ابرة الظهر و لا حسيت بولااااااا شي

صج كمامهم ما جني ماخذه كمام و اتوقع انه جسمي انترس كافيين بس معلومه ابرة الظهر لها شغل بالاعصاب يعني الكافيين ماله شغل عكس اذا كان ابرة التخدير بالوريد

 

[noufb]

رفيجتي تونا والده عندهم بس دكتورتها من برى ما مدحت ستاف السسترات كلش ظااق خلقي وايد وتقول الكماك خرطي وسووالها لوعه واضطرت تاخذ ابرة الظهر


اسبوع اللي طاف كان اول موعد لي مع خالده وايد ارتحتلها وحبيتهاااا اتهبل

 

[ديزاينر الكويت]

نوف
عندها زحمه !!!!
متي رحتي و متي دشيتي !!!!
و شنو نظامهم مواعيد و لا أخذ رقم و اطحس ثلاث و اربع ساعات !!!!

 

[noufb]

والله ديزاينر مانطرت وايد تقريبا ساعه والدكتوره تسوى النطره لانها تعطيج وقتج وتهبل تهبل

 

[noufb]

تاخذين موعد مع السكرتيره وتروحين يسجلون اسمج وتنطرين اهيا دوامها من ٩ الصبح لي ٣ العصر

 

[ديزاينر الكويت]

اهااا
انشالله بروح لها
و سونارها جربتيه قالتلج شنو فيج ؟؟