*_* رشيقات 2013- الجزء الثاني *_*

[ابي قربك]

معاكم باذن الله

امم الوزن الحالي : 71.5
هدفي الاول : 69
الهدف الثاني : 67
الهدف الثالث: 65

 

[ابي قربك]

يومياتي لليوم /


الفطور : توست اسمر + لبنة
الغداء : دجاج مشوي + سلطه + 2 توست محمص
العشاء : كان مفتوح واكلت اثنين ناقيت مع برجر صغير وحبة وحده ورق عنب وسفن اب

وبنسبة للرياضه / للاسف ما عندي رياضه بس جلست احوس بالبيت وخليته يلمع عشان العشاء الدسم اللي كليته


اما الحين / ما راح افطر ولا اتغدا ولا قمت اكل تفاحه او اي شي خفيف لين العشاء اكل شي خفيف

اليوم مفتوح بس بالتزااام تااام وما راح اخربط مره بس راح اكل .. كل شي صحي بس براحتي واختياري وامم الجمعة راح ارجع لدايت بالظبط

وامم بنسبة للشاهي الاخضر هو يساعد على الهضم وتثبيت الوزن بس ما ينقص الوزن وقريت معلومه ان اذا تبين ينقص وزنك اشربيه قبل الوجبة بنص ساعه

وبالتوفيق للجيمع

 

[حرم راشد الماجد]

الله يعطيج العافيه سبيريت

بس حبيبتي انا وزني بالبدايه 113

والوزن اللي حاطته كان مال اول امس
وعقب باجر بعد لازم نوزن ؟؟؟؟؟؟؟؟؟؟؟؟





انا امس بدعت

الريوق
قهوة تروبيكانا 3 قطع بسكوت مالح

ياتني الدوره تكرمون واحس صار عندي شراهة كليت خبزه ونص نخاله مع علبة تونه عليها ملعقة زيت بذرة الكتان + ليمون + ملح وعصير اناناس

العشا اول شي شربت شوربة بصل وبنتي اسم الله عليها شاركتني قامت تغمس التوست الاسمر بالشوربه وكليت معاها
وتالي سويتلي شريحة توست مع ملعقة صغيره جبن فيلادلفيا لايت + كوب قهوة تروبيكانا <<<<<<<<<<<<<<<< اجرمت بروحي امس يلا ان شاء الله اعدله بعد الدوره

 

[حرم راشد الماجد]

الميزان مؤ الخميس ؟

بنات أنا هالايام اشرب جاي دارسين عشان الدورة يأثر عالوزن ؟ لان حالي

بالعكس حبيبتي الدارسين حار فيساعد على حرق الدهون ويقولون يزيد المناعه ودامج شاربة شاربه

اخذي الخلطه

زنجبيل نص ملعقة
دارسين ربع ملعقه
كمون


عجيييييييييييييييبه للكرش والتنحيف وتنزل الدوره بعد

 

[free SpiriT]

حبيباتي ماشفت اسمي ووزني بالجدول؟
اسمي هدوء البحر
وزني السابق94.800

اسمج موجوود رقم 11 شوفيه بس ما حطيت @ بس هدوء البحر


أبي قررربك ولكم ولكم :ggdw:بضيف اسمج بالجدول

 

[free SpiriT]

الله يعطيج العافيه سبيريت

بس حبيبتي انا وزني بالبدايه 113

والوزن اللي حاطته كان مال اول امس
وعقب باجر بعد لازم نوزن ؟؟؟؟؟؟؟؟؟؟؟؟

هلا انا حطيت الوزن تبع بارت تو اللي سجلتي فيه بهذا الموضوع كان بتاريخ 9/3/2013

بجذيه يكون الفرق بين الوزنين من السبت للسبت اسبوع كامل

 

[حرم راشد الماجد]

انزين انا الحين اعتبر بأي فريق وياريت بعد اذنج ان تخلينا احنا الاوزان الثقيله يم بعض بالجدول واكون شاكرتلج

يعيطيج العافيه ماقصرتي والله يجزاج كل خيييييييييييييييييييير ويوفقج بحياتج

 

[fatma A]

تريقت 3 تمرات ولبن


والغدا هم نفس الشي والعشا هم نفس الشي

 

[free SpiriT]

انزين انا الحين اعتبر بأي فريق وياريت بعد اذنج ان تخلينا احنا الاوزان الثقيله يم بعض بالجدول واكون شاكرتلج

يعيطيج العافيه ماقصرتي والله يجزاج كل خيييييييييييييييييييير ويوفقج بحياتج

هلا هذي كانت قوانين الجزء الاول كنا بالبداية في فرق وبعدين صرنا جذيه بدون الفرق بس عندنا لقب رشيقة الاسبوع
وملكة الارادة

 

[ام ديما22]

يومي امس شريحتين توست مع ملعقه لبنه
وكوب نسكافيه
والمغرب قهوه وقطعه حلي
والعشاء ربع دجاجه مع صحن سلطه

 

[قوس فرح]

باذن الله معاكم ... باتبع نظام اتكنز/ دشتي


النك نيم: فرح
الوزن الحالي: 66.6 كيلو
الطول: 163

الهدف الاول: 63
الهدف الثاني: 60
الهدف الثالث: 57
الهدف الرابع : 55



اليوم الاول : الخميس ١٤/مارش

الفطور : بيضتين صاج ، باذنجان و زيت زيتون ، كوب شاي اخضر بالنعناع
الغدا : مرقة لحم ، دجاج ، سلطة
العشا : ما قررت بس بيكون بروتين صافي و خضار ورقية

 

[شــــــــــــــوقــــه]

مساء الخير

نظامي اليوم

تغديت توست وجبن و بفك سفينة :$ مالي خلق اسويلي شي انا قاعده بمكان مافيه اكل

سناك كيكة صغيرة

عشاي ما حددت بس يا شوربة او بيض مفيوح

و 8 قلاصات ماي باليوم

و الرياضة مشي 40 دقيقة

 

[شــــــــــــــوقــــه]

بالعكس حبيبتي الدارسين حار فيساعد على حرق الدهون ويقولون يزيد المناعه ودامج شاربة شاربه

اخذي الخلطه

زنجبيل نص ملعقة
دارسين ربع ملعقه
كمون


عجيييييييييييييييبه للكرش والتنحيف وتنزل الدوره بعد

يختج مو راضية توقف مادري شفيها عديت اسبوع :eh_s(1): هرموناتي معتفسه

و بالغصب اشرب هالدارسين وما اكمله عشان ينزلها هالمرة اسوي خلطة

مرة وصلي بالواتساب ان هالخلطة مو زينة مادري شنو تسوي نسيت

 

[miss $_$ semsem]

اليوم آنا فري لأن زوارة اهلي بالليل

الضحى كليت شوية جرجير مع طماطة مقصصه ويه خل

و عالعصر يعت فكليتلي روبة وشريحة جبن خالي الدسم
و بصراحة اشتهيت الكيكة بس عن خاطري كليت بس قفشة

وبالنسبة للعشا ان شاء الله بمسك عمري ومااييب العيد

 

[زيـــنــه]

مرحبااا


امس تعشيت بقيصر ههههههه صدمتكم بس شسوي ماااقدرت اقوام وعوضتها بالرياااضه


اليوم التزمت ان شالله.. ريوقي 2 توست وشريحة جبن لايت وحليب >> مو عاجبني اعتبره خربطه لان نظامي كلش بدون توست وخبز :bbbiu:

الغدا نص داجه مشويه + سلطه


سناك المفروض يكون جم تمره بس صار جم معمول تمر ديمه اللي احبه يمكن اعاقب نفسي ماكو عشا عشان الخربطه


الريااااضه الحمدلله سويت رياضه ساعه على فيديوات مفيده :eh_s(15):


موفقييين :eh_s(17):

 

[sho-sho_93]

شلونكم بنات لووول التزمو
اليوم يومي متنوع اكثر بس الحمدلله ما يبت العيد

اليوم قعدت مبجر حيييييييل تريقت 3 تمرات وكوب حليب فيتال ونسكافيه احسه اثقل من الصويا بس طعمه ارحم لوووول

بعدها مشيت ساعه

كحكح رحت كوستا عن تأنيب الضمير اخذت جاي اخضر عشان رفيجتي

بعدها ع وقت الغداا كنت ميته يوع لوول ما جدامي الا ماك احترت شطلب اخر شي طلب جيكن سيزر والدريسنق لايت فينقر ما حطيت الا ربعه لان في شكر

العصر نمت فقمت مصدعه خليت سناكي حليب فيتال و نسكافية

العشا تعمدت احسب سعراته الحراريه علبه تونه بالماي صغيره وغسلته فيها شي و70 سعره و مثل بسكوت من عيش حبتين الوحده فيها36 سعره وكليت فجل وخيار وخس واخذت فيتاميناتي

حاليا جاي ابيض واعشاب و لمن الحين 9 قلاصات ماي وبحاول اشرب بعد




مفكره باجر اضيفلي ككاو ضغير او حلو اذا ما قدرت اقاوم لوول لان طول الاسبوع ما ينخاف منه الا يوم الزواره

 

[sho-sho_93]

بنات نصيحه عن تجربه الي تعاني من سيلولايت او كرش فخوذ مشي ساااعه ويفضل خطوات سريعه و
اتيبون زنجبيل مبشور و اتطبخونه بزيت زيتون و تنقعونه يوم او يومين و كل يوم هنو فيه مع مساج لو شويه واااايد واااايد خف السيلولايت الحين اسبوع قام استخدمه مع المشي صج صج شي مشالله بس ممكن مع جسمي نفع و مع جسم غيري لا اهم شي الاستمرار لا تتعيزيون واكرر مع المشي مو بس اهو استخدم

 

[fatma A]

sho-sho_93

مشكوره على النصيحه عاا د انا صارلي جم يوم ادور شي حق السوليت انشالله بجرب طريقتج قريبا

 

[حدي حساسه]

يومياتي
الريوق نسكافيه
الغداء دجاج مشوي وسلطه
العشاء توست ومرتلا وجبن ولايت

 

[جوجو جرامنه]

بنات اي يوم بالضبط يبدأ التجمع

انا اعرف السسبت اول يوم صح ؟

ليش تكتبون يومياتكم

شكلو فاتني كم يوم ولا انا غلطانه