مكياجي + تجاربي + لوكاتي 2013 بالتفصيل الممل

[شيـــوم]

صباح الخير بنوتات ،

بعد تفكير عميق قررت أخيرا أسوي هالموضوع اللي بيضم مكياجي و تجاربي مع الماركات الغالية و الرخيصة بعد صور لها ، و راي حولها و هم بعد لوكاتي كله بيكون تصويري ..
اتمنى يعجبكم الموضوع ...

فديتكن ....
سلام الان ...
​

 

[منال $]

بانتظارك

 

[شيـــوم]

بسم الله نبدي ، اليوم بتكلم عن ماركة أنا أعشقها و أهي Make-Up Atelier Paris المكياج جودة احترافية و ألوان غاية بالكثافة و الوضوح تدوم ساعات طويلة و أعتقد أنها نوعا ما مضادة للماء حسب المنتج . فيها الشدو المطفي (Matte ) و اللامع ( Shimmery ) و الكونسيلر أنا اليوم بعرض لكم أول باليت منها و صراحة أنصح فيه .

أسم الباليت Make-Up Atelier Paris palette No. T02 فيه خمس تدرجات للالوان مجموعة الالوان فيه دافية تدرج من الفاتح لي الغامج بهالترتيب من اليسار لي اليمين :

1. الأبيض مايل للون الخوخ
2. الخوخ الفاتح
3. اللون البني مايل للاحمر و البرتقالي
4. لون الباذنجان - لون شيك حيل و اللي استخدمه بشكل يومي
5. البني الأسود

الشدو ما يتلاشى بسرعة مطفي و فيه لمعة نــــاعمة تخلي شكله روعة مو أوفر يعني مو بارزة بشكل قبيح ، الملمس له ناعم و سهل انه ينفرد و يندمج مع اللالون الثانية بشكل عجيب ....
لونة واضح بدون eyeshadow Primer مثبت شدو العيون جربت
عالطبيعة أروع ، أنا خذت الصور بالجهاز و الفلاش عاكس و ما عطى اللون حقه

هالباليت روعة حق اللوكات اليومي و المناسبات بعد كل شي يعتمد عالتطبيق و ثقل المكياج اللي بتحطينه ...
لوكي اليومي عبارة عن تعبئة جذور الرموش تحت و فوق مع أي لاينر أحيان بني و احيان أسود حسب المزاج
أحب السموكي الخفيف
الالوان المفضلة عندي بهالباليت الدرجات الثلاث الاخير...
:nbvppw:
للحديث بقية ....
​

 

[foshia girl]

وااااو الموضوع رووعه ..
يعطيج العافية .. متابعتج ..

 

[المعطف الوردي]

يعطيك العافيه متاااااااااابعه

 

[ايمان الغساني]

متــــــــــــــــابعينج كملي

 

[شيـــوم]

Atelier Makeup Brun Irise Eyeshadow

الشدو هذا عجييب روووعة مذهل مهما أقول في ما أوفي حقه ، تركيبة اللون كثييييييييييفة و فيها سباركلز ناعم حيل متناغم مع اللون و درجته بني دافي ، الملمس ناعم و عجيب حق السموكي ثابت حيل و يدوم ساعات معاي حتى مع جفوني اليابانية .

هذا شكله على ايدي بدون فلاش / بفلاش / و بعد ما مسحته أكثر من مرة

يعطي نهاية لوك لامع أو shimmery بسهولة يدمج على البشرة بالتحديد ع العين يعني لونه واحد اذا سويتي له بلندينج ما يغطي مكان و يخلي الباجي .



ما عندي أي راي سلبي بخصوص هالماركة من المنتجات اللي جربتها ... لي الحين ما جربت الفاوندشن


​

 

[شيـــوم]

بانتظارك

هلا بك منال ، أنتظرونا تجدون ما يسركم ... ههههه

وااااو الموضوع رووعه ..
يعطيج العافية .. متابعتج ..

بوجودك أروع ... يعافيج فوشيا ...

يعطيك العافيه متاااااااااابعه

يعافيج حبيبتي

متــــــــــــــــابعينج كملي

من عيوني ...

 

[Shinexo]

كملي ~

 

[AUM-]

رووعه مشآلله اختيِ /

متآبعتجِ ;*​

 

[Tom ♥ Jerry]

,


البنيات حلوة حق اللوكآت اليوميه ♥
نآطرينج ♥♥

 

[mischocolat]

فعلا هالماركه روعه
شكرا وناطرين الاكثر

 

[شيـــوم]

NYX Cosmetic

صباحكم ورد و خيرات ...
اليوم الماركة لقيتها صدفة بسنتتر بوينت ، الماركة أمريكية .. الاسعار معقولة ... حلوة حق الاستخدام اليومي و اللوكات البسيطة الناعمة ، الفاونديشن و الحمر ما انصح فيهم وايد ... ما اتحمل العطر اللي فيهم يتعبني فعلا ، ما تدوم أو ما تنفع للي بشرتها دهنية مثلي و ... قد يكون عند غيري عادي بس ما أحس هالحمر تستاهل المبلغ اللي بدفعه فيها ، على شفايفي ما أحبهم أنا جربت الماركة قبل لا تنزل الكويت ... الشدو ... و الحمر ...

نبلش بالشدو " كان عندي الباليات كلها بس باقوهم مره بعرس واحد من الاهل ، كنت أنا اللي اسوي الميكب حق البنات ... بعد ما خلصت البنات خليت جنطة مكياج كاملة ...رحت.. رجعت ما حصلتها ... حرقت روحي و الله اللي خذتهم ...
المهم بعرض لكم اللي بقى

NYX I Dream of Antigua palette

هالباليت : و ما أدراك ما هالباليت ... كل شي فيه حلو الا ... بقولكم صبروا شوي ...
المميزات :
الوان مختلفة من درجات الازرق( بداية من الابيض المزرق لي الازرق الرمادي المايل للاسود ) يخلي المجال مفتوح امام الابداع الميكبي بالنسبة لي أنا أعشق اللون قبل الاخير من اليسار
الباليت هذا ممكن يستخدم بروحة يعطي لوك سموكي - أو أي لوك انتي تحبينه
الالوان لامعة شيمري و لونها كثيف و سهلة بالدمج و الملمس ناعم حيل
التركيبة و ملمسه يخليه سهل التطبيق بس فيه أخطر عيب ممكن نلقاه ألا و هو ... مو ثابت ... ما يدوم و ما يثبت رقم أنه اللون حلو و الدرجة عجيبة ...
الياليت مو واااااااو بس ينفع للي حابة تبلش بتعلم مكياج هممممم ... انا مستحيل أحطة حق عرس ما اجازف ...
بس للي عندها و مكتشفة برايمر ثابت يخلي الشدو يلزق مثل الصمغ ممكن ... بس هممم ما راح أجازف ...

هذي درجات الالوان ... عجيبة صح ...




​

 

[دلع الغربيه]

واوووو روعه كملي ياعسل

 

[شيـــوم]

NYX Gypsy : درجة لون عجيبة من البني الذهبي اللون شوي مركب و قريب من اللون البني الارجواني ، لون ممتاز للبشرة السمره الفاتح ( warm skin-tone )
الملمس عجيب ناعم و سهل الدمج و حلو بالدمج مع ظلال العيون الثانية
لونه ناعم ( أنا استخدمه بالوكات الاعراس )
فيه جليتر ناااااااااااااااعم و اهو بعلبته بس لما احطه على الجفن يختفي و بصراحة أنا حابة هالميزة .

أنا أحب هالشدو حيل أسوي فيه قصة الجفن- تجعيدة العين.
الثبات - الدرجة عادية يعني مو مثل الباليت الازرق - هذا افضل شوي ...

NYX Dance the Tides matte :
درجة البني هذا جميلة- بني مطفي Matte فاتح مع لمسة من اللون البرتقالي . الملمس حلو و ناعم بس اللون مو كثيف و قوي أو ما جربته من الستاند على أيدي مسحت عليه بطرف اصبعي أكثر من مره عشان يعطي لونه الحقيقي ...

الاثنين ممتازين للوكات الصباحية ... اليومية و حتى المسا اذا ناعم ....سعرهم ممتاز و الجودة مقبولة ...

​

 

[Miss Golden]

ناايس ماشاءالله...

ناطرين القادم

 

[شيـــوم]

NYX YELLOW FUNK - Matte
هالاصفر الفاتح و المطفي Matte لونة عجيييييييييييب بس ما يستاهل حتى تعطينه ويه صج ملمسه ناعم و لونه حلو بس كارثة من ناحية التركيبة لا اللون كثيف و لا ثابت و يتلاشى بسرعه ..
ممكن اذا حطيتي شدو كريمي ابيض بس من النوع الثابت و حطيتي هالاصفر فوقة يعطي نتيجة وااااو طبعا البرايمر مهم قبل كل شدو ... و لازم يكون نوعية ممتازة بجودة عالية ...

NYX SUNSET RAY:
ياحلو هالشدو ، برتقالي فاتح ناطع لامع shimmery ، الملمس ناعم و و كثيف و تركيز اللون جيد . و التطبيق و الدمج فيه سهل و حلو . تقريبا هذا اللون البرتقالي الوحيد اللي عندي ، لقيته صدفة كنت أدور على شدو NYX Golden Orange بس ما حصلته و خذته .

هذا شكل الشدو االلي فوق مع البرايمر و اللي تحد بدونه
البرتقالي ممتاز بكلا الحالتين بس الاصفر أنسوه ...

​

 

[نونا**]

الموضوع بيرفكت يعطيج العافيه

ومعوضه عالجنطه اللي انباقت صج انقهرت عشانج

 

[عزوتي خمس صقور]

كملي

 

[كرامل-2010]

الموضوع رائع

كملي باانتضارك