منو تبيني إشتغل معاها!!! ما أعرف للوظايف قطاع حكومي الموظفات الكبار نصحووني :((((

[falfola-falfola]

السلام عليكم ورحمة الله وبركاته خواتي أنا خريجة شهر واحد تخصص فني تشغيل كمبيوتر تقديري جيدجدا والتسجيل للديوان كان بشهر 2 ولاكن طافني ؤاللحين يفتح الديوان شهر 6 للعلم إنه وإايد محتارة وين اروح وما أعرف شيء للوزارات أنا أبي اروح قطاع حكومي فويين تنصحوني مكان يأخدوني تخصصي شنؤ أحسن وزارة !!!! برأيكم خواتي أنا أحب مكان يكون لي غرفة مع مكتب يعني يكون فيه عالأقل مكتبين أنا ؤاللي معاي ما أحب الفوضا اللي تكون مكاتب اللي 10 يم بعض طالعة عالناس اللي رائحة وجاية وما أحب يكون شغلي مراجعين فويين تنصحووني !!!! ؤاللي تبيني إشتغل وياها ومكانها مريح ماا عندي مانع أساسا أدور لي أحد يكون معاي خخخخ بس عفية ردوا علي حتئ لو ما تعرفون أرفعوا لي الموضوع لأنه بالنسبة لي هاالموضوع ؤايد مهم وبطلته حتئ تنصحوني بإحسن أمااكن ويكون الدوام خفييف والمعاش قوي هذه شروطي كلها خخخخ أنتوا انصحوني وقولولي وين اروح والواسطة موجودة حمدالله وعندي سءال آخر جم معاش تخصصي اللي عندها فكرة ويعطيكم العافية وأدري ما راح تقصرون معاي وخصوصا اني صغيرة وما أعرف للوظيفة ومشكوورين بتابع ردودكم أول بأول

 

[ghalyah91]

وعليكم السلام.. :eh_s(8):

ومبروك التخرج :eh_s(17):

بالنسبه للديوان حطيتي رغبات ولا ما حطيتي نفس الشي! راح يحطونج بالمكان الي يبونه.. غالبا اول مكان يطلع اسمج فيه يا الصحة او التربيه


تقدرين ترفضين عقبها ويطلع اسمج بالدفعه الي عقبها مكان ثاني.. تقدرين ترفضين كثر ما تبين.. واذا في بالج مكان معين.. تقدرين عقب ما يطلع اسمج اول مرة ترفضين وتربطين بالمكان الي تبينه.. وتظلين ناطره لين يطلع اسمج فيه.. ولما تربطين تقدرين تسالين جم اسم جدامج بعد الربط...

بالنسبه لاحسن الوزارات بالديوان عندج الماليه بس مو كل الاقسام.. في المعلومات المدنيه بس هذي ذا ربطتي تنطرين عالاقل ستنين لي 3 سنين عشان يطلع اسمج.. ووزارة الخارجية

او في وايد اماكن زينه تابعه للحكومة بس ما تقدميلها عن طريق الديوان.. اهم ينزلون اعلان بالجريدة وتروحين تقدمين عندهم.. مثل (البنك المركزي، معهد الابحاث، ديوان المحاسبه، صندوق التنمية، هيئة الاستثمار، وغيره في وايد)


بالتوفيق يا رب :eh_s(17):

 

[falfola-falfola]

مشكورة حبيبتي عالرد أنا عندي واسطة و إقدر أحدد المكان لكن وين أروح محتارة أي وزارة مو عن بعد أحسن شيء أبي وزارة نفس الشروط اللي أنا ذكرتها حدي خايفة مادري وين اروح لأنه الشغل طول حياتي راح أكون فيه انتي وين تشتغلين

 

[غـلآوي ّ ~]

يمكن توظفين بمكآن مآفيهه ولآ شرط من شروطج ! شنو آلحل ؟ تخلين الوظيفه لآ بالعكس خليج اجتمآعيه و بتكون آلعين عليج لانج موطفه جديده وآكيد يسلمونج شغل و آكيد مأكو قعده بدون شغل

موفقهه

 

[noran89]

هههههههههههههههه صج ضحكتيني . حبيبتي قعدي اقري شكاوي البنات اهني و انتي تعرفين ان كل اللي طالبته فوق هذا خيال . اصلا ماكوا غرف يكون فيها مكتب و اثنين إلا للمديرين و الناس اللي صايرلها 10 سنين بالوزارات . موظفة يديدة تحمدين ربج اذا لج مكتب اساسا . فيه بنات يقهدون على كراسي ما يحصلهم مكتب من كثر الموظفات بالغرفة !!! اما عن معاش قوي فكل الوزارات واحد ما عدا المالية او لو توظفتي بمكان له بدلات و كوادر و هذي تختلف حسب وظيفتج و مسماج الوظيفي اللي لازم تسئلين عنه . انا عن دوام خفيف فكل الدوامات بالوزارات خفيفة الا يمكن الصحة . اما مراجعين فما اعتقد ان تخصصج له علاقة بالمراجعين من الاساس . و بعدين ليش مستعجلة ؟ ترى بتنطرين من 6 شهور إلى سنة من بعد موعد تقديم الديوان ز راح تكتشفين الحقيقة . انا افضل انج تأقلمين نفسج و تقرين عدل في المنتدى عأن لا تنصدمين و تكونين مستعدة نفسيا لواقع العمل بالوزارات .

 

[falfola-falfola]

يمكن توظفين بمكآن مآفيهه ولآ شرط من شروطج ! شنو آلحل ؟ تخلين الوظيفه لآ بالعكس خليج اجتمآعيه و بتكون آلعين عليج لانج موطفه جديده وآكيد يسلمونج شغل و آكيد مأكو قعده بدون شغل

موفقهه

لا يا قلبي أنا قاعدة أقول عندي واسطة لكن شروطي اللي أبيهم وين القاا بأي وزااارة !!!! وبنات شرائكم بشغلكم كتبولي إذا مرتاحين له أجيه عندكم ،، !!

 

[falfola-falfola]

هههههههههههههههه صج ضحكتيني . حبيبتي قعدي اقري شكاوي البنات اهني و انتي تعرفين ان كل اللي طالبته فوق هذا خيال . اصلا ماكوا غرف يكون فيها مكتب و اثنين إلا للمديرين و الناس اللي صايرلها 10 سنين بالوزارات . موظفة يديدة تحمدين ربج اذا لج مكتب اساسا . فيه بنات يقهدون على كراسي ما يحصلهم مكتب من كثر الموظفات بالغرفة !!! اما عن معاش قوي فكل الوزارات واحد ما عدا المالية او لو توظفتي بمكان له بدلات و كوادر و هذي تختلف حسب وظيفتج و مسماج الوظيفي اللي لازم تسئلين عنه . انا عن دوام خفيف فكل الدوامات بالوزارات خفيفة الا يمكن الصحة . اما مراجعين فما اعتقد ان تخصصج له علاقة بالمراجعين من الاساس . و بعدين ليش مستعجلة ؟ ترى بتنطرين من 6 شهور إلى سنة من بعد موعد تقديم الديوان ز راح تكتشفين الحقيقة . انا افضل انج تأقلمين نفسج و تقرين عدل في المنتدى عأن لا تنصدمين و تكونين مستعدة نفسيا لواقع العمل بالوزارات .

لا أنا سألت الديوان حبوبة قالولي تخصصي حيل مرغوب خصوصا إنه احنا أول دفعة تخرجنا منه وقالوا شهرين إلا وهم منادينا وأنا متأكدة من هالكلام ألف بالمية وأمبلا حبيبتي في غرف وفيها مكاتب عندج وزارة الداخلية أنا رائحة ؤشائفة يكون غرفة وداخلها موطفتين والغرفة الثانية نفس شيء صراحة كنت مفكرة اروح داخلية بأحدى الأماكن ودوامهم هم خفييف من 8 ونص لي 12 ونص بس الوالد قالي الداخلية وخري عنها ومؤوو شيء وأنا خايفة مادري وين اروح وخصوصا إنه أبي أي أحد يكون معاي انتي وين تشتغلون ؤشلون وظيفتكم والمعاش يمكن أجيه عندكم ما أعرف وين إللحين اروح صراحة وبسالكم خواتي شنؤ يعني حماية مستهلك اللي يكون بالجمعية الشغل مادري سمعت الوالد يقول أهناك زين شرائكم شنؤ هذا ؤشلون نظامهم ودوامهم ومعاشهم !!! ردوا علي ولا راح إسوي لكل وزارة موضوع خخخخخخ

 

[ghalyah91]

دام عندج واسطه روحي المعلومات المدنيه

لهم كادر خاص فيهم والمكان راقي وحلو.. اما عن المكاتب ،توزيعة الموظفين ماعندي فكره ان شاءالله البنات يفيدونج

والفتوى والتشريع بعد مكانهم وايد راقي وحلو وفيه الاشياء الي تبينها بالشغل

 

[falfola-falfola]

بشال فيهم إنشاءالله وبعد أبي أماكن وهل اللي ذكرتوهم في دواام !!! لأنه أبي دوام ساعاته قليله جدااا كسولة من إللحين خخخخخخ

 

[! بــدويه وآآيــد !]

،



انا بالتربيه ومعاشج عندنا ٧٠٠ وبدل شاشه ٣٠ يعني ٧٣٠ متأكده ١٠٠٪ من معلومتي
وفيه وزارات اقوى المعاش مثل الكهربا والماي

 

[falfola-falfola]

التربية حاطة اكس عليها إهيا والوزارة اللي ذكرتيها ووزارة إشغال بعد ما أفكر أروحلهم دوامهم طوويل

 

[غـلآوي ّ ~]

طيب عندجّ وآسطه ٱۆڱ لكن مستحيل تقعدين بدون شغل و إنتئ تعيين جديد مٌو شرط بتكونين بغرفه فيهآ مكتبين أو ثلآث لأنه مٌو إنتئ آللي تشرطين و حسب مسمآجّ الوظيفي بعد

عندجّ آلكهربآ والمآي عندج الاسكان عندج الأشغال مأكو شغل عكس حسب وين يحـطونجّ

إنتئ شيلي شروطج كلهآ و قدميّ شوفي الديوآن وين يقبلجّ أول و تآلي يصير خير لاتحبطين نفسج من آلحين موفقهه

 

[noran89]

شنو دوام خفيف ؟! كل الوزارات يبصمون من سبعة و نص ل2 الا ربع . حتى الكهرباء و الماي ركبوا جعاز البصمة من اسبوع . ترى حبيبتي سالفة الدوام من 8 ل12 سالفة الموظفات مخترعينها . يعني احنا بعد 12 ما نستقبل معاملات بكيفنا . بس نقعد غصبن عنا ننطر عشان نبصم و نمشي و الا بيصير خصم بالراتب .
اما عن تخصصج حبيبتي انا ما قلت مو مطلوب . انا قلت ماله علاقة بالمراجعين اكيد .

 

[بنت الكويت العسل]

كل الوزارات فيها مشاكل وغير انج ماراح تشتغلين بتخصصج انتبهي من هالنقطه عدل لانه حتى لو بواسطه يطلعلج الف عله بالدوام ويقولج انتيىتاخذين كادر مسماج لكن تشتغلين الشغل اللي احنا رشحناج فيه جان محد اشتكى شوفي البنات شنو كاتبين محاسب حاطينه سكرتير اكثر من خمس بنات ترا تخصصاتهم مالها خص لكن قاعدين فلا تتعبين ترا لو اخترتي مكان بواسطتج هم ماكو فايده الوزارات عندها تضخم بالكويتيين فتقطج أي قسم وبس يوم الخميس يايه بنت يديده تخصصها صايغ برامج قالوا لها ماراح تشتغلين في مجالج ووايد هذي حالتهم هذي الكويت صل على النبي غاصين بالخريجين ويبون يقطونهم باي مكان وبس المهم سالفة المكتب انسيها لانه مو انتي اللي تختارين هالشي بالدفاع مثلا الشباب اثنين على مكتب واحد تخيلي الخريجين وايد وين يوفرون مكتب وكرسي احنا نظام بارتيشينات وحمدالله مرتاحين

 

[بنت الكويت العسل]

سالفة وقت الدوام لاتحطينها في بالج بعد الا اذا واسطتج بيعينج عنده هذا شي ثاني

 

[كويتيه شماليه]

بسم الله وهذا توج خريجه وجديده ماتبين تشتغلين تكفين المفروض انتي الحين شعله من النشاط

انصحج بالعدل خوش وزارة وفي كادر فني سمعت انه ما يقل عن ٣٠٠ دينار جامعي ومن غير الاعمال الممتازه وبالنسبه لتخصصج اكيد يبونج نظم المعلومات الله يوفقج

 

[كويتيه شماليه]

وتقديم للعدل عن طريق الوزاره نفسها بقسم التعيينات روحي اسأليهم اذا في تقديم الحين ومتى

 

[falfola-falfola]

طيب عندجّ وآسطه ??? لكن مستحيل تقعدين بدون شغل و إنتئ تعيين جديد مٌو شرط بتكونين بغرفه فيهآ مكتبين أو ثلآث لأنه مٌو إنتئ آللي تشرطين و حسب مسمآجّ الوظيفي بعد

عندجّ آلكهربآ والمآي عندج الاسكان عندج الأشغال مأكو شغل عكس حسب وين يحـطونجّ

إنتئ شيلي شروطج كلهآ و قدميّ شوفي الديوآن وين يقبلجّ أول و تآلي يصير خير لاتحبطين نفسج من آلحين موفقهه

لا لا إلا هالوزارتين ماا أحبهم خصوصا اني كنتا ميداني بوزارة الآشغال ما حبيتها أبد معنه المكان نظيف وراقي ومحترمين لكن مادري ليش ما حبيتها يمكن أحب إغير خخخخخ بس لا لأنه الدوام واااجد طوووويل ؤاللي بلغرفة كانوا 5 مكاتب معانا وقرقة ههههههه

 

[falfola-falfola]

شنو دوام خفيف ؟! كل الوزارات يبصمون من سبعة و نص ل2 الا ربع . حتى الكهرباء و الماي ركبوا جعاز البصمة من اسبوع . ترى حبيبتي سالفة الدوام من 8 ل12 سالفة الموظفات مخترعينها . يعني احنا بعد 12 ما نستقبل معاملات بكيفنا . بس نقعد غصبن عنا ننطر عشان نبصم و نمشي و الا بيصير خصم بالراتب .
اما عن تخصصج حبيبتي انا ما قلت مو مطلوب . انا قلت ماله علاقة بالمراجعين اكيد .

لا يا قلبي مو كل الوزارات أنا أعرف ناس بالداخلية ما عندهم نظام بصمة ودوامهم خفييف من 8 نص لي 12 ونص وحتاا لو سووا لهم بصمة هذا دوامهم خفيف بس مشكلة الوالد معارضني عالداخلية

 

[falfola-falfola]

كل الوزارات فيها مشاكل وغير انج ماراح تشتغلين بتخصصج انتبهي من هالنقطه عدل لانه حتى لو بواسطه يطلعلج الف عله بالدوام ويقولج انتيىتاخذين كادر مسماج لكن تشتغلين الشغل اللي احنا رشحناج فيه جان محد اشتكى شوفي البنات شنو كاتبين محاسب حاطينه سكرتير اكثر من خمس بنات ترا تخصصاتهم مالها خص لكن قاعدين فلا تتعبين ترا لو اخترتي مكان بواسطتج هم ماكو فايده الوزارات عندها تضخم بالكويتيين فتقطج أي قسم وبس يوم الخميس يايه بنت يديده تخصصها صايغ برامج قالوا لها ماراح تشتغلين في مجالج ووايد هذي حالتهم هذي الكويت صل على النبي غاصين بالخريجين ويبون يقطونهم باي مكان وبس المهم سالفة المكتب انسيها لانه مو انتي اللي تختارين هالشي بالدفاع مثلا الشباب اثنين على مكتب واحد تخيلي الخريجين وايد وين يوفرون مكتب وكرسي احنا نظام بارتيشينات وحمدالله مرتاحين

عارفة هالشي بس مستغربة إنه إتقولون شالفة المكتب أنسيها أتوقع ما فهمتوا اللي أقصده مو مثل مكتب المدير هههههه لا غرفة عاادية لو حتئ مو مضبوغة ويكون داخلها مكتب وكمبيوتر ؤائد من قبل لما اروح مكان إشوف موظفات جذي بس ماعرف اسم الأماكن يعني بعطيكم مثال لما رحت للجلدية وبفتح ملف خلوني اروح مكان أوقعها ولما رحت كان في غرفة وداخلها 3 مكاتب ومكانهم هدوء فهمتوا علي !!! اللي رائحة جلدية ومبطلة ملف وضاعدة فوق توقع راح تفهمني هههههه