عرسج مطول !!! تعالي شاركينا افكارج ( الجزء الثالث )

[إيمــآن الكويت]

أموون الكريم تخلطه هي وإلا له إسم ونقدر نجيبه من الصيدليه !!!

لاالكريم اهي تخلطه

 

[إيمــآن الكويت]

بنت الكويت / التوق

ايي والله صاجين الايام تركض لا تشوفيني الحين احس اني منقمته
اعصااااب ومتوتره وبجي استغفر الله مهما يكون بيت امج وابوج انتي مدلعه من الى :eh_s(2):

والله افكر باجر بتكون مسؤليه علي وحياة يديده ومعاي تبارك الرحمن 4 جناين
باجر سوالف وخرابيط ، والله ادعي لي نهار ربي يكفيني شرهم

صج مافي شي كامل لا حياة العزوبيه ولا الزوجيه

الله يسهل امورنا ويوفقنا يارب

 

[بنت الكويت90]

ايماان الكويت



انا ماشاءالله الحين 6 جناين عندهم وبعرسي معاي عروسس ثانيه يعني بنصير 8 ماشاءالله



ومثلج قاعده اوسوس احس اخاف من المحارش وسوالف الحريم والغيره مع انهم في منهم كبار وفي من عمري واكبر بسنه وسنتيين



والله حااتي حييييييييييييييل تقول خالتي حتى لو اهم ذهبه وطيوباات لاازم تصير تجااات بينهم


بس اهم شي اغض النظر ومابي اسوي احزاب وغيره بخلي علاقتي سطحيه معااهم وبنفس الوقت بكون على طبيعتي طيبه



ولاتحاتين ترى كل البنات اللي تزوجوو قالو الزواج احلى كافي تطلعين مع ريلج وتتمشووون وتستانسووون واهلج ماراح يروحون مكان ان شاءالله





اهم شي ادعي ان الله يهدي مابينكم ويجملج بعيينه ويجعله قرة عين لج يااارب



ويجعل كل ايامكم سعاده ويرزكم الذريه الصالحه ياارب عاجلا غير اجلاا



اللهم امين

 

[قآنون كيفكـ!!]

قلبها خالد مبروك الله يتمم لج ياربب
من الحين ابدي لبس البيت وقمصان وبجايم وجنط وشوزات
الليزر ان شاء الله يمديج احجزي من اليوم لان المواعيد يبيلها وقت
التقشير مانصحج اغلب البنات صار معاهم عكسي خلج ع اهتمامج الطبيعي المناطق الغامجة روخي لدكتورة تشوفهم وتعطيج كريمات طبية افضل
اسنانج سوي تبيض منزلي انا مفكرة جذي حلاتة مو مثل الليزر يغمج من القهوة والجاي
شنو بعد شنو بعد

ولبس الزوارات والبدل خليهم شهر رمضان ووالعيد
عرسج نهاية 11 هجري ؟

 

[مذهلة2013]

بنات هالايام هابه بالخياط

خيطت لي جم عبايه للرمضان وجذي و خيطت جم بدله و بلوزات

بعدلي المسكه واشياء بسيطه

ربي يتمم علينا

 

[قآنون كيفكـ!!]

مذهله الله يوفقج يارب ان شاء تخلصين مبجر قبل العرس باسبوعين
ارتاحي واسترخي شوي

 

[مدّهره !]

تسلمين أموووون والله يوووفقج ويسهل أمووورج خيتوو ^^

 

[كلي هداوه]

موفقات ياربي

 

[Gorgeous ~]

امس سويت ثاني جلسه لليزر واي شعوور ماينوصف
اهي نعومه واهو بياض هههه الحمدالله ^^

تصدقون بنات كنت اتمنى حنان النجاده اتي الامارات وتمكيجني
والحمدالله حصصلتهآآ واي بغيت ايين يوم وافقت الحمدالله

واليوم باديه رجيم والحمدالله ماخرببت

بس الحين محتاره بالعنايه ابي توحيد لون لان ماابي اضيع وقتي
بس عندي 3 شهور
والله الوقت كيف يركضض قبل كنت اقول بعدين وبعدين وأأجل وايد
والحين احسس ماعندي وقت ><
خصوصا اني بثانويه عامه وبعد المغرب اروح حق تعليم السواقه
حدي رآح انضغط

 

[كلي هداوه]

امس سويت ثاني جلسه لليزر واي شعوور ماينوصف
اهي نعومه واهو بياض هههه الحمدالله ^^

تصدقون بنات كنت اتمنى حنان النجاده اتي الامارات وتمكيجني
والحمدالله حصصلتهآآ واي بغيت ايين يوم وافقت الحمدالله

واليوم باديه رجيم والحمدالله ماخرببت

بس الحين محتاره بالعنايه ابي توحيد لون لان ماابي اضيع وقتي
بس عندي 3 شهور
والله الوقت كيف يركضض قبل كنت اقول بعدين وبعدين وأأجل وايد
والحين احسس ماعندي وقت ><
خصوصا اني بثانويه عامه وبعد المغرب اروح حق تعليم السواقه
حدي رآح انضغط

الله يتمم عليج الفرحه ياربي
رجيم مولازم يالغلا لان قبل العرس بينزل تلقائي
ربي يوفقج بالدراسه ~
السواقه أجليها لبعد العرس لا تطلعين بالشمس وايد

 

[هدوووشه]

بنات مين جربت (( النير )) للمنطقه الحساسه ؟

 

[لوزين]

حااااار حيل لاتجربينه نصيحه

 

[هدوووشه]

ياربي طيب بشنوو تنصحووني :eh_s(16):

 

[بنت الكويت90]

مووحاارر بس حاولي اذا ماتقدرين بالشيره






واذا ماتقدرين تحفين بالشيره استعملي مخدر املا معااه



واذا كلش كلش حطي فيييت الكريم وعقب شيلي وسنفري المنطقه عدل باللقه المغربية وطبعا شيلي الصبح بعرسج قبل لاتروحين الصالون لان الكريم يطلع الشعر من ثاني يوم الله يعييييييييييينج




بس حاولي تجربين الشيره مع المخدر ماراح يعور حييييييل تحمممممممممممملي

 

[دلوعة ماماتي 88]

بناات باقي ع عرسي ٢٢ يوم ان شاءالله
واليوم اول يوم ابدي عنايه بالمنطقه الحساسه

شرايكم فيني هههههههههههه احس فيوزات مخي بدت تضرب يميناً ويساراً ههههههههه

 

[بنت الكويت90]

موفققققققققققه دلوووووووعه





اهم شي سنفري المنطقه كل يوم عشان يروح الجلد الميت وتبيض المنطقه ورطبيها داايم






موفقه

 

[لوزين]

موفققققققققققه دلوووووووعه





اهم شي سنفري المنطقه كل يوم عشان يروح الجلد الميت وتبيض المنطقه ورطبيها داايم






موفقه

عفيه بشنو تسنفرها واي مرطب زين؟
:eh_s(22):

 

[بنت الكويت90]

سنفرة ماجيك اتهبل وبنفس الوقت فيها ترطيب




بس لاتحطييين مرطب من تحت عشان مايصييييييير فيج التهابات اسم الله عليج







ترا اللوشنااات والمرطباات اللي فيهم كحول ووعطر ترى تسبب التهابااات اللهم بلغت اللهم فاششششششهد

 

[بنت الكويت90]

اللي تبي تحط لوشن مرطب فيه ريحة واهي عرووس اقولها حطي على رجولج وايديج وبطنج وظهرج


وخلفيتج من ورا


بس لاااااتحطييين على المنطقه الحسااسه من جدااام والصدر لان اذا عرقتي راح تطلع ريحة



حطي مسسك مال القرشي اصلي الرسوول وصى فيه



امما تحطيين لوشن على المنطقه لا لالالالالالالا ...............>>> التهااااااااااااابااااات وافرازات وريييييييييييييييييييييييييحة

 

[هدوووشه]

مشكوورة بنت الكوويت >> كنت شايله هم الحف (( الالم )) بشتري مخدر املا ان شاءالله لان كثير يمدحونه بالنت

سويت سيرج عن النير كاتبين يسمر المنطقة حييييييل مع ان صديقتي يوم عرسها مجربته بس خفت مدري ليه



دلووعه عادي يمديك ان شاءالله

ويابنات صح كلام بنت الكوويت انا كنت احط لوشن عالمنطقة الين جاتني التهابات ذبحتني

انتبهوووووووووو