انا تربيه تخصصي تاريخ
شوفي كل قسم فيه الزين و الشين و اذا انتي تحبين الماده لو منو ما يكرهونج بالتاريخ و انا بتخرج و ميته على تخصصي حيل مستمتعه فيه و لله الحمد
هو بس عيبهم الشرح يعني يقعد و يتكلم كأن بالدوانية و الكمية وايد بالامتحان مقارنه بتاريخ يعني احداث وايد بس سهالات و يرفعون يعني بس اكيد يبيلج مخ مفتوح علشان تفهمين الحدث قبل ما تفهمينه انا اكثر شي كرهته يمكن التاريخ الحديث دراسته يلوع الجبد بس امتحانه سهل أما التاريخ الاسلامي الدراسة تهبل و و ودج تدرسين كل الكمية من كثر ما تحبينه بس الامتحان صدمه العمر بعدين كله حسب الدكتور
و تخصصي ترى دكتور واحد يدرس ماده وحده بس اذا كلش دكتورين يعني ماكو خيارات وايد بالدكاتره لان ماكو دكاتره بالقسم اغلبهم اساتذه تاريخ الكويت و الاساتذه ما يدرسون مواد تخصص
و حبيبتي يعتمد على المرحلة اللي بتدرسينها مو الماده اذا تبين كبار ثانوي روحي تاريخ اما صغار ابتدائي اكيد اجتماعيات
انا رحت ثانوي لان بالي مو طويل و اتنرفز و اخاف اصارخ على الجهال يصرقعون مني خليها على الكبار احسن
و اي سؤال احتمال ما ارد على الموضوع عندج الخاص و شكرا
