ملچتي من الألف الى الياء حياكم

[فطامي_]

السلا عليكم بنات

هذي اول مشاركة لي في منتدى كويتيات اللذيذ
بس شفت وايد بنات حايسين مثلي وحبيت
افيدهم

اول شي الف مبروك لكل عروسة والفال للعزابيات :*


بالنسبة حق الملجة

1- بتكلم عن الصالونات :
سويت حمام مغربي بصالون جي سي اللي بالجابرية (خلطات طبيعية بروايح حلوة)
حمام ملكي ب 18 دينار طبعا تختارين السنفرة اللي تعجبج ويحطولج كركم للتبييض
وبعدها عطوارت للجسم على بخور صراحة الحمام مغربي وايد حلو بس لازم موعد ومشكلتهم بالمسافط والمكان اللي يسون فيه الحمام المغربي صغير وعندهم برنامج للعرايس

2- سويت حمام ملكي بصالون اسمه السحر الدمشقي كلمة روعة شويه عليه ،صج موطبيعي ب 32 دينار جربوه وادعولي ولازم موعد شي خيالي سنفراتهم على ترمس ولوز وشوفان يعني اشياء غريبة

3- الحف انا دايم احف بصالون هدايا بالجابرية معروف بالحف

4- حمامات زيت للشعر انا مسوية اشتراك بصالون اسمه gloss بالجابرية (احب صالونات الجابرية)

بالنسبة حق تجهيز الملابس
جهزت وايد ملابس من اكاونتات بالانستقرام فيه الغالي وفيه الرخيص على حسب ميزانيتج
وترى سوق الكويت كلشي فيه

بالنسبة للملابس الداخلية
اشتريتهم دايما من محل يم 21forever بالافنيوز اسمه ترنزس او شي جذي اشكال والوان وعجيبين وسعرهم مناسب
وشريت من etam بالافنيو ماصارله مدة من فتح
وشريت من لاسنزا واوشو وطلبت من موقع فيكتوريا سيكرت لان ارخص من الكويت بواااااايد وتشكيلة تينن للي لها خلق تطلب لان الايوب غالي على غير سنع

شوي واكمل الباجي :*

 

[نوف الصقعبي]

الف مبروك

والله يهنيج ويسعدج يارب​

 

[نوف الصقعبي]

عقبال ماتجهزين حق البيبي​

 

[فطامي_]

المكياج:
شريت من سيفورا وماك ومركز تجميل مشرف ومن سرداب الشايع ومكياج المنصور ومن انقلوت

فاونديشن استعمل بيوديرما سابقا
حاليا استعمل شانيل ، ديور ، ماك ، قيرلان
احلى واحد فاونديشن قيرلان خفيف عالبشرة جربوه وكل وحدة وبشرتها

منتجات ماركة بنفت حلوة حيييييل انصح كل البنات فيها خصوصا الازرق اللي يصكر المسام قبل الفاونديشن واللي يحمر الشفايف والخدود واضائتهم ومسكرتهم وكلشي بهالماركة روعة واسعارهم حلوة


وانا كنت شارية مكياج sleek و nars من لندن وسعرهم ارخص من التاجرات بواااايد

عطورات ما استغنى عنها
شوبارد البنفسجية
ديبون
Noir من فيكتوريا سيكرت خيال
عطر play وردي فاتح من جفنشي
عطر الور للشعر من شانيل
عطورات الجزيرة
عطر كوكو شانيل الاسود جديد
واحلى عطر شوي غالي عطر hermes لونه ذهبي او اصفر ما استغنى عنه اهوا والبودي لوشن تبعه

لوشنات احب
بودي سبري من شانيل راسه ابيضه اخذه من هارفي نيكلز الافنيو
وبدي لوشن شانيل مدور ابيض
بدي لوشن hermes
وسنفرة وبودي لوشن على بخور من بيت الصابون اللبناني عجييييبة
طبعا باث اند بودي وركس عندهم ستات حلوة
وبدي شوب

البخور احب بخور اجمل

العطورات العربية عطور الجزيرة بلا منازع

وفي عطر بس بهارودز لندن اسمه roja غالي بس حلو
وفي عطر على بخور من dior بلندن ب بوتيك ديور هذا مع البخور يصير شي خيالي

 

[فطامي_]

بالنسبه حق البشرة
قبل سنة خذيت حبوب روكاتين لان بشرتي كانت شي خيالي من الحبوب
خذيت الكورس ٦ اشهر كل يوم حبتين
لازم استشارة طبية
اكرر استشارة طبية
خذيتهم من مستوصف السالمية التخصصي حكومة
مانفعني ولا دكتور جلدية
ولا كريمات بنات الكريمات علاج موضعي لازم تعالجين من الداخل
المهم هالحبوب *** ماشاء الله بشرتي صارت عجييييبة واطلع بدون كريم اساس بس كل شوي لازم لازم ارش ماي ورد على وجهي وصار ماشاء الله حيل حلو
ماحب اسوي تنظيف بشرة بالعيادات ولا بالصالونات
انا اشتري ماسكات للبشرة وكريمات واسوي بالبيت انظف
والحين مستمرة على ماسك اعشاب طبيعية شريته من وحدة بالانستقرام وعندها محل

بالنسبة للشعر انا شعري حيل خفيف ويطيح بسرعه بس خذيت فيتمينات من الصيدلية ماتطول الشعر بس الحمدلله توقف التساقط
وترى تساقط الشعر شي له علاقة بالنفسية بشكل كبير

 

[فطامي_]

بالنسبة حق الليزر :
انا اسوي ليزر في عيادة ياكو ابولو من سنتين طبعا العمر يخلص وشعر الجسم مايخلص هههه اتغشمر

اسوي الاندر ارم والبكيني وريلي وايدي شبقى! لووول بس هذي اهم مناطق وبعد ليزر البكيني والاندر ارم احط كريم وصفتلي اياه الدكتورة هناك يبيض شوي تقريبا

الاكسسوارات:
انا فيني هوس شي اسمه جناط .. ما اشتري ولا شي بس جناط وجواتي مكرم السامع
الالوان الاساسية للجناط بالنسبة حق اي بنت:
الاسود-الابيض-الازرق
بالنسبة للكعوب او الفلاتات
ب لايم لايت فلاتات حيل مريحة ماركة ميلسا ما استغنى عنهم لان اذا ماكان الجوتي عزكم الله مريح الريل تتشوه خصوصا من ورا يطلع لون اسود
وبالنسبة للكعوب احب لابوتان بس كلش مو مريح بس للمناسبات وماركة ستيف مادن بدبي موجودة وفي وايد محلات كل وحدة واللي يريحها بس لازم عندج كعب فضي وذهبي واسود
)

 

[فطامي_]

بالنسبة للملجة
النفنوف : كنت شاريته من لبنان من زمان خذيته لان سعره حيييل مناسب و وايد حلو وبس قطعه وحدة لونه مشمشي فاتح ومنفوش شوي

المسكة:سويتها بمحل الورد اللي بالبدع ماعرف اسمه ب ٦٠ دينار كانت ب ٧٠ طبعا عادي تكسارينه لونها ابيض توليب

الكوشة: مصمم اسمه احمد دياب او ذياب مادري كانت كلها ورد وبسيطة حيل لان الملجة محفوفة حييييييييل ويسويلج عالسعر اللي تطلبينه

الاكل : طلبناه من كذا مطعم لان الملجة بالبيت والسخانات من عندنا والحلو طلبنا من كل قطر اغنية ههه بس قصدي كذا مكان

المصور:جبت وحدة اسمها ميساء خزعل قديمة وتحميضها جنااااااان ايننن واهيا تصور بنفسها ماتطرشلج احد ومعاها مساعدتها للفيديو

الكورسيه والجي جي:
من محل اريج بمجمع زهره
ومالبست اسفنج لا ، عندها شي مثل لزقه وبوش اب يعني مريح اذا نفنوفج ضيج من فوق

 

[Nzzz'3a]

مووووووفقه حبيبتي

موضوعج جدا رووووعه

 

[طـفولية]

حبيبتي ممكن اسال بجم كوشتج ؟
انا ابي شي بسيط و رخيص

وما حطيتوا دي جي ؟

 

[فطامي_]

عقبال ماتجهزين حق البيبي​

حبيبتي ماتقصرين على هالدعوة الحلوة :**

 

[فطامي_]

مووووووفقه حبيبتي

موضوعج جدا رووووعه

اجمعين ياحياتي شكرا

 

[فطامي_]

المكياج:
صالون ليلى هارموني بس ماقتلهم ان ملجتي
مكياج ابرار النجتدة طبعا سوتلي على طلبي قتلها ابي سموكي خفيف ولون الحمرة حلو خلطت كذا لون وكريم اساسهم حلو لي اخر شي ظل معاي

شعر:
زينب طبعا لا يعلى على تسريحاتها لكن يعتمد على تفسيتها وانا مشكلتي وريتها صورة للي ابيه ، ماكان نفس اللي ابيه بس الاغلب قالوا حلو وميزة تسريحاتها لي اخر الحفلة تظل جنه توج مسويته

بدكير منكير:
ركبت اظافر وحطيت صبغ وسويت بدكير منكير بصالون اسمه nail polish اكو بالجابرية واكو بمجمع تالا السالمية دايم اذا عندي مناسبة اركب عندهم لان مايطيح ولا يتكسر واذا بشيله للصلاة احط ايدي بماي حار وصابون

شبكتي ذهب ابيض لان فيني حساسية من الذهب الاصفر واصلا ماحبه

 

[فطامي_]

حبيبتي ممكن اسال بجم كوشتج ؟
انا ابي شي بسيط و رخيص

وما حطيتوا دي جي ؟

يسويلج على حسب ميزانيتج
انا كان كله ورد طبيعي وحطلي عالسلالم ورد و وراي كله ورد وعالطولات وجاب البانشات والاضاءة والكوشة والسجادة ب 450
بس المكان انترس ورد لان احب الورد

 

[Mrs.H]

الله يهنييييج يارب ويتمم علييييج

 

[مذهلة2013]

الف الف مبروك حبيبتي

 

[صحن تبوله]

ألف الف مبررررررررررررررررررررررررررررررررؤك حبيبتي الله يتمملك ع خيرررررررررررررررر

 

[فطامي_]

الله يبارك فيكم كلكم حبايبي الفال لحبايبكم

 

[أمورته]

الف مبروك والله يتمم لج ع خير حياتي

 

[بروريتآ]

الله يهنيج يارب ويسخره لج ~

 

[عيون الخجل ~]

الف مبروووك ..

تتهنين فيهم وملبوس العافيه حبيبتي