التابعة .. دورولي حل لها

[كويت شوب]

قوة بنات
من اول ما تزوجت لي قبل شهرين او 3 كل ما تتاخر علي الدورة
احلم بحلم يخرع ولما اقوم تييني الدورة
سالت امي وخالتي ام زوجي قالولي هاذي تابعة
جربت اقرا ادعية ووقت النوم احط سورة البقرة لما اقوم
ما قمت احلم بس موو راضية احمل
ومعروف عن التابعة انها تاخر الحمل
منو صار فيها مثلي
وشنو سوت

 

[Perfume]

حبيبتي صلي على النبي
ولا تحطين هالافكار براسج
بعدج عروس
داومي على سورة البقرة
والمعوذات والادعية
والصلاة في وقتها
ولا تفكرييييييين ترى النفسية تلعب دور كبيير

 

[أأأميرة الورد]

الله يرزقج بالحمل

لاتوسوسين وااايد توج حبيبتي ثلاث شهور مايمدي تعرفين اذا انتي متاخره بالحمل او لاااا

ان اللي اعرفه انه اللي فيهم تابعه عاادي يحملون ويجهضون

 

[كويت شوب]

الله يرزقج بالحمل

لاتوسوسين وااايد توج حبيبتي ثلاث شهور مايمدي تعرفين اذا انتي متاخره بالحمل او لاااا

ان اللي اعرفه انه اللي فيهم تابعه عاادي يحملون ويجهضون

انا صارلي 6 اشهر متزوجة
كنت احلم بالتابعة اول 3 اشهر
واخر 3 اشهر التزمت بسورة البقرة ما قمت احلم بس للحين ما حملت

 

[نـووونة]

وشنو هذي التابعة ..?
لاتحاتين ماكو الا العافية والخير ..

 

[اخت خالتهم]

خلي اخر شي يدخل بطنج ماي مقري فيه واول ما تقعدين هم ماي مقري فيه

 

[ابوي دنيتي كله]

اقرأي سوره الجن بعد والرحمن

 

[حبيبي مالكني]

عليج بالقران
واقري اذكار الصباح والمسا
واقري سورة البقرة يوميا

 

[ابدا يالغالي مانساك]

حكمت امج وخالتج من الاحلام يعني تاابعه ومم قالج التابعه تاخر الحمل بالعكس يحملوون عادي بس يكافينا الشر تذبح الجنين انا اقولج شغله بعدي هالافكار من بالج وشيليها وداومي علي سورة البقره وانتي عروس تووج واذا مستعجله سوي تحاليل وتطمني وبوقت دورتج اذا تبين ستخدمي خلطه الرويس

 

[حوريه ...]

مادري شقولج

بس التابعه عادي تحملين بس تجهضين

احلام ناس تضرب بطنج
او حيوانات سودا وهالسوالف


علاجها
سورة البقره
المداومه ع اذكار الصباح والمساء
شربي ماي مقري فيه

وبتروح ان شاءالله

انا بعد اجهاضي اخذت دوا من حرمه تقول انه علاج للتابعه

بس مافي مثل كلام الله
والاذكار تررررريح

والله ارتحت الحمدالله
وادهني بطنج وارحامج بزيت الرويس مقري فيه

 

[زوجة عثمان]

لا إله إلا الله

 

[Man7o0osa]

عن تجربة
داااااومي على البقرة يوميا حتى لو حملتي أن شاء الله
و أدهني جسمج من الحين و في الحمل بزيت زيتون مقري عليه كل ليلة

بإذن الله تحملين

 

[mrs.abk]

لا موب تابعة ..

هذي هرمونات الدورة ..

التابعة تييج بعد الحمل والحلم بها واضح ومعروف حرمة ترفسج في بطنج وثاني يوم تجهضين والتابعة ما اتيي منه والدرب اتييج لو كنتي ملحوقة يعني حد من أمهاتج أو جداتج أو أهلج كان عليها تابعة ..

 

[((غلاي))]

الله يرزقج ان شاء الله
لاتوسوسين وايد
اقري القران على طول
ومثل ماقالو البنات زيت زيتون مقري

 

[Aloe Vera]

قريت في موقع الاسلام سؤال و جواب قال الشيخ ان التابعة من الخرافات
داومي على اذكار الصباح و المساء و قراية القرآن و دهني بطنج و ظهرج بزيت مقري فيه
خلي اكلج و نظام حياتج صحي
و ترا ٦ شهور ما تعتبر تاخر بالحمل تو الناس بعد السنة الوحدة تفكر تفحص حتى الدكاترة بعضهم مايرضون يفحصون اذا ماصار سنه عالزواج

 

[فبيت العز]

اولاا الله يشفيج ويرزقج ان شالله

ثانيا مادري ليش البنات يقولون لج موتابعه!!!!
انتي نفسج عرفتي علتج بلا حبيبتي التابعه تاخر الحمل واذا حملتي تجهينه

وللاسف المفرو ض يعلمونج عشان تعالجين عمرج الله يسامحهم

بس اذا كانوا صج يجهلون انها اعراض تابعه الله اعلم

وترا موبس بس زيت بروحه لااا لازم زيت مقري فيه اااياات معينه للقضاااء على التابعه

واسالي اكبر واشهر علماااء الدين
وهي كانت فيني بسم الله ولله الحمد تعالجت عقب معاناة وتاخر لكن الله رزقني في بنتي عايشه

وعمرها خمس اشهر والحين الحمدلله ماشالله حملت على طول بنفس العلاج ورا النفاس
لاني بغيت اعو ض تاخر حملي
الله يشفيييييج ويرزق الجميع ويااااج

وسلامتج

 

[مملكة الحب]

أمبلا انا اايدج التابعة تأخر الحمل والزواج وإذا الوحدة تزوجت ممكن تنطلق ابسرعه بس اختي قولي لنا وصفة العلاج الي اتبعتيها وعند منو تعالجتي

 

[عسل حدي]

كلميني عالخاص اعطيج رقم وحده تفكج من ام التابعه

 

[قلب زوجي وولدي]

شنو يعني تابعه ؟؟؟

 

[مريم86]

التابعه او القرينه بعد يسمونها


هذي تطيح الجنين او تموته وماتخليه يكمل اشهره


بس اول مره اسمع بتابعه تأخر الزواج مادري تأخر الحمل مادري تطلق الوحده


والاحلام بالبقر والقطط والحيوانات يكون شكلها بالحلم يخرع ويطيح الجنين من خرعته

والحيوانات تتكلم بالحلم ويكون شكلها كبير .. او امرأة شكلها يخرع


وتظل مرافقه وموجوده مع الشخص وتطيح كل ماتحمل المرأه حتى عادي تتم معاه ٢٠ سنه

وهذا دليل على قلة دين المرأة وبعدها عن القران..لانها لو كانت تقرى ومحافظه عالقرايه والاذكار ..راح عنها


العلاج ....


ماكو علاج غير اذكار الصباح والمساء وقراءة سورة البقره بانتظام و ٤٠ يوم

وشرب الماي المقري احسن بعد

(( وننزل من القرءان ماهو شفاء ورحمة للمؤمنين ))

بس وين اللي يفهم