** تجمع الي مسوين جراحة الفك**

[سميرونه]

المشاركة الأصلية كتبت بواسطة . U A E

الله يعطيج العافيه بغيت اسال عن صاحبة هالنك عن الدكتور ميشيل انا شفت مقطع يوتيوب يسوي تجميل حق الفك السفلي .. وهي عملية نحت الوجه كان في رابط منزلته وحده من العضوات توضح طريقة العمليه ..

انا بغيت اسال اهو نفسه الدكتور اللي باليوتيوب والا تشابه اسماء ؟

والله يخليج باي عياده خذيتي معاه موعد وبجم كلفتج هالعمليه ؟
لاني محتاجه اسوي حق فكي وهو ما شاء الله عاليوتيوب اذا كان اهو صاحب هالعمليات والصور اللي حطها برحله لان موهوب صور شاب وبنت وجيهم تنحتت برزت جمالهم مثل طقت انجلينا جولي وبراد بيت
الله يخليكم تفاعلو معاي خصوصا اني محتاجه لهلعمليه ..
واتمنى يكون نفسه اهو الدكتور ميشيل ضروري تفاعلو معاي .. وشكرا

 

[سميرونه]

حتى باخر المقطع حاط اسمه وموقعه تفاعلو معاي بنات ضروري .. عسى ربي يوفقكم ..

 

[سميرونه]

وهذا اسم الفيديو اكتبوه باليوتيوب وشفوه اذا اهو الدكتور اللي قالت عنه العضوة ياليت تفيدني باي مستشفى اقدر اشوفك واخذ موعد معاه ..

Jaw implant surgry-mandible implants وشكرا واسفه عالاطاله

 

[fa6amy-uae]

هههههههههههههههههه فيه أحد يتمنى الألم والصداع



قولي الحمدلله رب العالمين


ممكن انتي طبيعة أسنانج سهله تتحرك ( جذورها مو طويلة وايد) >> الأسنان كل ما كانت سهلة الحركة .. الألم يكون قليل
عكس الأسنان القوووووية اللي جذورها طويلة وصعبة تتحرك .. الشد يكون قوي فيتبعة ألم وصداع



فعلا ابن آدم غريييب .. محد مقتنع بحاله
اللي معاه ألم يتمنى الألم يزوووول
واللي ما معاه ألم .. يتمنى الألم ههههههههههههههه

ههههههههههه من كثر ما ابا العملية و ابا اسويها باسرع وقت حبيت الام التقويم و الشد و كل شي باذن الله العملية هاي بتغير حياتي كلها :ggdw:انا الجبااانة قبل اخاف من دكتور الاسنان الحين ليلة الموعد مايني رقاد من الحمااااااس

الله يسمع منج ياااارب و اسناني تتحرك بسرعة و افتك والله اتحرى الدكتور مايشد وايد او مسوي شي غلط من جي ماحس بالم نفس الناس و بالتالي اسناني مابتتحرك بسرعة

 

[Reham.At]

هلا وغلا


شنو كان سؤالج ؟؟؟
والله ما انتبهت عليه



أنا عمليتي فك علوي + سفلي + ذقن


ولاااااااااا تخافين .. مافيه شي يخوف

لازم تتشجعين ويكون عندج حمااااااااااس وقوة لأنه بصراحه النتيجة تستاهل تعبها

هذا ردي جبته من الموضوع ..

السلام عليكم .. كيفكم بنات ..

سجلت في المنتدى عشان هالموضوع .. وعندي استفسارات عديده ..

طبعاً ما قرأت الحالات كلها لأن ما شاء الله واجد الصفحات ..

راح اكتب لكم حالتي واتمنى تجاوبوني لأني رحت مستشفيات كثيره والكل أجمع على العمليه ..

مشكلتي إن الفك السفلي عندي متقدم يعني الاربعة أو الستة الأسنان الأمامية السفلية عند الاطباق تكون متقدمة و تكون العلوية متأخرة ,

يعني الطواحن اللي في الفك العلوي عند الاطباق تكون بعد أماكن الطواحن للفك السفلي .

اي عند الاطباق الكامل للفكين الفك السفلي يبدأ قبل الفك العلوي ولذلك الاسنان الامامية للفك السفلي تظهربعد الاسنان الامامية للفك العلوي

المشكلة عندي و اضحة للناس وبالذات لما أحد يقترب مني وأنا ابتسم أو أضحك .. وطبعاً ما كانت عندي من الصغر ..لما كبرت صار عندي هذا البروز ف الفك

وأيضاً عندي * من الأنياب مدفونه في الفك العلوي وهذي تحتاج جراحه عشان يطلعوهم ..

يعني في كلا الحالتين أحتاج تقويم للفكين بس الأصعب السفلي ..

عندي بعض الاستفسارات واتمنى تجاوبوني عليها :

- مدة العلاج للفكين كم تتطلب من الوقت ؟ مدة تقريبية , يعني كم تأخذ ؟

- هل يوجد اعراض لهذه العملية الجراحية ؟ اعلم نعم . ولكن ماهي ؟

- طبعاً الدكتوره خبرتني إن احتاج تقويم قبل العمليه وراح ابدأ الاثنين. كم مدته وبعدها اسوي العمليه؟

- المدة الكافية بعد الجراحة لتظهر النتائج بالصورة السليمة و المتوقعة ؟

- من هم افضل الاطباء في السعوديه-المنطقة الشرقية في هذ المجال سواء خاص حكومي ؟

اذا فكرت بإجراء العملية أرجوكم ضعوا الحل المناسب ( بالتأكيد لن التفت للدول العربية )

- بعد إجراء العملية الجراحية كيف أتكلم ؟ هل لازم أسكر فمي عن الكلام لمدة معينة على حسب ما سمعت ؟

أتمنى انكم تجاوبوني على هذي الاسئلة وارجوا اني ما اكون ضيفه ثقيله عليكم ..

( اي اضافات جيدة و مساعدة لحل المسألة ارجو وضعها )

 

[Esraa.a]

هذا ردي جبته من الموضوع ..​

- مدة العلاج للفكين كم تتطلب من الوقت ؟ مدة تقريبية , يعني كم تأخذ ؟
كل حالة تختلف عن الثانية ما يقدر يحكم الدكتور إلا بعد ما يفحص فكج مع الأشعة
ويسوي لج دراسة حالة

- هل يوجد اعراض لهذه العملية الجراحية ؟ اعلم نعم . ولكن ماهي ؟

أعراض أو قصدج آثار جانية ؟!

الآثار الجانبية راح تكون من بعد العملية مباشرة إلى ست أشهر .. بعدها ان شاء الله مافيه أي شي

الآثار:
صعوبة نطق
صعوبة أكل
صعوبة النوم ( أول اسبوعين)
المنطقة السفلية من الوجه تنمل ما تحسين فيها
عدم قبول الشكل الجديد في الفترة الأولى من العملية
بعد العملية مباشره >> تعب .. ارهاق .. ترجيع دم .. عناية مركزة في بعض الحالات

إلى جانب إنه الأنف يفرش في حالات عملية الفك العلوي


- طبعاً الدكتوره خبرتني إن احتاج تقويم قبل العمليه وراح ابدأ الاثنين. كم مدته وبعدها اسوي العمليه؟
تاخذ تقريبا من سنه ونص إلى سنتين >> يعتمد هلى حجم المشكله عندج

- المدة الكافية بعد الجراحة لتظهر النتائج بالصورة السليمة و المتوقعة ؟
بعد التئام العظم أي بعد سنة كاملة عالأقل من العملية

- من هم افضل الاطباء في السعوديه-المنطقة الشرقية في هذ المجال سواء خاص حكومي ؟
ان شاء الله بنات السعودية يجاوبونج

اذا فكرت بإجراء العملية أرجوكم ضعوا الحل المناسب ( بالتأكيد لن التفت للدول العربية )
ما فهمت سؤالج
بس ليش ما تلتفتين للدول العربية >> عندنا كفاءات طبية جدااااااااااا متميزة وأفضل من الأجانب
وأفضل مثال >> دكتوري
وحتى بالسعودية فيه كفاءات متميزة

- بعد إجراء العملية الجراحية كيف أتكلم ؟ هل لازم أسكر فمي عن الكلام لمدة معينة على حسب ما سمعت ؟
بعد إجراء العمليه الدكتور يربط أسنان بالسيور (المطاطات) لمدة 6 أسابيع تقريبا
الكلام يكون صعب وغير مفهوم هالفترة

أتمنى انكم تجاوبوني على هذي الاسئلة وارجوا اني ما اكون ضيفه ثقيله عليكم ..
بالعكس .. بموضوع جراحة الفك
جمييييييييييييييييع العضوات خفيفات وحبوبات .. مافيه عضوة ثقيلة

 

[Esraa.a]

ههههههههههه من كثر ما ابا العملية و ابا اسويها باسرع وقت حبيت الام التقويم و الشد و كل شي باذن الله العملية هاي بتغير حياتي كلها :ggdw:انا الجبااانة قبل اخاف من دكتور الاسنان الحين ليلة الموعد مايني رقاد من الحمااااااس

الله يسمع منج ياااارب و اسناني تتحرك بسرعة و افتك والله اتحرى الدكتور مايشد وايد او مسوي شي غلط من جي ماحس بالم نفس الناس و بالتالي اسناني مابتتحرك بسرعة

الله يسهل أموووووووورج يارب

لا تحاتين الوقت يركض بسرعه

 

[Esraa.a]

المشاركة الأصلية كتبت بواسطة . U a e

الله يعطيج العافيه بغيت اسال عن صاحبة هالنك عن الدكتور ميشيل انا شفت مقطع يوتيوب يسوي تجميل حق الفك السفلي .. وهي عملية نحت الوجه كان في رابط منزلته وحده من العضوات توضح طريقة العمليه ..

انا بغيت اسال اهو نفسه الدكتور اللي باليوتيوب والا تشابه اسماء ؟

والله يخليج باي عياده خذيتي معاه موعد وبجم كلفتج هالعمليه ؟
لاني محتاجه اسوي حق فكي وهو ما شاء الله عاليوتيوب اذا كان اهو صاحب هالعمليات والصور اللي حطها برحله لان موهوب صور شاب وبنت وجيهم تنحتت برزت جمالهم مثل طقت انجلينا جولي وبراد بيت
الله يخليكم تفاعلو معاي خصوصا اني محتاجه لهلعمليه ..
واتمنى يكون نفسه اهو الدكتور ميشيل ضروري تفاعلو معاي .. وشكرا

حتى باخر المقطع حاط اسمه وموقعه تفاعلو معاي بنات ضروري .. عسى ربي يوفقكم ..

شلون نتفاعل معاج !! و شلون أقدر أساعدج ؟!!



والبنت صارلها فترة طويله ما دخلت المنتدى


حطي لنك الفيديو إذا عندج

 

[Esraa.a]

وهذا اسم الفيديو اكتبوه باليوتيوب وشفوه اذا اهو الدكتور اللي قالت عنه العضوة ياليت تفيدني باي مستشفى اقدر اشوفك واخذ موعد معاه ..

Jaw implant surgry-mandible implants وشكرا واسفه عالاطاله

فيه فرق بين جراحة الفك اللي قاعدين نتكلم عنها بموضوعنا مع تجارب البنات

وبين تعريض الفك باستخدام الحشوات


Jaw implant surgry يعني عملية تعريض الفك باستخدام الحشوات

هالعملية مو مهم جراح الفك نفسه يسويها لأنها ما يبيلها شطارة ولا فيها كسر للفك ولا إعادة تثبيته

مجرد يشق اللثة من داخل صوب عظمة الفك عالجنبين ويثبت الحشوة >> أي دكتور تجميل ممكن يسويها



احنا عمليتنا أصعب بكثييييييير من هالعمليه

 

[fa6amy_uae]

هلا هلا بالللي اون لاين زعيمة الموضوع اسراااااء:hjy5jewf::hjy5jewf::hjy5jewf::hjy5jewf:


انا ولد خالتي كل اسبوع اييكم الكويت و حاجزلي موعد عند دكتور عادل مادري ايي اجوفه و اخذ استشارته ولا ماشوش عمري ؟

 

[Reham.At]

تسلمي اسراء ع الردود

بس ليش ما تلتفتين للدول العربية >> عندنا كفاءات طبية جدااااااااااا متميزة وأفضل من الأجانب
وأفضل مثال >> دكتوري
وحتى بالسعودية فيه كفاءات متميزة

كان ودي اسويها في الكويت .. تشجعت من البنات اللي سووها .. بس تمنعني المواصلات ..

ودي اتناقش معك بس اليوم عندي شد التقويم وتعبانه شوي ..

شكرا مره ثانيه

 

[Ahlam Al]

الله يعطيكم العافيه , بغيت اسأل

شنو علاج انزلاق غضروف الفك من الجهتين ؟

يفيد معاه ادويه وجذي ولا لازم جراحه ؟
و غسيل غضروف الفك , يفيد ؟
و العمليه لعمر جم ؟ لازم 18 سنه و فوق ؟

و شنو احسن دكتور تخصصه جراحة وجه و فكين ؟

 

[ذكرى الحبيب]

صباح الخير ياعسولات
أبشركم الحمد الله سويت العملية السبت قبل الماضي 8/7/1434
مومصدقه اني سويتها احسه حلم:eh_s(11):

 

[Esraa.a]

هلا هلا بالللي اون لاين زعيمة الموضوع اسراااااء:hjy5jewf::hjy5jewf::hjy5jewf::hjy5jewf:


انا ولد خالتي كل اسبوع اييكم الكويت و حاجزلي موعد عند دكتور عادل مادري ايي اجوفه و اخذ استشارته ولا ماشوش عمري ؟

تسلمي اسراء ع الردود



كان ودي اسويها في الكويت .. تشجعت من البنات اللي سووها .. بس تمنعني المواصلات ..

ودي اتناقش معك بس اليوم عندي شد التقويم وتعبانه شوي ..

شكرا مره ثانيه

هذا ايميله إذا حابين تستشيرونه قبل ما تيون الكويت .. وياليت ترسلون صور الفك والأشعة علشان تاخذون كلام دقيق أكثر

[email protected]



وهذي السيرة الذاتية لدكتور عادل:

السيرة الذاتية للدكتور عادل العصفور
CV​

- أستاذ مساعد، كلية طب الأسنان، جامعة الكويت.
- بكالوريوس طب وجراحة الأسنان من جامعة ترينيتي كولج دبلن، ايرلندا الجنوبية1991.
- شهادة التخصص في جراحة الفم والوجه والفكين، جامعة الينوي في شيكاغو، الولايات المتحدة الأمريكية 2000.
- شهادة الزمالة في تخصص جراحة الاصابات والعمليات الترقيعية للفم والوجه والفكين.
- حاصل على البورد الأمريكي في تخصص جراحة الفم والوجه والفكين (أول دكتور كويتي) 2004 .
- عضو الجمعية الأمريكية في جراحة الفم والوجه والفكين.
- عضو الأكاديمية الأمريكية في جراحة الفم والوجه والفكين.
- عضو الجمعية العالمية في جراحة الفم والوجه والفكين.
- عضو الجمعية الآسيوية في جراحة الفم والوجه والفكين.
- عضو مؤسس للرابطة الكويتية لجراحة الفم والوجه والفكين.​

 

[Esraa.a]

الله يعطيكم العافيه , بغيت اسأل

شنو علاج انزلاق غضروف الفك من الجهتين ؟

يفيد معاه ادويه وجذي ولا لازم جراحه ؟
و غسيل غضروف الفك , يفيد ؟
و العمليه لعمر جم ؟ لازم 18 سنه و فوق ؟

و شنو احسن دكتور تخصصه جراحة وجه و فكين ؟

استشيري فيها دكتور أفضل ,, أو سألي دكتور عادل بالايميل


عملية جراحة الفك لازم بعد عمر ال 18 على ما يكمل نمو الفك



بالنسبة لأفضل دكاترة جراحة الفك عندنا بالكويت (((من وجهة نظري)))
د.عادل العصفور
د.نائل الهزيم
د.عماد النجادة

 

[سميرونه]

ما قصرتي والله ..

بس اذكر صاحبة المووع اذكرت اسم الدكتور ميشيل .. واذا انتي شفتي الرابط عاليوتيوب راح يكتبونلج اسمه .. ابي اعرف اهو والا لا؟

وانا ما اعرف انزل رابط الفيديو .. كا هدفي اعرف اذا اهو نفسه الدكتور يا ريت احد يفيدني باي مستشفى يستقبلونه لاني محتاجته ضروري .. وانا خايفه اروح لاي دكتور ثاني الا لمن اشوف بعيني بعض الصور اللي اهو مسويلهم العمليات ..

واذا وحده تعرف وشافت او جربت ياليت تذكرلي اسم الدكتور وبجم كلفتها العمليه ..

 

[ذكرى الحبيب]

تم بحمد الله عمل العملية يوم السبت 18 مايو في مستشفى الحرس برياض



الجراح :ينائل النصير



في البدايه دقو علي الخميس المغرب وقالو يالله شرفينا في المستشفىقسم التنويم



انا ماكنت متاكده ان العملية بتكون السبت لانهم قالو احتمال حسبالحالات الطارئه عندهم



المهم اخذت قشي ورحت طيران لهم لما دخلت الغرفه ونمت ذيك الليلهبالمستشفى حسيت بوقت الجد وحسيت بخوف صراحه مع تبلد في نفس الوقت



الساعه 12 جائ دكتور يسالني عن بعض المعلومات الامراض الوراثيهبالعائله وكم عدد الاسره .......اخ



الجمعه اخذو مني تحليل دم وقياس لضغط باستمرار كل شوي جاين يقيسونالضغط



جاء دكتور التخدير المغرب ووقعني على الموافقه لتخدير الكامل وسالنيمتى دورتك؟



وركبو فيني ابره المغذي اه تالم مرره ماحبها



السبت



الساعه 7 ونص جاء لي الفريق الطبي كامل باستثناء الجراح



جميعهم طبعا ماعرفهم يمكن بس ثنين قد شفتهم في العياده المهم جو يناظرون في الفك ويتكلمون بينهم بعدين قالو ماتشوفين شر وراحو

الساعه 9 صباحا قالو يالله عمليه عمليه:eh_s(11): وركبت فوق السرير حقهم وانطلقت لغرفه العمليات

اول شي دخلت في غرفه ماقبل العمليه جاء دكتور التخدير وحطو فيني قطرتين في الانف بعد نص ساعه كذا دخلني داخل لغرفه العمليات وشوي يقولي دكتور التخدير امل انتقلي لسرير الثاني:eh_s(16):

وانا ابعد الغطاء عني واناظر الى وانا صدق في غرفه العمليات هنا خفت ويوم انتقلت لسرير ويجون السسترات حطو على مدري كم شرشف وحطو في الاخير شرشف ثقيل دافي مرررره يجنن وبعد لزقو فيني حقات القلب بعدين حطو فيني الاكسجين حق البنج اتذكر بس يوم جو يركبونه على بس قسم مدري كيف اختفيت عن الدنيا فجاءه مادري الى يصحوني قومي ممبروك نجحت العملية وانا اللي اتذكره في هاذي اللحظه اني ارتجف برد مدري ليش واقول في نفسي معقوله سوووها فمي طبعا كان مفتوح

بعدين رجعوني لغرفتي حقت التنويم ونمت ماصحيت الا الساعه 5 العصر انام واصحى انام واصحى زي كذا المغرب جاني الدكتور طلال الشمري هذا اتوقع انه مساعد لدكتور ينائل لان هو اول واحد شفته في غرفه العمليات المهم بس شيك علي واعطاني جهاز لتدريب على التنفس يقولي تدربي عليه يعني اخذي شهيق وزفير علشان المخدر يقول ماياثر على صدرك

والحمد الله يارب اليوم الثاني عاد جاء الجراح والطاقم الطبي كامل وطمني وقال العمليه كانت جدا سهله وعلى نفس ماخططنا والاعصاب سليمه الحمد الله

الاثنين مر على الدكتور طلال الشمري تشيك فقط على الاسنان

الثلاثا مر كمان على الدكتور طلال الشمري وفيه واحد معه ناسيه اسمه وشيكو وقالو بنرسلك اليوم للعياده الساعه 9 ونص

رحت 9 ونص للعياده نقولني هم طبعا على كرسي متحرك وهناك لقيت الجراح والدكتور طلال الشمري سويت اشعه وقال الجراح العضه عندك ممتازه بس بنركب لك مطاطات علشن تصير احسن

الاربعاء كتبو لي خروج

يعني جلست في المستشفى من الخميس الليل الى الاربعاء صباح

عمليتي كانت فك واحد السفلي

الدكتور ينائل النصير قممممممه في الاخلاق انسان دايم مبتسم للمريض انسان جدا ممتاز

وهاذي قصتي وان شاء الله اكون افدكم يارب

والله يسهل امور الللي لسى ماسووها :yaaaaaarb:

ايه صح الالمبس الثلاث الاياام الاولى بس يعطنك مسكن هم باستمرار يعني خيف طبيعي لاي عمليه :eh_s(17):​

 

[ذكرى الحبيب]

ايه نسيت اذكر تورم الوجهه انا صراحه التورم كان عندي كبير مره ولازال موجود بس خف عن الاسبوع الاول بكثير يعني الاسبوع الاول كان كبير بشكل
وامس كان عندي موعد مع الجراح نزل المطاطات وفرحت وقال امورك طيبه ونادى دكتوره التقويم وقالت انا مشغوله ماقدر اجي ارسلوها لي في العياده تبعها رحت لها وقالت ماشاء امورك تمام بس عندك لفه في الاسنان والاسنان العلويه متقدمة بكثير عن السفليه وركب لي مطاطات قسم يوم ركبتها احس جالسه تلوي الفك وانا كنت اوف اسناني كويسه مايبقى لها شي
قلت يالم مره شالت لي جهه وقالت خلي الجهه الثانيه الحين احس فمي لاف ويؤلمني مره خايفه من هالشي

 

[Ahlam Al]

استشيري فيها دكتور أفضل ,, أو سألي دكتور عادل بالايميل


عملية جراحة الفك لازم بعد عمر ال 18 على ما يكمل نمو الفك



بالنسبة لأفضل دكاترة جراحة الفك عندنا بالكويت (((من وجهة نظري)))
د.عادل العصفور
د.نائل الهزيم
د.عماد النجادة

مشكوره و ما قصرتي , و انا كل شغلي بالاميري
و سألت الدكتور بس ما عطاني ولا اجابه !!

و سألت دكتور عادل قبل فتره بس للحين مارد علي : )

و غسيل الغضروف لازم فوق 18 سنه ؟
و وين عيادتهم ؟

 

[ذكرى الحبيب]

بنات ابغى اعدل في المشاركه كيف اراسل ادارة المنتدى