حمام مغربي

[فطامي_]

سلام عليكم :*

ودي اتكلم عن موضوع الحمام المغربي واشوف تجاربكم

شنو احسن صالون سويتوا فيه حمام مغربي؟
تودون خلطاتكم معاكم ولا تستعملون خلطاتهم؟


بالنسبة لي سبق وان ذكرت هالشي ب ركن العروس


افضل اماكن سويت فيهم حمام مغربي:

1- صالون جي سي بالجابرية

سنفراتهم طبيعية يعني تختار
ينها بالصالون فيه على بخور وفيه على فواكه
-يحطولج الصابون المغربي بعدها يفركونج
-يحطولج السنفرة اللي تختارينها من الموجود بالصالون طبعا جربوا البخور والله العظيم ريحته ظلت بجسمي 3 ايام تينن
-يحطولج كركم بعدها على كل جسمج
لما تخلصين يحطولج ديوردرنت على بخور من عندهم وعطر جسم على بخور وماسك شعر هم بخور
وكريم تفتيح الاكواع والركب بس ماتوقع يفتح

سعر الحمام الملكي 18 دينار

سلبياته: مكانه بالجابرية وزحمة ومكان الحمام المغربي حيييل صغير



*- صالون السحر الدمشقي
عندهم الحمام الملكي بخلطات غريبة مثل الحمص الترمس اللوز الشوفان

وايد عجبني انا نقيت الشوفان ريحته خنينه ودج تاكلينه
ويحطولج ماسك للشعر وللويه
بعدها يحطون الشوفان
بعدها سنفرة مكونة من (ككاو وحليب وفراولة وبرتقال)
على جسمج كله بعدها يكبون ماي ورد عليج

سعره 32 دينار

وايد عجييب يكفي مكانه هدوء ويدلعونج اخر دلع عجبني حيييل روحوله وادعولي راح يعجبكم

..

بالنسبة حق اللي بتسوي بالبيت انا استعمل خلطة مزيونه وشقرة الغنية عن التعريف ولازم تداومون عليها عشان تعجبكم النتايج
واستعمل سنفرة وصابون جسم من وحدة بالنسقرام مكوناته طبيعيه ريحتها حلاو حيييل تينن
وعندكم بيت الصابون اللبناني سنفرة وكريم البخور السنفرة تنعم الجسم وايد وريحتها بخور ومكوناتها طبيعية
لان جسمي حساس ماقدر استعمل اي شي


اي سؤال تفضلوا :*

 

[ام عبد العزيز م]

تبعوني على الا استغرامamAbdlazazmqrbae

 

[M!SS.LOBY]

مشكورة

 

[فطامي_]

مشكورة

العفو حياتي

 

[عبقرية]

مشكورة

 

[امل ام جوادد]

مشكورة

 

[اميره المشاعر]

يسلموووووو

 

[قاهره عذالي]

انا جربت حمام صالون رمادا الجهرا

فرك بذمة وضمير

ونظيف حييييل

 

[M!SS.LOBY]

يسلموو

 

[برنسس أوراق]

انا اسويه بالبيت

 

[gogo.gm]

انا اسويه بالبيت

رجاء يا اختي قولي ليا كيف سويتيه بالبيت

 

[عجينه]

حمام صالون الشرقيه رووووعه

 

[جوانا2011]

انا اسويه بالبيت ماحب الصالونات ماحب احد يمسك جسمي هههه يقشعر جلدي ... بالأول كنت استخدم التنت المخصصه للساونا بس انها شغله فك ركب واستبدلتها بدلة الساونا
احط الخلطة الي انا مخصصتها حق الجسم على بشرة نظيفة(زيت لوز مر +زيت جلسرين+زيت اليمون )والبس البدله احط ماسك للشعر واحط خلطة لوجهي
واقعد اطقطق بالنت تقريبا ساعة وكل ماطولت يصير احسن بعدين ادش اتسبح اول شي اغسل وجهي وشعري والمه وابدأ اغسل جسمي بالماي الدافي مباشره وبعدين اوزع الصابون المغربي على جسمي كلة
واقعد افرك تقريبا ربع ساعة ثم اغسلة بالماي ...واكون منقعه الليفة المغربية في ماي دافي من قبل وابدأ افرك جسمي ماتصدقون يابنات كمية الجلد الميت افرك من قلب
اذا خلصت ونظف جسمي غسلت بشامبو جسم بنكهة الفراوله وقبل لا اطلع اوزع زيت الجلسرين على جسمي واركز على الاكواع والركب والمفاصل ثم اغسلة بماي بس واطلع ماتصدقون النعومه الي احس فيها احس جسمي كله يتنفس طبعا انا كل اسبوع اسويه ...

 

[ام غازي 2012]

يعطيج العافيه

 

[Smra^_^Cool]

يسلموووو ما قصرتي

 

[فديت خبآلي]

يعطيج العافية حبيبتي

 

[Aloe Vera]

جربت اسوي حمام مغربي بالصالون و جربت تيني صالونة البيت
اللي ماعجبني اني اضطر اتكشف عليها و حسبت بشعور بايخ و اهي تجيسني و تفركني استغفر الله الله لا يعيدها و تبت الحمدلله




المهم
الله رزقني بيت و قررت اني اسويلي غرفة بخار نفس الصالونات
و دورت و لقيت بالجوثن يركبون حق البيوت و الصالونات
و حطيت الجهار بحمامي طبعا نفس نظام الصالونات سعره 500 دينار
و صرت استخدمه كل اسبوع روعه روعه روعه
اغسل جسمي بالشاور الحار و احط الصابون المغربي و بعدين اغسل الصابون و افرك بالليفه السودة بدون صابون
و اشوف الجلد الميت يطييييح شكثره
و البخار شغال و هالشي يسهل ان الجلد يكون طري و يطيح بسرعه
و بعدها اغسل بشاور جل و يكون شعري فيه حمام زيت
و اطلع من الحمام احط كريم مرطب او زيت طبيعي مثل زيت الارجان

 

[زهرا_*]

يعطيج العافية
ما قصرتي