لأنج غبيه اقدر اتحكم فيج !!!! !!

[MinnieMouse]

السلام عليكم

شلونكم ؟؟؟



انا صارلي موقف اليوم صدمني

كنا انا وزوجي نتناقش حول موضوع ما ف اهو قالي انتي بصراحه غبيه

آنا عصبت شكو يقولي غبيه وهذي مو اول مره !!!

بصراحه انا صح انسى مرات او اغلط بس مو معناته فيني غباء

قلتله انت الغبي قالي يالله عطيني شي اننا فيه غبي

قلله فكل شي

قالي انتي غبيه قلتله يوم اني انا غبيه شكو تكلمني ؟

شكو ماخذني ؟؟


اونه لانج غبيه وكل شوي يعيدها !!!


اخر شي قالي كلمه صعقتني


لأن الغبيه اقدر اتحكم فيها بكيفي مثلج !!!!!



انا طقتني البوهه واصدمتني الكلمه معقوله اهو جذي تفكيره فيني وانه اهو قادر انه يتحكم فيني ويمسكني من الايد الي تعورني !!!!


اهو يعرف انه انا ماقدر اخليه وسبق اني حاولت لكن ماقدرت ابدا كله انا ارجعله حتى لو اهو غلطان




صح اني انا احبه بس مو معناته ياخذ فكره انه يقدر يتحكم فيني بكيفه




بصراحه اتضاربت معاه وعصبت وايد شلون يقولي جذي ليش اهو شنو شايف علي !!!!


قلتله مو انت الي تتحكم فيني وانا الي ابيه اسويه بمزاجي مو بمزاجك انت و و و و و وكلام وايد



بنات ساعدوني شلون ابينله اني ذكيه مع اني انا والله العظيم ذكيه وماشاء الله نبيهه فكل شي


بس احب اشاوره فكل شي ولو ماشاورته يعصب واخذ رايه بكل شي ولو ماخذت رايه بشي يعصب



شلون ابينله اني قويه ومستحيل يتحكم فيني ومستحيل يسيطر علي ؟؟؟


للعلم اهو يحب يفرض رايه ولو ماسمعت كلامه عادي توصل للطلاق والفراق الابدي !!!!!



شلون اتصرف مع هالريال الي جذي شلون ابينله اني قويه واقدر اتخلا عنه وعادي مايهمني


مع اني بنات والله العظيم احترق فداخلي اذا ماعرفت عنه شي ولا اذا طنشته

حاولت وايد حاولت اني اطنشه وماتمسك فيه بس ماقدر اموت فيه



ساعدوني بنات

كيف اقدر اخليه يتاكد انه مو اهو الي يتحكم فيني وانا لي قراراتي بروحي اهو ماله دخل فيها ؟؟؟؟


شوروا علي


وصلوا عالنبي

 

[جذابه بنت ذيابه]

حبوبه اكسري الشششر


و هو قال هالكلام وقت معصب فيه دامج واثقه من نفسج ماعليج من احد و نصيحه لا تبينين لزوجج انج مهتمه لهالسالفه لان بيزيد
وقت ماتعصبين انتي واذا قال لج انتي غبيه قولي ماقصرت مشكور يجي منك اكثر عارفه نفسي انا مايحتاج تعلمني بينقد علئ نفسه ويتاسف

 

[Perfume]

يمكن كان معصب ومايقصد
بس بشكل عام لا تبينينله انج ماتقدرين تفارقينه
وبكل بساطة قوليله
انا اشاورك بكل شي لانك شريك حياتي
ولانك تعصب اذا ما شاورتك
يعني اتنازل بمزاجي عشان المركب يمشي
والضعيف اللي ياخذ الامور بصراخ وعصبية
وتهديد
لانه ماعنده حجة قوية بس عنده صوت عالي
وحاولي ماتشاورينه بكل شي
اذا اشياء تخصج بروحج لا تقولينله

 

[MinnieMouse]

والله ياخواتي ماكان معصب كان جدا عادي واسلوبه مافي اهدا منه
واهوا ددوم جذي

=(

 

[Dalo3at Rayli]

حبيبتي اسفه بس بصراحه ريلج ما عنده احترام !
شنو وين قاعدين انتي غبيه و اتحكم فيج !!
شنو ماخذ له زوجه وله سوري لعبه اسوي فيها مثل ما ابي ؟

اول شي لما يعيد لج هالكلام ، خلييج هاديه لا تنفعلين !
و بيني له انج واثقه من نفسج ، و فهميه و علميه معني الاحترام !

كلميه بنبره هاديه و قوليله ،
اللي تقوله عيب و مو معناته ان انا ماقدرت اهدك
يعني خلاص صرت لعبه عندك او علي قولتك غبيه ،
قوليله الغباء الاكبر اني اهدم بيتي و اخرب بيتي علشان امور انت سويتها !

و قوليله هاذه انت تشوفني جي و تشوف اللى سويته يبين لك غبيه
عيييل علي الدنيا السلام و خلاص ، قوليله انا ما اسمح لك تقولي هالكلام !

لان كل اللى سويته عشان افهمك انا ابيك و ابي بيتي و مابي اخربه ،
بس يا حسافه و حيف دامك فهمت اللى سويته غباء مني ,,


قوليله هالحجي عشان يحسس !!
بصراحه ريلج نرفزني الله يهديه لج و يسخركم حق بعض :eh_s(7): ،


​

 

[MinnieMouse]

حبيبتي دلوعة ريلي

والله كلامج جدا عجبني وريحني

الله يعطيج العافيه

وعلى فكره


كذا مره قالي انتي لعبه وانا اتحكم فيج بكيفي !!!!!


قلتله لا والله اتخسي ومو انت الي تتحكم فيني !!!

قلتله انا اسوي جذي مو لاني انا ابي انا يوم ابي اسوي شي اشاورك واذا عجبني اسويه اذا ماعجبني ما اسويه


رد قالي انتي غبيه وبتسوين الي اقولج اياه عجبج ولا ما عجبج لاني ابي احافظ عليج !!!


يبه شكو هالكلام كله من البدايه !!!

 

[نونه المنكوشه]

حقريه ولاتشاورينه بشي واذا تكلم قوليله ماتستاهل اني اشاورك لانك ماقدرت هالشي واعتبرته غباء واذا بتم ع اسلوبك لي تصرف ثاني وخليج حازمه معاه لين يتأدب

 

[MinnieMouse]

بحاول =(

مشكوره حبي

 

[rose2012]

من ردودج حسيتج مسكينه مو مالت مرادد متوهقه تدربي لا يمسكها علوقه بسس يبي كلشي على ضحك

قوليله يعني مقطع روحك من الذكاء ؟
لا تسوي فيها اينشتاين على راسي
وبعدين قولي اللي يشوفك يقول طبيب و الا محامي والا دكتور جامعه اقصاك وعيبي على وظيفته
وقولي الظاهر انا صج غبيه اللي بلشت روحي بواحد دايخ نفسك
وقعدي فكري بادله على غبائه
وقوليله من كثر ما انت غبي مو قادر تفهم انك غبي
لان غبائك مانعك من الحقيقه

 

[جوري الصالح]

الحـــــقــران يقطـــــــع المـــــــصــران
لا تـخلينه يتـأكد من مشــاعرج اتجاهه
لانه يستغـــل حبــــج لــه بالـتمــــــــــلك
ويطلــق عــليه مســـمى غبـــاء( غبـــــــيه)
لانــه عــرف انــج ما تتحــملين بــعده عـــنج

 

[جوري الصالح]

للأســـــف ما يقــدر
مشـــاعــــــــــــرج

 

[زوجة عزيز]

يمكن كان معصب ومايقصد
بس بشكل عام لا تبينينله انج ماتقدرين تفارقينه
وبكل بساطة قوليله
انا اشاورك بكل شي لانك شريك حياتي
ولانك تعصب اذا ما شاورتك
يعني اتنازل بمزاجي عشان المركب يمشي
والضعيف اللي ياخذ الامور بصراخ وعصبية
وتهديد
لانه ماعنده حجة قوية بس عنده صوت عالي
وحاولي ماتشاورينه بكل شي
اذا اشياء تخصج بروحج لا تقولينله

:rerrerek:

 

[Omhamood]

من ردودج حسيتج مسكينه مو مالت مرادد متوهقه تدربي لا يمسكها علوقه بسس يبي كلشي على ضحك

قوليله يعني مقطع روحك من الذكاء ؟
لا تسوي فيها اينشتاين على راسي
وبعدين قولي اللي يشوفك يقول طبيب و الا محامي والا دكتور جامعه اقصاك وعيبي على وظيفته
وقولي الظاهر انا صج غبيه اللي بلشت روحي بواحد دايخ نفسك
وقعدي فكري بادله على غبائه
وقوليله من كثر ما انت غبي مو قادر تفهم انك غبي
لان غبائك مانعك من الحقيقه

هههههههههه والله العظيم ردها مفحم انسفت. نص الجبهه. فعلا حبيبتي هالاشكال يبلها مرادد لانها شايف عمره حيل

خلج قويه وعلميه مايتمادا .......

 

[ترف بابا]

ههههههه شوفي حبي هذي مومسبة قوية تخليج تزعلين - وقولي الحمدلله!
بس
رب ضارة نافعه - وين قوة المراة اللي في ضعفها ؟ - ووين كيد النسا ؟؟؟؟ لاتخليني احس انج مثل ماقال ؟هههه لا آسفة سوري حبيتي اضحك هههههههه
عمري انتي....
حطي ببالج ان أحسن الريال ما يدري ان مرته داهية - عشان لا يتحفظ ويصير خبيث أو يسوي تصرفات ثانية من وراها ويكون حريص ... عرفتي^- *
وفي شي حلو ترا تقدرين تستغلين هالاحساس اللي فيه انه اذكي منج بالسيطرة عن طريقه أهو
فمثلا كل ما بغيتي شي تشتكين له انج ماتعرفين وماتقدرين وووو... عشان يدق لج الصدر ويتثمر طاقاته العقلية
سواء في البيت أو داخل البيت
يعني باختصار : من مصلحتج انه معتقد إنج غبيه وقطي كلش شي ع رااااااسه .. قال ذكي قال!

 

[modern]

اشغلي نفسك بشي ثاني غيره و لا تتصلين عليه و لا تعطيه الاهتمام الزود
اشتري كتب و اقري اشغلي نفسك بأي شي عنه

 

[امـ خــزامـى]

البنات ماقصروووووووووووا


ترف بابا قالت شي حلووو بس انا بكل شي احرص حرص تااااااااااااااااااااااام على الاحترااام بين الزوجين


خليه ياخذ افكار عني مو فكره بس تأدب وانتقي كلمات تدل على الاحترااام

تغلط اعديها لك مره مرتين وممكن مليون بس بعدها بكرررهك بحياتك

 

[Tom ♥ Jerry]

,


واااااي ينرفز ريلج
كلا بصوب و انه يقولج غبيه بصوب
الكلمه كلش مو حلوة
انا ما احب اقولها حق بنتي !
شلون لو ريلي قالي اياها /:


ترا في فرق بين الغباء و انه ما يكون عندج شخصيه و راي
يمكن اهوة عشان كل مره يمشي كلامه عليج
و شافج ميته عليه على قولتج كل مره انتي الي تروحين له
حتى لو اهوة الغلطان و هاذا خطأ !
جذي آكيد بشوف نفسه ويتكبر عليج !!


خلج قوية صمدي جدامه لآزم يكون لج كيان و شخصيه و راي و كلمه

 

[Little Red]

حبيبتي انا ما بدخل بالموضوع عن كلامه اهو و لا قاعدة اقول انج غلطانة ولا ان اهو غلطان

بس في شغلة مهمة واهي المفروض الوحدة ماتقول حق ريلها هالكلام مثل "ما تتحكم فيني" او "تخسي"!

البنت لما تتزوج زوجها يصير ولي امرها و مايصير تسوي شي اذا اهو مو راضي فيه

بكل شي تستشيره وبكل شي تسمع كلامه لااازم! طبعا الا اذا كان حرام او ضد الشريعة

فحتى لو قال غبية اصلا احسه مو قصده انج غبية صج بس يمكن قصده انه يتحكم فيج و هذا شي عادي.. اذا انتي صج مرتاحة و مو حاسة ان اهوا صاك عليج ولا مانعج من اشياء و متحكم بكل خطوات حياتج عيل ليش تتضايقين اذا قال لج ان اهوا متحكم فيج؟

الكلام ساعات ما يسوى شي جدام الفعل

و انتي تقدرين تبينين له ذكائج مع الوقت و المواقف اللي راح تصير لما تقضون وقت مع بعض راح يحس بهالشي راح يعرف ذكائج عدل فلا تتضايقين من كلمة قالها كلمة مالها معنى

وان شاء الله الله يوفقج بحياتج انا احس ان ريلج يحبج بس يمكن قاعد يستفزج بطريقة او يتغشمر بس هم ما اقدر احكم لاني ما اعرفكم بالواقع

الله يسخركم لبعض ان شاء الله

 

[MinnieMouse]

مشكورين الي ردوا علي


بس عندي تعقيب عالاخت الي فوقي


حبيبتي

انا ماحب حد يقولي انا اتحكم فيج
كل انسان مسؤول عن نفسه حى لو كان هذا زوج ولا اب

مو حلوه ايي حد يقولج انا اتحكم فيج لو منو كان صح ولا ؟؟

بطيعه وبسمع كلامه

بس مايقولي اتحكم فيج وامشيج ع مزاجي

انا ريلي صاك علي بوايد اشيا

مثلا

ماتروحين هالمكان ، واذا رحتي خلاص مابيج
ممنوع اروح اي مكان ممنوع منعا باتا اذا ابي اغير جو

لازم اهو يحصل وقت فاضي عسب يسمحلي

يبيني اطلع وقت ما الناس ماتكون موجوده

مثال الصبح بس ووقت معين علشان محد يشوفني

ليش اهو سجن !!
ماشوف العالم والعالم تشوفني ..

ويبيني اتنقب وحاله وانا ساااااااكته ماقول شي

انا مابي اخرب لي بينا انا اكبر من هالاشيا
بسوانا متحمله وصابره وماقول شي ولا اتشكى


وفوق هذا يقولي غبيه واتحكم فيج هذا لاني اطيعك وماسوي شي بدون رضاك صرت غبيه وتتحكم فيني ؟

واهو يطلع عادي ترا ... !


الله كريم

 

[MinnieMouse]

ههههههه شوفي حبي هذي مومسبة قوية تخليج تزعلين - وقولي الحمدلله!
بس
رب ضارة نافعه - وين قوة المراة اللي في ضعفها ؟ - ووين كيد النسا ؟؟؟؟ لاتخليني احس انج مثل ماقال ؟هههه لا آسفة سوري حبيتي اضحك هههههههه
عمري انتي....
حطي ببالج ان أحسن الريال ما يدري ان مرته داهية - عشان لا يتحفظ ويصير خبيث أو يسوي تصرفات ثانية من وراها ويكون حريص ... عرفتي^- *
وفي شي حلو ترا تقدرين تستغلين هالاحساس اللي فيه انه اذكي منج بالسيطرة عن طريقه أهو
فمثلا كل ما بغيتي شي تشتكين له انج ماتعرفين وماتقدرين وووو... عشان يدق لج الصدر ويتثمر طاقاته العقلية
سواء في البيت أو داخل البيت
يعني باختصار : من مصلحتج انه معتقد إنج غبيه وقطي كلش شي ع رااااااسه .. قال ذكي قال!

والله حبيبتي هالاشيا كلها استخدمها وقت ما احس انها نافعه
اما اني استخدمها طول الوقت ليش ؟
ليش امشي حياتي بهالاشيا

انا مو مثله ابي افرض الاشيا عالناس بدون رضاهم
لا انا ابيه يسوي شي برضاه ولو ماقتنع براحته

اما اهو رضيت ولا مارضيت لازم اسويه
واذا ماسويته كل واحد فحال سبيله يروح

والله يالغاليه انا بعد ما اتكبر عليه اني انا احسن منه
انا احسن منه فكل شي بس والله ما ابينله هالشي
انا اسكت واتحمل كلامه وابلعه عسب حياتنا تمشي طبيعيه ابدا ما احب المشاكل


وبالعكس لو اني انا اعرف واعرف احسن عنه ولو سويت الي ببالي بينجح اكثر من الكلام الي بيقوله لي اهو واحسن من الحل الي بيعطيني اياه
مثلا لو واجهتني مشكله احب اتناقش معاه فيها واقوله ماعرف اتصرف وشلون و و و و ..... ابي مجرد اني اخذ رايه بس وانا اعرف شنو اسوي وكيف اتصرف واحسن منه
لكن اخذ رايه عشان احسسه انه اهو مهم واني بدونه ماقدر اتصرف عرفتي وانه اهو الي لازم ومسؤول انه يساعدني وقت ما احتاج ؟؟

كنت دايما احسسه انه اهو الملك الي فاهم والي عارف واني ماعرف اتصرف اذا اهو ماشار علي ولازم يعطيني من حلوله الفتاكه الي ماتنفعني بشي -_-"

فعشان جذي احس انه اهو يتحراني غبيه الحين مثله -_-"