السلام عليكم حبايبي
اليوم ابيكم تفكرون معاي ولكم الاجر بإذن الله
انا اخوي حبيبي توفى بحادث بتاريخ 18 / 8 / 2012 يعني ماصارله سنة والوقت الي توفى فيه كان آخر يوم برمضان بليلة العيد وحزتها لمن سوا الحادث كنا ماندري انا واختي كنا بالصالون نتنقش ونتزين للعيد وامي كانت تستعد بالبيت للعيد وكلنا كنا لاهين ليما تفاجأنا بخبر وفاته الساعه 11 بليل وحزتها كان جهازي مسكر مافيه شحن لاني طول اليوم بالصالون وامي مسكينة مرة عودة ماعندها موبايل فمادرينا الا متأخر واهوا كان متوفي الساعه 39.7 تفطر بالشاليه مع اهلنا وحدر بسلم على امي عشان على قولته ان ماراح يشوفها بالعيد لانه راح يكون بالشاليه وسوا حادث واخر وحدة كلمها امي دق عليها من تليفونه على تليفون البيت وقالها انا تفطرت مرقوق وشربت جاي وبحدر اسلم عليج امي قالتله شييبك بهالطريج قالها لا بيي اسلم وتوفى انا حزتها ما استوعبت لان انا اول وحدة دريت لمن فتحت جهازي والكل كان خايف يقول حق امي من اهلنا فالكل كان يدوروني وناطريني افتح جهازي يبوني انا الي انقل الخبر لامي محد كان يتجرأ يقولها وانا للامانة اول مرة انقل خبر وفاة ووفاة منو اخوووي حبيبي الي قطعة مني حزتها ما بجيت لمن دريت ولا صرخت كنت متفاجأة عبالي حلم وسكرت التليفون وخذي نفس عميق وماقلت لامي الا بتمهيدات واااايد قلتلها اول شي يما اخوي نايف مسوي حادث وبالمستشفى قالتالي امشي نروحله قلتلها يالله وانا حزتها مصدقة جذبتي ماكنت مستوعبة وطول الطريج اذكر الله ومادري وين رايحة ولا اييني تليفون من اهلي قالولي قلتيلها قلت شتخربطون يالله باي حزتها ماكان في استيعاب بس امشي بالطريج ومادري وين رايحة وامي تقولي تدلين المستشفى اقولها مادري كانا رايحين ولا يدقون علي مرة ثانية واصرخوا بأذوني خلاااااااااااص نايف مات قوليلها احنا مو عارفين نقولها قوليلها اهني سكرت التليفون بوييههم وصفطت على جنب بالشارع ولميت امي وقلتلها قولي لا اله الا الله قالتلي شفيه اخوج قلتلها اول قولي لا اله الا الله قالتلي شفيه مات قلتلها ايي قبل كل شي قولي لا اله الا الله جان تقول لا اله الا الله وقعدت تبجي وانا ساكتة مو راضية تنزل دمعتي ولا تقولي وديني بيت خالتج مابي اروح البيت قلتلها اوك ولمن وصلنا اول مادشي قعدت ارجع وانتو بكرامة بالحوش وامي دخلت على خالتي وقامو يبجون وكان اول يوم عزا اول يوم العيد وما انزلت دمعتي على اخوي الا لمن دشوا علينا خوالي واعيال خالتي واعيال خالي العصر على امي ودشاديشهم مغبرة وقالولنا تونا دفنا نايف اهني قمت ابجي حيييييل اهني بس استوعبت ان اخوي راح وماراح اشوفه الا بالجنة اهني استوعبت ان اخوي الي قضيت طفولتي معاه مات وصار تحت التراب وانتهت حياته والحمدلله على كل حال
المشكله بأمي
امي الحمدلله مرة كبيرة ومصلية ومسمية وملتزمة والحمدلله احنا كلنا ملتزمين وتربينا عالالتزام والحمدلله مؤمنين بقضاء الله وقدره وصابرين بس المشكلة ان امي مو قادرة تنساه وانا ادري انها ماراح تنساه وللامانة انا ماتمر ثانية الا واهوا في بالي حبيبي واحس بغصة بقلبي بس اقول الملتقى بالجنة ان شاءالله
بقولكم المشكلة بس اتمنى انكم ماتفسرونها ان احنا مو راضين على حكمة الله
امي من شهر يتني وقالتلي انها تبي تروح مكة بنفس الفترة الي اخوي توفى فيها يعني تبي تروح اخر يوم برمضان وتقعد يومين من العيد اهناك على قولتها مابي اذكر هاليوم واحداثه وانها تبي تلهى بلوية الحرم والناس بدال ماتكون قاعدة بالصاله ولا بغرفتها وتتذكر يعني الي فهمته منها انها تبي تقضي هاليوم بلوية الحرم عشان يخفف عنها ولاتلومونها ولدها البجر ، انا اهني كسرت قلبي وقلتلها تم ولا يهمج وفعلا رحت ادور بالسفريات ان احنا نحجز بهالفترة لمكة لكن للاسف السعودية مطلعه قرار ان الي بروح بالعشر الاواخر لازم يحجز باكيج كامل لعشر ليالي كاااامله والاسعار صلخ واحنا حاطين ابالنا بس اخر ليله من رمضان ونشبكها بالعيد ونرد على قد فلوسنا بس للاسف مايصير
حاليا ابيكم تساعدوني شلون اخلي امي تلهى واحسسها بلوية خاصة باأخر يوم من رمضان يوم وفاة اخوي فكرت اروح شاليه بس امي كرهت هالطريج لان اخوي توفى بهالطريج فكرت اروح فندق عالبحر بس امي ماتحب جذي اعرفها خاصة انها مرة عودة وين انوقل فيها بالفنادق تكفون شورو علي حيييل شايله همها وربي من اشوفها تبجي ابجي معاها لبجيتها ما اتحمل اشوفها مضايقة والحممدلله احنا مؤمنين بالله بس الشوق لاخوي والحزن على فراقه مو بيدنا ولا قلوبنا بييدنا بليييز الي عندها فكرة حلوة تخليني الهي امي بهاليوم تقول ولها الاجر ان شاءالله وخل تحتسبها ادخل سرور على قلب مسلم او تفريج كربة وجزاكم الله خير
اليوم ابيكم تفكرون معاي ولكم الاجر بإذن الله
انا اخوي حبيبي توفى بحادث بتاريخ 18 / 8 / 2012 يعني ماصارله سنة والوقت الي توفى فيه كان آخر يوم برمضان بليلة العيد وحزتها لمن سوا الحادث كنا ماندري انا واختي كنا بالصالون نتنقش ونتزين للعيد وامي كانت تستعد بالبيت للعيد وكلنا كنا لاهين ليما تفاجأنا بخبر وفاته الساعه 11 بليل وحزتها كان جهازي مسكر مافيه شحن لاني طول اليوم بالصالون وامي مسكينة مرة عودة ماعندها موبايل فمادرينا الا متأخر واهوا كان متوفي الساعه 39.7 تفطر بالشاليه مع اهلنا وحدر بسلم على امي عشان على قولته ان ماراح يشوفها بالعيد لانه راح يكون بالشاليه وسوا حادث واخر وحدة كلمها امي دق عليها من تليفونه على تليفون البيت وقالها انا تفطرت مرقوق وشربت جاي وبحدر اسلم عليج امي قالتله شييبك بهالطريج قالها لا بيي اسلم وتوفى انا حزتها ما استوعبت لان انا اول وحدة دريت لمن فتحت جهازي والكل كان خايف يقول حق امي من اهلنا فالكل كان يدوروني وناطريني افتح جهازي يبوني انا الي انقل الخبر لامي محد كان يتجرأ يقولها وانا للامانة اول مرة انقل خبر وفاة ووفاة منو اخوووي حبيبي الي قطعة مني حزتها ما بجيت لمن دريت ولا صرخت كنت متفاجأة عبالي حلم وسكرت التليفون وخذي نفس عميق وماقلت لامي الا بتمهيدات واااايد قلتلها اول شي يما اخوي نايف مسوي حادث وبالمستشفى قالتالي امشي نروحله قلتلها يالله وانا حزتها مصدقة جذبتي ماكنت مستوعبة وطول الطريج اذكر الله ومادري وين رايحة ولا اييني تليفون من اهلي قالولي قلتيلها قلت شتخربطون يالله باي حزتها ماكان في استيعاب بس امشي بالطريج ومادري وين رايحة وامي تقولي تدلين المستشفى اقولها مادري كانا رايحين ولا يدقون علي مرة ثانية واصرخوا بأذوني خلاااااااااااص نايف مات قوليلها احنا مو عارفين نقولها قوليلها اهني سكرت التليفون بوييههم وصفطت على جنب بالشارع ولميت امي وقلتلها قولي لا اله الا الله قالتلي شفيه اخوج قلتلها اول قولي لا اله الا الله قالتلي شفيه مات قلتلها ايي قبل كل شي قولي لا اله الا الله جان تقول لا اله الا الله وقعدت تبجي وانا ساكتة مو راضية تنزل دمعتي ولا تقولي وديني بيت خالتج مابي اروح البيت قلتلها اوك ولمن وصلنا اول مادشي قعدت ارجع وانتو بكرامة بالحوش وامي دخلت على خالتي وقامو يبجون وكان اول يوم عزا اول يوم العيد وما انزلت دمعتي على اخوي الا لمن دشوا علينا خوالي واعيال خالتي واعيال خالي العصر على امي ودشاديشهم مغبرة وقالولنا تونا دفنا نايف اهني قمت ابجي حيييييل اهني بس استوعبت ان اخوي راح وماراح اشوفه الا بالجنة اهني استوعبت ان اخوي الي قضيت طفولتي معاه مات وصار تحت التراب وانتهت حياته والحمدلله على كل حال
المشكله بأمي
امي الحمدلله مرة كبيرة ومصلية ومسمية وملتزمة والحمدلله احنا كلنا ملتزمين وتربينا عالالتزام والحمدلله مؤمنين بقضاء الله وقدره وصابرين بس المشكلة ان امي مو قادرة تنساه وانا ادري انها ماراح تنساه وللامانة انا ماتمر ثانية الا واهوا في بالي حبيبي واحس بغصة بقلبي بس اقول الملتقى بالجنة ان شاءالله
بقولكم المشكلة بس اتمنى انكم ماتفسرونها ان احنا مو راضين على حكمة الله
امي من شهر يتني وقالتلي انها تبي تروح مكة بنفس الفترة الي اخوي توفى فيها يعني تبي تروح اخر يوم برمضان وتقعد يومين من العيد اهناك على قولتها مابي اذكر هاليوم واحداثه وانها تبي تلهى بلوية الحرم والناس بدال ماتكون قاعدة بالصاله ولا بغرفتها وتتذكر يعني الي فهمته منها انها تبي تقضي هاليوم بلوية الحرم عشان يخفف عنها ولاتلومونها ولدها البجر ، انا اهني كسرت قلبي وقلتلها تم ولا يهمج وفعلا رحت ادور بالسفريات ان احنا نحجز بهالفترة لمكة لكن للاسف السعودية مطلعه قرار ان الي بروح بالعشر الاواخر لازم يحجز باكيج كامل لعشر ليالي كاااامله والاسعار صلخ واحنا حاطين ابالنا بس اخر ليله من رمضان ونشبكها بالعيد ونرد على قد فلوسنا بس للاسف مايصير
حاليا ابيكم تساعدوني شلون اخلي امي تلهى واحسسها بلوية خاصة باأخر يوم من رمضان يوم وفاة اخوي فكرت اروح شاليه بس امي كرهت هالطريج لان اخوي توفى بهالطريج فكرت اروح فندق عالبحر بس امي ماتحب جذي اعرفها خاصة انها مرة عودة وين انوقل فيها بالفنادق تكفون شورو علي حيييل شايله همها وربي من اشوفها تبجي ابجي معاها لبجيتها ما اتحمل اشوفها مضايقة والحممدلله احنا مؤمنين بالله بس الشوق لاخوي والحزن على فراقه مو بيدنا ولا قلوبنا بييدنا بليييز الي عندها فكرة حلوة تخليني الهي امي بهاليوم تقول ولها الاجر ان شاءالله وخل تحتسبها ادخل سرور على قلب مسلم او تفريج كربة وجزاكم الله خير
