بنات الله يوفقكم ممكن تردون :eh_s(22):
نفس ماقالولج شوفي شنو الاشياء الي بتسوينها انتي
اذا العرس عليكم ابدي فيه اول (القاعه - الكوشه - العشا - التقديم .. الخ)
واذا ماعندج ميزانيه اجري مو شرط تشترين النفنوف و حجزي الصالون
سوي ليزر - اهتمي باسنانج - بشرتج ... الخ
بعدين شوفي الاغراض الي عندج بالبيت
الملابس مو شرط كل شي يديد اذا عندج قديم مو مستعمل او لابسته مره او مرتين لبسيه عند اهل زوجج بكونون مو شايفينه عليج بجذي بتوفرين وايد من المهر اذا جهازج بس من المهر
الجناط الماركات اذا عندج شي قديم وكلاسيك هم لبسيه عندهم
مثل جناط شانيل و لوي فيتون وغيرهم في موديلات ثابته فعادي لو تلبسينها
ملابس النوم لا تكثرين اخذي احتياجج لشهر مثلا وملابس اول ليله وبعد الزواج اشتري لان للحين ماتعرفين ذوق زوجج ووايد ناس ما استفادوا من الي اشتروه
واشتري اشياء اساسيه لاتاخذين شغلات مو متأكده اذا بتعجبه او لا فاهمه علي
ميك اب لا تشترين كل شي شوفي احتياجج وهم اشتري منتجات رخيصه بس جودتها مثل الماركات عندج الماركات الموجوده في سنتر بويت و بوتس ممتازه وسعرها مناسب
مثلا اذا ماتعرفين تحطين ميك اب لا تاخذين الباليت الكبير مال الشادو
اخذي الوان اساسيه
نفس الشي للبلاشر اخذي الوان اساسيه
وردي
مشمشي
طبيعي
ولتحديد الوي
برونز
وهايلايت
المانكير اخذي مثلا احمر - بيج - وردي
لا تاخذين اصفر - اخضر ادري اسعارهم رخيصه بس بعد الزواج اخذيه
العطور لا تاخذين اكثر من 4
اثنين فرنسي و اثنين عربي
لوشنات الجسم اخذي مثلا نوعين بريحه واخذي نوع من السوبرماركت العادي بدون ريحه
ولا تاخذين كولكشن كامل مثلا انا من وجهه نظري اشوف الشاور جيل ماله لزمه اصلا مايعطر الجسم
البخور اخذي نوعين واحد للبيت وواحد للمناسبات ولا تاخذين وايد اخذي قطعه متوسطه وكسريها قطع صغيره
وسالفه الذهب مادري اذا انتوا نوعكم تلبسون ذهب اشتري ذهب مادري لان احنا مانشتري ذهب ولا نلبس ذهب ما نحبه بس نلبسه اليهال
او نفس ماقالوا طقم واحد
اخذي اكسسوارات ناعمه تلبسينها بالبيت
مثل هذي لا تلبسين اكثر من جذي
فضي او ذهبي مع تراجيهم
هذول يكونون دايما عليج ومو شرط الماس في زركون وشكلهم حلو
او نفس هذا
وحاولي كثر ماتقدرين تسوين لسته حطي كل شي فيها واختاري المهم وبعد الاقل اهميه ودايما كوني ذكيه في اختياراتج مو شرط كل شي غالي معناته ان اهوا زين ومو شرط الزكشه الزايده معناتها سنع و كشخه
لان في اشياء لذتها في وقتها بس وعقب كل شي باح وبتحسفين عليها
شوفي احتياجج انتي ولا تقارنين نفسج بالناس
واي استفسار لايردج الا لسانج
والله يوفقج :eh_s(17)::eh_s(17):
