شويه استفسارات عن شهر العسسل :$

[Gorgeous ~]

السلآم عليكم والرحمه

بنات انا راح اسافر شهر العسل بعد العرس بيوم ولمدة 3 أسابيع تقريبا
الحين جد ضايعه ما اعرف شو اودي معاي بالجنطه وشو اخلي

بالبدايه انا مفكره اأجل ليله الدخله *سوري ع الجرأه* لين مانسافر ونستقر شرآيكم لأني جد خاييفه والموضوع حيل شاغل بآلي

وهل اودي معاي 25 قميص نوم و25 لبسه و25 طقم اندر وير بحيث انه كل يوم البس شكل
ولا شو اسوي حدي ضايعه وماادري

اي وبعد استفسار المكان اللي راح نروحله راح يكون جناح وفيه غرفه غسيل
تتوقعون اغسل ثيابي وثياب زوجي ؟ واكوي ؟ ولآ اخليه يوديهم اللاندري بحكم اني عروس

وهم اب استفسر بالنسبه للميك آب , ريلي يقول كلش مايحب المكياج
اتخيلو يوم بس احط بلشر ومسكارا وقلوس يقولي خلج دووم جذي تهقون صدق ولآ بس كلام
لآن الريايل يوم يشوفون وحده حاطه فل ميك أب يتخبلون صح ولآ ؟

اخر استفسسار لول متى البس قمصان النوم ؟ يعني الحين الصبح مثلن اكون لآبس فستان بسييط ناعم والظهر طبعا راح نطلع
وبلبس لجينز وهالسوالف ولما نرجع العصر مثلآ شو البس ؟ واكيد راح نطلع نتعشى ويوم ارجع البس قمصان النوم صح ؟


ويآليت تفيدونا بشهر العسل ونصآيحه
ويعطيكم الف عافيه :eh_s(7):

 

[Canon~]

الاسئله كثيره ههههههههه

بس تستاهلين نجاوب عليها


لا ليلة الدخله خليها من اول يوم وافتكي صدقيني يطيح ههههههم وماتحاتين بالطياره واصلا مارح يرضى يأجل ههههههه


بالنسبه للملابس اي كثري وتكشخي دامه كل يوم لبس وكثري الاند وير نصيييحه


لا لاتغلسين الا اللي جد تحسين يبيه غسيل واصلا مارح يجي لكم وقت تغسلين وتكوين


بالنسبه للميك اب جد الرجال يحبون الميك اب الناعم حطي كحل وماسكارا وبلشر وقلوس بيكون مكيتج ناعم وجميل ورح يعجبه


وشنو رح تلبسين العصر اتوقع العصر مارح تكونون بالفندق الاغلب طالعين واذا كنتو موجوديين برموا جنز وتوب ناعم او تنوره قصيره وبدي يعني شي ناعم وذرب


اي بالليل لبسي قمصان نوم بس بالبدايه مو قصيره كثير ومفتحه لا تدرجي شوي شوي


وبسسس


اي استفسار احنا حاضرين


ولا تنسينا من دعواتك

 

[آسآس الغلآ]

ماار اح احاوب الا ع سؤال واحد لان الاخت كانون كفت ووفت جزاها الله خير.. بخصوص ليلة الدخله لا تأجلين لآ تأجلين نصيحة مني اخذيها بتظلين تحاتين وما تستانسين اقولج افتكي من ليلة الدخله وكل شي سبحان الله بيتسهل لا تحاتييين واستانسي
الله يوفقج ويهنيج​

 

[<miss botamba>]

السلآم عليكم والرحمه

بنات انا راح اسافر شهر العسل بعد العرس بيوم ولمدة 3 أسابيع تقريبا
الحين جد ضايعه ما اعرف شو اودي معاي بالجنطه وشو اخلي

بالبدايه انا مفكره اأجل ليله الدخله *سوري ع الجرأه* لين مانسافر ونستقر شرآيكم لأني جد خاييفه والموضوع حيل شاغل بآلي


الموضوع هذا خلج صريحه معاه وناقشيه فيه قوليله انا الموضوع موترني وحابه يكون لمن نسافر وشوفي وجهه نظره بالموضوع وخلج معاه كتاب مفتوح وبدون قيود

وهل اودي معاي 25 قميص نوم و25 لبسه و25 طقم اندر وير بحيث انه كل يوم البس شكل
ولا شو اسوي حدي ضايعه وماادري

مادري الاعداد انا اشوفها اوفر مو شرط كلهم قمصان خلي شي بجامات التنويع حلو فهمتي علي خلج مره كيوت ومره مو كيوت ههههه و 25 لبس هم اوفر خليهم مثلا 20 او 15 وكرري عادي واكيد بتشترين من هناك ومثلا مو شرط 25 بنطلون لا ودي مثلا الوان اساسيه وصيري شاطره بالتنسيق

اي وبعد استفسار المكان اللي راح نروحله راح يكون جناح وفيه غرفه غسيل
تتوقعون اغسل ثيابي وثياب زوجي ؟ واكوي ؟ ولآ اخليه يوديهم اللاندري بحكم اني عروس

ملابس الداخليه غسليها بروحج بس الملابس العاديه لا لاندري

وهم اب استفسر بالنسبه للميك آب , ريلي يقول كلش مايحب المكياج
اتخيلو يوم بس احط بلشر ومسكارا وقلوس يقولي خلج دووم جذي تهقون صدق ولآ بس كلام
لآن الريايل يوم يشوفون وحده حاطه فل ميك أب يتخبلون صح ولآ ؟

مو شرط الرياييل يحبون الميك اب الاوفر دام اهوا طلب ناعم خلج عالناعم وبالعكس انا الي اسمعه و اشوفه من الرياييل يتطنزون على الي تحط فل ميك اب ويموتون على ميغان فوكس مع ان اوقات اشوفها جيكره

اخر استفسسار لول متى البس قمصان النوم ؟ يعني الحين الصبح مثلن اكون لآبس فستان بسييط ناعم والظهر طبعا راح نطلع
وبلبس لجينز وهالسوالف ولما نرجع العصر مثلآ شو البس ؟ واكيد راح نطلع نتعشى ويوم ارجع البس قمصان النوم صح ؟


على قولتهم قميص النوم لنوم افضل يكون حق الليل بس واتوقع انتوا طول اليوم بتكونون بره وحتى اذا رجعتوا تريحون لبسي بجامات ناعمه الحرير افضل من قميص نوم

ويآليت تفيدونا بشهر العسل ونصآيحه
ويعطيكم الف عافيه :eh_s(7):

وهذول ستايلات للقطع المكرره بس بستايلات غير

نفس الجاكيت

 

[M!SS.LOBY]

مووووفقة يارب

 

[''chOcoLate]

بالتوفيييييييييق

 

[Gorgeous ~]

يعطيييييكم الف عافيه حبايب قلبي
والله ماقصرتو ..

 

[مذهلة2013]

شوفي حبيبتي انا البس العصر بدلات او شورتات قصار وجذي وبالليل القمصان الحلوه والدانتيل وهالشغلات
انا ليله دخلتي هههههههه صارت على 3 ايام لانه صعبه بيوم واحد والله حيل صعبه انا ماابي اخوفج والله بس سبحان الله عوار وبسرعه يخلص والحمدلله ماصار فيني نزيف قوي وسوري على هالكلمه بس حبيت اعرض تجربتي ولاتحاتين حبيبتي ربي يسهلها ان شاءالله ,,,, لا تغسلين هدوم حبيبتي انتو بسفر مايصلح كللللش واصلا بيكون كله طلعات ماتقعدون بالفندق الا النومه ,, اما المكياج
ريلي نفس ريلج مايحب المكياج بس احط خفيف حييييييييييييل يقولي احلى بعد معظم الرياييل مايحبون المكياج

ربي يوفقج حبيبتي

 

[وردة الاشواق]

انا هني اقرى .. موضوع مهم

 

[ندمانة]

مو متزوجه بس الله يوفقج يارب

 

[غآب نورك ~]

نصيحتي لا تأجلين هالخوف طبيعي وصدقيني اذا انتي متعوده على ريلــج بيمشي الموضوع
لا تأجلين

خلي الأمور تعدي على طبيعتها وبقولج شغله مو كل البنات نفس الشي كل وحده تختلف ولا تتوتررين كلش كلش خلج ريلكس التوتر يخرب كل شي

في بنات مايحسون بشي سوري عالجرآءة..


بنسبة للملابس انتي عروس وشي طبيعي لازم كل يوم شكل واستايل غيرر خاصة انج بتقعدين 25 يوم يعني يعتبر شهرررر .. خذذي قصير وطويل واشكال والوان ولا تكررين بالموديلات خلج عرروس بعين زوجج

بالنسبة للبدلات انا نصيحتي تاخذين لج الاساسيات مثلا جم بنطلون 3 تقريبا الوان اسساسيه وترككبين عليهم القمصااااان يعني خلي الحركات فالقمصان واكيد مجهزه لبس قصير وهالحركات وممكن فساتين اللي يونج ماكسي بس برحكات وايد حلوه

تلبسينهم جدام ريلج فالفندق


لاتنسين عدة الحمام حطيها بشنطة صغنونة ودخليها معاج الحمام وانا افضل انج تخلينها ع طول فالحمام
وبالنسبة للمكياج حطي شي خفيفف حده ولا تاخذين كل الميك اب بس الاساسيات ونوعي بالروجات


وبالنسبة للاندرويرر كثري منهم لانه احس ماراح تقدرين تغسلينهم ماراح تفضين ولا حد يغلسهم لج بما انهم لبس خاص
سهالات ان شاء الله والله يوفقج

 

[جوري الصالح]

أأأب

 

[أم*سلمان]

بالتوفيق

 

[saroooonh2]

بصراحه موضوووع مهمممم حيل . بلشه شهر العسل مادري شنو اخذ معاي وخايفه تنقص الهدوم وارجع اكررها .عاد انا طبيعتي وبحياتي ما اكرر لبسي >_<

 

[Gorgeous ~]

يعطيكم الف الف عافيه حبيباتي
حيل استفدت

 

[كلي انوثه]

Up up

 

[لولو الكويت 88]

حطيت نفسي بمكانج
واول شي فكرت فيه الكمية لو كل يوم بدله يعني جم جنطه بشيل !!!

برايي اخذي اندرويرات درزنين اوكي بس غسلي مافيها شي عالسريع لو بالحمام وعلقيهم بس مو يشوفهم معلقين لووووووول

البديات مو معقوله بتاخذين 25 !! اخذي الالوان الاساسيه وغسليهم بالليل قبل لا تنامين وعلقيهم لما ينشفون

جينز واحد غامج بنطلون اسود وواحد بيج

وقمصان الوان فاتحه وقمصان غامجه اسود وكحلي ومعاهم سكاارفات للتنويع يوم تلبسينه بروحه ويوم مع سكارف لون ويوم سكارف لون ثاني فمثلا لو عندج 5 قمصان بتسوين منهم عالاقل بدلات حق 15 يوم

يعني عشان ارتب كل الافكار واعطيج مثال لو انا بروح حق دوله جوها معتدل
5 قمصان ساده ابيض اسود كحلي بيج اوف وايت
3 سكارفات الخفيفه مو ملوت الشتا
جاكيتين لو كان برد
بالطو طويل ذرب وحلو لونه احمر ?
5 قمصان كشخه حق طلعات بالليل او المطاعم
3 بنطلونات اسود وكحلي وجينز
ملافع انا البس قطن فباخذ مثلا 3 بالوان ترابيه يصلحون مع كل شي
جواتي ماتكثرين لان احتمال تشترين من هناك ،، جوتي رياضه بس شيك سلفر ،، فلات ذرب للتشي الخفيف اسود بسسس
اكسسوارات ،، انا البس بس اساور فباخذ بلونين واحد ذهبي وواحد فضي بسسس

بالنسبه للفندق
اول ماتقعدين اكيد بتلبسين هدوم الطلعه
لوو دريتو العصر بتقعدون ساعتين بعدين تطلعون ماله داعي تفصخين خليج على هدومج فصخي الحجاب والجاكيت خليج على جينز والبلوزه بس فلي شعرج وزيدي الحمرا وتطلعين كوول :**

لما تردين بالليل
اخذي معاج اطقم قميص مع الروب
5 طويل
5 قصير
5 بنطرون مع بلوزته الحرير
وكرري عادي !!

وبجذي جنطه حجم وسط اعتقد بتكفيج :>