عضوات. فقدناهم بقسم الزوجيه

[Rooz Aziz]

ماعرف احد

 

[كويتية بروما]

زوجه عزيز

وينها بنات مبين مكانها واااااايد

 

[نـعـومـه]

ام شووووق صح اذكرها وايد كانت ترد حتى كانت ترد وايد على موضوع الاسئله الزوجيه وعقب اختفت


اشتياق ومي من زمان اختفو

دره اهل الطولات ماذكر ردودها بس ماره علي

أميره1980 وايد كنت اندمج معاها صارلها حدود شهر مابينت

ام سعود ديكسون اشوفلها ردود هم اختفت

فوفو22 كل موضوع اشوفلها رد الحين غطت

واااايد بنات


اتوقع سبب هبه او من الانستغرام له دور كبييييير

 

[ظبية بوظبي]

فوفو مختفيه
لمى الهاجري
ام سعود ديكسون

وبعد في بنت اظن نكها (ترانيم القصيم ) بنت روووعه وعاقلة رغم صغر سنها بس كاتبه في توقيعها انها ما بتدخل المنتدى
خساره معنها مكسب للمنتدى ومعرفتها فخر

 

[ظبية بوظبي]

فطوم84

 

[معي احلى]

الله يذكرهن جميعا بكل خير

 

[قاهره عذالي]

^
^
^
^

يا بنات إذا ماني غلطانة
العضوة أحلى سماء
قريت لها مرة انها غيرت من أحلى سماء إلى تعب السنين
بسبب مشاكل زوجية وعائلية
وبعدين غيرت إلى قاهرة عذالي
ويا ليت تقرى هالموضوع وترد علينا
​

صحيح

انا احلى سماء كنت

ايام البرائه ولما كنت اشوف الدنيا ورديه

وعقب من كثر التعب والانهيار اخترت اكون تعب السنين

وحاليا صرت قاهره عذالي

وان شاء الله دوم اكون قاهرتهم

الدنيا تبي اللي يكون قوي

اكره شخصيتي القديمه

انا الحين صرت قويه وتعلمت الضربه اللي ما تكسرك تقويك

كبرت بعد :eh_s(22):

ما شاء الله عليكم للحين تذكروني :eh_s(7):

 

[قاهره عذالي]

ام شووووق صح اذكرها وايد كانت ترد حتى كانت ترد وايد على موضوع الاسئله الزوجيه وعقب اختفت


اشتياق ومي من زمان اختفو

دره اهل الطولات ماذكر ردودها بس ماره علي

أميره1980 وايد كنت اندمج معاها صارلها حدود شهر مابينت

ام سعود ديكسون اشوفلها ردود هم اختفت

فوفو22 كل موضوع اشوفلها رد الحين غطت

واااايد بنات


اتوقع سبب هبه او من الانستغرام له دور كبييييير

يا حلو ايام اشتياق ..

درة اهل الطولات دايم تطري ببالي وادعي لها بالخير

فعلا عضوه وانسانه مميزة :eh_s(7):

 

[نـعـومـه]

قاهره عذالي


انا بعد كتت اعرف احلى اسماء عددددددددل وكنت اتمنى انها تصير قويه والحمدالله صرتي قويه وان شاءالله حياتج تصير احلى واحلى والله يعوضج يااارب

 

[شادن33]

ياحليلج يا قاهرة عذالي يعني انتي أحلى سما الفقيره الصراااااحه فرق بالاسلوب !!!

ماشالله عليج صرت قويه باين من مشاركاتج

أحلى سما كنت أقرى مواضيعها وكانت تكسر خاطرررري من صج بريئه وساذجه وكنت احتررر عشانها بس كنت للأسف مؤ مسجله بالمنتدى متابعه

 

[قاهره عذالي]

ياحليلج يا قاهرة عذالي يعني انتي أحلى سما الفقيره الصراااااحه فرق بالاسلوب !!!

ماشالله عليج صرت قويه باين من مشاركاتج

أحلى سما كنت أقرى مواضيعها وكانت تكسر خاطرررري من صج بريئه وساذجه وكنت احتررر عشانها بس كنت للأسف مؤ مسجله بالمنتدى متابعه

ابدا ما كنت ساذجه وهالكلمه ما تنطبق علي ابدا

ساذجه كلمه مو حلوه يعني مثل خبله

وانا ما اتقبل منج هالكلمه

ومو غريبه على الناس ممكن يقولون هالكلمه لان محد يحس بالنار الا واطيها ومحد يعرف وضعه عدل اكثر من صاحب المشكله

كنت غلطانه صراحه اشكي لكم يا كويتيات

لان بذاك الوقت الاسلوب كان مو شي يعني اي وحده تكتب مشكلتها ومنهاره وتعبانه يمكن محتاجه احد يواسيها تكونون قاسين وتطنزون

سبحان ربي كل وحده تشمت فيني والله ماهي بخير

هذا هم اللي تشمتوا بطلاقي صاروا مطلقات ويشكون لي
وانا قبل كنت اشكي لهم يضحكون علي ويتطنزون وراح الله ابتلاهم

انا ابتليت بناس مو طبيعيه من زوج واهله وعشيرته بعد

وامي واللي حولي من حريم يقربون لي من خوات من بنات خالات وخالات

يقولون اصبري وخلوني اصبر صبر الحمير تكرمين خلوني حمارة صبر

اذا سكتي بيصير زين

وجربت السكات نفس ما قالوا وتمادى علي حييييييييل هو واهله هم ناس مو كفو الطيبه والساكته

انا لما تزوجت كنت صغيره واكبر وحده بالبيت

وجيل امي يختلف عني

وجماعتنا اصلا الساكته والطيبه يقدرونها

اما اهل طليقي مو طبيعين

وولدهم قلابي وما ينعرف له وحتى بعد طلاقي اكتشفت شغلات مو حلوه عنه فسرت لي اشياء كان يسويها فيني ومعامله مو طبيعيه مو معاملة واحد صاحي وفي شغلات اكتشفتها ومتاكده منها والله ما يدرون ولا احد يدري اني كشفتها بس ساعدتني اتخذ قرار الطلاق وندمت اني ما نحشت من زمان من ثاني شهر لما شفته مو زين

كنت كل يوم اكتشف صدمه وجت فتره صارت الصدمات ورا بعض مرضتني وهدت حيلي

كنت وحده بس ابي العيشه ومو مفكره بطلاق

بس عرفت انه الصبر اكبر غلط

واللي مو زين من البدايه يظل على طول مو زين مافيه طب

اكبر غلطه اني ضغطت على اعصابي سنتين وانا متحملته

ليمه لقيت العمر يمشي وصرت اذبل يوم بعد يوم والحزن رجعني ورا حتى لقمتي ما كنت اتلذذ فيها

لحد ما جا الانفجار اللي قلبني من انسانه اخاف الطلاق والمصير اللي بعد الطلاق وحاسبه حساب كلام الناس

الى انسانه ما يهمني غير نفسي
لان الناس كلن مسكر بابه ومحد درى عني ولا حاس فيني
اهم شي نفسي ولازم احب نفسي وتغيرت
وكان لازم اتغير لان تعلمت من كل شي صارلي وفهمت الدنيا عدل
سبحان الله الابتلاءات تسوي فلتره لكثير شغلات بحياة الانسان
يبين الصديق من العدو
تعطي الانسان خبره
عشان يتعدى هالمحنه لازم يواجهه ويتقبل اللي صار ويفكر بقدام ما يحصر نفسه بالصدمات ويكرس فكره بس بالحزن ويخلى فكره مشوش

كانوا اهلي مو واقفين معاي
كنت احتاج احد يطيب خاطري لو بكلمه
ترا مو كل شي كان متعبني قلته بالمنتدى
والحين الحمدلله

انتهت قصتي

وما عاد يهمني شي
وعرفت ان البشر قلييييييييييييييييل فيها الطيب

الحين والله لو شنو يصير معاي شغلات

ما اشكي حتى لاهلي وامي

بطلت لان محد يحس بالكلمه لو اقولها واشكي
الناس ما وراها الا الشماته والضحك
يمكن يحس فيني اللي جرب مثلي


صرت افعل

من يضايقني او يتعدى علي اوريه الشغل
انقلبت من انسانه حساسه بس انصدم من الناس وعبالي كل الناس طيبين مثلي
الى انسانه قاسيه واللي يجرحني العن والدينه ولازم اخذ حقي وارد على اي فعل يضرني من احد
لان جد الحين حنا صرنا بزمن القوه الضعيف والطيب ينداس
اذا ما صرت حقيره
محد راح يحطني على راسه
خلاص
ان لم تكن ذئبا اكلتك الذئاب
لازم اطلع قوتي
في ناس جد التعامل الطيب ما ينفع معاهم
وتربية الطيب والحيا اللي علموني اهلي ما يصلح مع كل الناس
لازم اكون وقحه مع اللي وقح معاي
ووانذل من اللي يصير نذل معاي
نظام اقابل الاساءة بالاحسان ما ينفع مع البشر

 

[شادن33]

^^^^^^

ياحبيبتي لاتزعلين مني أنا اقصد ساذجه بالحياه الزوجيه واغلبنا كنا ساذجين في بدايه زواجنا مانعرف شي ومع الايام تعلمنا كيفيه التعامل مع الريل

بس انتي طحتى بواحد ما يخاف الله ومايقدرج !!

والحمد لله. انج افتكيتي منه والله يعوضج خير

بس ياريت تغيرين نظرتج للناس موكلهم اشرار في ناس فيهم الخير

 

[ظبية بوظبي]

الحين والله لو شنو يصير معاي شغلات

ما اشكي حتى لاهلي وامي

بطلت لان محد يحس بالكلمه لو اقولها واشكي

يمكن يحس فيني اللي جرب مثلي

في هذي الفتره قمت احس بنفس الكلام الي كتبتيه

قبل كنت اكتم همي لان كنت اشوفه ضعف
وبعده تعبت وقررت افضفض
لكن شفت الفضفضه ما ريحتني

والحين افكر ارد اكتم همي لان محد يريح
اقلها ما اكون مكشوفه قدام الي شكيت لهم الحال
ابخلي الناس تفكرني مرتاحه .. لان هم ما يبون ولا يدورون الا ع السعيد

 

[Zinab BH]

ابدا ما كنت ساذجه وهالكلمه ما تنطبق علي ابدا

ساذجه كلمه مو حلوه يعني مثل خبله

وانا ما اتقبل منج هالكلمه

ومو غريبه على الناس ممكن يقولون هالكلمه لان محد يحس بالنار الا واطيها ومحد يعرف وضعه عدل اكثر من صاحب المشكله

كنت غلطانه صراحه اشكي لكم يا كويتيات

لان بذاك الوقت الاسلوب كان مو شي يعني اي وحده تكتب مشكلتها ومنهاره وتعبانه يمكن محتاجه احد يواسيها تكونون قاسين وتطنزون

سبحان ربي كل وحده تشمت فيني والله ماهي بخير

هذا هم اللي تشمتوا بطلاقي صاروا مطلقات ويشكون لي
وانا قبل كنت اشكي لهم يضحكون علي ويتطنزون وراح الله ابتلاهم

انا ابتليت بناس مو طبيعيه من زوج واهله وعشيرته بعد

وامي واللي حولي من حريم يقربون لي من خوات من بنات خالات وخالات

يقولون اصبري وخلوني اصبر صبر الحمير تكرمين خلوني حمارة صبر

اذا سكتي بيصير زين

وجربت السكات نفس ما قالوا وتمادى علي حييييييييل هو واهله هم ناس مو كفو الطيبه والساكته

انا لما تزوجت كنت صغيره واكبر وحده بالبيت

وجيل امي يختلف عني

وجماعتنا اصلا الساكته والطيبه يقدرونها

اما اهل طليقي مو طبيعين

وولدهم قلابي وما ينعرف له وحتى بعد طلاقي اكتشفت شغلات مو حلوه عنه فسرت لي اشياء كان يسويها فيني ومعامله مو طبيعيه مو معاملة واحد صاحي وفي شغلات اكتشفتها ومتاكده منها والله ما يدرون ولا احد يدري اني كشفتها بس ساعدتني اتخذ قرار الطلاق وندمت اني ما نحشت من زمان من ثاني شهر لما شفته مو زين

كنت كل يوم اكتشف صدمه وجت فتره صارت الصدمات ورا بعض مرضتني وهدت حيلي

كنت وحده بس ابي العيشه ومو مفكره بطلاق

بس عرفت انه الصبر اكبر غلط

واللي مو زين من البدايه يظل على طول مو زين مافيه طب

اكبر غلطه اني ضغطت على اعصابي سنتين وانا متحملته

ليمه لقيت العمر يمشي وصرت اذبل يوم بعد يوم والحزن رجعني ورا حتى لقمتي ما كنت اتلذذ فيها

لحد ما جا الانفجار اللي قلبني من انسانه اخاف الطلاق والمصير اللي بعد الطلاق وحاسبه حساب كلام الناس

الى انسانه ما يهمني غير نفسي
لان الناس كلن مسكر بابه ومحد درى عني ولا حاس فيني
اهم شي نفسي ولازم احب نفسي وتغيرت
وكان لازم اتغير لان تعلمت من كل شي صارلي وفهمت الدنيا عدل
سبحان الله الابتلاءات تسوي فلتره لكثير شغلات بحياة الانسان
يبين الصديق من العدو
تعطي الانسان خبره
عشان يتعدى هالمحنه لازم يواجهه ويتقبل اللي صار ويفكر بقدام ما يحصر نفسه بالصدمات ويكرس فكره بس بالحزن ويخلى فكره مشوش

كانوا اهلي مو واقفين معاي
كنت احتاج احد يطيب خاطري لو بكلمه
ترا مو كل شي كان متعبني قلته بالمنتدى
والحين الحمدلله

انتهت قصتي

وما عاد يهمني شي
وعرفت ان البشر قلييييييييييييييييل فيها الطيب

الحين والله لو شنو يصير معاي شغلات

ما اشكي حتى لاهلي وامي

بطلت لان محد يحس بالكلمه لو اقولها واشكي
الناس ما وراها الا الشماته والضحك
يمكن يحس فيني اللي جرب مثلي


صرت افعل

من يضايقني او يتعدى علي اوريه الشغل
انقلبت من انسانه حساسه بس انصدم من الناس وعبالي كل الناس طيبين مثلي
الى انسانه قاسيه واللي يجرحني العن والدينه ولازم اخذ حقي وارد على اي فعل يضرني من احد
لان جد الحين حنا صرنا بزمن القوه الضعيف والطيب ينداس
اذا ما صرت حقيره
محد راح يحطني على راسه
خلاص
ان لم تكن ذئبا اكلتك الذئاب
لازم اطلع قوتي
في ناس جد التعامل الطيب ما ينفع معاهم
وتربية الطيب والحيا اللي علموني اهلي ما يصلح مع كل الناس
لازم اكون وقحه مع اللي وقح معاي
ووانذل من اللي يصير نذل معاي
نظام اقابل الاساءة بالاحسان ما ينفع مع البشر

كفو عليج هذا الصح لان الطيب بين الناس ينداس الطيب يتعاملون معاه بطيب بس مع الحذر و النذل لازم نكون انذل منه لان محد ويه حشيمة
محد ينشكى له غير رب العالمين و محد يحس بالجرح و عوار القلب غير راعية الموقف او احد مر بمثل الموقف بظبط شي يعور شي يحرق محد بيحس فيه كلن لاهي في بيته و نفسه سالفة اصبري و اصبري ماتنفع يا اي يا لا
الله يقويج و يعطيج العافية و ينصرج على اعدائج و كل اللي ظلموج

 

[popa]

قاهره عذالي جبيبتي البنيه الي قالتلج ساجذا مو قصدها ليش ماتسمحين احد يقول عنج ساذجه وانتي قلتي عن نفسج حقيره انا عندي كلمه حقيره معناتها التحقير يعني شي مو حلو بالمره لاتقولين عن نفسج جذي تستاهلين شي احسن من هالكلمه وشكرا

 

[Zinab BH]

و مثل ماقالت شادن ترانا كلنا في بداية زواجتنا كنا ساذجين ومانفهم شي البنية مو قصدها

 

[قاهره عذالي]

قاهره عذالي جبيبتي البنيه الي قالتلج ساجذا مو قصدها ليش ماتسمحين احد يقول عنج ساذجه وانتي قلتي عن نفسج حقيره انا عندي كلمه حقيره معناتها التحقير يعني شي مو حلو بالمره لاتقولين عن نفسج جذي تستاهلين شي احسن من هالكلمه وشكرا

جزاها الله خير
وضحت لي قصدها بالكلمه
وانا هم ببين كلمة حقيره اللي قلتها عن نفسي
انا حولي واجد ناس حقيره من قرايب من رفيجات من معارف والبعض اذاني بمواقف
لو ما اصير حقيره مع هالاشكال
بيستضعفوني ويحطوني مسكينه ويتمادون علي
لازم كل واحد اعرفه حجمه
وانا طيبه مع الطيبين
ومن ناحيتي ما اضر احد
بس لازم ارد على اللي يضرني وما يخاف الله

 

[قاهره عذالي]

و مثل ماقالت شادن ترانا كلنا في بداية زواجتنا كنا ساذجين ومانفهم شي البنية مو قصدها

وضحت لي وانا تقبلت توضيحها وفهمت قصدها
على طاري بداية الزواج
جد جد كنت غشيمه بكل شي
بس يلا تجربه علمتني حق قدام
وراح اكون عكس امي
بناتي راح اعلمهم من خبرتي وتجاربي
جد الصبر ما ينفع
والحين شباب هالوقت
يشرط ابي صغيره وابيها بنت بكر وابيها مو عوبه وابي اهلها طيبين ومو راعين مشاكل

وياليته عاد اذا جته راعية هالمواصفات انه يراعيها ويحمد ربه
ان شافها ضعيفه وطيبه وغشيمه استغلها استغلال وداسها
وان شافها مو عوبه وما تعرف للمرادد واللسان
جرب هو لسانه عليها وداسها
وصار يتلذذ باهانته لها ويعتبر هالشي رجوله لان المراه معتبرها تكرمين نعال مو بشر
اذا هانها يستانس يعني انا قوي يعني انا اعرف ادوسها
والله شباب هالوقت مو كفو اللي تسكت لهم ابد

 

[قاهره عذالي]

كفو عليج هذا الصح لان الطيب بين الناس ينداس الطيب يتعاملون معاه بطيب بس مع الحذر و النذل لازم نكون انذل منه لان محد ويه حشيمة
محد ينشكى له غير رب العالمين و محد يحس بالجرح و عوار القلب غير راعية الموقف او احد مر بمثل الموقف بظبط شي يعور شي يحرق محد بيحس فيه كلن لاهي في بيته و نفسه سالفة اصبري و اصبري ماتنفع يا اي يا لا
الله يقويج و يعطيج العافية و ينصرج على اعدائج و كل اللي ظلموج

آمين حبيبتي :eh_s(7):

 

[نـعـومـه]

قاهره


انا كنت اتابع مواضيعج عدل وكنت انصح وكنت اتمنى من قلبي هالانسانه تصير قويه واقول حق نفسي شصار عليها عقب هالسالفه عقب بفتره قريتلج موضوع انج نفصلتي وغقبها اكتشفت انج ماشاءالله تغيرتي للاحسن

والله يعوضج خير