قاهره عذالي
New member
سبحان الله
تزوجت سنة 2009
وتطلقت سنة 2011
وللحين تذكروني
ومرات ادش قوقل القى كاتبين احلى سما وينها
هذا دليل انه كنت اشكي من كل قلبي وتعبانه بس لاني بوسط المشكله مرات ما استوعب الردود اللي كانت توجهني صح
انا ترا طول عمري قويه ومكافحه
بالعكس ترا صبري على طليقي قوه
بس كل انسان له طاقه
هو حيرني انه جربت معاه كل الطرق
وموضوع الطلاق يبي اهل يوقفون معاي بهالسالفه
خاصه انه علقني شهور طويله بدون مصرف
ورافض الطلاق
واهلي موقفهم كان ضعيف معاه
وامي تشوفه يسوي بلاوي الدنيا فيني وتسكت وتسوي روحها ماتشوف ولاتسمع ولاتحس
يوم استلمت ورقتي وخلصت
تقولي والله من عذرج شفتي شسوالج بكذا وكذا
معاج حق تطلبين الطلاق
عاد وقتها كرهت امي
يوم انا بذمته تصبرني وتسكتني وتقولي عادي ما يصرف عادي 24 ساعه طالع
عادي لا يودي ويجيب
عادي يطردج من البيت فجاه
عادي ما يعبي ثلاجته
عادي يقطج على اهلج اسابيع وما يكلف نفسه يجي يرجعج
عادي يمصخرج عند اهله ويتسبب عليج
هذي ما اغسلت هذي ما رتبت
عادي يطقج بدون سبب عادي يسبج بدون سبب
كانت بس تبي الفكه مني خلج عند زوجج
ويوم تطلقت وخلصت السالفه صارت تكلم بالحق
جد موقف الطلاق والزواج خلاني حييييييييييييل علاقتي بامي مو شي
شلون هي ماتحس فيني وما ينكسر خاطرها علي وعادي عندها يضرني الرجال ويهيني لا وتبيني اكمل يوم طلبت الطلاق اقولها ها شرايج يمه تقولي انتي فسقانه ويوم صار الطلاق وخلص قامت تعذرب الرجال وقالت معاج حق وصارت تكلم بالصجيه والحق
على العكس موقف الطلاق خلاني اقرب من ابوي واثق فيه
لانه وقف معاي وكان يخاف علي
حتى يقولي مرات انام بس افكر بنتي عنده اخاف يطردها هذا ماله آمان ولو انتي ظاله عنده حتى لو اموت اصير بقبري ما ارتاح
والله الطلاق كان اكبر راحه لي
بدال ماني كل يوم اكتشف لي مصيبه ترجني رج
تعبت والله من رجال يعاملني جني مجنونه ويدور عذر علي ويهيني
والله الانسان بدون كرامه ما يعيش
اذا ما كسب كرامته
عمره ماراح يرتاح وراح يخسر نفسه وتكون حياته خساره
التعديل الأخير:
