بجر و ابي رايكم المواساة وله السيف ؟؟

[Mis independent]

السلام عليكم بناااات ابي مساعدتكم ارجوووكم
انا حامل بآخر السادس و اراجع عند دكتوره روبينا بالسيف و مرتاحتلها حييييل
المهم طبعا انا ناويه باذن الله اسوي استقبال خصوصا انه هذا بجري
الوان غرف السيف اوف وااايت و لاني حامل اب بنت شريت كفر وردي نااااعم و ذرب وردي فاااتح
و للاسف عرفت قبل امس ان دكتورتي بتطلع من السيف و بتروح المواساة
امس رحت شف غرفهم الصراحه مو حلويين الوحيده الي تشيل حق استقبال و سعرها معقول اهي ال في اي بي و ال في في اي بي و المشكله طبعا شكلهم مو حلو اثاااث قديييم و لا و اهمه بس 4 و كل وحده لووون غير يعني لازم ابدل كفري اب اوف وايت عشان يمشي معاهم كلهم و المصيبه انهم 4 غرف بالمستشفى كله لو يالي الطلق و رحت و اهمه كلهم فل بتوهق ما اقدر اخذ الاغلى لان وااايد فرق و لا الاصغر لان الاصغر الجونير سويت صغير حييييل شسوي عفيه شورو علي محتاجنه نصيحتكم
هل اغير الدكتوره الي مرتاحتلها و اتم بالسيف و اسوي استقبال حلو بالاوان الي بخلطري
وله اروح المواساة مع الدكتوره الي مرتاحتلها و ابد كفري اب لون اوف وايت و اجازف و اخليها على الله انه الاقي الغرفه

عفيه ساعدوني ابي اخذ قرار لان الكفر من دبن هامز عشان ابدله قبل لا يخلص وقت التبديل

 

[latkt7as]

الله يسهل علينا

بس نصيحه حبيبتي اهم شي نفسج وصحتج

وواذا انتي مرتاحه لدكتورتج تمي عندها
لان اهم شي يكون خياطج نظيف عشانج انتي وزوجج بعد

الاستقبال تقدرين تسوين حركه بالاثاث انا بسويها

اشتري تلبيسه حق الاثاث بالاوان الي تناسبج
او حتى لو تاخذين قياسهم ويفصلج اي خياط

وحطي عليهم الكوشيات الي تبين

بس دكتورتج اتوقع انها ممتازه

لاني قريت موضوع ان الدكتور حيان ناصح وحده فيها

لانها تبي دكتوره للولاده

والله يهون عليج وتولدين بالسلامه

 

[Aloe Vera]

حبيبتي في بالمواساة غرفة اسمها فلورل وايد حلوة على ورد و لونها وردي فاتح و اخضر فاتح و توه مجددينها
و ترا المواساة دايماً فاضي و ان شاء الله تحصلين الغرفة اللي تبينها

بس صح كلامج اهو يعتبر مو يديد مثل السيف ديكوراته ايدد
و انتي شوفي اذا في دكتورة غير روبينا ممكن ترتاحين لها بالسيف
و اذا مافي كلش خليج معاها و قلتلج غرفة الفلورال وايد ناعمة و كشخة

انا نوعي اعتمد عالمساشفى اكثر من الدكتورة لان من تجربتي بولادتين الدكتورة مو مهمة كثر المستشفى نفسة عشان جذي انا حيل ادقق عالمستشفى
و لو تطلع دكتورة من المستشفى اللي ابيه عادي اغير دكتورتي

صليً استخارة و الله يسهل عليج

 

[م. ام صقر]

السلام عليكم ...
حبيبتي بغيت انصحج بشي تقدرين تسوين الاستقبال يوم واحد بالغرفة الملكية الذهبية اثاثها وردي بذهبي و وايد حلوة و باجي الايام اخذي الغرفة الستاندرد جذي راح توفرين وايد
او تغيرين الدكتورة و تمين بالسيف و انصحج بدكتور حيان الاحمد عيادته برج مزايا

 

[((غلاي))]

الاهم الدكتوره
الكفر عادي اذا مو مناسب غيريه
الله يسهل عليج

 

[M!SS.LOBY]

الله يسهل عليج

 

[iTaLiyA]

صج؟ متى بتطلع؟
و منو قالج أنها بتطلع اهي اللي قالت؟
يا ربي شلون بتطلع ما اعتقد في دكتوره زينه

 

[Mis independent]

حباااايبي مشكوري وايد على ردودكم ما تقصروون ساعدتوني

 

[Mis independent]

ايطاليه اي والله بتطلع اهي قالت لي

 

[atootaa]

السلام عليكم بناااات ابي مساعدتكم ارجوووكم
انا حامل بآخر السادس و اراجع عند دكتوره روبينا بالسيف و مرتاحتلها حييييل
المهم طبعا انا ناويه باذن الله اسوي استقبال خصوصا انه هذا بجري
الوان غرف السيف اوف وااايت و لاني حامل اب بنت شريت كفر وردي نااااعم و ذرب وردي فاااتح
و للاسف عرفت قبل امس ان دكتورتي بتطلع من السيف و بتروح المواساة
امس رحت شف غرفهم الصراحه مو حلويين الوحيده الي تشيل حق استقبال و سعرها معقول اهي ال في اي بي و ال في في اي بي و المشكله طبعا شكلهم مو حلو اثاااث قديييم و لا و اهمه بس 4 و كل وحده لووون غير يعني لازم ابدل كفري اب اوف وايت عشان يمشي معاهم كلهم و المصيبه انهم 4 غرف بالمستشفى كله لو يالي الطلق و رحت و اهمه كلهم فل بتوهق ما اقدر اخذ الاغلى لان وااايد فرق و لا الاصغر لان الاصغر الجونير سويت صغير حييييل شسوي عفيه شورو علي محتاجنه نصيحتكم
هل اغير الدكتوره الي مرتاحتلها و اتم بالسيف و اسوي استقبال حلو بالاوان الي بخلطري
وله اروح المواساة مع الدكتوره الي مرتاحتلها و ابد كفري اب لون اوف وايت و اجازف و اخليها على الله انه الاقي الغرفه

عفيه ساعدوني ابي اخذ قرار لان الكفر من دبن هامز عشان ابدله قبل لا يخلص وقت التبديل

اكيد السيف احسن ،، خلج بالسيف وراجعي عند دكتورة راجني واايد زينه ومريحه انا كنت عندها

 

[elegantway]

الله يسهل عليج

 

[أميره بلا قصور]

من قال السيف احسن

لحد يقص عليج

سألي افضل الدكاتره وشوفي شيقوولون لج

الواساه افضل شي بالكويت انا وحده ماتهمني الغرف وهالوالف كثر العنايه والحرص

ناصحتني دكتوره معروووووووفه والله قالت لاتروحين السيف والا انا كنت محتاره بين رويال والسيف بس الحمدلله جربت المواساه صج غير

هالمره باذن الله فيه عسا ربي يهون علي وع الجميييع

 

[Umzoozoo]

نفس الي صار فيني بالضبط لووووول
انا اقول نصيحه لا تغيرينها اولدي عندها صحتج اولى من الاستقبال دكتوره روبينا كلمت تهبل شوي عليها انا مجربتها مولدتني قبل ٣ سنين
صج ان المواساه غرفهم داثره بس عنايتهم الكل يمدحها وهم عنايه السيف تهبل بس مشكله السيف عقب ماطلعت روبينا ماعندهم دكتوره استشاريه زينه وتقريبا كلهم يدد وايد دكاتره طلعو منهم والسبب مجهول الله يهون عليج حبيبتي

 

[miss foOoshya]

نفس حالتي بجر ومحتااااااره واليوم رحت فتحت ملف بالسيف اساس اني براجع عند د روبينا ونصدمت انها طلعت ودخلوني على دكتوره مارتحت لها الصراحه وشكلي بروح اراجع عند روبينا بالمواساه واشوف شنو تنصحني واذا تقدر تولدني بالسيف اييبها

الله يعينا ويسهل علينا ​

 

[روزماري]

انا عن تجربه اقول السيف عنايه و اهتمام من كل النواحي
و انتي شوفي اللي يريحج لان كل بنت لها تجربه غير
و بالنسبه للدكاتره كل مستشفى فيه دكاتره واستشاريين زيننين حتى بالحكومه
الأهم المستشفى و الله يسهل عليج

 

[الغيلم]

لاتحاتين ترى في خصومات سالي الرسبشن عنهم بالمواساه اتكلم

 

[مشتطـه]

اخذيها مني

لي 4 سنين بالمنتدى


كل وحده حطت موضوع خايفة من الخياط ومشتطة عالدكتورة

تطلع خياطتها ردية وتحط موضوع تتبجبج من الوسع والخراب


توكلي على الله

والدكتورة كلها 10 دقايق اخر الوقت تيي تولد

وانا دكتورتي رايحه لها على عماتي
ولا كلمتها بالخياط
ولا يبتلها طاريه


والحمدلله بفضل ربي حيل طبيعيه انا ماشاءالله


لاني مو معقده
وما ألبببببح عالخياط والخراب


المنتدى وايد يبالغون

ترى الخياط عادي

كل الدكاترة يعرفون ودارسين

محد يخربطج الا النفاس تنفسي عدل وبس

انا كلمتج من اعماق قلبي وانتي كيفج عاد

 

[مشتطـه]

يعني لا تعقدين المسأله عادي ما يبيلها محاتاة

السيف مو وايد زين
واذا تبين اسم دكتورتي بالسلام قوليلي

 

[درة التاج]

يعني لا تعقدين المسأله عادي ما يبيلها محاتاة

السيف مو وايد زين
واذا تبين اسم دكتورتي بالسلام قوليلي

هلا مشتطه شلونك؟
انا قريت عن قصة ولادتك في السلام عند دكتورة
نهاد حسني بس حبيت أنبهك تراها طلعت وراحت
لدار الشفا هي مع الدكتورة فيجايا

 

[درة التاج]

انا اشوف ان المواساة احسن من السيف
عناية ممتازين اختي ورفيجاتي والدين هناك
قبل الطاقم الطبي كان أغلبية رياييل
الحين أكثر من دكتورة انضموا المستشفي
او اذا تحبين طلبي دكتورة من برا مثل ناهدة العلي
او سلوى الرفاعي