حملة مصممهــ للعنايه بالشعر (أنا أحلى بالعيد ) للي يبي يشترك حياه الله

[مصممهــ]

أنا بشارك معاكم​

اليوم بحط رشوش بعد مااجي من التراويح

وبعدها بزيت شعري بخلطة اشتريتها من عضوة بالمنتدى​

حياج حبيبتي

وناطرين تفاعلج :eh_s(17):​

 

[زينــــي طبيعــــي]

موضوعكم يهبببببل ،، انا بس اطلع من السخونه بقولكم عنايتي بس ما اقدر اشترك عشان ظروف الحمل ، تلقوني يومين بالاسبوع اعتني بشعري ، بس بحط خلطاتي الشخصيه اساعدكم فيها اذا صاحبه الحمله ترحب فيني

 

[مصممهــ]

¨° (السلام عليكم) °"

خواتي بطلب منكم طلب صغير قبل لا أكتب الموضوع أن اي وحدة تدخل الموضوع تدعي لي ان الله يرجع اولادي


بالسلامة ويبعد عنهم اولاد الحرام ويوفقهم في دراستهم يارب هم وجميع اولاد المسلمين ويريح قلبي ويصبرني على بعدهم

يابنات اي وحدة شعرها مصلع خفيف من المقدمة او كل الشعر خفيف الخلطة هذا تكثف الشعر تخلي باروكة على رأسك


وتنعمه بعد وطوله بس أكثر الشيء الكثافة وطبعا في خلطتين رووعة للشعر وراح اكتبهم الأثنين ,,, والا تبي تستخدم


بس وحده خلطة براحتها


الخلطة الأولى


هذا افضل خلطة ونتائجها رووعة وبعيني شفتها بس يبيلها صبر مو اسبوعين وتقول والله ما تغير شيء ولا شفت شيء


طبعا النتيجة مو اقل من 3 شهور وحاولي تستخدمها طول عمرك خصوصا اذا عندك بنت صغيرة تنفع للأطفال بعد


تستخدم مرتين في الأسبوع والخلطة الثانية ثلاث مرات في الأسبوع ,,, واذا راح تكتفي بهذا الخلطة فقط استخدمها ثلاث


مرات


المكونات


صبار ,,, حلبة حب ,,, زيت نارجين اصلي بالكيلو ,,, بصلة مسلوقة


الطريقة


اول شيء تجيبي قطعة كبيرة من الصبار وتغسليها وتشيلي الشوك من طرفها بالسكين بس واحد طرف والثاني تتركي

الطرف الا شلتي وقطعتي منه الشوك تفتح الصبار بالنص يعني تقسميها قسمين والصور واضحة بدون شرح

تغسلي الحلبة الحب وتنثريها في وسط الصبار

بعد ما تنثريها تقفلي قطعتين الصبار على بعض بس انتبهوا الصبار ما يكون مفصول عن بعض بس مقسوم من النص

تجيبي قطعة خيشة الا هي حقت الرز وتفرغيها من الرز وتقسمي قسمين تقصيها لانها كبيرة واذا ما عندك ممكن منشفة تنفع بس الخيشة افضل

بعد ما تغسلي الخيشة زين تحطي الصبار في وسطها وتلفيها وتحطيها على صينية عند شباك المطبخ وتتركيها يومين بس كل يوم تسقيها بالماوية يعني ترشي عليها موية اي كمية مافي شيء محدد

بعد مرور يومين انفحي الخيشة وشوفي الصبارة راح تكون الحلبة الا بوسطها زرعت يعني نبتت وهذا المطلوب

بعد كذا تجيبي ملعقة وتشيلي الحلبة والصبارة وتحطيها في وسط الخلاط وتضيفي لها زيت النارجين الكمية بالنظر وتضيفي البللة المسلوقة مع مويتها

تخلطي كل المكونات مع بعض بالخلاط وهذا شكلها النهائي وبعدين وزعيها في قوارير من الزجاج واحفظيها في الثلاجة ,,, وكل ما بغيتي خذي بملعقو نظيفة الكمية الا تكفيك ودفيها على النار وافركي فيها فروة شعرك واتركيهامن ساعتين الى 4 ساعات

الأسئلة المتوقعه من البنات


أول شيء يا بنات بصراحة بعضكم يسأل أسئله وتكون الأجابة موجودة بس لانها ما عندها استعداد تتعب نفسها وتقرأ


كل شيء كتبته لكم وبالصور الا ما تفهم بالشرح بتفهم بالصورة


كل المكونات متوفر الصبار عند محلات الزرع بس انا متوفر عندي بالبيت ,,,, الزيت النارجين ممكن تسوي بنفسك او تشتري بالكيلو من العطارين ,,, الحلبة من العطارين اي نوع وتغسليها بما عادي قبل استخدامها يعني الكمية الا تبي تستخدمها


الا تسأل عن المقادير ما اعرف كل شيء اسوي بالنظر لانه مو طبخه يحتاج لها مقادير هو بس الزيت زيدي في الكمية شوي شوي الى ان توصلي للقوام المناسب مثل اللبن الرائب او اخف بشوي وممكن تخففيها على راحتك


الا تسأل كم انش يطول الشعر ,,, وكم المدة ,,,, ومتى تبان النتيجة ,,, اقولها ما ادري لان كل نوع شعر مختلف عن


الثاني وحسب الضرر ونوع الشعر بس اكرر بالنسبة للكثافة بعد 3 شهور بتشوفيها انا بصراحة ما انتبه لانه ما يهمني


غير الكثافة واللمعه والحصول على شعر صحي

الخلطة الثانية ( خلطة السبع زيوت )


هذا الخلطة تستخدمها 3 مرات في الأسبوع والخلطة الأولى مرتين في الأسبوع وترى الخلطة روووعه


والله العظيم بنتي في المدرسة المدرسات وأمهات البنات يسألون دادتها وش تستخدموا لشعرها حلو وصحي ما شاء الله


وللأمانه كنت بس استخدم خلطة السبعه الزيوت ولي اسبوع بدأت استخدم لها الخلطة حقت الصبار


بنات أختي ما شاء الله لا قوة الا بالله شعر خيال بس لهم سنتسن يستخدموها لدرجة نخاف اننا نفك شعورهم في المناسبات


لانه غصب عنك بتنهبلي في الشعر لا قوة الا بالله ,,, الله يحميهم ويحفظهم يارب



خلطة السبع الزيوت


تروحي للعطار ويكون عطار ثقة والأفضل تروحي تشتريها من المعصرة ,,,, تطلبي من الرجال يخلط لك ربع كيلو


من كل نوع من هذا الزيوت ,,,, اكرر لازم من المعصرة وتكون الكميات متساوية من كل نوع


( زيت اللوز الحلو + زيت السمسم + زيت الجرجير + زيت النارجين + زيت حبة البركة + زيت الخروع + زيت السدر )


خلطة الزيوت السبعة تستخدم 3 مرات في الأسبوع وتترك على الشعر من 2 الى 4 ساعات وممكن تتركيها اكثر بس انا ما احب اطول فيها


وخلطة الصبار مرتين في الأسبوع ونفس الشيء من 2 الى 4 ساعات بس الافضل تخليها 4 ساعات

يا بنات والله تعبت وانا اكتب واشرح لكم الطريقة ارجوكم حاولوا تقرأوها كل شيء واضح ومفصل


ولا تحرموني من دعوة حلوه ,,,, الله يسعدكم ويحلي أيامكم يارب





للامانه منقوووووووووول

والخلطه هذي يمدحونها حييييييل جربت اسويها بس اختربت >__<

نصيحه لحد يغسل الحلبه حطوها داخل الصباره واهي ناشفه ​

 

[مصممهــ]

موضوعكم يهبببببل ،، انا بس اطلع من السخونه بقولكم عنايتي بس ما اقدر اشترك عشان ظروف الحمل ، تلقوني يومين بالاسبوع اعتني بشعري ، بس بحط خلطاتي الشخصيه اساعدكم فيها اذا صاحبه الحمله ترحب فيني

ارحب فيج وتنحطين علي الراس قلبي احنا نحب شي اسمه تعاون :eh_s(9):

وحلو انج تفيدين غيرج :eh_s(22):

والله يسهل عليج ولادتج :eh_s(7):

 

[زينــــي طبيعــــي]

اليوم تسبحت احب لما ينشف شعري امسحه بزبده الشيا اخذ كبر حبه البندول واذوبه بايدي وامسح شعري فيه لانه مليان بفيتامينات ويروض الشعر

وحطيت ع شعري امبولات ، ومشطته عقب مانشف وفيه نسبه ترطيب


ممنوع اول ماتطلعين من الحمام تمشطين او تستشورين تقضين ع شعرج ،،،

 

[لذه السكر]

مصمممة

خلطة الصبار والحلبة عليها مدح موطبيعي بس اخاف من الريحه

وعشان ما تخترب الخلطه ام عفاف جزاها الله خير كاتبه بالانسقرام تضيفين ملعقة كحول على الخلطه كلها عشان ما تخترب امس شريته من بوتس

 

[لذه السكر]

بنات فروة راسي صايره تحكني بزياده من بديت بالزيوت والعنايه وشكله عندي حبوب شنو الحل

 

[مصممهــ]

بنات فروة راسي صايره تحكني بزياده من بديت بالزيوت والعنايه وشكله عندي حبوب شنو الحل

الحكه اهي يا اما قشر ه او مفعول الزيوت علي شعرج قاعده تفاعل عشان الشعره تطلع فالشعره لمن تكون تحت الجلد تنتج الحكه عشان تطلع :eh_s(15): وبس فا لاتخافين قلبي :eh_s(7):​

 

[مصممهــ]

مصمممة

خلطة الصبار والحلبة عليها مدح موطبيعي بس اخاف من الريحه

وعشان ما تخترب الخلطه ام عفاف جزاها الله خير كاتبه بالانسقرام تضيفين ملعقة كحول على الخلطه كلها عشان ما تخترب امس شريته من بوتس

قلبي الخلطه حلوووووووه ومافيها ريحه اهو اشويه بس مو حييييل والخلطه ماتخترب عشان انتي خلطيها بالزيت والزيت يحفظ كل مكوناتها قلبي :eh_s(17)::eh_s(22):

ما احبذ انج تحطين كحول علي الخلطه تنتج تساقط شعر وتضعف الشعره وبقوه اهو مطهر يعني لمن تطلع الشعره تطلع هزيله مو قويه وتكون لها جذور وماسكه بفروة الراس فهمتي علي يعني لاتكثرين الحكول وله تسوين شي يمكن يطلع لج نتيجه عكسيه :eh_s(17):

بالتوفيق قلبي​

 

[مصممهــ]

موضوعكم يهبببببل ،، انا بس اطلع من السخونه بقولكم عنايتي بس ما اقدر اشترك عشان ظروف الحمل ، تلقوني يومين بالاسبوع اعتني بشعري ، بس بحط خلطاتي الشخصيه اساعدكم فيها اذا صاحبه الحمله ترحب فيني

ماتشوفين شر قلبي :eh_s(17)::eh_s(8)::eh_s(22):​

 

[Aloolah]

شلووووكم بناااات


اليوم سويت ماسك انجل و خليته ساعتين و النتيجه حلللوه ماشاءالله

 

[لذه السكر]

صباح الخير

امس سويت سنفره لفروة راسي بملح خشن وكربونات الصوديوم تطهر وتنظف فروة الراس لان الحطه اذبحتنييي

بعدين حطيت خلطه الجرجير مع خلطه زيوت وغلطت بهيربال وعقب ما نشف شعري رشيت بخاخ هيريال عالاطراف اينن يخلي جنه مسويته ستريت

الصورة من النت .. واليوم راااحه

 

[لذه السكر]

وهذا كلام الخبيره من الانستغرام

يجب عمل سنفرة للشعر على الاقل مرة كل شهر خصوصا اذا كان الشعر فيه قشرة السنفرة تساعد فتح المسامات وتجديد الدورة الشهرية وازالة القشرة وتعطي لمعة وصحة للشعر وتجعل اكثر استعدادا وواستفادة من الخلطات والزيوت الطريقة يؤخذ ملح خشن ويكربونات الصودا وتسخن بوضعهم بالفرن في قطعة قصدير وترش على الشعر جيدا ويفرك الشعر بواسطة الاصابع فرك خفيف ثم يمشط الشعر بمشط رفيع ثم يغسل بالماء الفاتر فقط

 

[fatma A]

اليوم دهنت دهن املا وباجر باذن الله اغسله

 

[مصممهــ]

وهذا كلام الخبيره من الانستغرام

حلو الكلام بس انا نصيحتي انج تسوينها كل شهرين مره :eh_s(7): بالتوفيق

 

[sverige]

بعد النتيجه الفتاكه الي حصلتها من الماسك قبل يومين
قررت اكرره ان شاء الله
شعري صار ناااااعم كانو مسرحته وريحته تجننننننننننن
صحيح اشتريت جيل الصبار كلت اضيفه مع زبده جوز الهند عالجذور او دابر املا بحسب الي يجي قدامي
حاليا رايحه اضبط البيت بما انو ابني غفى حتى الحق اروح صلاه الجمعه بالمسجد
اشتاقيت ادخله من زمان مارحت من ايام حملي

 

[sverige]

وووترقبوا موضوع عنايتي وقت حملي لحمل من دون خطوط ولاكلف ولله الفضل والحمد

 

[اصيله بنت البدو]

حطيت زيت على شعري تقريبا ساعه وان شاء الله استمر بدون الكسل

 

[مصممهــ]

وووترقبوا موضوع عنايتي وقت حملي لحمل من دون خطوط ولاكلف ولله الفضل والحمد

ناطرينه والله يسهل عليج حملج :eh_s(7):​

 

[princess meriam]

موضوعكم يهبببببل ،، انا بس اطلع من السخونه بقولكم عنايتي بس ما اقدر اشترك عشان ظروف الحمل ، تلقوني يومين بالاسبوع اعتني بشعري ، بس بحط خلطاتي الشخصيه اساعدكم فيها اذا صاحبه الحمله ترحب فيني

متشرفيييييييين يا قمررررررر وربى يقومك بالسلامه ياااااارب :eh_s(7): ومش تحرمينا من مشاركتك ومعلوماتك