عرايس ما بعد الولاده ، تعالي وشدي الهمه معانا

[Mrs.H]

مس اتش

انا من ولادتي

كل يومين مرضانه

ماتشوووفين شر سلامااات

 

[Mrs.H]

السلام حبيباتي
انا ولدت الحمدالله من 4 ايام ودي اهتم بس تو الناس مع عوار خياطي و التعب مالي خلق حاليا مشكلتي نفسيتي بالنفاس مو شي متملله من القعده و ااحكره بس ناويه ابلش الاهتمام لمن اعدي عالاقل 10 ايام

وعليكم السلام حمدلله على السلاامة،، اخذي مسكن حق العوار وتو الناس عالاهتمام ابدي تهتمين بعد اسبوعين من الولادة افضل

وعالنفسية دقي على رفيجاتج وبنات خالاتج واهلكم ايون يسلونج وشغلي سورة البقرة

 

[Mrs.H]

مس اج قواج الله ع الردود الطيبه
اعذروني لعدم المشاركه تعبانه ومالي خلق شي

ماتشووفين شر ومبرووك دخلتي التاسع

 

[Mrs.H]

عطور نكتار مادري ماعجبني
مرة قريت احلى عطر العروس الذهبي
وخذيته من السعوديه ومركز بعد

مادري يمكن واخمت عليه كارهته حدي
والا ماخذه عطر الجسم عقب السبوح ينحط

زهور الريف
يمدحون عطوره
وديودرنت جاي الاعشاب ايهبل
سنفرع افريكانو موطبيعيه نعوموووووومه تعطيج اتينن

هذا الي جربت منهم
ويمدحون وايد كريم الويه الوردي والبرتقالي

وخذيت مره كريم الايدين تبع مجموعه افريكانو حلو


وحبيييييب قلبي بدي سنتر
احبه واااايد
المجموعه الابيض ابنفسجي الي صورتها لكم
عطر واللوشن الافندر مووووووصج روعه

رفيجتي عندها المجموعه الرماديه
اتينن وريحتها بالدوام تفوح وروعه وصيت ريلي عليها
يابلي لوشن رمادي باصفر مو حلو
ركزو بالالوان

عطوره اتينن نظاافه
جربت عطر وردي ع ورود اينن

عندي منهم عطر شعر ايهبل شكلي بروح اخذ غيره

المجموعه السوده الرجاليه ريحتها عجيبه للي تبي تهدي ريلها
اما النسائيه ماعجبتني

هالمحل ماعليه كلام اينن

موجود بالبيرق الطابق الثالث لازق بسنتر بوينت
و السالميه صوب مارك سبنسر

باث اند بودي سنتر بالفتره الاخيره ماحبيته شكلي واحمت عليه
بس اخر مجموعه الي صورتها الحمره
عطر ولوشن
يابنات شي شي شي روعه

عليييج بالعافية عيل اذا خلصوا اغراضي بروحله باخذ منه

 

[Mrs.H]

ودددي اررروح السوق

لايعه جبدي من حبسه البيت

تدرين انا مابقى شي واطلع من النفاس وتخيلي ماشريت ولا كعب و ولا ملفع حدي متوهقة وهم ابيلي بدلتين كشخة لان عندنا مناسبات وجذي و وحدة حق طلوعتي ان شاء الله

ابي احد يروح بدالي ماحب السووق :eh_s(11):4

 

[.:lady bug :.]

حبايبي الله يسلمكم اجمعين

في همن محل لاميزون جنه تحت بالسرداب بالبيرق مثل زهور الريف
يقولون اينن قريب من الكوفي

اي مشتهيه كعوب
وشحاطان للجامعه
ومالي خلق اتحرك

ودي بملافع يديده
بس تو الناس بطلوعتي الاخ مسافر
مادري اشتري دام عندي فليسات او انطر

 

[.:lady bug :.]

بنات
ابي خبراتكم
ابي عبايه حلوة وتكرف خامتها للجامعه
وقصتها كلوش حلوة
من وين اخذ وشنو احسن خامه

 

[Mrs.H]

حبايبي الله يسلمكم اجمعين

في همن محل لاميزون جنه تحت بالسرداب بالبيرق مثل زهور الريف
يقولون اينن قريب من الكوفي

اي مشتهيه كعوب
وشحاطان للجامعه
ومالي خلق اتحرك

ودي بملافع يديده
بس تو الناس بطلوعتي الاخ مسافر
مادري اشتري دام عندي فليسات او انطر

اشتري ملافع وطقيهم اوتي وعلقيهم كلهم بعلاق الملابس وثبتيهم بدبوس واذا طلعتي يكونون بالشقة مثل البخت

انا مادري من وين اخذ كعوب شريت 3 فلاتات للسفر من ريد تاغ رخااص

والعبي اذا حق دوام اخذيهم من سوق الديرة رخااص على 15 مع ملافعهم ونفس ملوت الفروانية.. او من الفحيحيل مجمع سلمان الدبوس رخاص واخذي خامة شوارفسكي سودا وخفيفة وماتتوصخ بس بسرعة تخرب.. او انترنت ماتخرب بس ثقيلة وبسرعة يبين فيها الغبار.. لو مكانج اخذ شوارفسكي لان بشكل عام عمر عبي الدوام قصير

انا رحت الفروانية خيطت 3 ذربات و وحدة من مكة مول كافي صراحة لانهم مو حق الدوام.. الدوام باخذ اجازة لي اخر 12 مابي اداوم للامانة :eh_s(2):

 

[Mrs.H]

بنات انا امس بغرفة القياس اكتشفت شيين:

اول شي بشرة جسمي مأساة مبقعة وحبوب بالزنود توهم يطلعون بعد الولادة وطبعا لان الاضاءة قوية ومنظرات شكثر فلاحظت العيوب بشكل واضح

الشي الثاني كرشتي مو صج وجسمي يفشل وهذي ضريبة القيصرية :eh_s(11):

 

[أم تروفه]

ياقلبي يامس اتش ماعليك تتعدل العيوب أن شاء الله

بعد شهرين أدخلى نادى وحق القيصرية أحسن شي السباحة عجيبة للجسم تنحته نحت من تجربة

 

[أم تروفه]

ليدى


و لا يهونون البقية اللى تعرف مركز يضبط اﻷسنان أبعرف أسمه حلمى أسوى أسنانى ابتسامة هوليود

 

[Mrs.H]

ياقلبي يامس اتش ماعليك تتعدل العيوب أن شاء الله

بعد شهرين أدخلى نادى وحق القيصرية أحسن شي السباحة عجيبة للجسم تنحته نحت من تجربة

ماقدر ادش نادي الا بعد 6 شهور بس يصير اسوي تمارين بوطقة بعد الاربعين بس ماظن تسوي شي :eh_s(1):

انا وايد متضايقة على جسمي صج صج جسم وحدة والدة بالسوق تعقدت بغيت ابجي

 

[Mrs.H]

ليدى


و لا يهونون البقية اللى تعرف مركز يضبط اﻷسنان أبعرف أسمه حلمى أسوى أسنانى ابتسامة هوليود

ماعرفه مع الاسف وانا قاعدة ادور عيادة تسوي تبييض منزلي

 

[Mrs.H]

شنو بتسوون ريجيم بعد الاربعين؟

 

[.:lady bug :.]

همن انا ابي عياده لاسناني

 

[Mrs.H]

همن انا ابي عياده لاسناني

انا بس ابي تبييض،، قبل الحمل اسناني بيضا من حملت احسهم صاروا اي شي تهقين له علاقة بالحمل؟

 

[.:lady bug :.]

مادري والله

 

[latkt7as]

ووويييع لاتذكريني بالجسم

الوان واشكال وخرايط

ضايق خلقي حيل من جسمي
حتى امي تقول امتي فبجرج اهتميتي بنفسج اكثر من الحين

 

[دانة_ دبي]

:eh_s(2)::eh_s(2)::eh_s(2)::eh_s(2)::eh_s(2)::eh_s(2): ضايق خلقي بنات

وصلت الشهر الثامن و جسمي كل يوم يصير اغمق و سواد يا ربي الله يسهل علي يا رب:eh_s(2): خاصة منطقة الظهر و الخلفية اما باقي الجسم اوكي
مع اني اخذ شور محترم و سكراب و صابون مغربي و خلطات طبيعية بس ما ادري شو اسوي
:eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16):


و مكتئبة لا عارفة اشتري لبعد الولادة دراعات او جلابيات دانتيل لاني مو عارفة كيف بيكون جسمي
متى اشتري بنات !

 

[latkt7as]

دانه الملابس خليها بعد الولاده بشهر عالاقل عشان
المقاسات