الحمل والالتهابات

[ميرين]

السلام عليكم


انا حامل ببداية الشهر الرابع وجايتني التهابات
الافرازات تلتصق لي بالمنطقة المحيطة بالمهبل وتصير نوع القشور المعجنة ولونها بني
ولين امسحها بالكلينكس تطلع نقط بنية
مع شعور بالالم والحرقة خااصة اثنااء الجماع وماقدر امارس بشكل متكرر:eh_s(2):

رحت المستشفى عطوني كريم وبعد مافاد ابدا

رحت عيادة الدكتورة الي اتابعها عطتني تحاميل 3 لياالي وبعد نفس الشي

وانا الحين بحيرة مو عارفة شسوي ..
هل هالشي فيه خطورة على البيبي او انه يصيدني شي وشنو المفروض اتصرف

 

[Aloe Vera]

لبسي ملابس داخلية ١٠٠٪ قطن و معقمة
مع الاستمرار بالعلاج و متابعة مع الدكتورة

 

[Ririi]

خل تسويلج مسحه علشان تعرف نوع الالتهاب اللي حايشج اهو فطريات ولا باكتيريا وعلى اساسه تعطيج كورس تحاميل ولما تاخذين التحاميل توقفين الجماع
كثري شرب الماي كثر ماتقدرين من ٢ لتر لي ٣
سوي تحليل تكرمين بول وتاكدي مافيج التهاب بول
لبسي ملابس داخليه قطنيه ولما تغسلينها غسليها ماي حار علشان تتعقم
لما تنشفين المنطقه تنشفينها عدل من الامام لي الخلف مو العكس
اكلي روب وثوم وتوت وعصير توت لان فيهم مضادات حيويه حق الالتهابات

لازم تعالجين الاتهابات اول باول لانها تسبب ولاده مبكره لا قدر الله او الام في الحوض
الله يشفيج يارب

 

[أأأميرة الورد]

الله يشااافيج

 

[ديزاينر الكويت]

ما شفتي شي للحين
الالتهابات راح تلازمج بالحمال
سوي تحاليل و يعطونج مضاد حيوي و تحاميل و غسول
و كثري شرب ماي و تري مو زينه علي البيبي
و الله يعين

 

[أم ورود]

حبيبتي لازم تسوين المزرعة وتعرفين نوع الالتهاب الي فيج ولازم تمتنعين عن الجماع وريلج ياخذ مضاد لانه مرة الدكتورة قالت لي ان الريال يشيل الالتهابان الي فيج بس ما يضره يرد ينقله لج مرة ثانية

 

[ميرين]

تسلمون على المشاركات​

 

[مــتــنــحــة]

البنات ماقصروا

وفعلا الالتهابات موزينه تسبب ولاده مبكرا وممكن تاثر عالجنين نفسه

روحي دكتوره ماجده او شيرين اللي تبع ماجده

شطار وبياخذون مسحه عشان يعرفون نوع الالتهابات

وبتعطيج كورس كامل متكون من جزئين

الاول قبل تطلع نتيجة المسحه

والثاني عقب ماتطلع نتيجة المسحه ويعرفون شنو نوع الالتهابات اللي فيج

اذا بكتيريا او فطريات

روحي باسرع وقت ووقفي الجماع لان بيزيد الالتهابات

وراح يعطونج له مضاد بعد عشان مايرد يعديج

 

[ميرين]

البنات ماقصروا

وفعلا الالتهابات موزينه تسبب ولاده مبكرا وممكن تاثر عالجنين نفسه

روحي دكتوره ماجده او شيرين اللي تبع ماجده

شطار وبياخذون مسحه عشان يعرفون نوع الالتهابات

وبتعطيج كورس كامل متكون من جزئين

الاول قبل تطلع نتيجة المسحه

والثاني عقب ماتطلع نتيجة المسحه ويعرفون شنو نوع الالتهابات اللي فيج

اذا بكتيريا او فطريات

روحي باسرع وقت ووقفي الجماع لان بيزيد الالتهابات

وراح يعطونج له مضاد بعد عشان مايرد يعديج

تسلمين يا الطيبة
انا بحرينية مو بالكويت فبشوف دكتورتي ..

بصراحة متخوفة من المسحة احسها شي فظيع ومؤلم :eh_s(2):
الله يسهل ببركات هذي الليالي ..

 

[M!SS.LOBY]

الله يعينج

 

[M!SS.LOBY]

ما تشوفين شر ان شاءالله يالغالية

 

[Om zayd]

الله يعينج

 

[درة التاج]

تسلمين يا الطيبة
انا بحرينية مو بالكويت فبشوف دكتورتي ..

بصراحة متخوفة من المسحة احسها شي فظيع ومؤلم :eh_s(2):
الله يسهل ببركات هذي الليالي ..

حبيبتي توكلي علا الله
وروحي سوي المسحة عند دكتورة بخاص
وان شاء الله ما تعو رك
كثري من شرب السوائل
خصوصا الماي
الله يسهل عليك