تجمع مسافرات لندن (2013)

[نـعـومـه]

مو بس لندن انا قاعدة اشوف لشهر 10 من قبل عيد الاضحى لي اول 11
كله مرتفعة الاسعار .. قاعده افكر ليش ياربي معقولة عشان العيد يعني ؟

رفيجتي تقول نطري لي اخر 8 اول 9 تتغير الاسعار و جذي جذي مضطرة انطر نشوف الظروف اذا الله سهل
ممكن تكون سفرة سياحة و ممكن نكنسل و تصير مرافق مريض الله كريم .. بس عموما نفس الفترة بالضبط

لاحظوا اللي بتحجز اذا قبل 10-10 سعر التذكرة نص سعرها لو عقب 10-10 .. منبطة جبدي لووول الله يسهل علينا و عليكم و تروحون و نروح و نستانس بالعافية كلنا

ملاااقه عاد احنا مانقدر قبل 10_10 كلش كلش

ومصدومه من الأسعار احس وايد 400 تذكره لشخص حق لندن! تهقين لما انطر على نص 8 تقل الاسعار ؟؟ خوفي تزيد

الله يرزقنا بسفره حلوه

 

[B O B A]

حبيباتي يعطيكم العافية
بغيت استشارتكم لفندق 5 نجوم او أعلى ان وجد
مب مهم سعره المهم انه واااااااو والموقع حلوووو في لندن لمعاريس

لان يقولون فتحوا فنادق جديده من مده وحددوا بعضها
وخبري في لندن عتيج شوي

الغرف تكون واسعه ونظيفه وكلاس وعندهم ريوق حلو وكذا

فندق بولغاري
Booking.com : Bulgari Hotel and Residences- London - فندق وسكن بلغاري - لندن , لندن, المملكة المتحدة - 35 آراء النزلاء . احجز فندقك الآن!

قريب من الهارودز

 

[مشتطـه]

بنات لندن دايم بالمواسمم نااااااار

وانتو شهر 10 الكل بيروح بحزة العيد

 

[مدرسة طفشانة]

اشلونكم لندنيات
انا سفرتي الاحد ان شاء الله
وتوني اتذكر شطاف الوضوء
وين احصل الابريج اللي يتسفط
وابي الشطاف اللي يتركب عالحنفية
ساعدوني بنات الله يسهل علينا وعليكم​

 

[نـعـومـه]

بنات لندن دايم بالمواسمم نااااااار

وانتو شهر 10 الكل بيروح بحزة العيد

شصار عليج متى تحركين

حسافه كنت احسب شهر 10 ماكو سياحيه

 

[سمو ذاااتي]

بنات ابي رقم احد يوفرلي شقه اللي تعرف عفيه تساعدني ضروري

 

[RZAAAAAAN]

السلاام عليكم
احنا فكرنا بالسفر ورا العيد
جم تكلفة التذاكر والسكن والشوبينغ حقي ووزجي واعيالي الاربعة
لاني اول مرة
ردوا علي بليز

 

[شواآاقه]

اشلونكم لندنيات ​

انا سفرتي الاحد ان شاء الله
وتوني اتذكر شطاف الوضوء
وين احصل الابريج اللي يتسفط
وابي الشطاف اللي يتركب عالحنفية​

ساعدوني بنات الله يسهل علينا وعليكم​

آمين الله يسهلها عالكل إن شاءالله

شوفي إختي لقيت هذولا بالإنستقرام وايد عمليين



وهذا الثاني الي يتسفط



كل واحد مكتوب رقم اللي تطلبينه منهم في الصورة

 

[.:lady bug :.]

واي ضيقتو خلقي
صج اخر عشره بتكون مولعه الاسعار

الله كريم

انا ناويه اروح 5 ايام بس شوبينق

واول مره اروح
وماراح اروح الماركات
بس بفتر والي يعجبني باخذه
مصرفي 1500
ب 5 ايام
شرايكم

 

[الغلا*]

سلام عليكم
بنات شلونكم حبيباتي اللي تعرف شلون الطريقه اذا بروح مانشستر بجم التذكرة وعادي اخذ معاي بالقطار جناط الملابس كبيرة علشان بناخذ اسبوع وبعدن نرد لندن فبليز اللي عندهااا فكرة تعلمني لاني احاتي جناط ولا اروح بسيارة ليما هناك
و بغيت اسال بعد عن الشفاط اللي ينحط ع الحنفيه قالوو نفس الحوز

 

[noufb]

بنات شاون لندن شهر١٢ بكريسمس

 

[sweet lady]

الغلا حبيبتي اي عادي يصير تاخذين جناطكم في مكان مخصص للجناط بالقطار الامور سهالات
اول ماتوصلون لندن سالي عن المحطه اللي تطلعون منها مانشستر واخذي التذاكر وتوكلوا على الله والله ناسيه اسم المحطه
سالي الكونسيرج بالفندق يفيدج واخذوا القطار مبجر الصبح عشان تستفيدون من اليوم والهوز ماقصرورا البنات حاطين الارقام واتوقع بلوازم العائله نحصله
لاني بروح اشوفه باجر سفرتي ان شاءالله يوم السبت

 

[sweet lady]

الغلا حبيبتي اي عادي يصير تاخذين جناطكم في مكان مخصص للجناط بالقطار الامور سهالات
اول ماتوصلون لندن سالي عن المحطه اللي تطلعون منها مانشستر واخذي التذاكر وتوكلوا على الله والله ناسيه اسم المحطه
سالي الكونسيرج بالفندق يفيدج واخذوا القطار مبجر الصبح عشان تستفيدون من اليوم والهوز ماقصرورا البنات حاطين الارقام واتوقع بلوازم العائله نحصله
لاني بروح اشوفه باجر سفرتي ان شاءالله يوم السبت

 

[sweet lady]

واي ضيقتو خلقي
صج اخر عشره بتكون مولعه الاسعار

الله كريم

انا ناويه اروح 5 ايام بس شوبينق

واول مره اروح
وماراح اروح الماركات
بس بفتر والي يعجبني باخذه
مصرفي 1500
ب 5 ايام
شرايكم

هلا. حبيبتي اذا خمس ايام بدون التذاكر والسكن يكفون وزياده ان شاءالله
والتسوق بدون ماركات توكلي على الله

 

[sweet lady]

شهر 12 لندن باااارده معروفه اوربا بهالشهر شتاء ثلووج حبيبتي يبيلج شتوي ثقيل
بس اجواءها حلوه ووناسه بالكريسمس وتنزيلاات

 

[sweet lady]

بنات شلونكم وينكم ليش التجمع ناااايم
انا ان شاءالله يوم السبت سفرتي بقعد ثلاث اسابيع منها اطلع باريس و ارجع لندن
الدلال شخبارج ما قلتيلتا عن سفرتج شنو اليديد اللي اكتشفتيه

 

[الغلا*]

فيدييييتج حبيبتي ماقصرتي ��������sweet l lady

 

[fri2010]

بنات وين ألاقي محلات شانيل و L v !؟

غير اللي بالمجمعات أبي بالمحل نفسه

 

[sweet lady]

بنات وين ألاقي محلات شانيل و l v !؟

غير اللي بالمجمعات أبي بالمحل نفسه

بمجمع ويستد فيلد و اتوقع بسالون ستريت شارع ورا هارودز

 

[om l3yal]

الغلا محطة ايوستن اهي اللي توديج مانشستر
وانا حجزت بالنت التذاكر اربعة كبار وطفلين طلعت علي ب١٢٥£