عرايس ما بعد الولاده ، تعالي وشدي الهمه معانا

[جذابه بنت ذيابه]

اوف حدده وانتي حتئوليلي هههههه
انا مابقالي شي ويصير لي شهر ودي اروح شقتي تعبت حدي ؛ مساع ريلي قاعد عندي واحاتي شلون بالليل بتم بروحي بتتوحد فيني الكأبه
الله يسهل وتعدي

يالله هانت ان شاء الل سهالات

:eh_s(11):

 

[جذابه بنت ذيابه]

شلونكم بنات شخباركم


الله يتمم عليكم يارب


بسألكم شنو الشغلات الي تجهزونها حق نفسكم حق بعد الولاده

ومتى تشترونها قبل لاتولدون ولا بعد الولاده


انا ودي ارد بعد ولادتي عروس جديده خصوصا اني بجر وكلش مو عاجبني تجهيزي لا ملابس داخليه ولا قمصان نوم ولا لبس بيت وحتى دراريع ماكنت شاريه


وابي شغلات تغري لانه كل هالشغلات موعاجبه زوجي وكان يقول احسه ستايل قديم


وشلون عالقياس البدل ؟

هلا فيج حبوبه
جهزي الملافع و قمصان النوم و اكسسورات ومكياج و شحاطات الا البدل والداريع خليهم بالنفاس تجهزينهم
افضل لج .. و غيري من شكلج ولبسج و لون بشرتج واصبغي شعرج و قصيه و شوفي الستايل اللي يحبه زوجج سويه

 

[جذابه بنت ذيابه]

شوفي بصراحة كل اللي اشوف مكياجهم البرونز حلو يكونون مو حاطين فاونديشن برونز.. و وحدة منهم اعرفها تحط الفاونديشن البرونز على خدودها واطراف جبهتها بس..

انا طريقتي: احط فاونديشن طبيعي بس ما احط منه وايد.. وطبعا ما احط فوقه بودر.. واركز على الكونسيلر احط واحد تغطيته قوية واحطه تحت العيون بشكل مثلث نفس كيم كارداشيان،، ويم الخشم وحول الحلج وبين حواجبي وادمجه مع يبهتي شوي.. طبعا مثل ماقولج تكون تغطيته عجيبة مايقلب على رمادي

تالي اخذي بودرة برونز وحطيها بالفرشة على يبهتج الاماكن اللي يمين ويسار وانحتي ويهج فيها وعلى طرف خشمج.. واخذي لمعة ذهبية حطيها فوق حلجج وعلى الحنج وممكن خشمج وعلى عظمة الخد والحاجب وادعيلي

بيصير عندج اذرب وانظف برونز

اي اختي تسوي جذي ماشاء الله عليها و يضبط معاها ويصير مرتب واحلا

بس احس ماعرف ادمج الكريمات و يصير مخربط :eh_s(10):

 

[جذابه بنت ذيابه]

الله يجازيك

عادي نفسسج ويمكن العن وللعلم انا صارلي 42 تقريبا
وللحين عند اهلي

الفرحه حااالفه علي ماتجيني

اسسم الله عليج

ليش شفيج :eh_s(10)::eh_s(2):

 

[جذابه بنت ذيابه]

قوه

لي 3 ايام والده احس بضيقه من الخياط والرضاعه تعبتني بعد شوي

اقعد من النوم ساابحه بالعرق نفسي بالبجر كنت جذي وتعبت مرض من هالسالفه

والحين خايفه اطيح مريضه الله يستر متى تعدي هالايام الصعبه وارتاح

هلا وغلا

سهالات دايم اذكري الله و قولي الحمدالله

ان شاء الله تمر هالايام و بعد عشر ايام تصيرين احسن ويطيح الخياط

نفسي جذي باول الايام بعدين سهالات

 

[جذابه بنت ذيابه]

بنات تحاميل البيتادين

لازم ينزل ماي واجد وصخ عشان تتاكدين انها دخلت عدل

انا استخدمتها نزل مني شي خفيف واحسها مادشت عدل

لا مو لازم

دام نزل منج اي داخله لا تحاتين ..

 

[جذابه بنت ذيابه]

احس مكثره تبطي عظم الملابس

انا بفصل بس3 دراريع و 3 بدل كشخه
وشريت 3 بدل ..

 

[latkt7as]

مشكوورة جذابه

بنات بخصوص المشتريات كل وحده لها حاجات غير عن الثانيه

يعني انا مافصلت ولا دراعه لان ماعندي حموله
البس عندهم

حريم حمواني كل وحده بشقتها ونادرا مانتواجه> احسن بعد

وفيه خالتي لما كانت فبيت الحموله تفصل اقل شي 20 دراعه
لا حمولتها يوميا عندهم ناس وجمعه

لاتقيدون فبعض

 

[latkt7as]

طبعا امس رتبت ملابسي واغراضي ف بوكسات

عشان احطهم بالدولاب بسهاله

الملابس الي بعلقها حطيتهم بجناط عشان اكوي بعضهم واعلقهم

باقي ملابس عيالي انسقهم

جناطي حاطتهم هم ف بوكس والكعوب ف بوكس
عشان يكونون مرتبين

باجر او بعد باجر بروح الصالون

وبعدها اروح لبيتي ارتبه مره ثانيه واحط اغراضي
واعطره وابخره

لاني برجع اخر الاسبوع

احس في شي ناسيه بس مادري

 

[Mrs.H]

الله يجازيك

عادي نفسسج ويمكن العن وللعلم انا صارلي 42 تقريبا
وللحين عند اهلي

الفرحه حااالفه علي ماتجيني

ماعليه تعوذي من ابليس دامها مايتلج الايام اللي فاتت معناته قريب بتييلج تفائلي

 

[Mrs.H]

والله نفسسي ودي اطلع وااو و ودي اقص شعري لانه طوووويل حيييل واصل تحت الركبه ماشاءالله وكثيف
بس الاخ مو راااضي نهاىين للاسف
ااخ بس لو تروووح الخطوط الللي في بطني كان بدعت باللبس الجريئ هههههههههه
وسوووواد مو طبيعي في بطني شريت خلطه زيبرا وبستمر فيها عسى تنفع
وللحين ماشزيت شي ولا جهزت مع ان لي 11يوم نفاس

شوفي انا من عمري شعري قصير بس اخر سنتين مادري ثلاث سنين قررت اني اطوله طبعا ارتب الاطراف من وقت لي وقت ومرة غيرت قصته

لكن العناية بالوقت الطويل مشكلة انا انصحج تسويله بروتين او بلازما.. طبعا العلاجات الثانية الكيراتين واليوكو لايحطونهم من الفروة لأ يخلون جم سانتي تالي يحطونه علشان مايطيح شعرج.. اهوا الشعر الطويل اذا ماكان شكله حلو ومرتب يصير مأسااة ومامنه فايدة فانتي سوي هالعلاجات علشان شعرج يصير فيه لمعة وناعم وحيوي طبعا البروتين اخف شي فيهم لانه مايعطي100% ستريت فيصير شكله حيوي

شغلة ثانية.، الحين هابين بالكبب اللي يسمونهم دونت بن،، هذول اذا مالج خلق تفلين شعرج وهم ودج يصير شكلج حلو سويهم ترى سهلة الطريقة وتنباع بكل مكان وتقدرين تلبسين سكارفات عليها او اكسسوارات الشعر الهبة

اما اللبس الجريء صراحة تقدرين تلبسين جريء بس اختاري اشياء صح،، يعني في مثلا قميص يكون الظهر كله طالع بس خاش البطن،، فانتي تخشين العيوب عن طريق انج تبرزين اشياء ثانية

الزيبرا يمدحونها وماعليج السواد بيروح مع الكريمات والسنفرة تقدرين تسوين سنفرة شكر وزيت زيتون تظل هذي احسن سنفرة انا مرات ازيد عليها حليب بودر ونشا تطلع عجيبة وادعيلي

الخطوط ان شاء الله تروح اذا لقيت حل بقولج :d

 

[Mrs.H]

تدرين وانا نفاس الحين و ادرس حق امتحاني الدور الثاني انجليزي
وحايشني احباط ومع هذا اسوي اي شي انسسى
وزوجي يلمح لي قبل كم يوم
يقول لا طلعتي ان شاءالله نبي لنا عاد بنوته بعد الولد اللي جبتيييه
قلت له لا انا توني صغغيره عمري 18 ووراي اقدم ع وظيفه
قال لي اسمعي لو ادري انج تاكلين منع حمل تشوفين شي يضايقج و وظيففه مو الحين بعد كم سنه يصير خخير
مععع هذااا كله عااااادي الدنيا سهالاتت

انتي احتسبي الاجر وماتدرين يمكن من الله ماتحملين انا اعرف وحدة كانت معاي بالجامعة يابت ولدها واهيا عمرها 18 وريلها مارضا تاخذ مانع وسبحان الله البنت ماخذت مانع وماحملت الابعد سنتين او ثلاث سنين تخيلي يعني الله كاتبلها ترتاح ويابت البيبي الثاني و ولدها بو ثلاث سنين ونص

وحتى لو حملتي الحمل صج متعب بس اليهال خير من الله

انتي زين انج مبردة اعصابج والوظيفة ريلج بيقولج توظفي لما يشوف المصاريف

 

[Mrs.H]

واي نفسي قبل جم يوم زعلانين عشان هالسالفه ؛ انا قيصريه يعني لازم ننطر واهوا موراضي يقتنع
اخرتها توصلنا انه نروح نسأل دكتورتي والله يعين

اي والله روحيلها ولو ان دكتورتي قالتلي تقدرين تحملين متى ماتبين. طبعا انا استغربت لاني قيصري ومفروض عالاقل 6 شهور.. بس حاليا اخذ مانع ونشوف وضعنا بعدين

 

[Mrs.H]

قوه

لي 3 ايام والده احس بضيقه من الخياط والرضاعه تعبتني بعد شوي

اقعد من النوم ساابحه بالعرق نفسي بالبجر كنت جذي وتعبت مرض من هالسالفه

والحين خايفه اطيح مريضه الله يستر متى تعدي هالايام الصعبه وارتاح

الله يعينج انا نفس الشي كنت بس امي غيرتلي الكفر حطتلي الكفر اللي يكون مضغوط علشان ما احتر وخلي ملابسج قطن 100%

 

[Mrs.H]

ليتك تحس

اي والله النفاس تعب من شيء لشيء

اول يوم اقول متى اخلص من الم تكرمون البول من البربيش واشوا الحين شبه راح

والحين الخياط مضايقني اقول متى يطيح وولدي بعد تعبان شوي الله يشافيه باجر عنده موعد وان شاء الله يطمنوني عليه يارب

والرضاعه ااااااه صدري ذبحني ذبحني

ماايشووف شر ولدج انا مو والدة طبيعي بس يمدحون الخوا جوا والمرة والزيتون

 

[Mrs.H]

تبطي عظم احب ابلغج اني جذي اول الايام
وكنت وايد متضايقه
الحمدلله العرق خف وايد
وصدري فش عقب ماكان متحجر
والخياط الحمدلله احس اني وايد خفيفه


تعوذو من ابليس هذا النفاس فتره وتعدي صبرنا 9 شهور
مانقدر ع 40



وذكرتوني بسالفه الحمال ببجري
لمن قلت لريلي باكل حبوب
قال لا ابي بعد عيال
لاشعوريا انهرت وبجيت
لاني اتعب من السكر وكنت مسقطه قبل الحماله

ف وافق
ولمن شاف ازعاجه قال نطري ع الثاني عهههههههه


صدقوني لاطلعتو ورحتو لهم بيغيرون رايهم من الازعاج


والتجهيز من الحمل انصح فيه اريح



وياااااااحلااتج مس اج لاخلا ولاعدم
تهبل افكارج سيفتهم عندي هههههه

تدرين عاد انا جذي تعورت مرتين وحملت لدرجة ان بين اخر عوار وحملي هذا بس دورة وحدة.. وطبعا اشياء وايد انحرمت منها مثل المساج والحمام المغربي والكريمات المضرة للحامل والسفر.. يعني محتاجة فترة نقاهة صجية وللامانة مرات انسى اني مو حامل احس تعودت اني حامل ابي ارتاح شوي باول حمل لي كان الحديد حييل عالي لدرجة ان الدم لونه اسووود والحين اعاني من نقص الحديد وصايرة استمتع بالقهوة قبل ما اشربها وحتى بديكير منيكير في شغلات مايحطونها حق الحامل الحين اقدر اسويها واستانس

وانا معاج مرة ثانية بجهز من الحمل وحتى البيبي بعرف شنو اجهزله بالحمل الياي ان شاء الله لاني عرفت اخطائي

ولوو حياااج الله

 

[Mrs.H]

بنات تحاميل البيتادين

لازم ينزل ماي واجد وصخ عشان تتاكدين انها دخلت عدل

انا استخدمتها نزل مني شي خفيف واحسها مادشت عدل

لا مو لازم واهيا اصلا حق منطقة المهبل مو حق الرحم فعادي لاتحاتين

 

[Mrs.H]

اي اختي تسوي جذي ماشاء الله عليها و يضبط معاها ويصير مرتب واحلا

بس احس ماعرف ادمج الكريمات و يصير مخربط :eh_s(10):

سهلة.. اول شي حطي كونسيلر حول عيونج.. ومن تحت نزليه شوي خل يصير نفس كيم كارداشيان وحطي يم خشمج يمين ويسار وحول حلجج وبين حواجبج

تالي اخذي فاونديشن درجته طبيعية وحطي منه شوية على ويهج.. بس مو فوق الكونسيلر طبعا حطيه يمه بالضبط لازق فيه.. وعلشان تدمجين طبطبي باصابعج بالمنطقة اللي بالنص بين الكونسيلر والكريم واهوا يندمج.. ممكن هم بسفنجة نظيفة تطقطقين المنطقة عالخفيف واهيا تندمج

بعدين اخذي بودرة ويه.. واخذي منها بالفرشة -لازم الفرشة- وحطي منها تحت عيونج علشان تثبتين الكونسيلر.. بعدين اخذي بالفرشة من البرونز وحطي على طرف اليبهة يمين ويسار ونحتي فيها ويهج صوب الخدود ممكن الحنج واطراف ويهج وبعدين حطي بلشر ولمعة وخلصنا

على فكرة جربي المكياج البرونز مع كحل ملون وحمرة لحمية

 

[Mrs.H]

طبعا امس رتبت ملابسي واغراضي ف بوكسات

عشان احطهم بالدولاب بسهاله

الملابس الي بعلقها حطيتهم بجناط عشان اكوي بعضهم واعلقهم

باقي ملابس عيالي انسقهم

جناطي حاطتهم هم ف بوكس والكعوب ف بوكس
عشان يكونون مرتبين

باجر او بعد باجر بروح الصالون

وبعدها اروح لبيتي ارتبه مره ثانيه واحط اغراضي
واعطره وابخره

لاني برجع اخر الاسبوع

احس في شي ناسيه بس مادري

تصدقين على كثر مارحت شقتي هم انسى اشياء اليوم انصدمت من شغلات توني انتبه لهم غير ان مكياجي مارتبته وهذي غلطتي المكياج بروحه يبيله شغل فقررت احطهم كلهم بجنطة والمكياج بخصصلي جنطة استخدمها حاليا -الاشياء اليديدة- والاشياء القديمة بخشها ولما يطلع ريلي برتبها

انا مو مهملة والله بالعكس يبت 3 شركات ورتبت وايد بس مكياجي واااايد وكل يوم اشتري فما اقدر اسيطر على نفسي.، بس نظفت الفرش لكن المكياج القديم ماجيكت عليه

 

[Mrs.H]

بنات انا برد شقتي بس توها نازلة علي الدورة شلوون اتسبح عدل خاصة اني اخاف امرض لان بلاعيمي تعورني وبديت انتشل مو وقته