تجمع لبنات السعوديه في عمليات تجميل الانف

[ساره العامر]

لا يختي شكلك قريتي مواضيع قديمه نصيحه ترا عيد كلينك قريت عنها كلام مو زين انا من زماااان كنت ابي اسوي انفي فيها بس غيرت رايي والي عرفته ان عيد كلينك زينه بلجسم نحت الخ بس انف في كلام اذكر قريته خلاني اغير رايي بس ممكن تكون تغيرت الحين للافضل استخيري والله يقدم الي فيه الخير

 

[سماااااء]

ابي دكتور كويس لتصغير فتحات الانف الله بخليكم ساعدوني رحت جمال جمعه و خوفني قال بيقص الاطراف وتصير الخياطه برى وجوى ابي احد يسويها من جوى بس ورحت بيدس ماعنده مواعيد اخر شي بكرى بروح احمد عبدالمعطي احد سمع عنه بروحله على مدح وحده بالمنتدى بس اخاف يكون مو شاطر

 

[ساره العامر]

سماااا! شفتي شغله طيب ؟! ممكن الي تمدحه ذوقها يختلف عن ذوقك ! ياربي كل يوم اشوف اسم جديد مادري احترت انا بين نبيل بلدمام وبندر العيثان بلرياض يقولون بندر على حسب طلب البنت يسوي اذا قلتي ناعم ومابي يبين عمليه اكيد يعني هو وغيره بيسون لك شي مايبين ! ولاراح يتغير شي بس بجرب اروح استشاره وبوريه صورة بنت وبقوله تقدر تسويلي نفس انفها ! وبشوف شغله لان شغل سويلي ناعم ومابي تبين مسوية عمليه ماراح ينفع معهم شكله !

 

[AL-NOR]

لا يختي شكلك قريتي مواضيع قديمه نصيحه ترا عيد كلينك قريت عنها كلام مو زين انا من زماااان كنت ابي اسوي انفي فيها بس غيرت رايي والي عرفته ان عيد كلينك زينه بلجسم نحت الخ بس انف في كلام اذكر قريته خلاني اغير رايي بس ممكن تكون تغيرت الحين للافضل استخيري والله يقدم الي فيه الخير

هلا اختي . ايش هالكلام ! .. في المنطقه الغربيه كلها مافي للانف الا عيد كلنك هي الي فيها لطفي الدقر
وياسر البدوي . والنخيل فيها بشار البزره وهذا دكتور يجرب على المرضى

اختي انا اعرف زين بنات وشفت بعيوني وايضا في منتدى فراشات واذكرلك بالاسم ..
عملوآ عند الدكتور لطفي الدقر وايضا ياسر البدوي ..
وتابعت حالتهم يوم بيوم من قبل مايعملوآ العمليه الى الان وصارلهم ثمانيه اشهر بعد العمليه وراضيين
عن النتيجه والحمد لله ..


بكلامك العام اختي توتري البنات وتتعبي نفسيات البنات الي عاملين انوفهم عند لطفي وياسر البدوي
وايضا الي ماخذات مواعيد ..


اختي انا صارلي اربعه سنوات مسجله في هالموقع ومواقع ثانيه منها فراشات ..
ومتابعه وقرات وشفت كثير حالات بعيني ماحد حكالي ..
والدكتور لطفي الدقر معروف انه ممتاز على مستوى المملكه بس عيبه انه مايغير كثير بشكل الارنبه
لكن يغير من الجنب ويغير العظم بس الارنبه يكون التغيير بنسبة 40 بالميه فقط

لكن عملياته ناجحه غالبا .. وكل دكتور بالعالم وله كبوات .. لكنه احسن من غيره كثيـــــر
وايضا ياسر البدوي شغله طبيعي وعمل لبنتين وماشاء الله الان لهم ثمانيه اشهر وراضيين
وشغله طبيعي مايغير الا العيوب ..

وربي يوفق الجميع

 

[سماااااء]

سماااا! شفتي شغله طيب ؟! ممكن الي تمدحه ذوقها يختلف عن ذوقك ! ياربي كل يوم اشوف اسم جديد مادري احترت انا بين نبيل بلدمام وبندر العيثان بلرياض يقولون بندر على حسب طلب البنت يسوي اذا قلتي ناعم ومابي يبين عمليه اكيد يعني هو وغيره بيسون لك شي مايبين ! ولاراح يتغير شي بس بجرب اروح استشاره وبوريه صورة بنت وبقوله تقدر تسويلي نفس انفها ! وبشوف شغله لان شغل سويلي ناعم ومابي تبين مسوية عمليه ماراح ينفع معهم شكله !

لا و الله ماشفت بس بروح بكرى استشاره ان شاء الله القى وحده مسويه عنده
اذا ما عندك مشكله بالوقت احجزي عند حواري كثير يمدحونه و الا فواز بيدس يقولون طبيعي بصراحه انا ماشفت بس على كلام النت الله يعين والله خايفه يخبص بانفي

 

[ساره العامر]

هلا اختي . ايش هالكلام ! .. في المنطقه الغربيه كلها مافي للانف الا عيد كلنك هي الي فيها لطفي الدقر
وياسر البدوي . والنخيل فيها بشار البزره وهذا دكتور يجرب على المرضى

اختي انا اعرف زين بنات وشفت بعيوني وايضا في منتدى فراشات واذكرلك بالاسم ..
عملوآ عند الدكتور لطفي الدقر وايضا ياسر البدوي ..
وتابعت حالتهم يوم بيوم من قبل مايعملوآ العمليه الى الان وصارلهم ثمانيه اشهر بعد العمليه وراضيين
عن النتيجه والحمد لله ..


بكلامك العام اختي توتري البنات وتتعبي نفسيات البنات الي عاملين انوفهم عند لطفي وياسر البدوي
وايضا الي ماخذات مواعيد ..


اختي انا صارلي اربعه سنوات مسجله في هالموقع ومواقع ثانيه منها فراشات ..
ومتابعه وقرات وشفت كثير حالات بعيني ماحد حكالي ..
والدكتور لطفي الدقر معروف انه ممتاز على مستوى المملكه بس عيبه انه مايغير كثير بشكل الارنبه
لكن يغير من الجنب ويغير العظم بس الارنبه يكون التغيير بنسبة 40 بالميه فقط

لكن عملياته ناجحه غالبا .. وكل دكتور بالعالم وله كبوات .. لكنه احسن من غيره كثيـــــر
وايضا ياسر البدوي شغله طبيعي وعمل لبنتين وماشاء الله الان لهم ثمانيه اشهر وراضيين
وشغله طبيعي مايغير الا العيوب ..

وربي يوفق الجميع

انا نصحتك من باب النصح مو قصدي اوترك! والله يقدم لك اللي فيه الخير لك بلنهايه تختلف اذواق البنات وممكن يكون عاجبك ومايعجب غيرك انا نصحتك لاني من زمااااان كنت ناويه على عيد كلنك يمكن من سنة 2009 وانا ماتكلمت على دكتور تكلمت عالعياده بشكل عام الي تذكرته قلته لك .

 

[ساره العامر]

لا و الله ماشفت بس بروح بكرى استشاره ان شاء الله القى وحده مسويه عنده
اذا ما عندك مشكله بالوقت احجزي عند حواري كثير يمدحونه و الا فواز بيدس يقولون طبيعي بصراحه انا ماشفت بس على كلام النت الله يعين والله خايفه يخبص بانفي

حواري مقفل اسمعي شوفي شغله كيف واسأليه كلشي لاتخلين بخاطرك سؤال :eh_s(15):

وان شاء الله ربي يقدم لك الي فيه الخير لك :yaaaaaarb:

 

[AL-NOR]

اي بنت تسال عن حواري ..
نصيحه لوجه الله .. لا تفكري مجرد تفكير تروحي لحواري والله غير تبكي طول عمرك ..

الي بتفكر تسوي عند حواري تراسلني واوريها بنت في موقع فراشات وبالصور ايش عمل بانفها

والبنت اسمها سارونه وهي تقول تجربتها عشان ماحد يروح لحواري ..

من الاشياء الي سواهآ فيها صار انفها غير مستقيم ومتعرج بشكل واضح

ومن داخل الارنبه مافيه غضروف ..

ودمر انفها على الاخر ..

حواري طلعته الشهره لانه ظهر واشتهر وقت الاقبال القوي على عمليات التجميل في المملكه والغربيه

وبصراحه حواري وبشار البزره اخذوآ شهرتهم من التجارب يعني كلهم على مبدأ التجربه

وفيه اكثر من بنت سمعت تجاربهم وواثقه منهم وشفتها بعيني ..

الي حابه تتاكد وتتواصل معاي انا حاضره مستعده اوصلها للبنات انفسهم


انا متابعه وشايفه .. والله حواري سمعه فقط .. والان البنات اغلبهم يتعالجوآ نفسيا من الالم والتعب النفسي الي سببه لهم
.. واغلبهم مشيوآ ورا السمعه والكلام العام .. لكن مافي وحده حبت تشوف بعينها وتتاكد بنفسها ..

احذركم ..

_--------------------------------

وكلامي هذا لا احد يفكر انه قديم .. انا قلتلكم متابعه اول بأول .. وهذا الكلام صار قريب
حوآآري كثرت اغلاطه ولعبه .. والاخطاء جدا قويه لدرجة صعب دكتور ثاني يرقعها ..


​

 

[ساره العامر]

والله انا احترت بين بندر عيثان والحارثي ونبيل الي بمد ارت بلخبر ! ابي دكتور شاطر يظبط انفي من اول عمليه ينحت مايقولي اصغره ٢٠٪ ابيه يسويلي مثل ماانا ابي مو على كيفه
ليش بسوي عمليه تجميل اذا ماراح يغير شي :"(

 

[ربيع الامل]

سارة قريت عن نبيل انه مساعد لدكتور جمال جمعه و اثنينهم ما يضبطون التجميل ان فتحتات الانف مختلفه و وحده قريت تجربتها بمنتدى ثاني تذم فيه و ان خرب انفها

ومنتدى فراشه فيه تجربه وحده تقطع القلب كيف حواري خرب انفها بشكل فظيع
من خلال بحثي لقيت ان دكاتره الي بالسعودية عليهم ذم كثير و اكثرهم حواري و البزره و جمال جمعه
انا اقول الي قريته و من تجارب البنات الي كتبوه و فيه صور حاطين و حتى لطفي الذقر عليه كلام ناس يزبط لهم و ناس لا
انا جد نفسي بايران اسلم لي لان انفي جد صعب و يبيله دكتور شاطر و خبره

 

[ساره العامر]

ماعرف كيف يحللون لنفسهم الفلوس الي ياخذونها !! لاحول ولاقوة إلا بالله بس ! بنات شرايكم بقطر انا شفت وحده حطت صورتها بعد العمليه وحفظتها عندي بس امانتاً البنت حكالها العظمه بس لان انفها قبل مكسور وطويل شغله خفيف يعني

 

[ساره العامر]

هذا شغل قطر

 

[ربيع الامل]

ما شاء الله جميل انفها الله يهنيها
صار لي كم ادور دكاتره كملت سنتين و بمشي بالثالثه تعبت
حتى لبنان دورت دكتور هاراتش شفت بموقعه انصدمت مبين اثر القص حق الانف و عاد هو من افضل الدكاتره عالميا و نادر صعب شهره و مشوه انف حرمه
جد احترنا لا للي له شهرة زين و لا الي ما له شهره ما ادري وين نولي

 

[سور الفرح]

أنا صار لي 4 سنوات
الي ان أخذني المطاف الي المستشفى الجامعي

طبعا الدكاترة الموجوده فيه لهم

د / سامي الحارثي
د / أيمن الشيخ
د / العرفج
البروفسور / سمير بافقيه

ومادري أذا فيه غيرهم

 

[ساره العامر]

حبيبتي سور مستشفى الحبيب كيف سمعته ؟ وايش الي خلاك تختارين الحارثي ؟ شنو اللمميز فيه عن بندر عيثان ؟ انا لاني ماقريت ذم على بندر عيثان للحين قاعده اسألك لاني تعبت وحابه ارسى على دكتور

 

[ساره العامر]

تتوقعون يمديني اسويها قبل دوام الجامعه بيبن علي اكيد صح :"( لاشفتو بنت متبرقعه بلجامعه ترا انا

 

[سور الفرح]

مستشفی الحبيب مامرة جربته بس الي سمعت عنه أنه عنده أفضل الأطباء ياخذ احسن الأطباء في الحكومه بدوام مسائي
ماراح تقتنعين في الدكتور الا أذا دخلتي عليه أستشاره طبعا بعطيك رايه وشنهو الي بسويه
أنا حيل أرتحت لمن أستشرت عنده وطبعا ما ستشرت عند أحد ثاني
لأنه حسيته فاهم وقالي شنهو الي يقدر يسويه وقالي لي أنه انفي راح يكون حلو وملموم بس مو معناته راح يصير مسطرة لأنه جلده أنفي سميكه ودهنيه وعريض

في تجربه وحده أسمها أم الصبايا في منتدى الفراشه حسيت شغله بريفكت صغر أنفها وورسم الأرنيه بشكل حلو وملحوظ التغيير

ويوم رحت العياده شفت ثنتين خشومهم روعه جايه على وجويهم
تقدرين تدخلين عليه من مركز الأعمال في المستشفى الجامعي المواعيد تكون خلال اسبوع موعد الاستشارة والعمليه اهو بفلوس بس أقل من أسعار من مستشفى الحبيب والاستشارة 300

طبعا اذا تبين ولج خلق أنتظار جيبي تحويله من مركز صحي انج تحتاجين عمليه وقدمي أوراقك في المستشفى علشان تفتحين ملف


بالأول والأخير كل دكتور شفت عليه مدح وذم حتى لطفي الدقر الي بيطرينه بالسما

أستخري ربك ودخلي استشارة عند الدكاترة الي متحيرة فيهم وشوفي الي ترتاحين له

أنا بندر سمعت عليه ذم بس بالأول كنت محتارة بين أيمن الشيخ والحارثي

الحارثي دارس بورد التجميل في فرنسا

مادري عندي أعتقاد الي من فرنسا شغلهم حلو
طبيبي الاسنان كان دارس بفرنسا وسوا لي الاسنان روعه طبعا بالتقويم

بالتوفيق حبيبتي سارا

انتي دخلي استشيري وشوفي الي ترتاحين
وهذا الي صار معاي

وأدعو لي تتصلح عيوب أنفي ويطلع أحلى من أول

لأن حيل نفسيتي تعبانه منه
أ

 

[ساره العامر]

يارب يحقق لك الي تبين اجل بكنسل بندر بشرينا وش يطلع معاك كلامك حمسني له

 

[Jojo1000]

جدة - (قنا) - طرح استشاري سعودي في جراحة التجميل والليزر تقنية جديدة في عمليات تقويم وتجميل الأنف . وقدم نائب رئيس الجمعية السعودية لطب وجراحة التجميل الدكتور إبراهيم عبدالحميد اشعري تقنيته المطورة على هامش المؤتمر الدولي السعودي الثاني لطب وجراحة التجميل والحروق الذي انطلقت فعالياته اليوم في جدة.

وقال الدكتور الأشعري :إن التقنية الجديدة تعتمد على شد الأنف بواسطة الخيط حيث يتم رفع الأنف وتنحيفه بعملية بسيطة لا تستغرق 20 دقيقة فقط وببنج موضعي وداخل العيادة دون الضرورة لغرف العمليات والتنويم الكامل كما كان يحدث في الماضي.

ولفت إلى أن المريض يمكنه أن يمارس حياته العادية بعد أيام قليلة جدا مبينا أن تقنيته المطورة تعد من التقنيات المتقدمة جدا في إجراء هذا النوع من العمليات.

وأشار إلى طريقة جديدة تعد من احدث التقنيات الطبية في عملية تصحيح الأنف أو اعوجاجه من خلال تعبئة التشوهات في عظمة الأنف عن طريق المعبئات أو البوتكس وبالذات في ذروة الأنف..وأكد أن هذه العمليات حققت نجاحات متقدمة في مجال تقويم وتجميل الأنف للذين يعانون من تشوهات أو عيوب خلقية أو عدم التناسق

بنات من تعرف الدكتور إبراهيم الأشعري ومين جربته

 

[ساره العامر]

Up
Up
Up
Up
Up