اي نسلم ليش مانسلم؟
السلام لله حتى لو لايعه جبودنا منكم!هه
السـلام عليكم*بدون نفس*:eh_s(1):
السلام لله حتى لو لايعه جبودنا منكم!هه
السـلام عليكم*بدون نفس*:eh_s(1):
على كثر ما كنت أكره منتدى كويتيات وأحسه منتدى المشاكل وعوار الراس
على كثر ماحبيته الحين وأحس البنات اللي فيه نصايحهم وسوالفهم تجيب العافيه
ينصحون من قلب!
يدافعون عن بعض!
يفيدون بعض!
حييل والله موشويه , خصوصا هني بهالقسم!
انتوا وينكم بنات ليش مانشوفكم بالصج؟بواقعنا اللي كليوم عايشين فيه؟
جد والله اتحجى؟:eh_s(2):
مافي بنات بالصج يفيدونا جذي ولا تنصحني من كل قلبها بعد وتعلمني
الخلطات وشلون اسير سنعه وبيضه وجذي؟هههه
خلوني أبدا.. خلوني أقولكم شي أنا متأكده
ان في شكثر بنات يمرون فيه!
لاموبنات!
شكثر بيوت الحين بالهزمن اللي يخوف يمرون بنفس السالفه,كلنا نعاني من نفس
المشكله..انزين ليش؟ ليش يسير جذي؟
ليش العلاقات نقطعت؟ ليش الاهل صاروا يخوفون مو نفس أول؟
ليش القلوب تغيرت؟ليش الحسد؟
معقوله من الهمبرجر الامريكي؟ :eh_s(1): مادري يقولون!
أنا عندي مشكله..انتي بعد تعانين من نفس السالفه
اي نعم أنا احس فيج!
سمعوا فلانه وعلانه..وقولولي!
انتوا اهلكم القراب منكم حيل
يسوون فيكم جذي؟
في حسد وغل؟تحسون بالتعب!
مايكسرون خاطركم وتعوركم قلوبكم عليهم
ماتقولون نفسي اللله يالــــدّنيـا!
فلانه: بروح اليوم الافنيوز
علانه: عاد الافنيوز؟ في احد يروحله غالي عالفاضي
فلانه:شريت لبنتي بلوزه ماركه
علانه: ماركه؟هههه عاد مومبين نفس مالات الجميع حرام
فلانه:مادري ششتري لبناتي للعيد مايعجبهم العجب
علانه:والله انا ماشتري الا من الافنيوز صراحه لبسهم غييير!
فلانه:ماباركتيلي بنتي دشت الجامعه
علانه: بنت حصه دشت طب وبنت خزنه دشت هندسه قاموا يدخلون الكل هالسنه..مادري
شفيهم الجامعه مابقا احد مادشها مونفس قبل
فلانه:بنتي بتولد بالمستشفى الفلانيه
علانه: ليش حرررااام ماشفتي مستشفى بنتي اللي ولدت فيها زوجها
مدخلها أحسن مستشفى بالكويت يقولج هذي المستشفى موعاديه بيبانها
مصنوعه من ذهب..اي اي اقولج حتى الدكاتره مو اجانب لا جايين من المريخ!
اييه والله شي روعه يستاهل الخساره مع انها بس مليون وشوي بس صراحه زوجها ماقصر
ليش ماتقولين لبنتج تقول لزوجها يدخلها مستشفى بنتي؟
فلانه:بنتي سافرت بالويكند مع زوجها
علانه:يومين؟شيسوون فيهم؟حرام مايمديهم ليش زوجها مايسفرها
مثل بنتي!مادريتي زوجها متى يسفرها؟السفره حلاتها 10 ايام عالاقل
مايمديهم يسوون شي قوليلهم يردون حرام!
فلانه:الو هلا منيره..اوه وصلتوا؟مداكم بسم الله؟
علانه:بعد السفره حلاتها يومين ونرد..خلاص فرينا كل شي
شنسوي هناك مع ان زوجي حلف نقعد بس قتله استغفر لازم نرد ورانا
شغل بالديره
فلانه: بنتي اقتنعت بلبست العباة الحمدلله
علانه:حرام شكلها يكسر الخاطر بالعبايه تعور القلب..خليها تستانس مثل
بناتي توها صغيره عالعبايه..بناتي مادري شفيه ابوهم حالف
مايلبسون عبايه يقول تو الناس مدلعهم حيل ياربي وانا بعد مادري شقول سمعا
وطاعه لابوهم لازم بعد مابيدي حيله!
فلانه:اقولج شي؟بنتج حرام كسرت خاطري شكلها امس يفشل ومومرتب وبدلتها مادري
شلون صايره مومكويه وشعرها موحلو وجوتيها مونظيف عدل في نقطه تراب ورا
وفي خصله من شعرها مومسويتها ستريت عدل وساعتها فيها خدشه حرام ليش؟
علانه: ذوقها والله وعاجبتها
فلانه:شرايج ببدلة سعاد بنتي؟
علانه: شخباري قدييييمه!اصلا هذي شايفتها بانستقرام مابقا احد مومسويها تخيلي تخيلي
المصريه جارتنا مسويتها حق خدامتهم تقول تبيها عشان تقهوي
لاجووها ضيوف..اي اقولج مابقا احد مومسويها!
ماعجبتني صراحه بس لفي سعاد خنشوفها عليج
شلون صايره من داخل وريني؟قربي خل اشوف عالصوبين؟
وانا أكتب لاعت جبدي
أحس باللوعه خلاص..حاشني صداع مادري من نظارتي ولا من الغثا اللي كتبته!
تمر عليكم مواقف خايسه مثل جذي أكيد طبعا بالتاكيد!
من شخص بعيد يالله ميخالف
بس من قريب حيل شتسوون؟
جد جد قولولي شتسوون!
أنا الحين أحس برجع استغفرالله شلون لاشفتهم
في مواقف كثيره وتحتاج تفاصيل لكن احتراما لذاتي ماراح
أذكرها..قلت أوصفها لكم بطريقه غير مباشره
بنفس المواقف الغبيه اللي تحصل منهم
لاسنت
دافعت
حقرت
وهم ماكو فايده!
شسوي ؟
بسكم حسد
فكونا من شركم
انتوا أحسن ناس بالدنيا
لوعتوا جبودنا يمال اللوعه
