برنامج موزانا عنايتي وسر كثافة شعري اللي كل من شافه قال باروكه

[أم هيونه]

مرحبا ياحلوات


ابنزل لكم اليوم سر كثافة شعري وقولوا
ماشاءالله تبارك الرحمن



بالبدايه استخدم الصباح حبوب اوستوكير 90 حبه يعني حق 3 شهور ب3 دنانير





وبالليل اخذ حبوب فيروجلوبين 30 حبه يعني حق شهر بدينارين إلا ...




واستخدم بخاخ ارش منه مرتين باليوم

عباره عن

اكليل الجبل "روز ماري"
زعتر
ميراميه
الاس


افووح ماي حاار ثم انقع فيه شوي من كل عشبه واخليها يوم كامل تنقع ثم اشخلها واحطها ببخاخ
وافرق شعري واحط ع الجذور وفروة راسي




نجي الحين لدهن الشعر

استخدم
علبه صغيره سمن شوكه وملعقه



علبه صغيره زيت عافيه



زيت دابر املا



فنجال نواة تمر محموسه ومطحونه
فنجال محلب مطحون ًيفضل انتي تطحنينهً


احطهم في جركل ماي واخليهم 3او 4 ايام وابدأ استخدمها


الشامبو المستخدم
كل وحده تستخدم الشامبو اللي ترتاح عليه انا استخدم شامبو فاتيكا







تم بحمدالله هذا برنامج موزانا للتكثيف الشعر
وربي يشهد علي ان شعري ماتمسكه الشباصه من كثافته واني اتعب لما امشطه من كثافته

بس ترى هالنظام ماطول شعري كللللش مادري ليش بس كثاااافه ملحوظه جدا
واهم شئ الاستمرار والمواظبه

اي استفسار من عنوني انا بالخدمه

 

[روعة ذاتي]

ماشاء الله تبارك الرحمن , السمن وين احصله دورته من فتره قالوا مو موجود الكويت تلقينه بالسعوديه

 

[عرموشة]

انا جبت السمن من السعوديه

بس ممكن سؤال انتي بالأول كان شعرج خفيف ومع الخلاطات صار كثيف ، أخاف انتي عندج وراثه الشعر الكثيف

 

[إطلالة القمـر ...!]

ماشاء الله

الله يتمم عليك إن شالله

 

[ياميه وافتخر]

طيب اسالك. كيف كان شعرك. قبل تمشين. على هالنظام. كان خفيف. ومتساقط.

ومشكووووووره على ذكر تجربتك

 

[زهرة الفلامنجو]

ماشاءالله لاقوة إلا بالله

بس الحبوب مو الأفضل تكون باستشارة الدكتور؟

أخاف تأثر عالهرمونات

 

[Angel lady]

ماشاءالله و تبارك الرحمن .. عسى الله يبارك لج بشعرج و يعطيج العافيه على الفايدة ؛*

 

[عجينه]

ماشاءالله لاقوة إلا بالله

ومشكووووره

 

[أم هيونه]

ماشاء الله تبارك الرحمن , السمن وين احصله دورته من فتره قالوا مو موجود الكويت تلقينه بالسعوديه

انا شفته من فتره بجمعة العارضيه


بس انا شريت هالسمن من السعوديه من العثيم

وحياج الله حبيبتي

 

[أم هيونه]

انا جبت السمن من السعوديه

بس ممكن سؤال انتي بالأول كان شعرج خفيف ومع الخلاطات صار كثيف ، أخاف انتي عندج وراثه الشعر الكثيف

اي حبيبتي شعري خفيف حيييييل لا وراثه ولا غيره حتى امي تقول شعرج كأنه طير مقطوط بمااي هههههههههه

 

[أم هيونه]

ماشاء الله

الله يتمم عليك إن شالله

مشكووووره حبيبتي

 

[أم هيونه]

طيب اسالك. كيف كان شعرك. قبل تمشين. على هالنظام. كان خفيف. ومتساقط.

ومشكووووووره على ذكر تجربتك

شعري كان حيل خفيف بس التساقط قل معاي من اكلت الحبوب لاني بالبدايه اكلت الحبوب وبعدين بديت بالخلطه والتونك

والحين ماشاءالله كثافه مو طبيعيه ماشاءالله تبارك الرحمن والله حتى انا مصدووومه اول مره بحياتي شعري يصير بالهكثافه

 

[أم هيونه]

ماشاءالله لاقوة إلا بالله

بس الحبوب مو الأفضل تكون باستشارة الدكتور؟

أخاف تأثر عالهرمونات

بصراااحه مادري انا خذيتهم بدون استشاره والحمدلله ماصار الا الزين

 

[أم هيونه]

انجل ليدي
عجينه


مشكورين ونورتو الصفحه

 

[مولاي الفرج]

اعتقد اول دوا حق العظام بس الظاهر فيه فيتامينات فادت شعرج

الله يهنيج فيه حبيبتي

 

[مولاي الفرج]

بس بسال تاكلين حبه الصبح وحبه بالليل ؟

 

[أم هيونه]

اعتقد اول دوا حق العظام بس الظاهر فيه فيتامينات فادت شعرج

الله يهنيج فيه حبيبتي

مكتوب عليه زنك وكالسيوم وهذيل معروووفين للشعر

 

[أم هيونه]

بس بسال تاكلين حبه الصبح وحبه بالليل ؟

الصبح اكل حبه من اللي كرتونته زرقه وبالليل اكل حبه من اللي كرتونته حمره

 

[رشاااااا]

يعطيج العافيه بس ابي اسالج شنو نوعيه شعرج؟؟ يعني دهني والا عادي؟
واقدر استخدم برنامجج بدون الخلطه الاخيره حقت الزيوت؟ لان السمن مادش مزاجي والله...يكفي ريحته

 

[أم هيونه]

نوعية شعري جاف وخشن

مادري اذا تقدرين ماتستخدمين الزيوت اولا

انا هذي تجربتي بحذافيرها نقلتها لكم