تعالي ياعروس واكتبي لنا عن تجربتج بكريمات عرسج

[ميثووه]

السلام عليكم ورحمة الله وبركاته

حبايبي انا على وجه خطبه واعتقد العرس قريب ان شاء الله

بعرف افضل اللوشنات حق العرايس الي برائحة الفانيلا وهالحركات

وبعرف شنو اشتري كريمات وجذي انا كابنت استخدم مرطبات ولوشنات عاديه مرطبه

مثل نيفيا وجلسرين بس ابي اشياء تنعم وتبيض وتوحد اللون


نبي نستفيد من بعض



انا افيدكم بالفازلين والكركم

اسيح الفازلين على النار واحط عليه كركم كميه تكفي للفازلين
واخليه لين يبرد وتالي استخدمه حق المناطق المسمره عن لو جسمي واخليه
مده لاتقل عن ثلاث ساعات او انام فيه بعد واقعد اغسل جسمي بصابون غار لانه يهبل للجسم
ويوحد اللون ويشيل اثار الحبوب باي مكان بجسمج غاثج


وهذي افادتي ولمن اخلص من خلطتي الكركم والفازلين
احط زيت اللوز الحلو على جسمي وتعالي وشوفي الطراوه والنقاوه


واي استفسار تفضلوو :ggdw:

ا

 

[عروسة اكتوبر]

لوشنات فكتوريا سيكرت حلوه روحي شوفي إلي يعجبج لان الناس اذواق

 

[ميثووه]

لوشنات فكتوريا سيكرت حلوه روحي شوفي إلي يعجبج لان الناس اذواق

بعد عمري تسلمين على هالمعلومه
منوره يابعدي ان شاء الله اتبع نصيحتج

 

[عروسة اكتوبر]

ولو ماسويت شي

 

[ميثووه]

ياعمري منوره مره ثانيه عروسة اكتوبر

 

[ميثووه]

ها وينكم

وينكم حبايبي

 

[M!SS.LOBY]

موفقة يارب

 

[<miss botamba>]

انا عن نفسي ما احب اللوشن الي فيه عطور لان نشف اول شي البشره وثاني شي تسود البشره لان فيها عطور وكحول

وحتى لو تزوجت مراح استعمل لوشن فيه عطر


عادي الريحه تثبت اذا حطيتي لوشن عادي و بخاخ جسم

السر في ثبات الريحه الجسم الرطب (بعد الشاور وقبل التنشيف عدل ترشين عطر او بعد اللوشن العادي على طول تحطين عطر) والحمدالله تثبت انا علي العطور بالطريقه هذا وكل من يقولي ريحتج حلوه وتدوم فوق ال 5 ساعات


بس اذا تبين ضروري لوشن عطر انا احب فكتوريا سيكرت و باث اند بودي بس انا اخذ البخاخ مو اللوشن


من فكتوريا عندج love spell حلو


ومن باث اند بودي اذا تبين فانليا عند warm vanilla sugar


تبييض اذا سواد خفيف فير اند وايت اييب نتيجه بس اللي لونه ازرق ولازم مع الصابونه والسيروم


واذا سواد قوي نوعا ما انا جربت ابر التبييض وفي اماكن سودا تغيرت علي وتجربتي حاطتها في موضوع تلاقينه في بروفايلي


واذا جلد خشن او قاسي نفس الاكواع و الركب في مقشر اسمه تريتوسبوت عند الحواي بس هذا بس للاكواع والركب ماجربته لمكان ثاني


والنعومه اهم شي تشيلين الشعر وترطبين جسمج 24 ساعه وبعد الشاور بيبي اويل هذا اهم شي انا استعمل جيرجنز او سانت ايفز من الجمعيه هذول ترطيبهم حلو ومايدهنون البشره ويمتصهم الجسم بسرعه


وللايد احب استعمل كريم بيبانثين من المستوصف ازرق على خط ازرق وفي وايد اثقل منه عليه خط وردي بس هذا حيل ثقيل ودهني

وعندج كريم البارافين من باث اند بودي


وريولي احط لهم فازلين والبس دلاغ على طول

 

[عزوتي خمس صقور]

وانا بعد ماحب المعطر لا لوشن ولا شور جل سواد وجفاف وحبوب

 

[شهرزااد]

عن نفسي انا استخدم الدوكوين ( من الصيدليه )يوميا بالليل للمنطقه الحساسه صارلي اسبوع وشوي وبينت النتيجه ومره بالاسبوع احط سودو كريم

اما بالنسبه لجسمي بعد الشور استخدم لوشن فازلين موحد اللون

وقبل الشور او الحمام المغربي احط لكل جسمي زيوت طبيعيه ( الجلسرين +الليمون +اللوز المر )
لمده ساعتين اقل شي ومرات انام فيهم

مبلشه حمام مغربي عادي كل اسبوووع


وجربت حمام الحنا للجسم بالبيت قالت لي عنه وحده مغربيه ويفتح اللون ويخليج فريش
للامانه ما استخدمته الا مره ونفع معاي
وانشالله بستمر ؛)


عباره عن حناء طبيعيه مالت الشعر بنات انتبهو مو حنا لليد اللي تصبع بساعه لا طبيعيه مالت الشعر اللي من الحواج


تخلطينها مع صابون مغربي يعني تسوين شويه يكفي لحمام واحد
( بحدود 3قفاش صابون مغربي و3قفاش حنا )


اول شي تبللين جسمج بماي
وبعدها تحطينها على كل جسمج
وتنطرين جذي عشر دقايق اي ولا تحاولين تخلينها بباطن ايدح او اقدامج فتره طويله

وبعدها فركي جسمج عاادي بليفه بودي شوب وخلي الصابون المغربي يصير رغوه عادي

واذا عندج حمام بخار احسن واحسن


وشكراً جزيلا

 

[ميثووه]

موفقة يارب

وياج ياروحي

 

[ميثووه]

مس بوتمبا << ان شاء الله قريتها صح
عزوتي خمس صقور
شهرازد

يعطيكم العافيه واللوشنات المذكوره ان شاء الله بشتريها

بس الحنه حقت الجسم من وين اجيبها

 

[شهرزااد]

مس بوتمبا << ان شاء الله قريتها صح
عزوتي خمس صقور
شهرازد

يعطيكم العافيه واللوشنات المذكوره ان شاء الله بشتريها

بس الحنه حقت الجسم من وين اجيبها

حنا عاديه مالت الشعر العاديه اللي من العطار او الحواج

يجي لونها زيتي مايل للبني <<<<

اللي نخلطها مع ماي ونحطها للشعر





اذا حطيتها مده قصيره ما تصبغ الجسم وتعطيه حيويه وبياض

 

[لمساتـي]

اب اب

 

[حساس القلب]

ااااااااااب

 

[ام عبد العزيز م]

للرفع

 

[مرتبة]

اهم شيء صابونه البابايا

للعرايس

 

[ميثووه]

حنا عاديه مالت الشعر العاديه اللي من العطار او الحواج

يجي لونها زيتي مايل للبني <<<<

اللي نخلطها مع ماي ونحطها للشعر





اذا حطيتها مده قصيره ما تصبغ الجسم وتعطيه حيويه وبياض

بجربهم ان شاء الله يعطيج العافيه ياقلبي

 

[ميثووه]

اهم شيء صابونه البابايا

للعرايس

اي والله هالصابونه رووووعه


شاكره لج على الافاده

 

[ميثووه]

قوه بنات بسالكم عن هالسنفره يمدحونها شرايكم بستخدمها


[/]

[/url] http://www.up-00.com/[/url