بنات لو سمحتوا اللي خذت مقدمة مناهج ياريت تقول لنا عن محتواها بتفصيل شوي كل يقول صعبة ولما نسأل عن شنو الرد كلمتين (مناهج بحث):080402ask_prv::080402ask_prv:
يعني مثل مايقولون فسر الماء بعد الجهد بالماء
هو بالتفصيل يعملونج شلون تسوين بحث
يعني عنوان البحث لازم يكون بصيغه سؤال مثل
تاثير التلفاز على التحصيل العلمي للصف الخامس
اوكي تحطين اول شي ليش اخذتي هالبحث و ليش المرحله بالذات
قولي بعرف اذا التلفاز له تاثير مثل اذا بنت شافت فيلم وثائقي هل يزيد من تحصيلها ام لا هل من الممكن الاستعانه بالتلفاز كمرجع رئيسي للدراسه
اما اختاري للصف الخامس فالفترة هذي فترة الطفولة المتعلقه الاغلب بالالكترونيات و خاصه الرسوم المتحركه بعكس مرحلة المراهقه المتعلقه الاكثر بالشبكات الاجتماعية
و هكذا الكلام طويل بحدود صفحه
ثاني شي عينه بما ان بحثج للصف الخامس
تروحين صف خامس تعطينهم استبيان على شكل اوافق لا اوافق و جذي يحلونه
بعين احصاء تشوفين الاكثر قال يوافق او لا يعني ياثر او لا حسب الاجابه
عقبها اذا الاغلب قالوا ياثر يعني نهاية البحث اثبتي ان التلفاز ياثر
و اذا لا يعني التلفاز ما ياثر و هذا يعتمد على الطالب بالاثير
هو ليش يقولون صعب لانه يبيله شغل و خاصه العينه لا تتوقعين بتاخذين 10 بنات لا يبيلج اقل شي 100 طالبه يعني احصاء على 100 طالبه بتقعدين الاحصاء بروحه 3 ايام يعني تعب بصراحه و شغل طول الكورس
موفقه حبيبتي
