كلية الشريعه ؟

[asmaa111q8]

السلام عليكم ورحمة الله

شلونكم حبايبي ،
اممم عندي استفسار بسيط

انا قدمت ع الجامعة وانقبلت بكلية البنات الجامعيه
على اني حاطتها الرغبه 7
ومو حابتها كلش
وكنت حاطه رغبه اولى شريعه
انا علمي نسبتي 79.44

بس للاسف تسرعت وسحبت اوراقي وقلت بسجل كورس ثاني
لاني خفت اذا قعدت بكلية البنات مااقدر اتجاوز المعدل المطلوب علشان احول

فماادري اذا يقبلوني شريعه كورس ثاني او لا
وبما ان الكورس الثاني 2014
فمو عارفه اذا لازم امتحن قدرات عربي او لا

اتمنى اللي تعرف تفيدني وجزاكم الله الف خير

 

[asmaa111q8]

اي وتذكرت ،
بما اني بكون فاضيه هالكورس لا دراسه ولا هم يحزنون ، حابه ادخل لي دورة انجليزي وكمبيوتر فإللي تعرف معهد زين وحلو تفيدني ومشكوورين

 

[ورور92]

وعليكم السلام و رحمة الله ..

الحين دام سحبتي الأوراق .. لا تفكرين باللي فات .. فكري ان كل شي خيرة .. واستغلي فراغج ..

بس شنو تبين بالقدرات دام تبين شريعة؟؟

بإذن الله لاكورس الياي قدمي شريعة رغبة أولي و آداب رغبة ثانية ..
ويارب تنقبلين شريعة و اذا ما صار و انقبلتي بالآداب راح يكون التحويل جدا سهل ان شالله .. لان تقدرين تاخذين مواد ماتضيع عليج بس المهم معدل 3 نقاط و اجتياز 30 وحدة..

الله يوفقج حبيبتي..

 

[نور المطيري]

وعليكم السلآم والرحمه
شريعه حبيبتي ما فيها قدرات وان شاء تنقبلين فووري ياااارب ودامج سحبتي اوراقج خيره ان شاء الله واتارحي بهالفتره من عقب الثانويه و استانسي واذا ما نقبلتي مثل ما قالت اختي وحبيبة قلبي ورور<<بكل موضوع ناطتلج&#55357;&#56834;&#55357;&#56834;حطي شريعه رغبه أولى وآداب ثانيه والتحويل سهالات معدل3 ومن30ل45وحده شرط التحويل والمعدل مقدور عليه بإذن الله بس توكلين على الله وتشدين حيلج <<انا بالصيفي حولت من اداب للشريعه ولله الحمد والمنه
والله يوفقج يارب واي سوال انا حاضره &#55357;&#56856;&#55357;&#56856;

 

[ورور92]

يابعد عمري والله ما تونسني الا هالنطة :$

نطيلي بالمواد بعد عشان تكتمل وناستي ههههه

 

[نور المطيري]

هههههههههههه ودي والله &#55357;&#56842;

 

[asmaa111q8]

يعطيكم العافيه حبايبي ,,
بس اذكر لمن ودونا الجامعه المدرسه قالوا ان في إمتحان قدرات عربي لسنة2014
ولازم تمتحنين قدرات عربي علشان تدشين شريعه فما ادري إذا امتحن او لأ

 

[ورور92]

والله ما سمعت فيه كلش ..!!

بس حبيبتي دام قالولج 2014 .. انتي تعتبرين دفعة 2013 .. فلا تحاتين :**

الله يوفقج ..

 

[فـــخـــر]

الكورس الثاني تعتبرين دفعة 2013

من الكورس الاول السنة الجاية يعتبرونهم دفعة 2014 وهكذا

عموماً الشريعة ماتحتاج قدرات لا عربي ولا انجليزي : )

موفقة

 

[asmaa111q8]

مشكوره ياقلبي الله يجزاج خير <3

 

[نبض الجود]

ماعندنا بالجامعه قدرآت عربي؟

يمكن على قولتج 2014 يعني حق السنه الجايه شهر 9- 2014

انجليزي ، رياضيات ، كيميا

وان شآءالله تنقبلين :eh_s(22): ​

 

[asmaa111q8]

والله ما سمعت فيه كلش ..!!

بس حبيبتي دام قالولج 2014 .. انتي تعتبرين دفعة 2013 .. فلا تحاتين :**

الله يوفقج ..

مشكوره ماقصرتي , أجمعين حبيبتي <3

ماعندنا بالجامعه قدرآت عربي؟​

يمكن على قولتج 2014 يعني حق السنه الجايه شهر 9- 2014​

انجليزي ، رياضيات ، كيميا​

وان شآءالله تنقبلين :eh_s(22):​

إن شاء الله يارب , مشكوره حياتي <3