شـلوون ايب تقـديـر عالـي بالماده .. الكل يشآررك ..

[عآليه !]

السلام عليكم ورحمة الله وبركاته .. :eh_s(17):




بما أنه الدوام قررب وعلى الأبوااب حبيت أحط هالمووضوع لنا كلنا

طبعا الشغل الشغال لكل طالبببه شلون اتييييب معدل عالي في بنات وايد يقولون لي وانا منهم احنا ندرس ندررس واخر شي درجتنا ززفت ليشششش .. ؟؟
وغيرنا مايدرسون وايبوون شنو الطريقة

فحطييت هالموضوع عشان نستفييييد ونكون مستعدددين من الحيــن لدرررراسه وكل وحده تقولنا شلون تدررس


أول شي بقوووولكم عني


انا اول مادشيت الجامعه كنت مهملةة ما كنت اعرررف شي حتى معدل اسمع عنه يتكلمون ومادري شقصته ومحد علمني


بس شوي شوي من بديت اتخصص واتعمق اشوي صحيت شوي وبديت اخاف واهتـم .. بس مشكلتي اني من النوع اللي مايحب يدرس خلال الكوررس يعني تحصلووني لاهيه ومادرس طول الكورس بس حزة الحززه وقت الامتحان بيوم يومين ادرس ! عادي يعني لانه دراستي خلال الكورس تكون سطحيه مب ذيج الدراسه العدلة .. :eh_s(4):

بس الطريقة اللي حسيت يابت معاي نتيجـه هي

ادرس الدرس بيوومة يعني لما ارد من الجامعه ارتاح شوي عقب ادرس اللي خذته واخطط وارتب كل شي وتكون عند ي فكره
وللمحاضره باجر احاول اقرا واحضر .. لما كنت اسوي جذي ارتااح وقت الامتحان اكون فاهمه عدل ..



وانتوو بنات شلونكم طررريقتكم لدراســـــه عشان انيب A

:eh_s(17)::ggdw:

 

[عآليه !]

ونصيحـه للمستجدات حاولي تثبتين نفسسج من اول سنه

لا تهمليين الدراسـه ابداا


وفي نصيحـة الدكتوره قالت لي .. اذا صج ماتبين تتعبين طول الكوررس

اول 3 اسابيـع من الكورس ادرسي عدل ولا تهملينهمممم واتعبي فيهم
اااذا اهملتيهمم راحت علييج


..

 

[Miley-Cyrus]

مشكورة ع الموضوع الحلو واللي بوقته
انا مستجده هالكورس بس من وانا بالهاي سكول كنت اخطط اني هالسنة راح اكون منظمه و راح ادرس و و و و ...
وكنت مشتطة وادور على اساليب الدراسة ومن هالكلام
بس سبحان الله من يبدا الكورس اوفففف كل اللي كنت حاطته فبالي وييييييينه؟ مادري لا تساليني
بس هالكورس بما اني دشيت الجامعه لازم لازم اغير هالعاده وحطيت فبالي هدف لازم يكون عندج هدف عشان لي تعبتي يكون عون لج بالدراسة و يخليج تسوين كل اللي تقدرين عليه عشان تحققين هدفج .. و قلت حق نفسي ان هالمرة لو م التزمت وجبت معدل عالي معناتها عمري ماراح اشد حيلي .. خلاص لي متى وانا اوعد نفسي؟
انا نفس الطريقة اللي قلتيها بدرس اول بأول محاضراتي بدرسهم بنفس اليوم اللي يكونون فيه بس ارد البيت .
اسفه ع الطوالة

 

[عشى ماسر !]

للامانه ماعندي خطط ولاتنظيم ولا شي
ياما قلت بدرس اول بأول ومضبطه جدول اوقاتي وموادي ولا صار شي
بس اسوي طلبات الدكتور من تقرير وبحوث وشرح وغياباتي
ماتتعدى يومين ثلاث والاختبارات ادرسها بيومها لان حفظ بس
وماشيه الحمدلله والدرجات يا a يا b

واشوفها صراحه ع حسب التخصص والدكاتره
يعني تخصصي مواده كلها حفظ الا كم ماده بس فماادرسله واراجعه
لكن تخصص مثل الرياضيات علوم حاسوب فالله يعين طالباتهم يبيله
دراسه اول بأول ولاتضيعين
واختيار الدكاتره اهمم شي عندي لازم اخذ الدكاتره اللي غالبيه طالباتهم ياخذون a اذا مالقيت للماده دكتور زين مااخذها واشوف غيرها
لان لواخذ اي دكتور و ع نظامي هذا كان ماشفت ال a

وبس موفقين :eh_s(7):​

 

[Miley-Cyrus]

الحبوبة اللي فوق انا اخالفها الرأي لان المواد اللي تكون حفظ يبيلج تدرسين لها بوقت لأن المخ م راح يقدر يستوعب كمية المعلومات اللي تبين تحفظينها بفترة قصيرة.. احسن شي تدرسينها قبل لا يصيرلج 24 ساعه من استقبال المعلومة عاد لما تسوين هالشي مستحيل تنسين اللي درستيه و الحلو ان الدراسة اليومية خفيييييييييييفة حيل والاحلى ان قبل الامتحان بيوم او يومين راح تراجعين بس!!! وغيرج بتدرس وتحفظ و بعدين تراجع .. لو لقت وقت تراجع بعد !

 

[بيت التوت]

موفقين

 

[gala q8]

اكييد الوحده إذا صج تبي تنجح بالمواد لازم تدرس الدرس أول بأول ,, وصج يابت معااي نتيجه .. بس ما انكر في مواد كنت أسوي نفسها بس كنت أكره الماده وبصراااحه كلش ما يابت نتيجه أبداااا

وغير هالشي الغيابات لا نكثر فيها عشاااان نقدر نفهم .. و غير الإمتحانات لا نسرع بالأجوبه عشان لا نتوهق لووول ..

بصراحه انا إن شاء الله هالمره بشد حيلي .. بس انا عندي مشكله إذا الماده يوميا ندرسها أمل و تالي تلقيني ما افتح الكتااااب !!
بصراحه ما ادري شسوي لووول ,, بس إن شاء الله بشد حيلي كثر ما أقدر و زووود 3>

 

[بنتmbc1]

كلنا نبي نييب اعلى الدرجات بالمواد ونخطط بس وين اللي يلتزم بالمخطط اللي سواه قبل الدوام قليل والا من حط هدف جدام عينه ويبي يوصله
وغلط تعتمدين على الدكاتره بان اللي يساعد ويتهاون لان انتي طالبة جامعية المفروض مثل ما اهو تعب بشهادته انتي تتعبين ولا تصير شهادتج حرام وبالغش

اولا نحط هدف احنا نبي نوصله ونشجع نفسنا ان نقدر نوصل لكل اللي نبيه ونحط بطاقات تذكيريه وتشجيعيه ع الكبت او طاولتج وبالغرفة كلها وتحطين جدول الدراسه والاوقات اللي انتي حابه تدرسين فيها

ثانيا دايم صلي وادعي ربك يفتح لك فتوح العارفين وحرصي على بر بوالدين لان رضاهم من رضا الرب ويوفقج بكل خطوه تخطينها

ثالثا قسمي اوقات الدراسه يعني لا تاخذين مواد طول الاسبوع اخذ يوم راحه وبهل اليوم خصصي وقت انتي تقدرينه بحسب احتياجات المواد وتسوين مراجعة لكل الاسبوع واذا مادة حفظ تلخصينها وبمجرد مايخلص الوقت تستمتعين بباقي الاسبوع وبليلة الدوام الاسبوع اللي بعده سوي تحضير بسيط للمواد وقراءة سريعة لهم

انا عن نفسي التزم نص ونص ولما اتكاسل جذي اسبوع بعدين اذكر نفسي باهدافي وبشنو ابي عشان اثبت نفسي على المخطط

وبالتوفيق لنا

 

[عآليه !]

مشكورة ع الموضوع الحلو واللي بوقته
انا مستجده هالكورس بس من وانا بالهاي سكول كنت اخطط اني هالسنة راح اكون منظمه و راح ادرس و و و و ...
وكنت مشتطة وادور على اساليب الدراسة ومن هالكلام
بس سبحان الله من يبدا الكورس اوفففف كل اللي كنت حاطته فبالي وييييييينه؟ مادري لا تساليني
بس هالكورس بما اني دشيت الجامعه لازم لازم اغير هالعاده وحطيت فبالي هدف لازم يكون عندج هدف عشان لي تعبتي يكون عون لج بالدراسة و يخليج تسوين كل اللي تقدرين عليه عشان تحققين هدفج .. و قلت حق نفسي ان هالمرة لو م التزمت وجبت معدل عالي معناتها عمري ماراح اشد حيلي .. خلاص لي متى وانا اوعد نفسي؟
انا نفس الطريقة اللي قلتيها بدرس اول بأول محاضراتي بدرسهم بنفس اليوم اللي يكونون فيه بس ارد البيت .
اسفه ع الطوالة

تصدقين انا نفسج واتوقع انها مشكلة الاغلبيه من بداية الكورس نقول بنشد حيلنا بس عقب انتكيسل ...

ان شاء الله حبيبتي شدي حيلج وانتي قدهاا توج في بداية المشوار وتقدرين تثبتين نفسج :rerrerek:

 

[عآليه !]

للامانه ماعندي خطط ولاتنظيم ولا شي
ياما قلت بدرس اول بأول ومضبطه جدول اوقاتي وموادي ولا صار شي
بس اسوي طلبات الدكتور من تقرير وبحوث وشرح وغياباتي
ماتتعدى يومين ثلاث والاختبارات ادرسها بيومها لان حفظ بس
وماشيه الحمدلله والدرجات يا a يا b

واشوفها صراحه ع حسب التخصص والدكاتره
يعني تخصصي مواده كلها حفظ الا كم ماده بس فماادرسله واراجعه
لكن تخصص مثل الرياضيات علوم حاسوب فالله يعين طالباتهم يبيله
دراسه اول بأول ولاتضيعين
واختيار الدكاتره اهمم شي عندي لازم اخذ الدكاتره اللي غالبيه طالباتهم ياخذون a اذا مالقيت للماده دكتور زين مااخذها واشوف غيرها
لان لواخذ اي دكتور و ع نظامي هذا كان ماشفت ال a :d

وبس موفقين :eh_s(7):​

ماشاء الله .. صحيح اللي تخصصهم حفظ ماحس يتعبون كثر التخصصات العلمية يعني بالراحه يقدرون ايبون تقادير عاليه لانه الامتحانات ماتطلع من الكتاب والحفظ ..

مووفقة

 

[عآليه !]

الحبوبة اللي فوق انا اخالفها الرأي لان المواد اللي تكون حفظ يبيلج تدرسين لها بوقت لأن المخ م راح يقدر يستوعب كمية المعلومات اللي تبين تحفظينها بفترة قصيرة.. احسن شي تدرسينها قبل لا يصيرلج 24 ساعه من استقبال المعلومة عاد لما تسوين هالشي مستحيل تنسين اللي درستيه و الحلو ان الدراسة اليومية خفيييييييييييفة حيل والاحلى ان قبل الامتحان بيوم او يومين راح تراجعين بس!!! وغيرج بتدرس وتحفظ و بعدين تراجع .. لو لقت وقت تراجع بعد !

اكييد حبيبتي بس ترا في بنات عندهم قدره عجيبه ماشاء الله تقدر ادخل المعلومات بيومين اساليني انا :d

 

[عآليه !]

موفقين

ويــــــــأج يارب نوورتي:eh_s(7):

 

[عآليه !]

اكييد الوحده إذا صج تبي تنجح بالمواد لازم تدرس الدرس أول بأول ,, وصج يابت معااي نتيجه .. بس ما انكر في مواد كنت أسوي نفسها بس كنت أكره الماده وبصراااحه كلش ما يابت نتيجه أبداااا

وغير هالشي الغيابات لا نكثر فيها عشاااان نقدر نفهم .. و غير الإمتحانات لا نسرع بالأجوبه عشان لا نتوهق لووول ..

بصراحه انا إن شاء الله هالمره بشد حيلي .. بس انا عندي مشكله إذا الماده يوميا ندرسها أمل و تالي تلقيني ما افتح الكتااااب !!
بصراحه ما ادري شسوي لووول ,, بس إن شاء الله بشد حيلي كثر ما أقدر و زووود 3>

صحيح الغيااااب ياثر واييد بنات تحملو تغيبون الا لضروره

انا الحمدالله ماغيب وماحب اطووف محاضراتي لانه اذا غبت مرره احس ضاااايعه عقب

موفقة ياارب

 

[عآليه !]

كلنا نبي نييب اعلى الدرجات بالمواد ونخطط بس وين اللي يلتزم بالمخطط اللي سواه قبل الدوام قليل والا من حط هدف جدام عينه ويبي يوصله
وغلط تعتمدين على الدكاتره بان اللي يساعد ويتهاون لان انتي طالبة جامعية المفروض مثل ما اهو تعب بشهادته انتي تتعبين ولا تصير شهادتج حرام وبالغش

اولا نحط هدف احنا نبي نوصله ونشجع نفسنا ان نقدر نوصل لكل اللي نبيه ونحط بطاقات تذكيريه وتشجيعيه ع الكبت او طاولتج وبالغرفة كلها وتحطين جدول الدراسه والاوقات اللي انتي حابه تدرسين فيها

ثانيا دايم صلي وادعي ربك يفتح لك فتوح العارفين وحرصي على بر بوالدين لان رضاهم من رضا الرب ويوفقج بكل خطوه تخطينها

ثالثا قسمي اوقات الدراسه يعني لا تاخذين مواد طول الاسبوع اخذ يوم راحه وبهل اليوم خصصي وقت انتي تقدرينه بحسب احتياجات المواد وتسوين مراجعة لكل الاسبوع واذا مادة حفظ تلخصينها وبمجرد مايخلص الوقت تستمتعين بباقي الاسبوع وبليلة الدوام الاسبوع اللي بعده سوي تحضير بسيط للمواد وقراءة سريعة لهم

انا عن نفسي التزم نص ونص ولما اتكاسل جذي اسبوع بعدين اذكر نفسي باهدافي وبشنو ابي عشان اثبت نفسي على المخطط

وبالتوفيق لنا

ماشاء الله عليج كفيتي ووفيتي ربي يوفقج ويوفقنا جميييييييع :eh_s(17):

 

[يا كويتنا]

شكرااااااا الف شكر علا هالموظووع



انا عندي مدارس وجربت طريقه معاهم اهي انه كل يوم سبت اراجع معاهم كل الاسبوع اللي طاف ونحاول نحضر اذا في وقت


بس اهم شي المراجعه وبما انه تخصصي تربيه خاصه دراسات اسلاميه فراح يكون جهدي بالحفظ والحفظ يحتاج تقسيم وتلخيص وفهم عشان تثبت المعلومه وبليلة الامتحان ترتااااحين



وحتى لو يصير لج ظرف لا سمح الله بليله الامتحان تكونين جااهزة


الله يوفقنا جميعا ولا يضيع تعبنا

 

[الحورية الصغيرة]

قعدي جدام بالمحاضره و شاركي ولو مشاركه بسيطه و درسي أول بأول و الحضور لا تغيبين تيبين a

و في قاعده اذا الدكتور حافظ إسمج يعني القريد العالي بمخباتج > بس لكل قاعده شواذ :ح

 

[princesse X]

موضوع غاية في الأهمية
بالنسبة لترتيب الوقت مو سهل مثل لما كنا بالمدرسة زيادة على كوني مسئولة عن بيت وعيال انا تخصص علمي وعندي أيام أداوم من 9- الى 6 مع المختبرات والتوتوريالز
أحاول دايما أقعد قدام علشان انتبه والبنات اللي يقعدون ورا يسولفون مايشوشون على تركيزي وعندي الدكتور اللي يفهم أحسن من اللي يرفع انوت مع الدكتور قد ماقدر وفي البريك او لما ارجع ابيض المسودات اللي كاتبتها في دفاتر منفصلة لكل مادة هذا يركز جزء كبيرمن المعلومات
بالنسبة للأخوات اللي يشتطون أول الكورس مثل مايقولون أقولهم (قليل دائم خير من كثير منقطع ) لما تشتطون أول الكورس تبو تسوون كل شي في الخطة بطريقة مثالية فتملون وتتعبون ، الأساس ان تضيفون عادة جديدة لبرنامجكم كل اسبوع على الأكثر وتبتدون فعليا قبل بدء الدراسة يعني مثلا النوم المبكر قبلها بشهر او اسبوعين تأخير موعد النوم في الويك اند لايزيد عن ساعة، شوفي النت واقري نبذة عن المواد اللي مسجلتها علشان تشيط المخ وتحفيزه للدراسة قبل الدراسة الفعلية بمدة بسيطة لاتقولين كل دكتور غير لإن الإطار العام للمادة واحد ضيفي الأشياء في الخطة اللي حطيتيها تدريجيا وان شاء الله تتنظم الأمور
موفقين

 

[عآليه !]

قعدي جدام بالمحاضره و شاركي ولو مشاركه بسيطه و درسي أول بأول و الحضور لا تغيبين تيبين a

و في قاعده اذا الدكتور حافظ إسمج يعني القريد العالي بمخباتج > بس لكل قاعده شواذ :ح

انا ماقعد الا جدام حدي ثاني سيد غيرره افهي وماركزز
ومشكلتي ماحب اشارك حتى لو اعرف الاجابه مادري ليش دايما في بالي المشاركه ماتثبت انه انا استحق القريد العالي

لانه كلنا مب نفس المستويات القدرات
في بنات عندهم جراءه وفي بنات يستحون

والبعض يقول بالعكس هالشي لازم عشان يهيأج لسوق العمل ووتكون عندج ثقه وجريئه
اوكيه ماقلنا شي بس عااااااد مو يحبطونا ويرصدون درجات عاليه عالمشاركه اذكر دكتور كان حاط 15 درجه عالمشاركه :eh_s(4): :eh_s(14):

مشكورة وماقصرتي

 

[عآليه !]

موضوع غاية في الأهمية
بالنسبة لترتيب الوقت مو سهل مثل لما كنا بالمدرسة زيادة على كوني مسئولة عن بيت وعيال انا تخصص علمي وعندي أيام أداوم من 9- الى 6 مع المختبرات والتوتوريالز
أحاول دايما أقعد قدام علشان انتبه والبنات اللي يقعدون ورا يسولفون مايشوشون على تركيزي وعندي الدكتور اللي يفهم أحسن من اللي يرفع انوت مع الدكتور قد ماقدر وفي البريك او لما ارجع ابيض المسودات اللي كاتبتها في دفاتر منفصلة لكل مادة هذا يركز جزء كبيرمن المعلومات
بالنسبة للأخوات اللي يشتطون أول الكورس مثل مايقولون أقولهم (قليل دائم خير من كثير منقطع ) لما تشتطون أول الكورس تبو تسوون كل شي في الخطة بطريقة مثالية فتملون وتتعبون ، الأساس ان تضيفون عادة جديدة لبرنامجكم كل اسبوع على الأكثر وتبتدون فعليا قبل بدء الدراسة يعني مثلا النوم المبكر قبلها بشهر او اسبوعين تأخير موعد النوم في الويك اند لايزيد عن ساعة، شوفي النت واقري نبذة عن المواد اللي مسجلتها علشان تشيط المخ وتحفيزه للدراسة قبل الدراسة الفعلية بمدة بسيطة لاتقولين كل دكتور غير لإن الإطار العام للمادة واحد ضيفي الأشياء في الخطة اللي حطيتيها تدريجيا وان شاء الله تتنظم الأمور
موفقين

كلامج حلو ومريح .. والله يوفقج ويسهل دربج
ماشاء الله عليج ..

وان شاء الله بطبق كلامج بحذافيره :ggdw:

 

[بيضه كندر]

السلام عليكم

أول شي انا اسويه افهم الدكتور شنو نظامه شنو المطلوب علشان اعرف اضبط نفسي

مثلا ايام الغياب عند هل يحاسب ع المشاركه ولالا يطلب تقارير ولالا

والتزم بالي يقوله مثلا الغياب بس لج 3 ايام اخليهم لضروره بس واذا في مشاركه احاول اشارك والتقرير اذا يطلبه احاول اخلصه من اول ما يطلبه لان اذا تأخرت وكل مره اقول بعدين بيخلص الكورس وماسلمته

يعني اول شي التزم بالي يقوله الدكتور

ثاني شي ادخل المحاضره مبجر اقعد اول شي او الثاني << لان لاقعدت قدام غصبا عني راح انتبه واندمج مع الشرح اما اذا ورا راح اضيع


يعني ثاني نصيحه حاولي ان تنتبيهين بالمحاضره وتفهمين انا طبيعتي افهم ما احفظ فهل خطوه فادتني حيل حتي وقت الدراسه بسرعه احفظ لان فهمت حزت المحاضره


انا صراحه ماادرس يوميا بس من يتحدد وقت الأمتحان اسوي لي جدول دراسه ودايما دراستي تكون بالويك اند مثلا امتحاني تحدد بعد اسبوعين بالويك اند ادرس له وقبل الأمتحان بيوم يومين اراجع له

يعني ألتزم بالي يطلبه الدكتور والأمتحان حزت المحاضره فهمت ومن يتحدد الأمتحان ادرس له واكون فاهمه وهذا تثبيت المعلومات وقبل الأمتحان بيومين اراجع



ولاتنسون الأذكار والأدعيه قبل لا ادخل المحاضره وقبل دراسه وبعد الدراسه وقبل لا ادخل الأمتحان واتوكل ع ربي


والحمدالله قريداتي حلوه


وشغله اخيره اعتمدي ع نفسج مو ع رفيجاتج مرات بنات وانا كنت اسويها بعد مالي خلق ف ما اكتب واعتمد ان انقل منهم أول شي حرام لي قاعده اخذ تعبهم بساطه وثاني شي مرات تصير ظروف ولا شي وماتقدرين تنقلين منهم ويت حزت الأمتحان ومادرستي شي

والله يوفق الجميع:eh_s(7):