السلام عليكم و رحمة الله و بركاتة ....
الحمدالله على كل حال كاتبه لي رب العالمين
و آنا راضية بقضائه و قدره فهو العليم و أرحم الراحمين
آنا صارلي 3 سنوات أتعالج تأخر الحمل و كل يوم يمر عليّ
أتشفق عاليهال أكثر و صار تفكيري كله الحمال و العيال
و رحت لأشهر الدكاترة و أغلب دكاترة الكويت فريت عليهم
كل ما اسمع عن دكتور/ه ثاني يوم آنا رايحه لهم ..
كلهم قالوا تكيس شديد و ضعف تبويض ..
3سنوات منشطات و كلوميد و أبر تفجير و منظم الدورة
و الدورة تخربطت علي.. مرة تنزل و مرة ما تنزل و مرات
تنزل بالشهر مرتين انعفست و لمن صار مبايضي ما تستجيب
للمنشطات .........!
سويت كي مبايض و منظار رحمي
و سويت تلقيح صناعي
و سويت طفل أنابيب
أي شي كانوا يقولونه لي في أمل للحمال
ما أتردد فيه أسوووووووووووويه
لمن فشلت عمليتي الأخيرة الصراحة احترت و خلاص
كرهت العيادة اللي سويت فيها ....
و رحت لدكتورة يديده أشرح لها حالتي و أبيها تنظم هرموناتي
و كنت ماخذه كل تحاليلي معاي و كان معاي سيدي منظار لرحمي
و شافته الدكتورة قالت لي أشلون تسوين طفل أنابيب
و إنتي فيج عيب خلقي بالرحم !!!!!!
(حاجز رحمي)
آنا أصدمت و بجيت و تضايقت و أستغفري ربي و قلت
الحمدالله على كل حال .......
لان آنا مسوية منظار بطني
و بعدها بشهرين سويت منظار رحمي (يعني يبين)
و ما قالت لي !!!!!!!
الله يعوضني خير بيني و بينها رب العباد
بنات منو فيها حاجز رحمي و شالته بعملية و حملت؟
منو أحسن دكتور/ة تخصص مناظير؟؟؟
لان عملية بالرحم و بتقص الحاجر و آنا خايفة
و حتي زوجي مل من مشاكلي و مراجعاتي
يقولي كل ربعي حريمهم حملوا و ولدوا
إللي قبلي و إللي بعدي
و ما ودي أقوله عن هالشي خايفة ...
و أدعوووولي إن الله يفرجها علي و يشفيني
و يرزقني الذرية الصالحة
و يسخر لي زوجي يارب العالمين
{ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ }.
