تجمع طـالبـات | الــــشــــريـــــعــــة | - الجديد

[نور المطيري]

حبيبتي مشكورة اللهم آمين جان زين والله ... :eh_s(11):

لا مايصير سبعة و تجويد .. بس ست مواد و السابعة تجويد ( 19 وحدة ) ( 18 + 1 )

بس ماقلتيلي استخير على شنو .. مافي شعب عشان استخير :d

بس عسى الله يوفقنا .. باذن الله طاحسة لسنة خامسة..:eh_s(22):

انا دايم استخير لمن اخلص من الجدول ويكون للحين في سحب وإضافه يعني اول شي كنت مسجله 5مقررات وتجويد عقب استخرت وسحبت تجويد وجم مقرر وتميت ع مقررين والحين صاروا 7وحيل مرتاحه ولله الحمد الكل طاحس وربي الله يعينا ������

 

[نور المطيري]

مشكوووورة نوري وايد تعبتج معاي..:eh_s(22)::eh_s(7):

كنت وايد اقرى رد طواري يزاها الله خير ماقصرت .. بس مع هذا هم خفت من د.مريم النومس مادري ليش

سجلتها عند مصري .. اتفائل فيهم

الحمدلله بدايات البقرة سهلة .. بس مااعرف احفظ من نفسي لازم غصبا علي و درجات عشان احفظ

العفو حبيبتي تعبج راحه ورورتي? اي اطمن من الدكتور المصري احس يشجعون عالدرآسه اييي سهله سوره البقره وحفظي عشان الأجر أولا ومن ثم الدرجات ?

 

[نور المطيري]

نصيحه بنات
الحفظ أول بأول والمراجعه بتتتعبون اول الكورس وبترتاحون بالتسميع بالشفوي والمدتيرم والفاينيل
ولاتنسون من إجتهد حصد
بالتوفيق

صاجه اختي مشششكوره عالنصيحه الله يجزاج خير

 

[بدويه دمار شامل]

بنات ابي الدكتوره ليلى الشهاب محاضرتها من الساعه جم للساعه جم ؟؟

 

[طالبة علم .]

.،

السّلام عليكم ورحمة الله وبركاته..

عندي مجموعة كُتب وانتهيت من موادها ،
و من تأخذ كتاب ستحصل معه على هديّه (= ،

*المقرر : مبادئ تربيه .
*اسم الكتاب : مبادئ التربيه ، مؤلفه سعد الشريع .

+
*المقرر : تخريج أحاديث .
*اسم الكتاب : أصول التخريج ودراسة الأسانيد ، مؤلفه محمود الطحان .
(ملاحظه : كتاب التخريج للإستعاره إلى نهاية الفصل)

+
*المقرر : تاريخ تشريع .
*اسم الكتاب : المدخل إلى الشريعه والفقه الإسلامي ، مؤلفه عمر الأشقر .

+
*المقرر : الدعوة إلى الله و وسائلها .
*اسم الكتاب : أصول الدعوة ، مؤلفه عبدالكريم زيدان .


​

 

[miss shajan]

بنات اانا مسجله ١٠ وحدات بس عشان يرتفع معدلي

عادي ولا لا

 

[ريـ’ـآنـهـ‘]

قوه بنات


بسألكم

انا موراضيه تبطل لي ماده تجويد١ مع انه الكورس الي طاف كنت ماخذتها بس مادخلت الفاينل
ماتدرون ليش؟؟؟


وشرايكم بدكتور عادل الدمخي علوم حديث١

وبليز بنات عفيه الي تبطل لها تجويد ١ ممكن تقولي جم شعبه والساعه جم ومنو منزلها

 

[ورور92]

اي حبيبتي عادي .. للطالب ان ياخذ اقل من 12 وحدة (كورس مخفف) مرتين طيلة فترة قيده بالجامعة ..

 

[ريـ’ـآنـهـ‘]

يطلع لي غير مستوفي الشروط

 

[ورور92]

ريانة حبيبتي ضيفي المادة بالخطة و ضغطي اظهار جميع الشعب
انتي بالتربية؟؟ لان لو تربية مرات لازم تخصص .. ومرات ينزلون شعبة عامة و صارت فيني

بس اذا شريعة ف غريبة...


وبالنسبة لعادل الدمخي عجيييب .. يرفع ووايد اذا ماغبتي كلش و حفظتي قصيدة البيقونية

 

[قَلبيْ صُويبكْ !]

ريانه راجعي التوجيه أحسن
لانه انا قبل ظلع لي وكان اولوليه للمستجدين , بس الحين سجلو

مفروض يتبطل لج .

 

[ريـ’ـآنـهـ‘]

انا شريعه ودفعه ٢٠٠٩


براجعهم ان شاءالله باجر

وبرد ادخل الحين ان شاءالله تبطل لي

 

[ريـ’ـآنـهـ‘]

بنات ابي نصيحتكم

انا معدلي حيل نازل وعندي انذارين تخصص واذا ماخذيت قريد زين هالكورس احتمال يعطوني انذار عام

فهالكورس ماخذه علوم حديث١ عند عادل الدمخي اول مره اخذ عنده والماده عايدتها

وماخذه عند سعاد المطوع اصول فقه٢ هم بعيدها وفقه٢ اول مره وكنت ماخذه عند سعاد مطوع قبل كانت زينه

وعند محمد المحمود جنايه عايده الماده ومجربه الدكتور ٣ مرات قبل


شرايكم بجدولي زين وانا حامل وولادتي اخر ١٢ وانا بجر شرايكم

 

[أم فلان الفلاني]

^^^^^
اختي اتوقع تقدرين تاخذين هذا الكورس لان الامتحانات تبدي
من تاريخ 19-12 الى 30-12
فاتوقع الجدول زين بس اذا تقدرين تاخذين اكثر وبنسبه لكمية المادة ما ادري والله
انا مستجدة وما اعرف بالمواد الى الان
والله يوفقج ويسهل عليج

 

[نور المطيري]

بنات بطلع من سالفه المواد والتسجيل بسالكم اذا كنت اشحن فوني بلابات الكليه تسحب الصور والا لا توني اسولف مع رفيجتي اتقولي اي تصير ع لاب الجامعه بس انا الحمدلله ماصور نفسي وان صورت مسحت فورا ؟؟ زياده تاكيد بس!

 

[ورور92]

لا شنو العلاقة!!

ليش تسحب اصلا :/

لووول لا مستحيل

الله يحفظج لاتحاتين

 

[نور المطيري]

وي دايم مطمنتني الله يطمن قليبج بس قلت اسال ليطمئن قلبي بس لان كذا وحده قالت لي عن هالسالفه يلا الله الحافظ ???

 

[ورور92]

حبيبتي والله .. الاحتياط واجب بعد :*

يا حي الله الاونلاين *_*

 

[نور المطيري]

الله يحياج ي بعدهم ????

 

[~ طـــواري ليل ~]

بنات ابي نصيحتكم

انا معدلي حيل نازل وعندي انذارين تخصص واذا ماخذيت قريد زين هالكورس احتمال يعطوني انذار عام

فهالكورس ماخذه علوم حديث1 عند عادل الدمخي اول مره اخذ عنده والماده عايدتها

وماخذه عند سعاد المطوع اصول فقه2 هم بعيدها وفقه2 اول مره وكنت ماخذه عند سعاد مطوع قبل كانت زينه

وعند محمد المحمود جنايه عايده الماده ومجربه الدكتور 3 مرات قبل


شرايكم بجدولي زين وانا حامل وولادتي اخر 12 وانا بجر شرايكم

الله يهون عليج وييسرلج
كنت اقرأ ردودج بالتجمع القديم نفس المشكلة تواجهينها بالمعدل
نصيحتي : حاولي تشدين على نفسج يالغالية
المواد سهله والدكاترة ممتازين .. حرام تضيعين هالفرصة من ايدج
د. محمد المحمود ممتاز. وعادل الدمخي كذلك ~
وإنتي سبق وخذيتي عند المحمود فعارفه نظامه ، حاولي تساعدين نفسج وتشدين عليها

وإنتي معاي بفقه 2 وجناية بإذن الله
وأنا بالخدمة إذا تبين أساعدج

الله يوفقج وييسرها لج ~