آهلين نور حبيبتي
نظامها أنا أشوفه ممتاز ومريح ..
أول شيء التجويد اللي بوصل لج فكرته، إن مو الهدف منه صوت حلو وتتغنين بالقرآن < مع إنه يستحب لكن مو هو التجويد المقصود .
التجويد يعني مخارج الحروف تكون صحيحة .. تطبقين الأحكام التجويدية : ( الغنة - المدود - احكام الميم والنون الساكنتين .. )
يعني مثال : كلمة ( من بعد ) .. تقرينها ( ممبعد ) < ادغام ..
جذي القصد وهذا اللي تحاسبج عليه الدكتورة، وراح تدرسكم الاحكام كلها
واعتقد بالثانوية كنا ندرسه ..
( إذا مو عارفة كلش ولا شيء بالتجويد، اسمعي تلاوات مرتلة للشيخ الحصري لأنه يقرأ بطيء فتعرفين شلون النطق او أي شيخ يقرأ بطيء ) .. وخلي المراجعة استماع للعفاسي او الغامدي او المعيقلي اللي تبين ..
وفيه بعد برنامج باليوتيوب قديم حده بس ممتاز للتجويد، معاهم شيخ فهد الكندري وعبدالرحمن الكندري كانوا حيل صغار، يعلم التجويد بطريقة مبسطة كنت اتابعه حده حلو < دورته وعجزت ألقاه .. بس أحصله أحط لكم الرابط
^ يعني المهم نطقج الصحيح وتطبيق الأحكام وهذا شيء سهل إذا متعوده تستمعين تلاوات فيصير عندج بالسليقة تعرفينه ..
مع التعود وكثرة الاستماع والتطبيق راح تتقنين
وحده من بنات كلاسي كان صوتها حلو ما شاء الله لكن ما تطبق الأحكام، ف قالت الدكتورة ما ينفع صوتج حلو بدون احكام صحيحه .. وهي صاجه يعني تحسين التلاوة حلوة لكن ناقص شيء فيها وهو الاحكام التجويدية ..
نظام الدكتورة :
تقول لكم ان مثلاً احد وثلاثاء وخميس
الساعة 11 لين
الساعة 1الظهر اكون فاضية تعالوا سمعوا، وتروحين لها وتخليج تقرين مثلاً الربع الأول ( للحين انتي ما سمعتيه ) تقرينه عندها قراءة وتصحح لج إذا فيه أخطاء وجذي .. بعدين إذا انتي حافظه الربع تقولين انج بتسمعين وتسمع لج عن غيب .. طبعًا مو كله، تختار لج اية او آيتين من كذا سمعي
يعني : قرآءة من المصحف .. ثم التسميع عن غيب
وشيء بسيط بس اذكره ؛ الدكتورة ما تسمع لنا بالمحاضرة نهائيًا، مرات تخلينا نقرأ بس مو تسميع، اذكر كانوا البنات كله يشتكون من اوقات الدكتورة مثلاً تصادف محاضراتهم وما يقدرون يسمعون لها بالساعة المكتبية، وحرام اغلبهم تاخروا بالتسميع وما حفظوا حفظ جديد لان مو قاعد يسمعون حفظهم القديم ..
وانا بعد اوقاتها كانت ب اوقات محاضراتي ما عندي فراغ، ف كنت اخلص من محاضرة عندي
الساعة 10:50 دقيقة على طول اروحلها بهالعشر دقايق أقرأ او اسمع بعدها اروح محاضرتي
الساعة 11:00 صج انهلكت من مبنى لمبنى ركض
ف نصيحة حاولوا تلاقون لكم وقت فراغ لو هالعشر دقايق وسمعوا ، حتى الدكتورة تحفظكم وتحطكم ببالها انكم مهتمين < وانا قلت لها ان ما عندي فراغ وبصعوبة بهالعشر دقايق اجيج وكانت تستانس يعني في اهتمام
على اخر شيء الحمدلله صارت تعطي مواعيد يوم الاثنين والاربعاء من
الساعه 9 الصبح لي
الساعه 3 العصر ..
يعني تحجزين موعد عساس تسمعين بالوقت اللي يناسبج ولج ربع ساعة
دروس التجويد : شرحها حلو لكن خليج قدام عساس تفهمين وكتبي معاها، حلو تقسيم الدكتوره للسبورة بالشرح تفهمين عليه، وهم امثلة تكتب وتختصر يعني شيء حلو عساس بعدين لا درستي يكون فيه مرجع تراجعين منه ..
انا كنت بالكتاب ادرس بس ندمت اني ما كتبت معاها عالأقل مختصرات او شيء اراجع منه ..
وهم الكتاب طريقته حلوه وشرحه ممتاز ..
عطتنا 3 امتحانات قصيرة بدروس التجويد فقط بدون تسميع ..
وتأخذ درجة اعلى 2 او واحد والله ما أذكر بالضبط ( درجاتهم تدخل بـ العشر درجات اللي ب إيد الدكتورة )
اذكر الاول قدمته عدل لكن مو علامة كاملة، والباقي ميح يفشل ..
بس قالت لي اخر الكورس لج العشرة كاملة
اللي لاحظته، ان الدكتورة حيل تحب البنت اللي تهتم وتسمع دايمًا وكله عندها بالمكتب، وتشوف درجة تسميعج اللي سمعتيه لـ اللجنة الشفوي الاخير اذا كان ممتاز تعطيج العشرة كاملة بدون تردد ..
وعلى فكرة اهي اللي كانت مسوية اختبارنا الفصلي الموحد حق كل طلبة تجويد 1 ..
وكان ممتاز خوش امتحان .. بس الفاينل مو اهي دكتورة ثانية
وكتاب المقرر اهو عبارة عن كتابين :
الاول فيه الايات اللي تحفظينها ( جزء ونص ) نفس المصحف بس اللي فيه الآيات مالتكم ..
الثاني كتاب احكام التجويد كله دروس ماكو آيات ..
^^ يمكن هذا نور اللي تقولين قريتيه جزء للحفظ وجزء للتجويد
وبس
