السلام عليكم ورحمة الله وبركاته بنات انا سبق ونزلت موضوع عن سالفتي بس راح اكتب لكم بالتفصيل شنو صار انا عندي انحناء بالعامود الفقري وظهري منحني من فوق ومن تحت والحين انا حامل طبعا الطب الطبيعي حولوني حق المجلس الطبي ومراكض ومواعيد وبطيخ الدكاترة كتبوا لي تقرير وقالوا حالتج مو عندنا وانتي المفروض ترتاحين وما تسوين مجهود خطر عليج وعلى الجنين انتي المفروض تروحين مستشفى الولادة مستشفى الصباح وحولوني رحت مستشفى الصباح ولا الاجانب حيل يدشون وواسطات هنود ومصاروه وانا الكويتية ناطرة برا يوم دشيت عند الدكتور قالي اعطيج موعد ثاني حق فتح ملف وانا ماقدر اعطيج مرضيات حاليا قلت خل اروح مستوصف افتح ملف لان كل اوراقي وتحاليلي بخاص ويوم سألت قالوا لي الخاص ما يعتمدونه كلش المهم يبت صورة من عقد الزواج وصورة من بطاقتي وبطاقة زوجي بس النسخه الاصليه مالت بطاقتي المدنية عند زوجي المهم رحت مستوصف الرسبشن قالت عادي مو مشكلة ادخلج بس كان في دكتورة هندية ما رضت تدخلني قالت هذي مسؤولية وفي وايد بنات مو متزوجات يدشون ويسوون تحاليل وقامت تصير مشاكل قلت لها بياناتي كل شي موجود مو مسوية شي غلط بس افتحوا لي ملف بالمستوصف ما رضت رغم التعب والحر وغصب قاعده امشي بجيت وقاعدة ادعي على الدكتورة واقول حسبي الله ونعم الوكيل فيها واليوم رحت المستوصف ويبت بطاقتي المدنيه الاصلية هم دخلوني عند دكتورة هنديه وما بغيت ادش عندها بس مسكت امي وقالت خل بيتج تدش بعدين قالت لي انا ما راح افتح لج ملف قلت لها ليش قالت يوم الثلاثا بس افتح لف قلت لها انا امس موجودة ما رضيتوا تفتحون لي قالت لي ما كنتي موجودة شخصيا قلت كنت موجودة وانتوا ما رضيتوا تفتحون لي قالت انتي ليش ما تبين تداومين قبل لا تتكلم وتقول اي شي عطيتها تقريري عن حالتي من الطب الطبيعي قالت لي انتي ليش ما تسوين عملية قلت لها رحت عند بروفيسور وقالي ما تحتاجين عملية وانتي لج خيار يا تسوين عملية او تسوين علاج طبيعي قالت انتي ما فيج شي قلت لها مو قادرة امشي والمفروض دكتور عظام اهوا يسألني هالاسئلة مو دكتورة امراض نسا بمستوصف ويايه تحقق وياي وليش وانتي ما تحتاجين مرضيه تبيني انا الكويتية اذل نفسي وابوس ايدها عشان تعطيني مرضيات بالغصب عطتني مرضيه ومعصبه وتدور الزله تطالع اوراقي انتي منو محولج وانتي مو محوله من عندنا وانتي ما فيج شي دكتورة هنديه قاعده تدخل اهلها حيل بمستوصف حكومي وانا ذلتني وتدقق على اوراقي تحسسني كأني بايقه او مسويه شي غلط خلتني انقهر وابجي والله بنات انا واكتب لكم قلبي يعورني وبجيت اتمنى من المشرفات المنتدى ان ما يحذفون موضوعي لاني ما حددت اي مستوصف بس كل الي ابيه احد يسمعني ماعندي احد افضفض له غيركم دعواتكم
التعديل الأخير:
